Liuhusi bee no ahi-lakan

Bainhira ó la'o liu hosi tasi, Ha'u sei hamutuk ho ó; no bainhira ó hakur mota, sira sei la taka ó; no bainhira ó la'o liuhosi ahi, ahi ne'e sei la haan ó; no ahi lakan ne'e sei la sunu ó. Isaias 43:2 BK

Isaias 43:2

Atu komprende versikulu ne'e, ita presiza haree didi'ak versíkulu ne'e nia kontestu. Iha Isaias 43, Maromak ko'alia daudaun ba Ninia povu Izrael ne'ebé hasoru susar, ta'uk no dadur. Sira sente katak Maromak husik hela sira no la serteza kona-ba sira-nia futuru. Maibé Maromak fó-hanoin sira: "Imi mak ha'u-nian... Ha'u kria ó... Keta ta'uk." Tuirmai Nia fó promesa furak ida-ne'e iha versíkulu 2. 

Maromak la hatete: se sira la'o liu bee ka ahi - Nia dehan bainhira. Ida-ne'e hanorin ita katak Maromak Nia oan sira mós sei liuhusi bee kle'an (problema/susar) no liuhusi ahi-lakan (moras no luta sira) iha sira-nia moris. Sai ema kristaun la halakon susar no dezafiu sira. Maibé Maromak promete buat ida-ne'ebé boot liu: Ninia prezensa no protesaun iha anin-fuik hotu.

"Bee" reprezenta problema boot sira no . 

 "Ahi-lakan" reprezenta situasaun sira ne'ebé halo ita sente laran-kanek. 

Maibé Maromak hatete: "Hau sei hamutuk ho ó." Bee sei la halo ó mout, ahi sei la destroi ó. 

Ida ne'e la dehan katak problema sei lakon, maibé ida ne'e signfika katak Maromak sei lori no hamutuk ho ita liuhusi problema sira-ne'e. Hanesan nia loke tasi mean (Exodus 14), proteje mane nain-tolu iha fornu ahi nian (Daniel 3), no hametin fiar-na'in barak, Nia mós sei hamutuk ho ita iha ita-nia tempu susar sira. 

Ohin, se ita la'o liu bee kle'an, kaer metin ba Maromak Nia promesa sira. Ita la mesak de'it. Maromak la'o iha ita-nia sorin, haforsa ita, no lori ita ho seguru liuhusi susar hotu. 

Tau fiar ba Nia - tanba Ninia prezensa mak fatin ne'ebé seguru liu iha dalan ba lalehan. 

Orasaun: Nai, obrigadu ba ita-nia promesa atu hamutuk ho ami liuhusi bee no ahi-lakan hotu. Ajuda ami atu tau fiar ba Ita kuandu hetan susar iha moris. La'o hamutuk ho ami, proteje ami no dirije ami bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JESUS BELE HALO BUAT NE'EBE IMPOSIVÉL

Maibé Jesus hateke ba sira, no dehan, “Ba ema, la bele; maibé ba Maromak, buat hotu bele.” Mateus 19:26 BK

Mateus 19:26

Atu komprende versikulu ne'e, ita presiza haree istória husi versíkulu anterior sira iha Mateus 19: 16-25. Mane joven ida-ne'ebé riku mai hasoru Jesus no husu: "Buat di'ak saida mak ha'u tenke halo atu hetan moris rohan-laek?" Nia hanoin katak nia bele ba lalehan liuhusi Ninia eforsu rasik. Jesus hatete ba nia atu halo tuir mandamentu sira, no mane joven ne'e dehan “Hau halo tuir ona buat sira nee hotu. Saida tan mak hau sei falta?” Mateus 19:20

Maibé Jesus hatene katak osan mak importante liu iha ninia laran. Tan ne'e, Jesus hatete: “Se o hakarak sai perfeitu, baa faan o nia sasaan, no foo ba ema kiak, no o sei hetan riku-soin iha lalehan. No mai tuir Hau.” Mateus 19:21. Mane joven ne'e la'o ho triste tanba nia hadomi liu ninia rikusoin duke Maromak. 

Tuirmai Jesus hatete ba ninia dixipulu sira katak susar tebes ba ema riku atu tama ba reinu lalehan - la'ós tanba osan ka riku-soin mak buat aat ida, maibé tanba ema tau fiar liu ba sira-nia rikusoin liu fali Maromak. Dixipulu sira hakfodak no husu: " Entaun se mak bele hetan salvasaun?" 

