Oinsá hasoru ta'uk?

Bainhira hau tauk, hau tau fiar iha O. Salmu 56:3 BK

Salmo 56:3

Dala ruma ema hotu sente ta'uk. Karik ita ta'uk kona-ba moras, perigu, futuru, ka saida mak ema sei hatete kona-ba ita. Ta'uk bele halo ita-nia laran sai fraku no ita-nia neon la hakmatek. Maibé iha versíkulu badak no poderozu ne'e, liurai David hatete saida mak ita tenke halo bainhira ita ta'uk: TAU FIAR BA MAROMAK. 

Liurai David hatene oinsá mak sentimentu ta'uk. Nia hakerek salmu ne'e bainhira inimigu sira duni tuir nia, no ninia moris iha perigu laran. Maibé liurai David la husik ta'uk kontrola nia, maibé nia hili atu tau fiar ba Maromak. Nia fiar katak maski problema ne'e boot tebes, maibé Maromak boot liu problema sira ne'e.

Fiar ba Maromak la signifika katak ita-nia ta'uk sei lakon kedas, maibé ne'e signifika katak ita la hasoru tan ta'uk sira ne'e mesak de'it. Kuandu ita halo orasaun no fó-hatene ba Maromak kona-ba buat ne'ebé ita sente, nia fó aten-barani no dame mai ita. Ninia promesa sira fó-hanoin ita katak Nia sempre hamutuk ho ita, proteje no dirije ita. 

Bainhira sentimentu ta'uk mai, keta halai husi Maromak, maibé halai ba Nia. Loke ita-nia Biblia no hanoin-hetan ninia liafuan sira ne'e: "Keta ta'uk, tanba Ha'u hamutuk ho imi; lalika hakfodak, tanba Ha'u mak imi-nia Maromak. Ha'u sei haforsa imi, no Ha'u sei ajuda imi. Ha'u sei kaer imi ho Ha'u-nia liman loos ne'ebé hala'o hahalok loos" Isaias 41:10. Halo tuir Ninia Liafuan sira no moris ho fiél maski susar. Fé sai forsa liutan kuandu ita kontinua obedese ba Maromak mezmu ita ta'uk. 

Tan ne'e, bainhira ita sente ta'uk, para no halo orasaun. Fó-hatene ba Maromak kona-ba sentimentu ne'e, no hili atu tau fiar ba Maromak. Nia sei kaer metin ita, fó kmaan ba ita-nia laran, no fó dame ba ita, bainhira ita la'o hamutuk ho Nia iha dalan ba lalehan. 

Orasaun: Nai, kuandu ami ta'uk, ajuda ami atu tau fiar ba Ita. Fó-hanoin ami katak Maromak boot liu fali ami-nia ta'uk no sempre besik. Fó aten-barani mai ami atu halo tuir Ita-nia hanorin sira hosi Sagrada Eskritura no kontinua la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá buka no bele hetan Maromak?

Bainhira imi buka Ha'u, imi sei hetan, bainhira imi buka Ha'u ho imi-nia fuan tomak. Jeremias 29:13 BK

Jeremias 29:13 

Maromak fó promesa furak ne'e ba Ninia povu bainhira sira hela iha Babilonia nu'udar dadur. Sira la halo tuir Maromak no hasoru susar oioin tanba konsekuensia hosi sira-nia sala. Maski nune'e, Maromak Nia domin la hotu ba sira. Nia hatete ba sira katak se sira buka duni Maromak ho sira-nia laran tomak, sira sei hetan fali nia. 

Lia-loos ne'e mós vale ba ita ohin loron. Dala ruma ita sente dook husi Maromak - karik tanba pekadu, ta'uk, ka prekupasaun iha ita-nia moris. Maibé Maromak la subar hosi ita. Nia hein hela ita atu fila fali ba Nia ho laran-moos no haraik-an. Kuandu ita buka Maromak ho laran tomak - la'ós de'it ho liafuan, maibé ho hakarak ne'ebé loos, Nia promete katak ita sei hetan Nia. 

