Jesus mak bibi-atan ne'ebé di'ak

Ha'u mak Bibi-atan di'ak. Bibi-atan di'ak fó Ninia moris tanba bibi. João 10:11 BK

João 10:11

Iha João 10, Jesus bolu Nia an nu'udar Bibi-atan ne'ebé di'ak. Imajen ne'e fasíl atu komprende liuliu iha tempu Biblia nian, tanba bibi-atan sira moris besik ho sira-nia bibi-malae. Bibi-atan dirije sira, proteje sira, no tau matan ba sira loroloron. Bibi-atan ne'ebé di'ak foti risku ba ninia moris hodi proteje bibi sira husi perigu. 

Kuandu Jesus ko'alia liafuan sira-ne'e, Nia hakarak Ninia dixipulu sira hatene katak Ninia domin ba sira kle'an tebes. Nia la'ós de'it bibi-atan baibain ida, maibé Nia mak Bibi-Atan ne'ebé diak. Karik serbisu-nain ida-ne'ebé hetan kontratu nu'udar bibi-atan bele halai bainhira problema mosu, maibé Bibi-atan di'ak sei hela nafatin. Nia luta ba ninia bibi-malae sira, proteje sira, no mós fó ninia moris ba sira. 

Ida ne'e mak Jesus halo. Nia fó Ninia moris iha kruz atu salva ita husi sala no mate. Nia halo ida-ne'e la'os tanba Nia tenke mate, maibé tanba Nia hadomi ita. Hanesan bibi-atan ida hatene bibi ida-idak nia naran, Jesus mós hatene ita ida-idak. Nia hatene ita-nia ta'uk, ita-nia kanek, no ita-nia fraku sira. No Nia la'o hamutuk ho ita liuhusi susar hotu iha ita-nia moris. 

Iha versíkulu sira tuirmai, Jesus hatete katak Ninia bibi sira rona Ninia lian. Ida-ne'e signifika Katak ita tenke hakbesik nafatin ba Jesus - liuhusi lee Ninia Liafuan, halo orasaun, no halo tuir Nia hanorin sira. Bainhira ita la'o tuir Bibi-atan di'ak, Nia lori ita ba dame, seguransa no moris rohan-laek.

Se ita sente lakon ka mesak, hanoin-hetan ida-ne'e: Jesus haree ita, hadomi ita, no bolu ita nu'udar ninian rasik. 

Kuandu ita la'o tuir Jesus, ita-nia Bibi-atan di'ak, nia dirije ita-nia hakat sira no lori ita ho seguru atu la'o iha dalan ba lalehan. Amen.

João 10:11

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hetan perdua no liberdade

Ó fò perdua ona ba Ó-nia povu nia hahalok aat, Ó taka ona sira nia sala hotu. Salmu 85:2 BK

Salmu 85:2

Salmu 85 mak orasaun husi ema ne'ebé hasoru ona susar oioin. Sira hanoin-hetan oinsá Maromak fó perdua ba sira iha tempu uluk, no ida-ne'e fó esperansa ba sira-nia futuru. Iha versíkulu 2, hakerek-nain ne'e selebra lia-loos ida-ne'ebé poderozu: Maromak fó perdua ba Ninia povu no hamoos sira-nia sala. 

Iha versíkulu sira antes ne'e, aitór salmu hanoin-hetan oinsá Maromak restaura Ninia povu no hatudu laran-sadi'a ba sira. Sira halo ona sala, la'o dook ona husi Maromak tan ne'e sira sofre ninia konsekuensia. Maibé kuandu sira halerik, Maromak fó perdua ba sira no lori fali sira ba nia an rasik. Ida-ne'e signifika Maromak Nia domin boot liu fali ita-nia sala sira. 

"Perdua ona" signifika Maromak hasai tiha sira-nia sala. "Taka sala" signifika Maromak la hanoin tan sira-nia sala hasoru sira. Ohin loron, ita mós simu perdua hanesan ne'e liuhusi Jesus Kristu. Kuandu Jesus mate iha kruz, Nia selu ita-nia sala kompletamente. Tanba Jesus, ita la presiza lori tan ita-nia sala, moe, ka ta'uk. Ita hetan perdua no liberdade. 

Dala ruma ita kontinua hanoin kona-ba sala sira iha tempu uluk, tanba ita hanoin katak Maromak sei hirus nafatin. Maibé Salmo 85 fó-hanoin ita katak kuandu Maromak fó perdua, Nia fó perdua kompletamente. Nia la lori fali ita-nia sala sira iha pasadu atu fó kastigu mai ita. Nia taka pekadu sira ho Ninia laran-sadi'a no simu ita ho liman nakloke. 

Se Ita konfesa ona Ita-nia sala ba Maromak, Ita bele serteza katak nia perdua ona ita-nia sala (1 João 1:9). Ita la sai fo'er, la hetan rejeisaun, ka la iha esperansa, tan ne'e ita hetan perdua, domin, no liberdade atu moris iha moris foun. 

Kuandu ita simu Maromak Nia perdua no moris iha Ninia liberdade, ita-nia laran sai naroman no nakonu ho dame. Liberdade ne'e ajuda ita atu la'o ho haksolok iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Emanuel

Entaun, Nai rasik sei fó sinál ida ba imi: Tebes, feto klosan ida sei sai isin rua no tuur ahi Oan Mane ida no hanaran Nia Emanuel. Isaias 7:14 BK

Isaias 7:14

Isaias 7:14 mak promesa ida-ne'ebé furak liu iha Biblia. Versikulu ne'e fo sai iha tempu ta'uk nian. Liurai Ahaz no ema Juda sai ta'uk los tanba inimigu sira hakarak ataka sira (Isaias 7:1-2, 2 Liurai 16:5-6). Maibé iha sira-nia ta'uk laran, sira la tau fiar ba Maromak. Maibé, Maromak ho Nia laran-di'ak, Nia fó sinál ba sira katak Nia sei hamutuk ho Ninia povu. 

Sinál ne'e mak ne'e: virjen ida sei tuur-ahi oan-mane ida, no Ninia naran mak Emmanuel, ne'ebé signifika "Maromak hamutuk ho ita". Iha tempu ne'ebá, mensajen ne'e fó-hanoin ema Juda katak Maromak la husik sira. Nia nafatin iha ne'ebá, nia nafatin haree, no nia nafatin iha kontrolu. 

Tinan barak liutiha, Jesus Kristu kumpre promesa ne'e. Mateus 1:22-23 hatete katak Jesus Nia moris kumpre profesia ne'ebé Isaias fó sai. Jesus mak Emmanuel - Maromak ne'ebé mai hela iha ita-nia leet. Nia la'o hamutuk ho ema, kura sira, hanorin sira, no hadomi sira. Liuhusi Jesus, ita haree ho klaru Maromak Nia laran. 

Emmanuel signifika katak ita nunka mesak. Bainhira ita sente ta'uk, Jesus hamutuk ho ita. Kuandu ita hasoru problema, Nia hamutuk ho ita. Kuandu ita iha tristeza nia laran, Nia hamutuk ho ita. Maromak la hela dook, maibé Nia besik ita. Nia sai ema (João 1:14) atu nune'e ita bele hatene Ninia domin pesoalmente. 

Ohin loron, hanoin-hetan katak Emmanuel la'ós de'it naran ba Natál. Maibé ne'e mak Maromak Nia promesa ba ita-nia moris loroloron nian. 

Bainhira ita tau fiar ba Jesus, ita-nia Emmanuel, Nia la'o besik iha ita-nia sorin no dirije ita-nia hakat sira. Hela besik Nia kada loron, mak oinsá ita kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More