HAMLAHA & HAMROOK BA LIA-LOOS

“Ksolok ba sira neʼebé hamlaha no hamrook ba buat neʼebé loos, tanba sira sei sai bosu" Mateus 5:6 TMF

Iha versíkulu ne'e, Jesus ko'alia kona-ba ema ne'ebé hakarak tebes atu moris iha dalan ne'ebé loos. Liafuan "lia-loos" (righteousness iha Ingles) iha lian-gregu mak dikaiosynē, ne'ebé signifika moris loos ho Maromak no halo buat ne'ebé halo Maromak kontente. Ne'e la'ós de'it kona-ba hatudu hahalok-di'ak iha ema seluk nia oin, maibé kona-ba hadomi Maromak no hakarak halo tuir Nia ukunfuan sira ho ita-nia laran tomak. 

Mateus 5:6

Liafuan "hamlaha" no "hamrook" hatudu dezezu ne'ebé kle'an. Hanesan ita-nia isin presiza ai-han no bee loroloron atu moris, ita-nia moris presiza lia-loos atu hakbesik ba Maromak no lia-loos ne'e mak Maromak Ninia lia-fuan (João 17:17). Jesus hatete: "Ksolok ba povu ne'ebé hakarak tebes moris iha dalan ne'ebé fó onra ba Maromak" Sira la perfeitu, maibé sira hakarak tebes atu la'o tuir Maromak Ninia dalan loos sira. 

No Maromak Ninia promesa mak: "Sira sei sai bosu ka satisfaz" Liafuan gregu iha ne'e mak chortazō, ne'ebé signifika katak ita bele sai kompletamente satisfaz ka nakonu. Maromak promete katak Nia sei hakonu ita ho buat ne'ebé ita presiza kuandu ita buka nia ho laran tomak (Jeremias 29:13). 

Jesus mós hatete: "Maibee buka uluk Maromak nia reinu, no Ninia moris loos; no Nia sei foo tan buat hotu nee ba imi" Mateus 6:33 BK (Biblia Kadi).

Versikulu ne'e fó korajen mai ita atu buka Maromak Nia dalan sira liu fali buat hotu. La'ós osan, la'ós naran-boot, maibé atu halo buat ne'ebé loos tuir Maromak Ninia hanorin. Kuandu ita halo nune'e, Maromak sei haraik bénsaun ba ita no halo ita-nia laran kontente. 

Mai ita halo orasaun loroloron, hodi dehan: "Nai, fó mai ha'u laran ne'ebé hamlaha no hamrook ba Ita."

Mateus 5:6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN MAUS

Haksolok ba sira nebee laran maus, tanba sira sei simu rai nudar liman rohan. Mateus 5:5 BK

Iha versíkulu ne'e, Jesus hatete katak ema laran-maus sira sei hetan bénsaun. Maibé "laran maus" katak sá? Ema barak hanoin katak ida-ne'e signifika fraku ka moedor. Maibé iha lian-gregu orijinál, liafuan "praus", signifika laran-maus, haraik-an, no kontrola an (gentle, humble, and self-controlled). Palavra ida ne'e uza hodi deskrebe kuda ne'ebé treinadu ona - poderozu ka forsa makaas, maibé kontroladu. Tan ne'e, laran-maus la'ós fraku. Ne'e mak forsa ho laran-mamar (gentleness). 

Jesus hanorin ita katak ema ne'ebé laran-maus no haraik-an sei hetan bénsaun. Sira la luta atu sai dahuluk. Sira la hakanek ema seluk atu alkansa buat ruma. Maibé sira tau fiar ba Maromak no hatudu laran-di'ak ba ema seluk maski moris susar. Sira la presiza hakilar ka dudu ema seluk ba susar. Maromak haree sira-nia laran, no Nia promete katak sira sei simu rai nu'udar eransa ka liman-rohan. Ida ne'e signifika katak sira sei simu bénsaun husi Maromak agora no iha futuru. 

Jesus mós laran-maus. Nia iha kbiit hotu, maibé nia hili atu hadomi, fó perdua no serbí. Kuandu ita halo tuir Jesus Nia ezemplu, ita hatudu dalan ne'ebé diferente ba mundu, ne'e mak dalan Maromak nian 

Mai ita halo orasaun hodi husu laran-maus - atu sai ema ne'ebé hatudu laran-maus, pasiénsia, no domin ne'ebé metin. Ne'e mak moris ne'ebé halo Maromak kontente. 

Orasaun: Nai Jesus, hanorin ami atu hatudu laran-maus hanesan Ita. Ajuda ami atu hatudu laran-di'ak no haraik-an iha situasaun hotu-hotu. Ami fiar katak Ita sei haraik bénsaun mai ami bainhira ami la'o tuir Ita-nia dalan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN TRISTI

Haksolok ba sira nebee laran tristi, tanba sira sei hetan kamaan. Mateus 5:4 BK

Versíkulu ne'e ko'alia mai ita katak ema ne'ebé sente triste kle'an sei hetan komfortu ka hetan kman. Maibé Jesus la'ós de'it ko'alia kona-ba ema ne'ebé triste tanba mate ka moras. Nia mós ko'alia kona-ba ema ne'ebé triste tanba pekadu, ne'e mak buat ne'ebé ita halo hasoru Maromak Nia ukunfuan (1João 3:4). 

Liafuan "Triste" ne'ebé Iha ingles tradus hanesan “mourn” maihosi lia-fuan Gregu πενθέω (pentheō). Lia-fuan gregu ne'e iha Biblia signifika ita sente triste tebes kona-ba buat ruma. Iha kontekstu ne'e, ita sente triste tamba ita-nia pekadu. Pekadu signifika hahalok kontra Maromak Ninia ukun-fuan (1João 3:4). Kuandu ita bosok, odi, na'ok, ka hakanek ema seluk, ita halo sala/pekadu. Kuandu ita realiza ida-ne'e, ida-ne'e halo ita triste. Ida-ne'e halo ita hakarak muda hahalok aat ne'e. Triste hanesan ne'e mak di'ak tanba ida-ne'e halo ita hakbesik liután ba Maromak. 

Jesus hatete katak kuandu ita triste hanesan ne'e, ita hetan ksolok no bénsaun. Tanbasá? Tanba Maromak hadomi ema ne'ebé haraik-an. Kuandu ita admite katak ita pekador ka ita rekoñese ita-nia sala no husu perdua, Maromak sei la husik ita. Nia sei fó kmaan ka komfortu mai ita. Nia sei hamoos ita-nia laran no ajuda ita moris di'ak liután. 

Entaun ohin, keta subar ó-nia sala sira. Lalika finje katak ita ema ne'ebé perfeitu. Hatudu laran triste tanba ita-nia sala sira. Nia prontu atu fó perdua ba ita no fó dame ba imi (1João 1:9).

Orasaun: Aman Maromak, ami husu deskulpa tamba ami-nia pekadu sira. Favor perdua ami. Obrigadu ba domin no komfortu. Ajuda ami atu moris iha dalan ne'ebé halo Maromak kontente. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More