Keta husik ema ida hatún ó tanba de'it ó sei joven. Maibé sai ezemplu ba fiar na'in sira iha liafuan, iha hahalok, iha domin, iha fiar no iha laran moos. 1 Timóteo 4:12
Serake ita pernah sente katak ita ne'e joven liu, ladún iha esperiénsia, ka ladún di'ak atu Maromak uza? Karik ita hanoin: "Hau ema baibain de'it. Ha'u la iha buat barak atu oferese." Maibé Maromak Nia Liafuan iha mensajen ne'e diferente - ida-ne'ebé iha podér boot.
Kuandu apóstolu Paulo hakerek karta ba Timoteo, Timoteo mak leader joven ida. Karik ema hatún nia tanba nia idade nurak. Maibé apóstolu Paulo haruka nia atu la husik ema ida hatún nia. Maibé nia fó korajen ba Timoteo atu sai ezemplu.
Maromak la buka ema ne'ebé perfeitu. Nia buka ema ne'ebé prontu. Nia hakarak uza ita liuhusi Ita-nia liafuan, Ita-nia hahalok, Ita-nia domin, Ita-nia fiar, no Ita-nia laran moos atu hatudu ba ema seluk oinsá signifika hosi la'o tuir Jesus.
Ita la presiza sai evanjelista ka mestri atu sai ezemplu ida. Ita bele hatudu ezemplu hodi hatudu laran-di'ak ba ema seluk ne'ebé ema ignora. Ita bele hatudu fiar liuhusi tau fiar ba Maromak kuandu ita hasoru susar oinoin. Ita bele moris ho laran moos hodi fó glória ba Maromak maski la iha ema ida mak haree.
Dalan ba lalehan la'ós de'it kona-ba to'o iha lalehan loron ida. Dalan ba lalehan mak kona-ba oinsá ita la'o hamutuk ho Jesus hosi loron ba loron. No kuandu ita la'o hamutuk ho Jesus, ema seluk haree hela. Ita-nia moris bele hatudu ema seluk oinsa atu la'o iha dalan ba lalehan. Tan ne'e, keta hein to'o ita sai idade boot liu ka sente prontu liu. Hahú agora. Husik ita-nia moris sai ezemplu di'ak kona-ba Maromak Nia domin no lia-loos.
Orasaun: Nai, ajuda ami atu hanoin katak Ita bele uza ami agora. Husik ami-nia liafuan, hahalok, domin, fiar, no hahalok moos dirije ema seluk ba Maromak. Obrigadu ba uza ami sai ezemplu atu ema la'o iha dalan ba lalehan. Hodi Jesus nia naran, Amen.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
