Hola parte atu fahe lia-fuan di'ak

No Nia dehan ba Ninia eskolante sira, “Loos duni, toos nee boot, maibé ema hodi servisu mak uitoan deit. Nune'e halo orasaun ba Toos Nain hodi Nia bele haruka ema hodi servisu iha Ninia toos.” Mateus 9:37-38 BK

Mateus 9:37-38

Kuandu Jesus hateke ba ema sira ne'ebé hale'u nia, nia haree katak ema barak lakon ojetivu moris nian, konfuzaun, no barak mak laran kanek. Sira hanesan bibi-malae ne'ebé la iha bibi-atan - sira presiza domin, matadalan, no esperansa. Ninia laran nakonu ho kompaixaun. Iha tempu ne'e mak Nia hatete ba Ninia dixipulu sira katak "Koileta barak (toos boot" , serbisu na'in (ema hodi servisu) mak uitoan deit" 

"Koileta" mak ema barak ne'ebé prontu atu rona kona-ba Maromak nia domin no salvasaun. "Serbisu na'in" mak ema ne'ebé fahe lia-fuan di'ak - mensajen katak Jesus mai atu salva ema sala-na'in sira no fó moris rohan-laek. Triste katak ohin loron ema uitoan de'it mak prontu atu fahe mensajen ne'e. 

Jesus hakarak ita ida-idak atu sai serbisu-nain ba toos ne'e. Ita la presiza sai pastor ka sai misionáriu atu fó-hatene ema seluk kona-ba Jesus. Ita bele fahe lia-fuan di'ak liuhosi hatudu laran-di'ak, fó perdua ba ema seluk, ajuda ema mukit sira, ka simplesmente dehan de'it ba ema seluk katak Jesus hadomi sira. Maski ita hatudu domin uitoan de'it, ida-ne'e bele halo ema ida hakbesik liután ba Maromak. 

Kuandu ita fahe Jesus nia mensajen, ita hola parte ba Maromak Nia planu atu lori ema ba SALVASAUN. Ida-ne'e mak priviléjiu no responsabilidade ida ba ema kristaun hotu. 

Tan ne'e, mai ita halo orasaun atu husu serbisu-nain barak liután, no ita mós hola parte. Mai ita hatete ba ema seluk katak Jesus de'it mak dalan, lia-loos no moris. Tanba lori ema seluk atu hatene Jesus ne'e fó ksolok ne'ebé boot liu no ojetivu ne'ebé loloos hosi dalan ba Lalehan. 

Orasaun: Nai, obrigadu tanba Ita bolu ami nu'udar Ita-nia serbisu-nain sira. Fó aten-barani no domin mai ami atu fahe Liafuan Diak ba ema seluk, atu nune'e sira mós bele hetan dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Na'i besik ba sira ne'ebé laran kanek

Na'i besik hela ba sira ne'ebé laran kanek, no Nia salva sira ne'ebé iha espiritu rahun. Salmu 34:18 BK

Salmu 34:18

Moris la'ós sempre fasil. Dala ruma ita lakon ema ne'ebé ita hadomi, sente laran-tun, ka sente ema haluha ita. Iha situasaun sira hanesan ne'e, ita-nia laran sente todan no ita-nia laran sente rahun. Maibé Biblia fó ba ita promesa furak ida: Maromak besik ba ema ne'ebé laran-kanek. 

Kuandu ita-nia laran kanek, karik ita hanoin katak Maromak dook hosi ita, maibé ida-ne'e la loos. Maromak mai besik liu bainhira ita sente moras. Nia haree matan-been hotu, rona ita-nia halerik hotu, no Nia komprende ita-nia laran ne'ebé tanis nonok. Nia la haluha ita-nia triste. Maromak fó komfortu ba ita no Ninia domin nunka falla. 

