Maromak kumpre ninia promesa sira

Tebes, tempu sei mai, hatete Nai, bainhira Ha'u sei kumpri promesa ne'ebé Ha'u halo tiha ona ba jerasaun Israel sira no jerasaun Judá. Jeremias 33:14 BK

Jeremias 33:14

Jeremias 33 mak mensajen esperansa nian ne'ebé fó durante tempu nakukun iha istória Israel nian. Maromak nia povu hasoru destruisaun tanba sira-nia sala. Sidade Jeruzalein, inimigu sira hale'u no ema barak sente ta'uk no abandonadu. Maibé iha tempu terus ne'e nia laran, Maromak fó-hanoin sira katak nia nunka haluha ninia promesa sira. 

Iha versíkulu 14, Maromak hatete: "Tempu sei mai... Ida-ne'e signifika, maski iha tempu ne'ebá susar tebes, maibé loron ne'ebé di'ak liu mai daudaun. Maromak promete ona katak Nia sei haruka Liurai ida husi David nia família - ne'ebé sei lori justisa, dame no salvasaun. Liafuan ne'e indika ba Jesus Kristu, Mesias. 

Maromak nia promesa lori tinan barak atu kumpre, maibé ida-ne'e kumpre duni. Jesus mai iha tempu ne'ebé loos, moris iha ita-nia leet, mate tanba ata-nia sala, no mori hi'as fali. Ida-ne'e hatudu katak Maromak sempre halo tuir Ninia liafuan dira maski ita tenke hein. 

Dala ruma iha ita-nia moris ita mós hasoru tempu nakukun sira hanesan moras. Ita halo orasaun, maibé la iha buat ida mak muda. Ita sente katak Maromak dook los hosi ita. Maibé Jeremiah 33:14: fo hanoin ita katak Maromak serbisu maski ita la haree. Ninia promesa sira la falla. Ninia tempu sempre perfeitu. No ninia planu sira sempre di'ak. 

Se Maromak kumpre Ninia promesa atu haruka Salvador ida, Nia mós sei kumpre Ninia promesa atu hamutuk ho ita, ajuda ita, hametin ita, no fó dame ba ita. 

Bainhira ita tau fiar ba Maromak Nia promesa hotu, ne'ebé Maromak promete ona, ita-nia fiar sai metin liután no ita-nia laran nakonu ho esperansa. Bainhira ita kaer metin ba Maromak Nia promesa sira, ita sei kontinua la'o ho laran-metin iha dalan ba lalehan. Amen.

  

Jeremias 33:14

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Proteje ó-nia fuan laran

Proteje ó-nia fuan laran ho seguru, tanba ó-nia moris mosu mai hosi ó-nia fuan laran. Provérbiu 4:23 BK

Provérbiu 4:23

Ita-nia laran la'ós de'it hanesan fatin ba sentimentu. Iha Bíblia, "fuan-laran" mak ita-nia hanoin, desizaun, hakarak no fiar horik ba. Tan ne'e mak Proverbios haruka ita atu guarda didi'ak ita-nia laran ho kuidadu. Buat ne'ebé ita husik tama ba ita-nia laran sei forma ita-nia karakter no influensia ita-nia moris. 

Iha versíkulu sira ne'ebé hale'u Proverbios 4:23, hakerek-nain ne'e fó sabedoria ba ninia oan-mane. Nia hatete atu rona ba Maromak Nia liafuan, atu hasees an husi dalan aat sira, no atu hili dalan atu halo hahalok loos. Nia esplika katak ita tenke proteje ita-nia laran tanba ida-ne'e afeta ita-nia moris tomak. Se ita enxe ita-nia laran ho hirus, laran-moras, ka hakarak sala-nian, ita-nia asaun sira sei hatudu mós. Maibé se ita halo tuir Maromak Nia lia-loos, domin, no sabedoria, ita bele moris iha dalan ne'ebé halo Maromak kontente. 