Buka Maromak la'ós de'it halo orasaun ka lee Biblia dala ida de'it. Maibé ida-ne'e signifika katak tau uluk Maromak iha asaun hotu, rona Nia Liafuan loronloron, halo tuir ninia mandamentu sira, no dezezu ninia prezensa liu fali buat hotu. Ida ne'e mak kona-ba oinsá harii relasaun di'ak ho Maromak. 

No kuandu ita halo nune'e, buat ne'ebé furak akontese: ita sei hetan dame, perdua, no ojetivu moris nian ne'ebé loos. Ita deskobre katak Maromak besik ita hotu no ho pasiénsia hein ita atu fila fali ba Maromak. 

Entaun, se ita sente dook husi Maromak, keta rende. Hahú buka Maromak ohin, ho ita-nia laran tomak, ho fé no halo tuir Ninia hanorin sira hosi Sagrada Eskritura. Nia sei hasoru ita iha fatin ne'ebé ita hela ba no lori ita besik liu ba Nia an, hodi pasu pur pasu direji ita atu la'o ba oin, iha dalan ba lalehan. 

Orasaun: Nai, obrigadu ba promete katak ami bele hetan Ita bainhira ami buka Ita ho ami-nia laran tomak. Ajuda ami atu buka Ita loroloron liuhusi orasaun, halo tuir ita-nia hanorin sira, no hatudu domin ba ema seluk, bainhira ami la'o hela iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Mate atu bele moris

Ha'u mate tiha ona hamutuk ho Kristu iha krús. La'os ha'u mak moris, maibé Kristu mak moris iha ha'u. No agora ha'u-nia moris iha isin ne'e, ha'u moris liuhosi fiar iha Maromak nia Oan, ne'ebé hadomi ha'u, no fó ona Ninia aan tanba ha'u. Galásia 2:20 BK

Galásia 2:20 

Bainhira apóstolu Paulo hakerek liafuan sira-ne'e, nia esplika lia-loos ida kona-ba moris kristaun nian. Lia loos nee mak: atu bele moris, ulukliu ita tenke mate, la'ós fizikamente maibé espirituálmente. Bainhira ita simu Jesus nu'udar ita-nia Salvador, ita-nia hahalok pekador tuan sira ita "prega ba krús ho Kristu". Ida ne'e signifika katak ita la moris tan atu halo ita-nia an kontente, maibé atu halo Maromak kontente. 

Mate ida hanesan ne'e, la'ós lakon maibé liberdade. Hahalok tuan sala nian ne'ebé ita halo ona no hanoin an de'it lakon ona no moris foun hahú. Jesus la'ós de'it fó perdua ba ita-nia sala sira, maibé nia muda ita-nia laran. Ninia espíritu hahú moris iha ita-nia laran hodi dirije ita-nia hanoin, liafuan no hahalok sira. 

Agora, ita moris liuhusi fé ba Jesus, fiar ba Nia loroloron. Maibé fiar ne'e mós tenke lori ita atu halo tuir Ninia hanorin sira iha Sagrada Eskritura. Se Kristu moris duni iha ita, ita-nia hahalok sei hatudu. Ita sei hasees an husi sala, ita sei hadomi ema seluk, no la'o tuir Ninia lia-loos hotu iha Sagrada Eskritura. Se ita halo ida ne'e, ita-nia moris sei refleta Jesus Ninia karakter di'ak sira. 

"Mate ba ita-nia an rasik" signifika katak ita rende ita-nia hahalok foti-an, hirus, kaan-teen, hakarak hanoin an de'it, no husik Jesus kontrola ita-nia moris. Ida ne'e sei la fasil ba ita, maibé ida ne'e mak dalan uniku ba ita atu hetan ksolok ne'ebé loos, dame no moris rohan-laek. 

Tan ne'e, bainhira ita mate ba ita-nia hahalok aat sira, ita komesa moris espirituálmente, tanba Kristu moris iha ita-nia laran. Ida ne'e mak segredu ba moris foun hodi la'o iha dalan ba lalehan. 

Orasaun: Nai Jesus, obrigadu tanba mate ona ba ami. Ajuda ami atu mate ba ami-nia hahalok aat sira kada loron, nune'e ita bele mai moris iha ami-nia laran. Hanorin ami atu hatudu ami-nia fiar liuhusi halo tuir ita-nia hanorin sira iha Sagrada Eskritura no direji ami atu sempre la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More