Iha Kristu ema Judeu no Jentiu ida de'it

Tanba liu hosi Nia, grupu rua ne'e agora tama iha Espíritu ida de'it hodi hetan dalan ba Aman. Efezu 2:18 BK

Efezu 2:18 

Versíkulu ne'e iha kbiit boot tanba fó-hanoin kona-ba buat ne'ebé Jesus halo ona ba ita. Antes Kristu mai, iha moru ida entre Maromak no povu. Pekadu haketak ita husi Maromak (Isaias 59:2), no la'ós ema hotu bele hakbesik ba Maromak. Maibé liuhusi Jesus Nia mate no moris-hias, moru ne'e rahun ona. Agora, ema hotu ne'ebé fiar Maromak bele Livremente hakbesik ba Maromak la haree ba sira-nia background. 

Paulo hatete katak "grupu rua" iha asesu. Nia ko'alia kona-ba ema judeu no ema jentiu, grupu rua ne'ebé haketak malu. Maibé iha Kristu, sira sai família ida de'it. Ohin loron, lia-loos ne'e sei aplika nafatin. La prekupa ka la haree ba ita-nia rasa, kultura, edukasaun, ka status sosiál - Liuhosi Kristu ita hotu iha direitu atu hakbesik ba Aman Maromak.

Asesu ne'e la'ós liuhusi ita-nia servisu di'ak ka esforsu pesoál sira. Jesus mesak de'it mak halo ida-ne'e sai realidade iha ita-nia laran liuhusi espíritu santu. Bainhira ita halo orasaun, adora, ka husu ajuda, ita la presiza amlulik, kostume, rituál ka fatin espesiál ida. Ita bele diretamente hakbesik ba Maromak, hanesan labarik sira ko'alia ba sira-nia Aman. 

Ne'e mak priviléjiu boot tebes! Ema barak koko atu buka dame ho Maromak iha dalan seluk, maibé so Jesus de'it mak loke dalan ba ita. Nia hatete: “Hau mak dalan, lia loos no moris. Ema ida la bele hakbesik ba Aman, só deit liu hosi Hau.” João 14:6.

Ohin loron, agradese ba prezente furak ne'e. Ita bele hetan asesu ba Maromak - iha kualkér tempu, iha fatin ne'ebé de'it. Mai ho aten-barani, tanba ita-nia Aman hein hela atu rona ita-nia lian.

Efezu 2:18 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Buat hotu bele de'it ba ema ne'ebé fiar.

Jesus dehan ba nia, “‘Se Ó bele’ ka! Buat hotu bele de'it ba ema ne'ebé fiar.” Marcos 9:23 BK

Marcos 9:23

Iha istória ne'e, aman ida lori ninia oan-mane ba Jesus. Labarik ne'e hetan terus boot, no aman ne'e desperadu tebes. Nia husu Jesus atu ajuda, maibé nia dehan: "Se Ó bele halo buat ruma, hanoin ami no ajuda ami ba" Marcos 9:22. Jesus hatán: “Se Ó bele’ ka! Buat hotu bele de'it ba ema ne'ebé fiar.”

Ida-ne'e hatudu katak fiar mak xave atu experiensia Maromak Ninia podér. Fé la signifika katak ita hetan buat hotu ne'ebé ita hakarak, maibé ita fiar katak la iha buat ida mak susar liu ba Maromak atu halo. Nia bele kura, fornese, fó perdua, no muda ita-nia moris. 

Dala ruma ita mós hanesan aman iha istória ne'e. Ita halo orasaun maibé ita sei iha dúvida iha ita-nia laran. Ita hanoin: "Maromak bele halo ida-ne'e duni ka lae?" Maibé Jesus fó-hanoin ba ita katak ita lta-nia fokus labele ba ita-nia problema ka ita-nia forsa rasik, maibé ita-nia fokus tenke ba Maromak Ninia podér. 

Aman ne'e hatán ho laran-moos hodi dehan: “Nai, hau fiar ona; ajuda ba bainhira hau la fiar!” Marcos 9:2. Ne'e mak orasaun ne'ebé ita mós bele halo. Maski ita-nia fiar fraku, maibé ita bele husu Maromak atu ajuda ita tau fiar liután ba Nia. 

Ohin loron, hanoin-ba katak la iha situasaun ida ne'ebé boot liu ba Maromak. Ita-nia saúde, ita-nia família, ita-nia susar no ita-nia futuru hotu iha Maromak nia liman. Lori ita-nia presiza hotu ba Maromak ho fé no fiar katak Nia bele halo buat ne'ebé ita la bele halo. 

Ho Maromak, buat hotu bele, ba ema ne'ebé fiar.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fiél iha buat kiik, fiél mós iha buat boot

Ema ne'ebé hatudu fidelidade ho buat kiik, nia sei hatudu fidelidade mós ho buat boot. No ema ne'ebé la onestu ho buat kiik, nia sei la onestu mós ho buat boot. Lucas 16:10 BK

Lucas 16:10

Jesus hanorin lia-loos importante ida iha ne'e: Fiél hahú ho buat ki'ik sira. Ema barak hakarak oportunidade boot, bénsaun boot, ka pozisaun importante sira. Maibé Jesus hatete katak teste loloos ba ema ida nia karakter mak oinsá nia hendel no fiél ba buat ki'ik sira iha ninia-nia moris. 

Se ita onestu no iha responsabilidade ba serbisu ki'ik sira, Maromak hatene katak Nia bele tau fiar ba ita ho buat ne'ebé boot liu tan. Maibé se ita labele kuida buat kiik sira no baruk halo buat kiik sira, tanbasá mak Maromak sei fó buat boot liu tan ba ita? 

Lia-loos ne'e aplika ba buat hotu iha ita-nia moris. Iha serbisu fatin, serake ita fiél maski la iha ema ida mak haree? Iha uma, serake ita hatudu laran-di'ak iha serbisu loroloron nian? Ho osan, serake ita uza ho matenek, maski osan ne'e uitoan de'it? Ho buat ne'ebé espirituál, serake ita lee no halo tuir Maromak Ninia ukun-fuan simples sira? 

Lucas 16:10

Jesus rasik hatudu ezemplu hanesan ne'e mai ita. Antes nia haklaken, nia moris ho fiél nu'udar karpentór iha Nazare. Nia halo tuir Ninia inan-aman, serbisu maka'as, no hahi'i Maromak iha ninia moris loroloron nian. Liutiha tempu balu, Maromak fó misaun boot liu tan ba Nia - ne'e mak serbisu ba ita-nia SALVASAUN.

Ohin loron, hanoin to'ok kona-ba buat ki'ik sira iha ita-nia moris. Karik buat sira ne'e haree hanesan la importante, maibé ne'e importante tebes ba Maromak. Fiél iha orasaun, serbí ema seluk, ko'alia lia-loos, no uza ita-nia tempu ho didi'ak. 

Hanoin-ba katak fiél ba buat boot sira sempre hahú ho pasu ki'ik sira. Se ita aprovadu fiél iha buat uitoan, Maromak bele fó fiar ba ita bénsaun barak liután.

Lucas 16:10

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More