Maromak Nia Oan-Mane halo aan ba ema

Liafuan nee sai ema ida, no Nia hela iha ita nia leet. Ita haree tiha ona Ninia glória, glória nu'udar Aman Nia Oan Mane Mesak, nakonu ho grasa no lia loos. João 1:14 BK

João 1:14 

Versíkulu ne'e hatudu milagre ida-ne'ebé boot liu iha Biblia - Maromak halo aan ba ema. Palavra "liafuan" iha ne'e signifika Jesus, ne'ebé sempre ezisti ho Maromak no Nia mak Maromak. Maibé tanba domin, Nia husik hela Ninia kadunan iha lalehan no tun mai mundu hodi moris iha ita-nia leet nu'udar ema ida. 

Jesus la moris hanesan ema baibain. Maski Nia mai nu'udar bebé ida iha Belein, maibé Nia mak Maromak nia Oan-Mane eterna. Nia halo Nia aan sai ema nune'e Nia bele moris hamutuk ho ita, komprende ita-nia susar sira, no salva ita husi sala. Nia mak kompletamente Maromak no kompletamente ema - Maromak ne'ebé iha forma ema. 

Kuandu Jesus moris iha mundu, Nia hatudu ba ita Maromak ne'e oinsá. Nia nakonu ho grasa, hatudu laran-sadi'a, domin, no perdua ba ema hotu ne'ebé mai hasoru Nia. Nia nakonu ho lia-loos - hanorin buat ne'ebé loos no lori ema sai husi nakukun laran. Liuhusi Jesus nia moris, mate, no moris-hias, Jesus revela Maromak Nia laran. 

Relijiaun mundu nian, koko atu hakbesik ba Maromak, maibé iha Jesus, Maromak hakbesik aan ba ita. Nia la'o iha fatin ne'ebé ita la'o, sente buat ne'ebé ita sente, no fó Ninia moris atu ita bele hetan moris rohan-laek. 

Kuandu ita fiar ba Jesus no halo tuir Ninia Liafuan, ita la'o hamutuk ho ida ne'ebé Maromak maibé mós ema - ida ne'ebé mak bele lori ita ho seguru iha dalan ba lalehan. 

Orasaun: Nai Jesus, obrigadu tanba Ita mai iha mundu no sai ema ida entre ami. Ajuda ami atu moris tuir Ita-nia lia-loos no simu Ita-nia grasa bainhira ami la'o tuir Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moris loos tamba fé

Tanba evanjellu nee hatudu Maromak Nia hahalok loos, hosi fiar ba fiar, tuir buat ne'ebé hakerek nanis ona, “Ema loos sei moris liu hosi fiar.” Roma 1:17 BK

Roma 1:17 

Versikulu ne'e hakerek husi apóstolu Paulo, no versikulu ne'e sai lia-loos ida-ne'ebé importante liu iha Biblia. Apóstolu Paulo esplika katak ita sai loos iha Maromak Nia futar-oin la'ós liuhosi ita-nia serbisu di'ak sira ka ita-nia relijiaun, maibé liuhosi ita-nia fiar ba Jesus Kristu. 

Sai ema loos signifika katak ita iha relasaun ne'ebé loos ho Maromak, ne'ebé livre husi sentimentu sala no pekadu. Maibé la iha ema ida entre ita mak bele halo rasik ida ne'e. Ita hotu halo ona sala no lakon Maromak Nia glória (Roma 3:23). Tan ne'e mak Maromak haruka Ninia Oan-Mane Jesus mai iha mundu ne'e (João 3:16). Kuandu Jesus mate iha kruz, nia foti ita-nia sala no fó ninia hahalok loos ba ita. Agora, ema se de'it ne'ebé fiar ba Jesus sei hetan perdua no hetan aseitasaun hosi Maromak. 

Ida ne'e mak sentidu hosi moris liuhusi fiar. Ita fiar tomak ba buat ne'ebé Jesus halo ona ba ita, la'ós ba buat ne'ebé ita bele halo ba ita aan rasik. Fé la'ós de'it fiar katak Maromak ezisti - maibé depende ba Nia loroloron, halo tuir Ninia Liafuan sira, no la'o tuir Ninia grasa. 

Kuandu ita moris ho fiar/fé, ita-nia laran nakonu ho dame no esperansa. Ita la koko tan atu hetan Maromak Nia domin, maibé ita simu de'it domin ne'e. No bainhira ita tau fiar nafatin ba Jesus, Ninia hahalok loos taka ita no lori ita ho seguru ba moris rohan-laek. 

Dalan ida de'it atu ita bele sai ema ne'ebé loos no atu hetan moris rohan-laek mak liuhusi fiar ba Jesus Kristu - ne'ebé uníku direji ita atu la'o iha dalan ba lalehan. 

Orasaun: Nai Jesus, obrigadu tanba halo ami sai loos liuhusi fiar ba ita Ita. Ajuda ami atu tau fiar ba Ita liutan kada loron no la'o ho laran-metin iha dalan ba lalehan. Amen.

Roma 1:17 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sentru ba SALVASAUN

Maromak hola fali ita ho Jesus Nia raan. Nune'e ita hetan perdua ba ita-nia sala tuir Ninia grasa ne'ebé boot tebes. Éfezu 1:7 BK

Éfezu 1:7

Kurasaun hosi Evanjellu - sentru ba SALVASAUN mak Jesus Kristu nia raan. Houri uluk kedas iha Biblia, Maromak hatudu katak pekadu ne'e sériu no presiza fó perdua liuhosi fakar raan. Tamba Ebreu 9:22 hatete "Nee duni, tuir lei kuaze buat hotu tenki halo moos ho raan. Bainhira raan la fakar, la iha perdua ba sala". Iha Testamentu Antigu, ema hasa'e sakrifísiu animál nian hodi kasu sira-nia sala, maibé sakrifísiu sira-ne'e mak símbolu de'it. Sira hatudu de'it kona-ba sakrifísiu ne'ebé perfeitu ne'ebé sei mai - Jesus Kristu, Maromak nia Bibi-Oan. 

Kuandu Jesus mate iha kruz, Nia fó Ninia moris ba ita. Ninia raan la'ós de'it ema nia raan, maibé Maromak Nia Oan-Mane Nia raan. Liuhusi Ninia mate, Nia selu ita-nia sala sira. Tanba Jesus Nia sakrifísiu, ita bele hetan perdua, hamoos hosi sala no restaura fali ita-nia relasaun di'ak ho Maromak. Ne'e mak Efeso 1: 7 dehan: "Maromak hola fali ita ho Jesus Nia raan" 

Ita labele sosa ita-nia salvasaun liuhusi serbisu di'ak, osan, ka relijiaun. Perdua mak prezente grasa nian - ne'ebé ita so hetan de'it, liuhusi fiar ba Jesus Kristu. Krús fó-hanoin ita katak salvasaun mak kustu-boot tebes, maibé Jesus selu kotu ona salvasaun ne'e. 

Kuandu ita simu Ninia sakrifísiu no moris iha Ninia grasa, ita-nia laran sai moos, no ita simu promesa kona-ba moris rohan-laek. Jesus Nia raan la'ós de'it salva ita husi pekadu, maibé loke mós odamatan atu la'o iha dalan loos ba lalehan. 

Orasaun: Na'i Jesus, obrigadu tanba Ita fó ona Ita-nia raan ba ami. Ajuda ami atu moris loroloron hodi agradese ba Ita-nia sakrifísiu no la'o ho laran-metin iha Ita-nia dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More