Fo korajen ba malu

Nunee foʻ korajen ba malu no hametin malu, hanesan imi halo dadaun. 1 Tesalónika 5:11 BK

1 Tesalónika 5:11

Dala ruma ita hetan susar iha moris. Ita hotu hasoru situasaun ne'ebé halo ita sente laran-susar, triste, ka fraku. Tan ne'e mak Maromak haruka ita atu fó korajen no hametin malu. Iha versíkulu ne'e, apóstolu Paulo fó-hanoin ba ema kristaun sira iha Tesalonika katak sai parte husi Maromak nia família signifika katak ajuda malu nafatin atu metin iha fiar, liuliu iha tempu susar sira. 

Fo korajen signifika fó esperansa ba ema ida bainhira sira sente fraku ka ta'uk. Atu hamtein malu signifika ajuda ema ida atu krese liután iha sira-nia fiar no sai hanesan Jesus. Ita bele halo ida-ne'e liu hosi ko'alia ho laran-di'ak, halo orasaun ba ema seluk, hatudu domin, ka liu hosi ita-nia prezensa de'it ba ema ne'ebé presiza tulun. 

Bíblia mós hatete iha Ebreu 10: 24-25 hanesan tuir mai ne'e: "Mai ita hanoin oinsaa ita bele foo hanoin ba malu atu hatudu domin no hahalok diak. Keta haluha atu halibur hamutuk, hanesan ema balu toman ona. Maibee foo korajen ba malu, no halo liu tan tanba ita haree katak Loron nee besik ona". Maromak nunka hakarak ita atu hala'o ita-nia vida Kristaun mesak de'it. Nia tau ita iha familia boot kristaun nia leet atu nune'e ita bele ajuda malu liuliu iha tempu susar sira.

Kuandu ita fó korajen ba ema seluk, ita mós fahe Jesus nia domin. Ita-nia liafuan no asaun sira bele lori dame, esperansa no ksolok ba ema seluk nia laran. Maski ita hatudu laran-di'ak uitoan de'it, ida-ne'e bele fó-hanoin ema katak Maromak sei hanoin no kuida nafatin sira. 

Tan ne'e, ohin, husu Maromak atu hatudu ema ida ne'ebé presiza korajen. Biarba ita sai razaun ida ba ema-nia hamnasa, oin-midar no hetan fali forsa iha fiar. Kuandu ita tane no ajuda malu, ita ajuda malu atu nafatin ho fiar iha dalan ba lalehan. 

Orasaun: Nai, obrigadu tanba fó ami maun-alin sira iha fiar nian. Ajuda ami atu fó korajen no hametin ema seluk ho domin no lia-loos. Husik ami-nia liafuan no hahalok sira hametin Ita-nia ema bainhira ami la'o hamutuk dadauk iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haksolok iha lia loos

Domin la haksolok ho hahalok aat, maibee haksolok ho lia loos. 1 Korinto 13:6 BK

1 Korinto 13:6

Iha versíkulu ne'e, apóstolu Paulo esplika kona-ba oinsá domin ne'ebé loos. Domin ne'ebé loos la'ós de'it kona-ba sentimentu ka liafuan ne'ebé furak, maibé domin ne'ebé loos mak kona-ba moris tuir lia-loos. Lia loos ne'e mak Maromak Ninia futarlia (João 17:17) no Maromak Ninia futarlia ne'e mak Jesus (João 1:1). Apóstolu Paulo hatete katak domin la haksolok ho buat-aat. Ne'e signifika katak domin nunka haksolok ho sala, lia-bosok, ka haksolok ho ema seluk nia terus. Domin kontente ho lia-loos, tanba lia-loos lori naroman, dame no liberdade. 

Jesus hatete: “Hau mak dalan, lia loos no moris. Ema ida la bele hakbesik ba Aman, só deit liu hosi Hau.” João 14:6. Haksolok iha lia-loos katak haksolok ho Jesus rasik. Kuandu ita-nia laran nakonu ho ninia lia-loos, ita sei hadomi buat ne'ebé di'ak no odi buat ne'ebé sala. Ita sei la gosta gossip ka lia-bosok, desonestu, ka injustisa, maibé ita sei haksolok tanba onestu, laran-di'ak, perdaun, no lia loos. 

Domin loos no lia-loos sempre la'o hamutuk. Se la iha lia-loos, domin sai fraku no bosok. Se la iha domin, lia-loos bele sai aat no halo ema foti-an. Maibé kuandu sira nain-rua hamutuk, sira refleta Maromak nia laran. 

Nu'udar Kristu nia dixipulu, ita hetan xamada atu moris ho loloos - liuhusi ita-nia liafuan, hahalok no relasaun ho ema seluk. Kuandu ita ko'alia no moris tuir lia-loos, ita hatudu katak Maromak nia domin moris iha ita-nia laran. 

Mai ita husu Maromak atu ajuda ita hadomi buat ne'ebé loos, atu hamriik metin ba buat ne'ebé loos, no atu moris loroloron iha ninia naroman. Ne'e mak oinsá ita la'o ho haksolok no laran-metin iha dalan ba lalehan. 

Orasaun: Nai, enxe ami-nia laran ho Ita-nia lia-loos no domin. Ajuda ami atu rejeita buat-aat no haksolok ho buat ne'ebé loos. Husik ami-nia moris hatudu Ita-nia lia-loos bainhira ami la'o loroloron iha dalan ba lalehan. Amen.

1 Korinto 13:6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Dalan iha rai- fuik maran

Lian ida hakilar: “Iha rai fuik laran prepara Nai nia dalan, halo loos dalan boot iha rai maran ba ita nia Maromak.” Isaias 40:3 BK

Isaias 40:3

Antes Jesus moris, profeta Isaias fó sai mensajen kona-ba esperansa ne'e. Nia ko'alia kona-ba ema ida-ne'ebé sei mai atu prepara dalan ba Nai. Ema ne'e mak João Batista, ne'ebé ikusmai bolu ema atu arrepende an no fila fali sira-nia laran ba Maromak antes Jesus hahú ninia serbisu (Mateu 3: 1-3). 

Rai-fuik maran iha versíkulu ne'e, fo hanoin ita kona-ba tempu susar sira iha ita-nia moris - tempu ne'ebé ita sente lakon, mesak ka dook husi Maromak. Maibé maski iha tempu rai-fuik maran sira-ne'e, Maromak serbisu hela. Nia buka dalan atu nia mai tama iha ita-nia laran. Kuandu ita arrepende an no fila kotuk ba pekadu, ita prepara dalan ba Nai atu dirije ita no lori moris foun ba ita. 

Hanesan João Batista prepara ema atu hasoru Jesus, ita mós tenke prepara ita-nia laran ohin loron. Ita halo ida-ne'e liuhosi haraik-an, konfesa ita-nia sala, no halo tuir Maromak nia Liafuan sira. Bainhira ita halo ida ne'e, Maromak halo ita-nia laran nakonu ho ninia dame no ojetivu moris nian.

Maski ita-nia moris sai maran ka la iha esperansa, maibé hanoin-hetan katak Maromak bele halo dalan iha rai-fuik maran.

 Nia sei lori ita pasu pur pasu ba ninia promesa salvasaun nian no moris rohan-laek.

Mai ita nafatin loke ita-nia laran no halo Ita-nia dalan loos ba Nai, bainhira ita la'o hela ho laran-metin iha dalan ba lalehan. 

Orasaun: Nai, obrigadu ba halo dalan iha rai-fuik iha ami-nia moris. Favór, ajuda ami atu hases aan husi sala, prepara ami-nia laran ba Ita, no la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More