Maromak fó komfortu liuhusi orasaun

Tanba Nai sei hamaus Zion, Nia sei hamaus Zion nia fatin maran hotu, no Nia sei halo Zion nia rai-fuik hanesan Eden, no Zion nia rai-maran hanesan Nai Nia jardin; iha fatin ne'eba ema sai haksolok no kontenti, sira fó agradese no halo lian hananu. Isaias 51:3 BK 

                                       Isaias 51:3

Livru Isaias 51: 3 fó-hanoin ita katak Maromak bele fó komfortu no restaura fali ita-nia moris. Maibé promesa ne'e la'ós de'it buat ne'ebé ita lee, maibé ne'e mak buat ne'ebé ita lori ba Maromak liuhusi orasaun. 

Kuandu ita-nia moris sente hanesan rai-fuik maran, susar, ka deskorajen, ita tenke halo orasaun ho onestu. Orasaun ne'ebé pratiku ka praktis katak ita bele fó-hatene Maromak ho loloos ita-nia sentimentu sira. Ita la presiza liafuan furak. Ita bele simplesmente dehan: "Nai, ha'u sente kole. Favór ajuda ha'u." Maromak komprende. 

Isaias 51: 3 hatudu katak Maromak bele halo rai-fuik maran sai jardín ida. Liuhusi orasaun, ita husu Maromak atu halo serbisu hanesan ne'e iha ita-nia moris. Ita halo orasaun atu husu komfortu kuandu ita triste. Ita halo orasaun atu husu forsa bainhira ita fraku. Ita halo orasaun atu husu esperansa bainhira ita sente katak ita la iha esperansa. Ida-ne'e mak orasaun ne'ebé praktis: lori ita-nia ita-nia nesesidade reál ba Maromak ida ne'ebé reál.

Orasaun ne'ebé praktis mós signifika tau fiar ba Maromak Nia promesa sira. Kuandu ita halo orasaun, ita fiar katak Maromak rona ita no bele halo buat ruma atu muda ita-nia situasaun. Iha orasaun ita la'ós de'it husu, maibé mós fiar. Maromak Nia podér bele muda ita-nia situasaun, no Nia mós bele muda ita-nia laran. 

Versíkulu ne'e hanorin ita atu halo orasaun ho konfiansa. Maski ita-nia situasaun la muda kedas, maibé Maromak serbisu hela. Nia bele lori dame uluk, depois mak lori mudansa ba ita-nia situasaun. Ninia komfortu bele hahú iha ita-nia laran antes ita haree iha li'ur. 

Ita aprende ona kona-ba orasaun ne'ebé praktis, mai ita uza Isaias 51: 3 iha ita-nia orasaun loroloron nian. Husu Maromak atu halo ita-nia moris ne'ebé maran sai kreximentu espirituál ne'ebé nakonu ho lia-loos no haksolok. Halo orasaun atu husu Maromak Nia komfortu, Ninia restorasaun, no Ninia matadalan. 

Kuandu ita halo orasaun ho fiar ne'ebé simples no tau fiar ba Maromak Nia promesa sira, ita halo orasaun ne'ebé loos no praktis, no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