Fokus ba buat lalehan nian la'os mundu nian

Hanoin deit buat nebee iha leten, laos buat nebee iha mundu. Kolose 3:2 BK

Kolose 3:2

Bíblia hanorin ita atu hanoin kona-ba buat ne'ebé mai husi Maromak, la'ós kona-ba buat ne'ebé mai husi mundu ne'e. Iha Kolose 3: 1-2, apóstolu Paulo hatete katak se ita moris hi'as ona hamutuk ho Kristu, ita tenke buka buat ne'ebé iha leten. Liafuan gregu ba buka mak "zeteo," ne'ebé signifika buka buat ruma ho dezezu ne'ebé forsa ka maka'as to'o hetan. Ida-ne'e mak liafuan ne'ebé Jesus uza bainhira nia ko'alia iha Mateus 6:33: "Maibee buka uluk Maromak nia reinu" Ne'e signifika katak ita hakarak Maromak Nia dalan sira liu fali buat seluk mundu nian. 

Maibé saida mak " buat mundu nian" ne'ebé ita tenke hasees an? Galasia 5: 19-21 hatete ho klaru kona-ba hahalok mundu nian ka hahalok Isin nian. "Isin nia hahalok nee klaru ona: sala seksuál, sala foer, hahalok la moos, kaan buat aat, adora ídulu, halo lulik, odi malu, istori malu, laran moras, laran nakali, provoka malu, haketak malu, fahe malu, laran moras, lanu, hahalok arbiru no buat seluk hanesan nee. ...." Galásia 5:19-21. Hanoin aat sira ne'e maihosi natureza ita ema maksalak nian. Apóstolu Paulo fó avizu iha versikulu ne'e katak ema ne'ebé moris hanesan ne'e sei la simu liman-rohan husi Maromak nia reinu. 

Maibé iha Filipe 4: 8 Maromak Ninia lia-fuan enkoraje ita atu hanoin kona-ba buat lalehan nian. "Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee" Filipe 4:8 BK. Iha versikulu ne'e Apóstolu Paulo hakarak ita atu fokus ba buat ne'ebé Iha leten, buat sira ne'ebé halo Maromak kontente. 

Kuandu ita hakonu ita-nia laran no neon ho buat di'ak husi Maromak, ita bele sai metin liután iha ita-nia fiar, hatudu laran-di'ak ba ema seluk, no moris ho dame. Buka Maromak no hanoin kona-ba buat di'ak sira sei ajuda ita atu moris tuir saida Jesus hakarak. 

Orasaun: Nai, ajuda ami atu la hanoin kona-ba buat ne'ebé sala iha mundu ne'e. Ajuda ami buka Ita ho ami-nia laran tomak no halo nakonu ami-nia neon ho buat ne'ebé di'ak no moos. Hodi Jesus nia naran, Ami harohan, Amen.

Kolose 3:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak Jesus seidauk fila mai?

Nai la demora atu kumpri Ninia promesa, hanesan ema balu hanoin Nia demora nee. Maibee Nia hatudu pasiénsia ba ita. Nia lakohi atu ema ida lakon, maibee Nia hakarak atu ema hotu arepende. 2Pedro 3:9 BK

2Pedro 3:9

Iha João 14:1-3 Na'i Jesus promete atu fila mai lori ema loos sira ba Lalehan. Maibé dala ruma ita hanoin tanbasá mak Jesus seidauk fila fali mai?. Ema barak hein Na'i Jesus atu fila mai ba tempu naruk ona. Ema balu hatete: "Karik nia sei nunka mai." Maibé iha 2 Pedro 3: 9 Biblia hatete katak Maromak la lentu atu kompri Ninia promesa sira. Nia iha razaun di'ak atu hein tanba Nia hadomi ita. 

Karta ne'e hakerek ba ema kristaun sira ne'ebé hetan terus no hasoru mestre falsu sira. Mestre sira ne'e dehan katak Jesus sei la fila fali mai. Maibé apóstolu Pedro fó-hanoin ema fiar-na'in sira katak Maromak sempre kumpre Ninia promesa sira. Na'i Jesus sei mai fali, hanesan Nia hatete ona. 

Maibé tanbasá mak Na'i Jesus adia no seidauk mai? Ne'e la'ós tanba Maromak haluha ona. Ne'e la'ós tanba Nia muda ona Ninia hanoin. Maibé Nia adia Ninia mai tanba Maromak hakarak fó tempu barak ba ema atu arrepende an. Arrepende an katak hasees an husi sala no fila fali ba Maromak. 