Jesus hatán ho lia-loos iha Mateus 19:26 “Ba ema, la bele; maibee ba Maromak, buat hotu bele.”

Ita labele salva ita-nia an liuhusi serbisu di'ak sira, osan, ka esforsu maka'as. Salvasaun ne'e imposivél ba ema, maibé posivél liuhusi Jesus Kristu. Nia mesak de'it mak bele fó perdua ba sala, muda ema nia laran, no fó moris rohan-laek. 

Buat saida de'it ne'ebé haree hanesan imposivél iha ita-nia moris - hanesan salvasaun ba ema neʼebé ita hadomi, relasaun familia ne'ebé aat, no problema ne'ebé ita hasoru iha moris. Karik ita hasoru problema sira ne'e, hanoin-ba katak Jesus bele halo buat ne'ebé imposivél. Bainhira ita tau fiar ba nia, ita tau ita-nia moris iha liman ne'ebé la iha limitasaun. 

La'o ho fé no fiar aan tamba ita hatene Jesus mak loke odamatan ba moris rohan-laek no lori ita atu la'o iha dalan ba lalehan. 

Orasaun: Nai Jesus, obrigadu tanba buat ne'ebé imposivél ba ami posivél ba ita. Ajuda ami tau fiar ba Ita-nia kbiit iha ami-nia moris tomak. Hametin ami-nia fiar bainhira ami la'o tuir Ita iha dalan ba lalehan. Amen.

Mateus 19:26

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Podér ne'ebé ita presiza

Tanba Espíritu ne'ebé Maromak fó ona ba ita laos Espíritu ta'uk maibé Espíritu ne'ebé iha kbiit, domin no halo ita kontrola aan. 2 Timóteo 1:7 BK

2 Timóteo 1:7

Iha versíkulu ida-ne'e, apóstolu Paulo hakerek ba pastor Joven ida naran Timoteo, ne'ebé dala ruma sente ta'uk no la iha serteza. Timoteo iha responsabilidade boot, no dezafiu sira ne'ebé hale'u nia halo nia la serteza. Apostolo Paulo fó-hanoin nia kona-ba buat ida ne'ebé importante tebes: ta'uk la mai husi Maromak. Maromak fó forsa, aten-barani no dame ba ninia oan sira. 

Lia-loos ne'e mós bale ba ita ohin loron. Dala barak ita sente ta'uk - ta'uk kona-ba futuru, ta'uk kona-ba fallansu, no ta'uk kona-ba oinsá ema nia hanoin ba ita. Maibé Maromak lakohi ta'uk atu kontrola ita-nia moris. Nia fó podér mai ita liuhusi Ninia espíritu santu. Podér ne'e bele ajuda ita hasoru problema oioin, hasoru tentasaun, no kontinua la'o ba oin maski hasoru susar iha moris. 

Maromak mós fó domin mai ita - domin ne'ebé ajuda ita atu fó perdua, hadomi ema seluk, no hatudu laran-di'ak. Kuandu domin hakonu ita-nia laran, ta'uk lakon ninia podér. 

No Maromak fó ita hanoin di'ak sira, ne'ebe signifika sabedoria, hanoin ne'ebé klaru, no kontrola ita-nia an. Ho Maromak nia ajuda, ita bele halo desizaun ne'ebé di'ak, hakmatek iha tempu susar, no tau fiar ba nia duke hanoin barak. 

Ohin loron, se ita sente fraku ka ta'uk, hanoin-hetan versikulu ne'e. Ita iha ona buat hotu ne'ebé ita presiza iha ita-nia laran tanba Maromak tau Ninia Espíritu iha ita-nia laran. Forsa ne'ebé Ita presiza mak la'os ita-nia forsa rasik - maibé Maromak nia forsa ne'ebé serbisu iha ita. 

La'o ho fiar aan. La'o ho domin. La'o ho dame. Kuandu Maromak hamutuk ho ita, la iha buat ida mak bele hapara Ninia hakarak ba ita-nia moris. No bainhira ita tau fiar ba Ninia Espíritu loroloron, Nia sei dirije ita ho seguru iha dalan ba lalehan. 

Orasaun: Nai, obrigadu tanba Ita la fó ami Espíritu ta'uk nian, maibé kbiit, domin, no hanoin ne'ebé loos. Ajuda ami atu tau fiar ba Ita-nia Espíritu no la'o ho korajen loroloron, bainhira ami la'o tuir Ita iha dalan ba lalehan. Amen.

2 Timóteo 1:7

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More