Ita bele sai ezemplu ida

Keta husik ema ida hatún ó tanba de'it ó sei joven. Maibé sai ezemplu ba fiar na'in sira iha liafuan, iha hahalok, iha domin, iha fiar no iha laran moos. 1 Timóteo 4:12

1 Timóteo 4:12

Serake ita pernah sente katak ita ne'e joven liu, ladún iha esperiénsia, ka ladún di'ak atu Maromak uza? Karik ita hanoin: "Hau ema baibain de'it. Ha'u la iha buat barak atu oferese." Maibé Maromak Nia Liafuan iha mensajen ne'e diferente - ida-ne'ebé iha podér boot. 

Kuandu apóstolu Paulo hakerek karta ba Timoteo, Timoteo mak leader joven ida. Karik ema hatún nia tanba nia idade nurak. Maibé apóstolu Paulo haruka nia atu la husik ema ida hatún nia. Maibé nia fó korajen ba Timoteo atu sai ezemplu.

Maromak la buka ema ne'ebé perfeitu. Nia buka ema ne'ebé prontu. Nia hakarak uza ita liuhusi Ita-nia liafuan, Ita-nia hahalok, Ita-nia domin, Ita-nia fiar, no Ita-nia laran moos atu hatudu ba ema seluk oinsá signifika hosi la'o tuir Jesus. 

Ita la presiza sai evanjelista ka mestri atu sai ezemplu ida. Ita bele hatudu ezemplu hodi hatudu laran-di'ak ba ema seluk ne'ebé ema ignora. Ita bele hatudu fiar liuhusi tau fiar ba Maromak kuandu ita hasoru susar oinoin. Ita bele moris ho laran moos hodi fó glória ba Maromak maski la iha ema ida mak haree. 

Dalan ba lalehan la'ós de'it kona-ba to'o iha lalehan loron ida. Dalan ba lalehan mak kona-ba oinsá ita la'o hamutuk ho Jesus hosi loron ba loron. No kuandu ita la'o hamutuk ho Jesus, ema seluk haree hela. Ita-nia moris bele hatudu ema seluk oinsa atu la'o iha dalan ba lalehan. Tan ne'e, keta hein to'o ita sai idade boot liu ka sente prontu liu. Hahú agora. Husik ita-nia moris sai ezemplu di'ak kona-ba Maromak Nia domin no lia-loos. 

Orasaun: Nai, ajuda ami atu hanoin katak Ita bele uza ami agora. Husik ami-nia liafuan, hahalok, domin, fiar, no hahalok moos dirije ema seluk ba Maromak. Obrigadu ba uza ami sai ezemplu atu ema la'o iha dalan ba lalehan. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Labele haluha

Hahii Nai, Oh ha'u-nia klamar, no la bele haluha buat di'ak hotu ne'ebé Nia halo. Salmu 103:2 BK

Salmu 103:2 

Salmu 103 hakerek husi David nu'udar knananuk hahi'i nian. Iha salmu ne'e, David ko'alia ba ninia aan rasik. Nia fó-hanoin nia an atu labele haluha buat ne'ebé Maromak halo ona. Ida-ne'e hatudu katak fasil ba ita atu haluha Maromak Nia laran-di'ak, liuliu kuandu ita-nia moris sai okupadu ka bainhira hasoru susar. 

"Haluha" la signifika ita lakon ita-nia memoria. Maibé ida ne'e signfika falla atu hanoin-hetan Maromak Nia bénsaun sira ho gratidaun. Dala barak, ema hanoin-hetan sira-nia problema liu fali Maromak nia laran-di'ak sira. Liurai David bolu nia an no ita atu para no hanoin buat di'ak hotu ne'ebé Maromak fó ona ba ita. 

Iha versíkulu sira tuirmai, David alista kona-ba bénsaun sira-ne'e. Maromak fó perdua ba ita-nia sala hotu. Nia kura ita-nia moras sira. Nia salva ita-nia moris husi destruisaun. Nia koroa ita ho domin no laran-sadi'a. Prezente sira-ne'e la'ós prezente ki'ik. Prezente sira ne'e hatudu Maromak nia laran-sadi'a no kuida ba Ninia povu. 