2Pedro 3:9

Maromak lakohi ema ida atu lakon. Nia lakohi ema atu hetan destroi. Nia hakarak ema hotu hetan salvasaun. Tan ne'e, nia hein ho domin no Nia espera katak ema barak liu tan sei simu Jesus atu hetan moris rohan-laek. 

Versikulu ne'e hatudu katak Maromak hatudu pasiénsia boot ba ita. Nia la hirus lalais atu fó kastigu. Nia hatudu laran-di'ak no hakarak fó tempu mai ita atu muda ita-nia hahalok. Maibé ita labele halo ita-nia laran toos tamba Maromak Ninia pasiénsia ba ita. Loron ida, Jesus sei fila fali derrepente deit. Ita tenke prontu kualkér momentu.

Mai ita uza tempu ida ne'e atu halo ita-nia laran fila fali ba Maromak, ajuda ema seluk atu hatene Na'i Jesus, no moris santu. Maromak nia pasiénsia mak domin iha asun. Mai ita la ignora Maromak Ninia xamada.

Orasaun: Aman Maromak, obrigadu tanba Ita hatudu pasiénsia mai ami. Ajuda ami atu hasees an husi sala no la'o tuir Ita-boot loroloron. Amen.

2Pedro 3:9

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsa atu hetan susesu iha moris?

Livru Lei Nian nee la bele sees hosi o nia ibun. O tenki medita ba livru nee loron-kalan, hodi o bele kuidadu atu halo tuir buat hotu nebee hakerek iha livru laran. Nunee o sei halo o nia dalan sai diak no o sei hetan susesu. Josué 1:8 BK

Josué 1:8

Maromak fó sai versíkulu ne'e ba Josue, ulun-nain foun ida depoisde Moises mate. Josue iha serbisu boot ida, atu lori Maromak Nia povu ba rai ne'ebé Maromak promete ona. Maromak la haruka Josue atu buka uluk soldadu ne'ebé forte ka planu ne'ebé matenek. Maibé, Nia haruka nia atu hakbesik nafatin ba Maromak nia Liafuan. 

"Livru Lei Nian nee la bele sees hosi o nia ibun". Ida ne'e signifika katak ita tenke ko'alia beibeik kona-ba Maromak nia Liafuan. Kuandu ita ko'alia kona-ba Ninia Liafuan, ida-ne'e ajuda ita hanoin Ninia promesa no instrusaun sira.

"O tenki medita ba livru nee loron-kalan". Medita katak hanoin kle'an kona-ba buat ruma. Ita tenke hanoin kona-ba Maromak Nia Liafuan iha dadeer, kalan, no loron tomak. Ida-ne'e ajuda ita-nia hanoin no desizaun sira.

"Hodi o bele kuidadu atu halo tuir buat hotu nebee hakerek iha livru laran". Ida ne'e signifika katak ita la'ós de'it hatene ka koñese Biblia, maibé mós kona-ba halo tuir Biblia. Kuandu ita moris tuir Maromak Nia Liafuan, ida-ne'e proteje ita atu la halo desizaun aat. 

Maromak promete katak se ita halo ida-ne'e, ita sei hetan susesu - la'ós de'it iha ita-nia serbisu maibé mós iha ita-nia moris espirituál, família, no buat hotu ne'ebé ita halo. Susesu iha Maromak Nia oin mak moris ne'ebé halo tuir Ninia lia-fuan sira, no ida ne'e halo Maromak kontente. 

Hanesan ho Josue, ita mós hasoru dezafiu boot sira iha ita-nia moris. Maibé kuandu ita hakbesik nafatin ba Maromak Nia Liafuan, ko'alia kona-ba Maromak Ninia lia-fuan, hanoin kona-ba Maromak Ninia lia-fuan, no halo tuir Maromak Ninia lia-fuan, Maromak sei fó forsa no susesu mai ita. 

Orasaun: Nai, ajuda Ami atu hadomi Ita-nia Liafuan. Hanorin ami atu ko'alia, hanoin no halo tuir ita-nia lia-fuan loron-loron. Obrigadu ba Ita-nia promesa atu hamutuk ho ami. Amen.

Josué 1:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More