Maromak mak Fatuk ne'ebé metin

Fiar ba Na'i nafatin ba nafatin, tanba Na'i Maromak mak Fatuk ne'ebé metin to'o tinan ba tinan. Isaias 26:4 BK

Isaias 26:4

Povu Izraél iha hela tempu susar bainhira mensajen ne'e mai. Sira iha inimigu sira ne'ebé hale'u sira, no moris la fasil. Maibé Maromak fó knananuk esperansa ba sira. Profeta Isaias fó-hanoin ba sira katak maski nasaun sira hamriik no monu, maski problema mosu, maibé Maromak nunka muda. Nia mak hanesan fatuk ne'ebé forte no sei nunka rahun. 

Bainhira Biblia hatete: "Fiar ba Nai nafatin ba nafatin", ida ne'e signifika katak ita tenke tau fiar tomak ba Maromak, la'ós de'it ba ohin loron, maibé ba loron hotu iha ita-nia moris tomak. Ema bele halo ita falla ka lakon, ita-nia osan bele lakon, no ita-nia saúde bele sai fraku, maibé Maromak sempre forte no fiél. Nia nunka muda. 

Dala ruma ita tau fiar ba ita-nia forsa rasik ka ba ema seluk nia ajuda. Ida ne'e di'ak maibé, ida-ne'e la sufisiente. So Maromak de'it mak eternal. Maromak iha ne'e Horiseik, Maromak iha ne'e ohin, no Nia sei hamutuk ho ita ba nafatin. Kuandu ita harii ita-nia moris iha Maromak, ita hamriik metin iha fundasaun ne'ebé firmi no labele muda.

Entaun, kuandu sentimentu ta'uk mai: hanoin-ba katak, Na'i mak Ita-nia Fatuk. Kuandu ita sente fraku: hanoin-ba katak Na'i mak ita-nia forsa. Bainhira ita la hatene saida mak sei akontese iha futuru: hanoin-ba katak Maromak mak kontrola ba nafatin. 

Ohin loron, mai ita tau fiar tomak ba Maromak. Kaer metin ba Nia ho fé, no Maromak sei lori ita liuhusi anin-fuik hotu.

Isaias 26:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹

Read More

Restaura relasaun familia ne'ebé aat

No nia sei fila aman sira nia fuan ba sira nia oan sira, no oan sira nia fuan ba sira nia aman sira. Se lae, Hau mai no kona rai ho malisan boot ida. Malakias 4:6 BK

Malakias 4:6 

Maromak hanoin tebes kona-ba família sira. Iha Malaquias 4:6, Maromak promete katak antes Nai nia loron boot mai, nia sei haruka ema ida atu restaura fali relasaun ne'ebé aat. Aman sira-nia laran sei fila fali ba sira-nia oan, no oan sira-nia laran sei fila fali ba sira-nia aman. 

Ida-ne'e hatudu katak Maromak nia planu la'ós de'it kona-ba ita-nia relasaun ho Nia, maibé mós kona-ba ita-nia relasaun ho ema seluk, liuliu iha família laran. Ohin loron, família barak mak rahun ona - aman no inan sira dook husi sira-nia oan, no oan sira la respeitu ka la rona sira-nia inan-aman. Ida-ne'e halo laran kanek, hirus, no divizaun iha familia. Maibé Maromak hakarak restaura dame, domin, no perdua ba família sira. 

Jesus mai atu lori fali ita ba Maromak, no nia mós hanorin ita oinsá atu moris ho domin ba malu. Kuandu ita simu Jesus, nia muda ita-nia laran. Aman ida bele aprende oinsá atu hadomi ninia oan sira ho pasiénsia. Labarik ida bele aprende oinsá hatudu onra no respeitu ba nia inan-aman. Nune'e família tomak bele hetan Maromak Nia dame. 

Se Ita-nia família iha problema ruma, keta rende. Halo orasaun atu Maromak bele ajuda. Husu ba Maromak atu halo ita-nia laran fila fali ba família, no sira-nia laran fila fali ba ita. Bainhira ita husik Maromak serbisu, Nia bele lori unidade iha fatin ne'ebé Iha konflitu, no domin iha fatin ne'ebé iha laran kanek.

