Saida mak akontese bainhira ita konfesa ita-nia sala?

Se ita konfesa ita-nia nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu. 1 João 1:9 BK

1 João 1:9

Ita hotu halo ona sala. La iha ema ida mak perfeitu. Dala ruma ita halo sala ho ita-nia liafuan, ita-nia hanoin, ka asaun sira. Maibé liafuan di'ak mak ne'e: katak Maromak la husik ita kuandu ita falla. Maibé, Nia konvida ita atu mai hasoru Nia ho laran-moos no konfesa ita-nia sala sira.

Konfesa signifika hatete sai ba Maromak kona-ba buat ne'ebé ita halo sala ona no arrepende ba ita-nia hahalok aat sira. Kuandu ita halo ida-ne'e ho laran-moos - Maromak promete buat furak ida ba ita: "Nia sei foo perdaun ba ita nia sala, no hamoos ita hosi hahalok aat hotu" Nia la fó perdua tanba ita merese, maibé tanba Nia fiél no justu. Ninia perdaun bazeia ba buat ne'ebé Jesus halo ona iha kruz - Jesus foti ita-nia kastigu atu ita bele sai moos. 

Kuandu ita subar ita-nia pekadu, sentimentu sala no moe sei sai buras iha ita-nia laran. Maibé kuandu ita konfesa, Maromak hasai tiha todan ne'e husi ita-nia laran. Nia fó ba ita dame, ksolok, no hahú moris foun. Ne'e mak Maromak Ninia perdaun halo - Maromak Nia perdaun restaura ita-nia relasaun ho Nia. 

Bainhira ita konfesa no hasees an husi pekadu, ita fila fali ba dalan loos ho Maromak. No dalan ne'e mak dalan ba lalehan. 

Orasaun: Nai Jesus, obrigadu ba promesa atu fó perdua. Ajuda hamoos ami-nia laran husi sala hotu no ajuda ami la'o iha Ita-nia naroman iha dalan ba lalehan. Amen.

1 João 1:9

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hadomi hanesan Jesus hadomi

Ida nee mak Hau nia ukun fuan, katak imi hadomi malu hanesan Hau hadomi imi. João 15:12 BK

 João 15:12

Antes Jesus ba krús, Nia ko'alia ba Ninia dixipulu sira kona-ba oinsá atu la'o tuir Jesus. Ninia mandamentu ida-ne'ebé simples maibé poderozu mak: "Hadomi malu hanesan Hau hadomi imi"

Jesus la ko'alia de'it kona-ba domin - maibé nia hatudu domin. Nia hadomi ema ne'ebé kiak, moras, sira ne'ebé ema rejeita, no mós ema ne'ebé hakanek Nia. Ninia domin mak pasiénsia, perdua, no la ho kondisaun. No prova ba Ninia domin boot mak kuandu Nia fó Ninia moris ba ita iha krús. Ida ne'e mak domin ne'ebé loloos - domin sakrifísiu no la hanoin an de'it. 

Jesus mós husu ita atu hadomi ema seluk ho maneira hanesan. Ida ne'e signifika katak ita fó perdua ba ema ne'ebé hakanek ita, ajuda sira ne'ebé presiza, no hatudu laran-di'ak maski la fasíl. Domin Kristaun ne'ebé loos mak la'ós kona-ba sentimentu - maibé kona-ba asaun sira ne'ebé ita halo. Kuandu ita hadomi ema seluk, ita refleta Maromak Nia laran no hatudu ba mundu se mak Jesus. 

Dala ruma susar atu hadomi ema ne'ebé la hadomi ita. Maibé kuandu ita hakbesik nafatin ba Jesus, Nia fó forsa mai ita atu hadomi hanesan Nia hadomi. Jesus Ninia espíritu ne'ebé Iha ita ajuda ita atu tau matan, fó perdua, no serbí ema seluk ho haksolok.

Domin la'ós de'it ukun-fuan ida - maibé ne'e mak sinál husi ema ne'ebé la'o hamutuk ho Maromak. No kuandu ita moris ho domin, ita la'o tuir Jesus Nia ain fatin, ida ne'ebé hatudu ita dalan ba lalehan. 

Orasaun: Nai Jesus, obrigadu tanba Ita hadomi ami maski ami la merese. Ajuda ami atu hadomi ema seluk hanesan Ita hadomi ami, no la'o loroloron iha Ita-nia dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Krusifika hahalok isin nian ho Kristu

Ema sira ne'ebé Kristu Jesus nian mak prega ona isin ba krús hamutuk ho buat ne'ebé isin hakarak no kaan. Galásia 5:24 BK

Galásia 5:24

Apóstolu Paulo hakerek versíkulu ne'e hodi fó-hanoin ba ema fiar-na'in sira katak halo tuir Jesus mak dalan foun atu moris. Antes ita hatene Jesus, ita halo tuir ita-nia isin nia hakarak. "Isin nia hahalok nee klaru ona: sala seksuál, sala foer, hahalok la moos, kaan buat aat, adora ídulu, halo lulik, odi malu, istori malu, laran moras, laran nakali, provoka malu, haketak malu, fahe malu, laran moras, lanu, hahalok arbiru no buat seluk hanesan nee. Hanesan hau foo hanoin ona ba imi, hau foo hanoin fali katak sira nebee halo hanesan nee sei la simu Maromak nia reinu nudar liman rohan" Galásia 5:19-21. Maibé kuandu ita simu ona Jesus, ita hili atu hasees an husi hahalok aat sira-ne'e. Ne'e hanesan "prega ita-nia hahalok isin nian" ne'ebé aat ba krús hamutuk ho Jesus. 

Prega "hahalok isin nian" signifika katak ita la husik tan ita-nia hahalok isin nian ka hahalok sala-na'in kontrola ita. Duke halo nune'e, ita moris liuhusi espíritu santu nia diresaun, ne'ebé fó podér mai ita atu halo buat ne'ebé loos. Versíkulu sira antes ne'e ko'alia kona-ba espíritu nia fuan. "Maibee Espíritu nia ai fuan mak nee: domin, ksolok, dame, pasiénsia, laran diak, hahalok diak, fidelidade, laran maus no kontrola aan. La iha lei ida mak kontra buat sira nee" Galásia 5:22-23 BK. Bainhira ita iha fuan espíritu sira hanesan ne'e, hatudu katak ita-nia laran partensi ba Jesus.

La fasil atu moris hanesan ema kristaun. Dala ruma ita-nia hakarak tuan ne'ebé uluk ita prega ona hakarak fila fali. Maibé kuandu ita hanoin-hetan krús, ita mós hanoin katak Jesus manán ona pekadu. Loron-loron ita tenke hili atu la'o tuir Maromak no hatete lae ba hahalok sira ne'ebé haketak ita husi Maromak. 

Se ita la'o tuir Espiritu Santu Nia hakarak no halo tuir Kristu Nia ezemplu, ita-nia moris sei refleta Kristu Ninia hahalok. Ne'e mak dalan ne'ebé lori ita besik liu ba Maromak, no mós dalan ba lalehan. 

Orasaun: Nai Jesus, obrigadu tanba Ita mate ba ami. Ajuda ami atu prega ami-nia hakarak sala nian no moris tuir Ita-nia espíritu Nia hakarak Kada loron, bainhira Ami la'o tuir Ita iha dalan lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More