INISIU HOSI MISAUN KRISTAUN NIAN

Depois Jesus dehan fali ba sira, “Dame hela ho imi. Hanesan Aman haruka ona Hau, nunee mos Hau haruka imi.” João 20:21 BK

Depoisde Na'i Jesus moris hi'as husi mate, Nia hasoru Ninia dixipulu sira. Buat primeiru ne'ebé Na'i Jesus fó ba sira mak dame. Tuirmai nia fó misaun ba sira. Nia dehan katak hanesan Aman Maromak haruka Nia ba mundu, agora Nia haruka sira ba!. 

Momentu ne'e importante tebes. Ne'e mak inisiu husi misaun kristaun nian. Jesus la dehan ida-ne'e ba Ninia dixipulu sira de'it iha tempu ne'eba. Nia hatete ida-ne'e ba ema kristaun hotu ohin loron. Se ita fiar ba Jesus, ita mós hetan xanada/bolu atu halo Ninia misaun ka serbisu. 

Ida ne'e signifika saida? Ne'e signifika katak Maromak bolu ita atu fahe Ninia domin, ajuda ema seluk, halo orasaun ba ema, no fó-hatene sira kona-ba Jesus. Ita la presiza atu sai nu'udar pastor, haklaken-nain, ka la'o dook atu halo misaun Na'i Jesus nian. Ita bele hahú iha ita-nia uma rasik, eskola, servisu fatin, ka suku rasik. Misaun ne'e hahú ho laran ne'ebé hakarak ka prontu halo Na'i Jesus Ninia misaun.

Jesus la haruka ita mesak de'it. Iha versíkulu tuirmai (João 20:22), Na'i Jesus fó Espiritu Santu atu ajuda ita. Ita la halo ida-ne'e ho ita-nia forsa rasik. Maromak hamutuk ho ita. 

Tan ne'e, hanoin-ba katak se ita mak ema kristaun, ita la'ós de'it hetan salvasaun atu tuur de'it. Ita hetan salvasaun atu halo Na'i Jesus Ninia misaun. Maromak hakarak uza ita - sim, ita hotu, atu hakbesik ba ema seluk ho Maromak Ninia domin no lia-loos. 

Orasaun: Nai Jesus, obrigadu ba salva ami no haruka ami halo ita-nia misaun. Favór fó aten-barani no matenek mai ami atu halo Ita-nia serbisu. Ajuda ami atu fahe Ita-nia domin ba ema seluk loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

BOLU BA JESUS, SEI HETAN SALVASAUN

Biblia hatete “ Tamba ema hotu nebee bolu ba Nai nia naran sei hetan salvasaun.” Roma 10:13 BK

Ne'e mak promesa furak ida husi Maromak. Versikulu ne'e hatete ba ita katak ema hotu, la prekupa ho se mak sira no saida mak sira halo ona, bele hetan salvasaun, se sira fiar ba Nia no husu Nia atu ajuda. Salmo 145:18 hatete nune'e "Nai mak besik ba ema hotu nebee bolu Nia, ba sira nebee bolu Nia ho lia loos" Salmu 145:18. Lua loos ne'e mak Maromak Ninia futar lia (João 17:17).

Salvasaun la'ós buat ne'ebé ita hetan tamba ita-nia serbisu di'ak sira. Efeso 2: 8-9 esplika ho klaru kona-ba ida-ne'e: "Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak, laos hosi hahalok, hodi ema ida la bele gaba aan" Efezu 2:8-9 BK. Ne'e signifika katak ita hetan salvasaun tanba Maromak Nia laran-di'ak no domin, la'ós tanba buat saida de'it ne'ebé ita halo. 

Maibé se la iha ema ida mak hatete ba sira, oinsá mak ema bolu Jesus Nia naran? Roma 10:15 hatete: "Oinsa mak ema ida bele haklaken se ema la haruka sira?" Ida-ne'e signifika katak ita tenke fahe evanjelu ba ema seluk atu nune'e sira mós bele fiar no hetan salvasaun. Maromak hakarak ita haklaken Ninia mensajen domin nian ba ema seluk no mensajen sira ne'e ita bele hetan iha Sagrada ESKRITURA. Mai ita lee Biblia loronloron.

Kuandu ita fiar ba Jesus, ita la'ós de'it hetan salvasaun, maibé mós ita-nia moris sei hetan transformasaun. Jesus hatete iha João 14:15: "Se imi hadomi Hau, imi sei halo tuir Hau nia ukun fuan sira" João 14:15 BK. Kuandu ita hadomi tebes Jesus, ita hakarak halo tuir Ninia ukun-fuan sira, la'ós atu hetan salvasaun, maibé tanba ita agradese ba Ninia prezente salvasaun no Tamba ita hadomi Nia. 

Entaun ohin, se ita seidauk bolu Jesus Nia narsn, bolu Nia agora!. Nia promete sei salva ita. No se ita fiar tiha ona karik, fahe liafuan di'ak ne'e ba ema seluk. Husik ita-nia moris sai naroman ne'ebé hatudu Maromak nia domin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak nia naroman sei halakon nakukun

Maromak dehan, “Naroman mosu ba.” Depois, naroman iha. Jénesis 1:3 BK

Iha tempu uluk liu, mundu ne'e mamuk, nakukun, no la iha forma. Maibé depois, Maromak ko'alia de'it liafuan ida dehan: "Halo naroman mai." No naroman mós mai. Ho ninia kbiit, Maromak halakon nakukun no hahú kria mundu ne'ebé furak. Ida-ne'e hatudu katak Maromak Nia naroman mak forte liu fali nakukun. 

Tinan barak liutiha, profeta Isaias hakerek kona-ba ema ne'ebé la'o iha nakukun laran, maibé sira haree naroman boot (Isaias 9: 2). Ne'e mak promesa katak loron ida Maromak sei haruka Salvador ida atu fó naroman ba ema nia laran ne'ebé nakukun. Profesia ne'e kumpri bainhira Jesus mai iha mundu. 

Iha Joao 8:12, Jesus hatete: "... Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12 BK. Jesus mak naroman ne'ebé nabilan iha ita-nia laran no ajuda ita atu haree saida mak loos. Kuandu ita la'o tuir Jesus, ita la moris tan iha nakukun laran - ne'ebé halo ita lakon, ta'uk no halo buat ne'ebé sala. Ninia naroman hatudu oinsá mak ita bele moris iha lia-loos, domin, no dame. 

Efeso 5: 8 hatete: "Tanba iha tempu uluk imi mak nakukun, maibee agora imi mak naroman iha Nai. Lao nudar naroman nia oan sira" Efezu 5:8 BK. Kuandu ita simu Jesus, ita tenke moris hanesan ema ne'ebé iha naroman iha ita-nia laran. Ne'e signifika katak ita halo buat ne'ebé di'ak, hatudu laran-di'ak, ko'alia lia-loos, no ajuda ema seluk. 

Hanesan nakukun la bele ezisti bainhira iha ahi ne'ebé naroman, buat-aat no ta'uk labele ezisti bainhira ita moris iha Maromak Nia naroman. Mai ita la'o tuir Jesus, naroman ne'ebé loos, no sai naroman atu ema seluk bele haree. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More