Ain-tuur hotu sei hakneak

“Hau jura hodi Ha'u ne'ebé moris, dehan Nai, ain-tuur hotu sei hakneak mai Ha'u, no nanál hotu sei fó sai katak Ha'u mak Maromak.” Roma 14:11 BK.

Roma 14:11

Bíblia hatete ho klaru katak loron ida sei mai, bainhira ema hotu nia ain-tuur sei hakneak ba Maromak. Ida-ne'e inklui liurai, atan, fiar-na'in no ema ne'ebé la fiar, ema loos no ema aat sira. Ema hotu sei hakneak voluntarimente ho domin ka la ho hakarak rasik iha loron julgamentu. Loron ida, ema hotu sei rekoñese Maromak Nia autoridade no Maromak Nia soberanu. Apóstolu Paulo fó-hanoin ita katak lia-loos ne'e la'ós sujestaun ida, maibé Maromak rasik mak hakerek lia-loos ne'e. 

Ohin loron, ema barak moris hanesan Maromak la ezisti, ka sira moris hanesan la iha responsabilidade ba ema ida. Maibé Roma 14 hanorin katak ema ida-idak sei hatán ba Maromak kona-ba hahalok saida de'itmak sira halo iha moris ne'e (Roma 14:12). Aktu hakne'ak la'ós de'it aktu fiziku de'it, maibé ne'e reprezenta submisaun, rekoñesementu, no aseitasaun ba Maromak Nia ukun. Iha loron ne'ebá, ema sira ne'ebé hakruuk ho laran haraik-an agora, sei hakru'uk ho haksolok. 

Ba ema fiar-na'in sira, versíkulu ne'e mak konvite ida atu moris ho fiél no obedese ba MaromakNia hanorinsira, tanba ita hatene katak ita-nia desizaun saida de'it mak ita halo agora, sei afeta ba ita-nia vida eterna. Salvasaun ne'e La obriga, maibé salvasaun ne'e oferese liuhusi Jesus Kristu. Sira ne'ebé hili Kristu agora no rekoñese Nia nu'udar Nai antes loron julgamentu, sira hetan perdua, restorasaun no esperansa, la'os ta'uk. 

Mai ita la hein atu hakneak ho obriga iha tempu nia rohan. Mai ita hakru'uk agora - hodi hili fiar, obedese no entrega ita-nia an ba Kristu, tanba ho hakarak rasik hakruuk ba Maromak agora mak sei lori ita la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Selu buat-aat ho di'ak

Keta husik ema ida selu aat fali ba ema seluk nebee halo aat. Maibé sempre buka atu halo di'ak ba malu no ba ema hotu. 1 Tesalónika 5:15 BK 

Thessalonians 5:15

Iha 1 Tesalonika kapítulu 5, apóstolu Paulo fó matadalan kona-ba oinsá ema kristaun sira tenke moris bainhira hein  hela Jesus atu fila fali. Nia hanorin sira oinsá atu trata malu ho domin, pasiénsia no respeitu. Versíkulu 15 ko'alia kona-ba oinsá mak ita bele hatán bainhira ema ruma halo sala ba ita. 

Naturalmente, ita-nia reasaun hasoru hahalok-aat mak atu selu fali, sai hirus, ka halo vingansa. Maibé Maromak bolu Ninia povu atu moris diferente. Apóstolu Paulo hatete ho klaru katak ita labele selu fali buat-aat ho buat-aat. Maibé, ita  tenke hatudu hahalok-di'ak ba ema ne'ebé hatudu hahalok-aat ba ita. 

Hanorin ne'e mai husi Jesus nia dutrina rasik. Jesus rasik hanorin ita atu hadomi ita-nia inimigu sira no halo orasaun ba sira ne'ebé hakanek ita. Nia mós hatudu ida-ne'e liuhusi Ninia moris rasik. Bainhira ema hamoe Jesus, baku nia, no krúsifika Nia, Nia la selu  fali  ho buat-aat. Duke halo nune'e, nia hatudu perdua no domin. 

La fasil atu selu buat-aat ho di'ak. Ida-ne'e presiza  pasiénsia, haraik-an, no tau fiar ba Maromak. Ida-ne'e la dehan katak ita simu hahalok aat  sira. Maibé ne'e signifika katak ita hili atu la husik hirus no laran-nakali kontrola ita. Ita husik justisa iha Maromak Nia liman no hili atu hatudu laran-di'ak. 

Halo buat di'ak lori dame ba ita-nia laran no ajuda ita hakotu siklu odi nian. Ida-ne'e mós hatudu ba ema seluk katak Kristu moris iha ita-nialaran. Kuandu ema fiar-na'in sira hatudu laran-di'ak, sira sai nu'udar sasin ne'ebé forte kona-ba Maromak Nia grasa. 

Maromak haree hahalok laran-di'ak hotu, maski ita la sente. Nia promete katak Nia sei fó kolen ba ema ne'ebé fiél no halo buat di'ak iha situasaun hotu. 

Kuandu ita hili atu selu fali buat-aat ho di'ak, ita la'o tuir Jesus Nia ain fatin.  Bainhira ita moris iha dalan hanesan ne'e, ita refleta Maromak Nia  domin no halo ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

#.blogspot.com

Read More

Hakaas an ba Unidade

Tebes, oinsaa di'ak no hakmatek bainhira maun-alin sira hela hamutuk ho unidade; Salmu 133:1 BK

Salmu 133:1 

Salmu 133 mak knananuk badak ida ne'ebé David hakerek. Knanuk ne'e dalaruma kanta hamutuk hosi Maromak Nia povu bainhira sira halo viajen ba halo adorasaun. Iha salmu ne'e, liurai David fó-hanoin ita katak unidade entre Maromak Nia povu la'ós de'it di'ak, maibé mós halo Maromak kontente. 

Unidade katak moris iha dame, domin, no iha harmonia ho ema seluk. Ne'e la dehan katak ema hotu hanesan de'it. Ema bele iha background ne'ebé diferente, hanoin oioin, ka knaar oioin, maibé iha unidade bainhira sira hadomi Maromak no hadomi malu. 

Liurai David hatete katak unidade mak buat ne'ebé "di'ak no kontente". Unidade ne'e di'ak tanba lori forsa, korajen no dame. Unidade ne'e kontente tanba kria ksolok no laran-manas iha povu nia leet. Bainhira iha unidade, ita bele hametin ita-nia relasaun ho Maromak, no ita bele sente Maromak nia bénsaun sira. 

Iha versíkulu sira tuirmai, liurai David kompara unidade ho mina folin-boot ne'ebé fakar iha ulun no mós maho-been hosi foho ne'ebé halo fresku. Imajen sira-ne'e hatudu katak unidade lori bénsaun, komfortu no moris. Iha fatin ne'ebé iha unidade, Maromak nia prezensa mós besik ita. 

Dezezu ba unidade presiza ita-nia esforsu. Unidade presiza haraik-an, pasiénsia, perdua, no domin. Konflitu bele akontese, maibé Maromak bolu Ninia povu atu buka dame no rekonsiliasaun. Kuandu ita hili domin liu fali foti-an, ita bele haburas unidade. 

Unidade mós ajuda ita atu sai sasin di'ak ba ema seluk. Kuandu ema haree fiar-na'in sira moris ho harmonia, sira haree Maromak nia domin iha asaun. 

Kuandu ita haka'as an atu iha unidade no moris hamutuk ho domin, ita refleta Maromak Nia laran no simu bénsaun husi Nia. Moris iha dame ba malu, hametin ita-nia fiar no ajuda ita atu la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More