OBRIGADU BA MAROMAK BA VITÓRIA

 Maibee agradese ba Maromak, nebee foo vitória ba ita liu hosi ita nia Nai Jesus Kristu. 1 Korinto 15:57 BK

Moris bele sai susar tebes. Dala ruma ita sente fraku, triste, ka ta'uk. Karik ita hasoru problema kona-ba osan, família, moras, ka sala. Maibé Biblia fó liafuan di'ak mai ita: Maromak fó ona vitoria ba ita! 

Ne'e signiika sáida? 

Ne'e signiika katak ita la luta mesak de'it. Jesus manán ona funu boot liu hotu, funu ne'e mak funu hasoru pekadu no mate. Nia mate iha krús no moris fali. Tanba Kristu moris fali, ita la presiza ta'uk mate ka infernu. Se ita fiar ba Jesus, ita iha esperansa no moris ba nafatin hamutuk ho Maromak. 

Versíkulu ne'e fó-hanoin ita atu agradese. Maski moris ne'e la fasil, maibé ita bele dehan: "Hau agradese ba Ita, Maromak!" tanba nia hamutuk ho ita no ajuda ita. Vitória ne'e la'ós tanba ita ne'e ema forte ka di'ak. Vitoria ne'e mai husi Jesus. Nia mak ita-nia Salvador no ita-nia ajuda-nain. 

Kuandu ita sente kole ka ta'uk, hanoin versikulu ne'e. Ita la mesak de'it. Jesus hamutuk ho ita. Nia manán ona funu. Ita iha parte manán nian. 

Entaun ohin, fó obrigadu ba Maromak. Tau fiar ba Jesus. La'o hamutuk ho nia loroloron. No kuandu ita hasoru susar ruma, ko'alia lia-loos ne'e no dehan: "Agradese ba, Maromak, tanba fó ba ha'u vitoria liuhusi Jesus!" 

Orasaun: Aman Maromak, obrigadu fo ona vitoria mau ha'u liuhosi Jesus. Ajuda ha'u tau fiar ba Ita maski hasoru susar iha moris. Obrigadu ba Ita-nia domin no kbiit. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JESUS HALO ORASAUN MAKAAS HO MATAN BEEN

Bainhira Jesus sei iha nee iha isin lolon, Nia oferese orasaun no pedidu sira, ho lian makaas no matan been, ba Ida nebee bele salva Nia hosi mate. No Maromak rona Nia tanba Nia hamtauk Maromak. Ebreu 5:7 BK

Bainhira Na'i Jesus moris iha mundu, nia hatene sente oinsá triste, ta'uk, no sente laran kanek. Iha Ebreu 5:7, ita haree katak Jesus halerik hodi halo orasaun ba Maromak. Nia la subar ninia sentimentu. Nia ko'alia ho Ninia Aman iha lalehan ho onestu no fiar. 

Na'i Jesus husu Maromak atu ajuda Nia. Nia hatene katak Ninia mate iha krús sei mai. Ida ne'e susar tebes ba Nia. Maibé, nia halo orasaun. Nia tau fiar ba Maromak no halo tuir nia maski susar. 

Versikulu ne'e hanorin ita buat importante ida: ita bele mai ba Maromak ho ita-nia problema sira. Hanesan Jesus, ita bele tanis, halo orasaun, no husu ajuda. Maromak la dook hosi ita. Nia rona ita-nia orasaun, liuliu kuandu ita tau fiar ba nia no halo tuir nia. 

Karik agora dadauk ita la'o hela iha tempu susar. Karik Ita sente ta'uk, kole, ka mesak. Maromak komprende. Jesus mós sente hanesan ne'e kuandu nia sei moris iha mundu ne'e. Nia hatene Ita-nia laran kanek sira. Entaun keta ta'uk atu halo orasaun. Ita bele ko'alia ho Maromak iha tempu ne'ebé de'it, ho ita-nia liafuan rasik. 

Maromak rona ninia oan sira-nia halerik. Nia haree ita-nia matan-been. Nia hadomi Ita no hakarak ajuda Ita. Tau fiar ba Maromak hanesan saida mak Na'i Jesus halo, no kontinua la'o hamutuk ho Nia maski moris iha susar laran. 

Orasaun: Aman Maromak, obrigadu ba rona ami-nia orasaun bainhira Ami halerik. Ajuda Ami atu tau fiar ba Maromak no halo tuir Ita, hanesan Jesus mós halo. Ami hatene katak Maromak hadomi ami. Favór ida, fó forsa mai ami ohin. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fo komfortu ita atu ita mós bele ajuda ema seluk

Bensaun ba ita nia Nai Jesus Kristu nia Maromak no Aman. Nia mak Aman nebee hatudu laran luak no Maromak nebee foo kamaan hotu. Nia foo kamaan ba ita iha ita nia terus hotu, atu nunee ita bele foo kamaan ba ema seluk nebee iha terus saida deit, liu hosi kamaan nebee ita simu hosi Maromak. 2 Korinto 1:3-4 BK

Karik ita pernah sente triste, ta'uk, ka sente moras? Karik ita lakon ema ruma ne'ebé ita hadomi ka ita hasoru susar ruma?. Iha momentu sira-ne'e, ita bele sente mesamesak. Maibé versíkulu husi Biblia ohin loron fó-hanoin ita kona-ba buat ne'ebé importante tebes, katak Maromak sempre hamutuk ho ita, no Nia fó komfortu mai ita. 

Maromak mak hanesan aman di'ak ida ne'ebé tau matan ba Ninia oan sira. Kuandu ita laran tristi, no hetan terus, nia haree ita-nia matan-been. Nia rona ita-nia orasaun. Nia fó dame mai ita iha ita-nia laran, maski buat sira ne'ebé hale'u ita la fo dame. Ida ne'e mak Bíblia bolu "komfortu". Ne'e la dehan katak problema ne'e sei lakon lalais, maibé ne'e signifika katak ita bele sente Maromak Nia domin no forsa bainhira hasoru hela problema ida. 

Maibé la'ós ne'e de'it. Maromak la fó komfortu mai ita ba ita-nia an rasik de'it. Nia mós hakarak ita atu fahe Ninia komfortu ne'e ho ema seluk. Karik Ita hatene ema ne'ebé triste ka iha problema hela. Ita bele ajuda sira atu sente di'ak liu. Ita bele halo orasaun ba sira, ko'alia ho sira, ka iha ne'ebá de'it hamaluk sira. Tanba Maromak ajuda Ita, agora Ita mós bele ajuda ema seluk. 

Entaun kuandu ita esperiensia ka la'o liu tempu susar ruma, hanoin-ba katak Maromak hamutuk ho ita. Nia sei fó komfortu ba ita. No depois ne'e, nia sei uza ita atu fó kmaan ba ema seluk mós. 

Orasaun: Aman Maromak, obrigadu ba fó kmaan mai ami kuandu ami triste ka laran kanek. Ajuda ami atu fó kmaan ba ema seluk mós. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More