Maromak iha planu ba ita

Tanba Ha'u hatene Ha'u-nia planu ne'ebé Ha'u halo kona-ba imi, hatete Na'i, planu dame nian no la'os planu aat, hodi fó ba imi futuru ida ne'ebé iha esperansa. Jeremias 29:11 BK

Jeremias 29:11

Moris la sempre la'o tuir saida mak ita espera. Dala ruma ita hasoru problema, moras, ka hein buat ruma ne'ebé halo ita pergunta: " iha situasaun sira hanesan ne'e, Maromak iha ne'ebé?" Maibé Biblia fó-hanoin ita katak maski moris la iha serteza, maibé Maromak iha planu - planu ne'ebé di'ak ba ita hotu. 

Bainhira Maromak fó promesa ne'e liuhusi profeta Jeremias, povu Israel moris iha Babilonia nu'udar dadur. Sira dook husi rai moris fatin no sente la iha esperansa. Maibé Maromak haruka sira atu la rende. Nia la haluha sira. Iha Ninia tempu ne'ebé perfeitu, Nia sei lori fila fali sira no haraik bénsaun ba sira. 

Versíkulu ne'e hanorin ita atu tau fiar ba Maromak maski ita la haree hetan no la serteza ba buat hotu. Ninia planu la sempre hanesan ho ita-nian, maibé Ninia planu sempre ba ita-nia di'ak. Roma 8:28 hatete: "Ita hatene katak buat hotu hala'o hamutuk hodi halo di'ak ba sira ne'ebé hadomi Maromak, ba sira ne'ebé Maromak bolu tuir Ninia planu". 

Ita bele hatudu ita-nia fiar liuhosi halo tuir Ninia Liafuan sira, halo orasaun ho laran-metin, no tau ita-nia esperansa iha Nia. Kuandu ita la'o tuir Maromak Nia dalan, ita bele serteza katak ita-nia hakat hotu sei lori ita besik liután ba futuru ne'ebé Nia prepara ona - planu ne'e mak moris rohan-laek hamutuk ho Nia. 

Orasaun: Nai, obrigadu tanba Ita iha planu ba ami-nia moris. Ajuda ami atu tau fiar ba Ita maski ami la komprende. Fó matadalan ba ami-nia laran atu la'o tuir Ita-nia dalan sira no ajuda ami la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Husik Maromak diriji ita-nia hakat sira

Ema ida nia fuan laran halo planu kona ba ninia dalan, maibé Na'i sei diriji ninia hakat sira. Provérbiu 16:9 TL

Provérbiu 16:9 

Di'ak ba ita atu halo planu. Ita halo planu ba eskola, serbisu, família no futuru. Maibé Biblia fó-hanoin ita katak maski ita halo planu barak, maibé Maromak mak dirije ita-nia hakat sira. Ita moris seguru liu Kuandu ita halo tuir Maromak nia matadalan. 

Dala ruma, buat ne'ebé ita planu la akontese hanesan saida mak ita espera. Ida-ne'e bele halo ita konfuzaun ka desapontadu. Maibé Maromak haree buat ne'ebé boot liu. Nia hatene saida mak di'ak liu ba ita, maski ita la komprende. Hanesan Proverbios 3: 5-6 hatete: "Fiar ba Na'i ho ó-nia fuan laran tomak, no keta sadere ba ó-nia kompriensaun rasik. Iha ó-nia dalan hotu, hanoin ba Nia, no Nia sei diriji ó-nia dalan sira"

Husik Maromak dirije ita-nia hakat sira signifika ita husu uluk Maromak iha orasaun antes halo desizaun. Ida-ne'e signifika katak ita tenke halo tuir Ninia Liafuan no fiar ba Ninia tempu. Maromak Nia planu la sempre fasíl, maibé Maromak Nia planu sempre lori dame no bénsaun. 

Kuandu ita hala'o ita-nia moris obedese ba Maromak Ninia hanorin sira ho fé, Maromak sei lori ita iha dalan ne'ebé loos, ne'ebé lori ita ba moris rohan-laek. Ita-nia viajen iha mundu ida ne'e sei iha valor bainhira Maromak mak dirije ita. 

No lembra: husik Na'i Maromak diriji ita-nia planu sira no moris tuir Maromak Ninia hanorin sira mak sei lori ita la'o iha dalan ba Lalehan.

Orasaun: Nai, ajuda ami atu tau fiar ba Ita ho ami-nia planu sira. Hanorin ami atu rona Ita-nia Liafuan no husik Ita dirije ami-nia hakat sira kada loron. Halo ami la'o iha dalan loos - Ita-nia dalan - dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahalok hanesan Jesus

Ema ne'ebé dehan katak nia hela iha Jesus tenki la'o ho hahalok hanesan Jesus nian. 1 João 2:6

1 João 2:6

Sai ema kristaun signifika halo tuir Jesus - la'ós de'it ho ita-nia liafuan, maibé mós ho ita-nia hahalok. Iha versíkulu ne'e, apóstolu Joao fó-hanoin ita katak se ita hatete katak ita hatene Maromak, ita tenke la'o tuir Jesus Nia dalan. Ne'e signifika katak moris hanesan Nia, hadomi hanesan Nia, no halo tuir Maromak hanesan Nia. 

Iha versíkulu sira antes ne'e, apóstolu Joao ko'alia kona-ba halo tuir Maromak nia mandamentu sira (1 Joao 2: 3-5). Nia hatete katak se ita halo tuir Ninia Liafuan, ita bele hatene katak ita mak Maromak Nia ema. Domin ba Maromak hatudu liuhusi obedese ba Ninia hanorin sira iha Sagrada Eskritura. Jesus rasik hatete: "Se ó hadomi ha'u, kumpre ha'u-nia mandamentu sira." João 14:15

Jesus halo tuir Ninia Aman ho perfeitu. Nia moris ho haraik-an, fó perdua ba sira ne'ebé hakanek Nia, no sempre hatudu laran-di'ak no laran-sadi'a. Nia gasta tempu hodi halo orasaun no tau fiar tomak ba Maromak maski Nia hetan terus. La'o tuir Jesus signifika halo tuir Jesus Nia ezemplu loroloron - hatudu domin duke odi, fó perdua duke hirus, no obedese duke hanoin an de'it. 

Lao tuir Jesus la fasil, maibé ita la mesak de'it. Kuandu ita simu Jesus, espíritu santu ajuda ita atu moris hanesan Nia. Kada pasu ne'ebé ita halo ho fé, laran-di'ak, no halo tuir Maromak sei lori ita hakbesik liután ba Maromak no ajuda ita kontinua la'o iha dalan ba lalehan. 

Orasaun: Na'i Jesus, ajuda ami atu la'o tuir Ita-Boot nia dalan. Hanorin ami atu hadomi ema seluk, halo tuir Ita-nia Liafuan, no moris loroloron ho haraik-an. Haforsa ami liuhusi Ita-nia espíritu atu nune'e ami-nia moris bele hatudu duni katak ami mak Ita-nian hodi lao iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More