Liurai David, autór salmu ne'e, hatene saida mak laran-kanek. Ninia inimigu sira duni tuir nia, ninia kolega halo traisaun ba nia, no dala barak nia sente mesamesak. Maibé nia hetan esperansa tanba nia hatene katak Maromak sei hamutuk nafatin ho nia. Maski David iha situasaun ne'ebé nakukun liu, nia fiar katak Maromak sei salva nia.

 Kuandu ita sente ita-nia espiritu rahun ka senti laran-tun, hanoin-ba katak Maromak la dook. Nia iha ita-nia sorin, kaer ita-nia liman, no bisibisi lia-fuan dame ba ita-nia laran. Nia bele foti ita-nia laran kanek no halo Ita-nia laran-susar sai forte. 

Ohin loron, se ita sente laran kanek, mai hasoru Maromak. Nia mak kura ita-nia laran kanek no fó esperansa ba ita. Ninia besik fo komfortu ba ita no Ninia domin lori ita ba dame, ksolok no moris rohan-laek. 

Ne'e mak promesa ba ema hotu ne'ebé la'o hamutuk ho Maromak, ne'ebé la'o iha dalan ba lalehan. 

Orasaun: Nai, obrigadu tanba Ita besik bainhira ami laran kanek. Kura ami-nia laran-kanek sira no hakonu ami ho Ita-nia dame. Ajuda ami atu tau fiar ba Ita-nia domin loroloron iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Segredu atu sai forsa no susesu

Nai Nia anju hatudu aan ba nia no dehan, “Na'i hamutuk ho ó, asuwain ne'ebé iha forsa.” Juis 6:12 BK

 Juis 6:12

Bainhira anju ne'e bolu Gideão nu'udar "asuwain ne'ebé kbiit boot", nia subar hela ho ta'uk. Ninia povu, ema Izrael, hetan atake husi sira-nia inimigu, no nia sente fraku, ki'ik, no la importante. Maibé Maromak haree buat balu ne'ebé Gideão rasik laharee. Maromak haree buat ne'ebé bele akontese bainhira Nia hamutuk ho Gideão. 

Segredu atu iha forsa no susesu la'ós tanba ita-nia forsa rasik, ita-nia podér no ita-nia skill. Ita bele hetan forsa no susesu tamba Maromak Nia prezensa. Anju ne'e hatete: "Nai hamutuk ho ó." Ne'e mak buat ne'ebé halo Gideao sai forsa no susesu - la'ós ninia aten-barani, la'ós ninia tropa, la'ós ninia kilat - maibé tamba Maromak hamutuk ho nia. 

Iha inisiu, Gédeão dúvida no sente katak nia la merese. Maibé kuandu nia tau fiar ba Maromak no halo tuir Maromak nia instrusaun sira, nia hetan vitoria mesmu ho tropa ki'ik ida. Ida-ne'e hatudu katak kuandu ita sadere ba Maromak duke sadere ba ita-nia an rasik, Nia fó forsa mai ita atu halakon ta'uk, sala, no dezafiu saida de'it ne'ebé ita hasoru. 

Dala ruma ita sente fraku - ta'uk, kole, ka la serteza - maibé hanoin lia-loos ida ne'e: kuandu Maromak hamutuk ho ita, ita nunka mesak no sempre iha forsa no susesu. Ninia Espiritu fó aten-barani, sabedoria, no vitoria. 

Forsa no susesu ne'ebé loos iha ita-nia moris la mai husi buat ne'ebé ita iha, maibé husi se mak hamutuk ho ita. Kuandu ita la'o hamutuk ho Maromak, Nia halo ita-nia fiar sai metin no vitoria. Ne'e mak segredu ne'ebé loos atu hetan forsa no susesu - no ida-ne'e lori ita ho susesu la'o ho seguru iha dalan ba lalehan. 

Orasaun: Nai, obrigadu tanba hamutuk ho ami maski ami sente fraku. Ajuda ami atu tau fiar ba Ita-Nia forsa, la'ós ba ami-nia an rasik no ajuda ami la'o ho aten-barani hamutuk ho Ita iha dalan ba lalehan. Amen.

 Juis 6:12

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More