Hanoin-hetan Maromak Nia bénsaun sira, ajuda hametin ita-nia fiar. Kuandu ita hateke fali ba kotuk no haree oinsá Maromak fó perdua, proteje no fó fornese ba ita, ita-nia laran nakonu ho agradesementu. Gratidaun muda ita-nia hahalok no lori ita hakbesik liután ba Maromak. 

Versíkulu ne'e mós hanorin ita atu hahi'i Maromak, la'ós de'it kuandu buat hotu la'o di'ak, maibé iha tempu hotu. Hahi'i ajuda ita atu fokus liután kona-ba se mak Maromak, la'ós de'it fokus kona-ba susar ne'ebé ita hasoru. Kuandu ita hanoin Maromak Nia laran-di'ak, ita-nia laran-susar sai ki'ik liu, no ita-nia fiar sai boot liután.

Maromak hakarak Ninia povu atu moris ho agradese. Ema ne'ebé agradese ba Maromak fo onra ba Maromak no lori dame ba sira-nia moris. 

Kuandu ita hili atu hanoin-hetan Maromak Nia laran-di'ak no hahi'i Nia ho laran ne'ebé agradese, ita-nia fiar sai metin liután. Moris ho agradese ajuda ita atu la'o loroloron ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mantein relasaun ho Maromak?

Hela iha Ha'u, no Ha'u iha imi. Hanesan uvas sanak la bele fó fuan mesak, maibé tenki hela iha uvas huun, nune'e mós imi la bele fó fuan, só imi hela iha Ha'u. João 15:4 BK 

João 15:4

Iha João 15, Jesus hanorin Ninia dixipulu sira oinsá atu nafatin iha relasaun ho Maromak. Nia uza imajen uvas-hun no ramu sira. Hanesan sanak ida tenke iha ligasaun nafatin ho uvas-hun atu bele moris no fó fuan, ita mós tenke iha ligasaun nafatin ho Jesus atu bele iha moris espirituál ne'ebé loos. 

Iha versíkulu 9 no 10, Jesus esplika oinsá mak relasaun ho Maromak bele akontese. Nia hatete: "Hanesan Aman hadomi Hau, nunee mos Hau hadomi imi. Hela nafatin iha Hau nia domin" João 15:9. Ida-ne'e hatudu katak ita-nia relasaun di'ak ho Maromak estabelese bazeia ba domin. Jesus hadomi ita ho domin ne'ebé hanesan ne'ebé Nia simu husi Aman. Kuandu ita fiar ba domin ne'e no simu domin ne'e, ita hakbesik nafatin ba Maromak. 

Tuirmai Jesus hatete: "Se imi halo tuir Hau nia ukun fuan sira, imi sei hela nafatin iha Hau nia domin" João 15:10. Obedese ka halo tuir ne'e la'ós tamba ta'uk ka obriga ita nia aan atu sai di'ak. Maibé obedese ne'e hanesan resposta ba Maromak Nia domin. Kuandu ita hadomi Jesus, ita hakarak halo tuir Ninia hanorin sira. Obedese halo ita-nia relasaun ho Jesus sai metin no moris nafatin. 

Mantein relasaun ho Maromak signifika halo buat simples 3 tuirmai: tau fiar ba Jesus, moris iha Ninia domin, no halo tuir ninia Liafuan sira. Ita halo ida-ne'e liuhusi orasaun, lee Biblia, no hili atu moris hanesan dalan ne'ebé Jesus hanorin ita. Kuandu ita hela iha Jesus, ita-nia moris sei fo fuan ne'ebé di'ak hanesan: domin, pasiénsia, laran-di'ak no fiar. 

Maski Dala ruma ita lakon/falla, Jesus konvida ita atu hela nafatin iha Nia. Nia laran-maus no fiél, sempre prontu atu hadi'a ita-nia relasaun. 

Kuandu ita mantein moris iha Jesus, moris iha Ninia domin, no halo tuir Ninia Liafuan, ita sei iha relasaun di'ak ho Maromak. Relasaun loroloron ho Kristu hametin ita-nia fiar no fó matadalan atu ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More