Orasaun: Na'i, fila ami-nia laran ba Maromak no ba malu. Kura ami-nia relasaun família no hakonu ami-nia uma ho Ita-nia domin. Amen.

Malakias 4:6 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Ninia mandamentu no SALVASAUN

Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak, Efezu 2:8 BK

Efezu 2:8 

Maromak fó mandamentu sanulu atu hatudu Ninia karakter ne'ebé santu (Roma 7: 12). Mandamentu sira ne'e, hatudu ba ita buat ne'ebé Maromak valoriza Liu: hanesan domin, fidelidade, justisa, no santidade. Ukun-fuan sira-ne'e ajuda ita oinsá ita hadomi Maromak no hadomi ema seluk. Maibé ukunfuan sira ne'e labele salva ita. Tanbasá?:

1. Ukun-Fuan hatudu ita-nia pekadu maibé labele halakon ita-nia pekadu 

Bíblia hatete katak "Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala" Roma 3:20 BK. Ukun-fuan sira-ne'e hanesan espellu. Espellu hatudu ba ita karik iha fo'er ruma iha ita-nia oin, maibé espellu ne'e rasik la bele hamoos ita-nia oin fo'er. Nune'e mós, Maromak nia ukun-fuan hatudu ita-nia pekadu, maibé Maromak Ninia ukun-fuan labele hamoos ita-nia pekadu. 

 2. La iha ema ida mak bele halo tuir Maromak Ninia ukun-fuan ho perfeitu.

Maromak rekere santidade ne'ebé perfeitu. "Tanba ema nebee halo tuir lei tomak maibee nia monu iha ukun fuan ida deit, nia kontra lei tomak" Tiago 2:10. No kontra lei Maromak nian ne'e pekadu. Tamba pekadu mak kontra Maromak Ninia ukun-fuan (1João 3:4). "Tanba ema hotu-hotu halo ona sala, no sira lakon ona Maromak nia glória" Roma 3:23. Ita labele hetan salvasaun liuhusi ita-nia obedese rasik.

 3. Salvasaun so liuhusi Jesus. 

Ukun-Fuan indika katak ita presiza Salvador. Galasia 3:24 hatete katak ukun-fuan mak ita-nia "Mestri eskola nian" ne'ebé lori ita ba Kristu. So Jesus nia sakrifísiu iha kruz de'it mak bele fó perdua ba sala no fó moris rohan-laek. "La iha salvasaun iha ema seluk, tanba la iha naran seluk iha lalehan okos nebee Maromak foo ba ema hodi ita bele hetan salvasaun"Apostolu 4:12

 4. Obedese ba Maromak Ninia ukun-fuan hanesan rezultadu hosi salvasaun, la'ós kauza ba salvasaun. "Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik" (Efeso 2: 8). Maibé kuandu Jesus salva ita, nia muda ita-nia laran. Maromak promete: "Hau sei tau Hau nia lei iha sira nia fuan laran,no hakerek lei nee iha sira nia neon.”Ebreu 10:16 BK. Agora ita halo tuir ukun-fuan, la'ós atu hetan salvasaun, maibé atu hatudu ita-nia domin ba Maromak. Jesus hatete: "Se imi hadomi Hau, imi sei halo tuir Hau nia ukun fuan sira" João 14:15 BK.

👉 Hanoin to'ok hanesan ne'e: Ukun-fuan sira-ne'e hanesan sinál dalan nian. Sira hatudu dalan ne'ebé loos no fó avizu kona-ba perigu sira, maibé sira labele lori ita ba fatin ne'ebé ita ba. So Jesus de'it mak bele lori ita ba ne'ebá. 

Orasaun: Nai Jesus, obrigadu ba Ita tanba Ita salva ha'u liuhusi Ita-nia laran-di'ak, la'ós liuhusi ha'u-nia hahalok sira. Hakerek Ita-nia ukun-fuan iha ha'u-nia laran. Ajuda ha'u atu hadomi no halo tuir Ita nu'udar resposta ba Ita-nia domin boot ba ha'u. Amen.

Efezu 2:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More