Luta iha funu fiar nian ho di'ak

Ha'u luta tiha ona iha funu di'ak, ha'u halai taru ona to'o rohan, ha'u kaer metin ona iha fiar. 2 Timóteo 4:7 BK

Timóteo 4:7

Iha versíkulu ne'e, apóstolu Paulo besik to'o ona rohan hosi ninia moris. Nia hateke fali ba kotuk no hatete ho fiar an katak nia halo ona funu fiar nian ne'ebé di'ak, halai ona to'o rohan, no kaer metin ninia fiar nafatin. Ninia liafuan sira fó-hanoin ba ita katak moris hanesan ema kristaun la fasil - moris hanesan ema Kristaun tenke hasoru funu fé nian kontra buat aat, tenke obedese, no kontinua tahan nafatin atu la'o tuir hanorin ne'ebé loos. 

Apóstolu Paulo hasoru susar barak hanesan komarka, hamlaha, rejeisaun no terus. Maibé nia nunka rende tanba nia hateke ba Jesus. Nia hatene katak buat hotu ne'ebé nia halo atu fo glória ba Maromak ne'e merese duni. Iha versíkulu 8, apóstolu Paulo hatete katak "koroa moris loos nian" hein hela nia, ne'e mak premiu husi Nai rasik. 

Atu "luta iha funu ho di'ak" ne'e signifika mantein fiar bainhira hasoru susar iha ita-nia moris. Ne'e signifika katak hili atu halo buat ne'ebé loos maski susar. Ita luta hasoru buat aat ho domin, orasaun, perdua, pasiénsia, no lia-loos. Ita-nia forsa mai husi Maromak, la'ós husi ita-nia an rasik. Hanesan Efeso 6: 11 hatete: "Hatais Maromak nia armas tomak, atu imi bele hamriik hasoru Diabu nia planu aat"

Kada loron hanesan pasu ida tan iha ita-nia halai taru fiar nian. Kuandu ita kontinua tau fiar ba Jesus no halo tuir Ninia Liafuan sira, ita sei hakbesik liután ba ita-nia ojetivu lalehan nian. 

Entaun keta rende! Kontinua luta hasoru susar no buat aat ho di'ak, kontinua halai taru fiar nian, no loron ida, ita sei remata no hetan moris rohan-laek hamutuk ho Jesus, ne'ebé sai ita-nia dalan ba lalehan. 

Orasaun: Nai, fó forsa mai ami atu halo luta fiar nian ne'ebé di'ak. Ajuda ami atu fiél nafatin, obedese ba ita-nia hanorin sira iha Sagrada Eskritura, no tau esperansa ba Maromak to'o moris nia rohan. Ajuda Ami atu kontinua hateke ba Jesus bainhira ami la'o no halai iha dalan ba lalehan. Amen.

Timóteo 4:7

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak iha planu ba ita

Tanba Ha'u hatene Ha'u-nia planu ne'ebé Ha'u halo kona-ba imi, hatete Na'i, planu dame nian no la'os planu aat, hodi fó ba imi futuru ida ne'ebé iha esperansa. Jeremias 29:11 BK

Jeremias 29:11

Moris la sempre la'o tuir saida mak ita espera. Dala ruma ita hasoru problema, moras, ka hein buat ruma ne'ebé halo ita pergunta: " iha situasaun sira hanesan ne'e, Maromak iha ne'ebé?" Maibé Biblia fó-hanoin ita katak maski moris la iha serteza, maibé Maromak iha planu - planu ne'ebé di'ak ba ita hotu. 

Bainhira Maromak fó promesa ne'e liuhusi profeta Jeremias, povu Israel moris iha Babilonia nu'udar dadur. Sira dook husi rai moris fatin no sente la iha esperansa. Maibé Maromak haruka sira atu la rende. Nia la haluha sira. Iha Ninia tempu ne'ebé perfeitu, Nia sei lori fila fali sira no haraik bénsaun ba sira. 

Versíkulu ne'e hanorin ita atu tau fiar ba Maromak maski ita la haree hetan no la serteza ba buat hotu. Ninia planu la sempre hanesan ho ita-nian, maibé Ninia planu sempre ba ita-nia di'ak. Roma 8:28 hatete: "Ita hatene katak buat hotu hala'o hamutuk hodi halo di'ak ba sira ne'ebé hadomi Maromak, ba sira ne'ebé Maromak bolu tuir Ninia planu". 

Ita bele hatudu ita-nia fiar liuhosi halo tuir Ninia Liafuan sira, halo orasaun ho laran-metin, no tau ita-nia esperansa iha Nia. Kuandu ita la'o tuir Maromak Nia dalan, ita bele serteza katak ita-nia hakat hotu sei lori ita besik liután ba futuru ne'ebé Nia prepara ona - planu ne'e mak moris rohan-laek hamutuk ho Nia. 

Orasaun: Nai, obrigadu tanba Ita iha planu ba ami-nia moris. Ajuda ami atu tau fiar ba Ita maski ami la komprende. Fó matadalan ba ami-nia laran atu la'o tuir Ita-nia dalan sira no ajuda ami la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Husik Maromak diriji ita-nia hakat sira

Ema ida nia fuan laran halo planu kona ba ninia dalan, maibé Na'i sei diriji ninia hakat sira. Provérbiu 16:9 TL

Provérbiu 16:9 

Di'ak ba ita atu halo planu. Ita halo planu ba eskola, serbisu, família no futuru. Maibé Biblia fó-hanoin ita katak maski ita halo planu barak, maibé Maromak mak dirije ita-nia hakat sira. Ita moris seguru liu Kuandu ita halo tuir Maromak nia matadalan. 

Dala ruma, buat ne'ebé ita planu la akontese hanesan saida mak ita espera. Ida-ne'e bele halo ita konfuzaun ka desapontadu. Maibé Maromak haree buat ne'ebé boot liu. Nia hatene saida mak di'ak liu ba ita, maski ita la komprende. Hanesan Proverbios 3: 5-6 hatete: "Fiar ba Na'i ho ó-nia fuan laran tomak, no keta sadere ba ó-nia kompriensaun rasik. Iha ó-nia dalan hotu, hanoin ba Nia, no Nia sei diriji ó-nia dalan sira"

Husik Maromak dirije ita-nia hakat sira signifika ita husu uluk Maromak iha orasaun antes halo desizaun. Ida-ne'e signifika katak ita tenke halo tuir Ninia Liafuan no fiar ba Ninia tempu. Maromak Nia planu la sempre fasíl, maibé Maromak Nia planu sempre lori dame no bénsaun. 

Kuandu ita hala'o ita-nia moris obedese ba Maromak Ninia hanorin sira ho fé, Maromak sei lori ita iha dalan ne'ebé loos, ne'ebé lori ita ba moris rohan-laek. Ita-nia viajen iha mundu ida ne'e sei iha valor bainhira Maromak mak dirije ita. 

No lembra: husik Na'i Maromak diriji ita-nia planu sira no moris tuir Maromak Ninia hanorin sira mak sei lori ita la'o iha dalan ba Lalehan.

Orasaun: Nai, ajuda ami atu tau fiar ba Ita ho ami-nia planu sira. Hanorin ami atu rona Ita-nia Liafuan no husik Ita dirije ami-nia hakat sira kada loron. Halo ami la'o iha dalan loos - Ita-nia dalan - dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More