Proteje ita-nia laran signifika ita tenke kuidadu kona-ba buat ne'ebé ita haree, buat ne'ebé ita rona, no se mak ita banati tuir. Ne'e signifika hatete "lae" ba buat ne'ebé dada ita dook husi Maromak. Ida-ne'e mós signifika hatete "loos" ba orasaun, lee Biblia, tuir adorasaun, no gasta tempu ho ema ne'ebé ajuda ita krexe iha fiar. 

Ita labele proteje ita-nia laran liuhusi ita-nia forsa rasik. Maibé Maromak prontu atu ajuda ita. Kuandu ita husu Maromak atu halo ita-nia laran sai nakonu ho Ninia Espíritu, Nia fó ita hakarak foun no matenek atu halo desizaun ne'ebé di'ak. Laran ne'ebé protejidu sai laran ne'ebé forsa - laran ne'ebé iha dame, puru/moos, no haksolok. 

Bainhira ita proteje ita-nia laran no tau Maromak iha sentru iha ita-niamoris - ita-nia hakat sira sai firmi, no ita-nia dalan sira sai klaru liután. Ne'e mak dalan ne'ebé halo ita kontinua la'o ho laran-metin iha dalan ba lalehan. Biar ba, Maromak ajuda ita no proteje ita-nia laran loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha hanoin hanesan Jesus

Agora Maromak, ne'ebé fó pasiénsia no korajen, bele halo hodi ita moris neon ida laran ida ho ita-nia maluk, hamutuk ho Kristu Jesus. Roma 15:5 BK

Roma 15:5

Iha versíkulu ne'e, apóstolu Paulo enkoraje ema kristaun atu moris iha unidade. Nia fó-hanoin ita katak Maromak mak fó forsa no korajen mai ita. No ho Ninia ajuda, ita bele hanoin, hadomi, no iha hahalok ne'ebé hanesan ba ema seluk hanesan Jesus 

"Hanoin ne'ebé hanesan" Jesus, signifika halo tuir ninia ezemplu sira. Jesus hatudu laran-maus, pasiénsia, haraik-an, no nakonu ho domin. Nia la hanoin de'it kona-ba nia an rasik. Nia tau matan ba ema ne'ebé fraku, fó perdua ba ema sala-na'in sira, no serbí ema seluk ho laran-tomak. Kuandu ita hatudu hahalok hanesan Jesus, ita hatudu ba mundu oinsá Maromak Nia domin iha asaun. 

Iha versíkulu sira antes ida-ne'e, apóstolu Paulo ko'alia kona-ba simu malu. Ema kristaun balu iha fiar metin, balu fraku. Balu iha hanoin ne'ebé la hanesan kona-ba ai-han no loron espesiál sira. Apóstolu Paulo hanorin katak duké julga malu, ema kristaun tenke ajuda malu atu krexe iha fé. Jesus la rejeita ema, maibé nia simu sira. Tan ne'e, ita mós tenke simu ita-nia irmaun-irman sira ho domin maski ita hanoin la hanesan. 

Moris hanesan Jesus la sempre fasil. Dala ruma ema hakanek ita-nia laran ka la konkorda ho ita. Maibé kuandu ita halo orasaun no husu Maromak atu ita bele tahan no fó korajen mai ita, Nia ajuda ita atu hatudu pasiénsia no laran-di'ak ba ema hotu. Liuhusi Maromak Nia ajuda, ita-nia uma, igreja no fatin serbisu bele sai fatin dame nian. 

Bainhira ita aprende atu hanoin no halo tuir Jesus, ita bele sai forte liután iha ita-nia viajen moris nian hamutuk ho Maromak. Kuandu ita hadomi, fó perdua, no serbí hanesan Jesus, ita kontinua la'o iha dalan ne'ebé loos - ne'e mak dalan ba lalehan. Biarba Maromak sei ajuda ita loroloron atu iha hanoin hanesan Kristu. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More