Fahe ita-nia fiar

Ha'u halo orasaun katak ó bele fahe ó-nia fiar ho rezultadu di'ak. Atu nune'e ó bele sai nakonu ho matenek kona ba buat di'ak hotu ne'ebé iha ita-nia laran tanba Kristu. Filemón 1:6 BK

Filemón 1:6

Ema kristaun nia moris la'ós atu moris nonook de'it. Filemon 1: 6 fó-hanoin ita katak ita-nia fiar bele sai metin liután bainhira ita fahe. Maromak la bolu ema fiar-na'in sira atu subar sira-nia esperiénsia fiar nian, maibé atu fahe no influensia ema seluk liuhusi liafuan, hahalok di'ak, no moris ne'ebé transformadu. Kuandu ita ko'alia kona-ba buat ne'ebé Kristu halo ona ba ita, ita-nia fiar sai metin liután.

Fahe ita-nia fiar, la presiza sempre ko'alia ba ema barak. Dala barak, ita fahe ita-nia fiar liuhusi hatudu laran-di'ak, fidelidade, perdua, no hadomi. Bainhira ita rekoñese buat di'ak sira ne'ebé Maromak tau ona iha ita-nia moris liuhusi Kristu, ema seluk mós hakarak atu hetan buat di'ak ne'e. Ita-nia hahalok loroloron nian sai nu'udar sasin ne'ebé hatudu Maromak Nia grasa no laran-di'ak.

Versíkulu ne'e mós hanorin katak fahe fiar neʼebé efetivu hahú ho kompriensaun kona-ba saida mak Kristu halo ona iha ita-nia moris. Kuandu ita hatene Maromak fó perdua, Ninia matadalan, no Ninia kbiit atu transforma moris, ita iha dezezu atu fó-hatene ema seluk. Laran ne'ebé agradese la bele nonook de'it. 

Maromak uza ema kristaun baibain atu alkansa ema seluk ba Ninia reinu. Bainhira ita fahe ita-nia fiar ho hakarak rasik, Maromak multiplika ninia impaktu ba ema seluk, hodi hametin ida ne'ebé simu no ida ne'ebé fahe esperiensia fiar nian. Mai ita refleta Kristu iha ita-nia moris loroloron, atu nune'e ema seluk bele haree jesus liuhusi ita-nia moris no bele hetan matadalan atu la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ain-tuur hotu sei hakneak

“Hau jura hodi Ha'u ne'ebé moris, dehan Nai, ain-tuur hotu sei hakneak mai Ha'u, no nanál hotu sei fó sai katak Ha'u mak Maromak.” Roma 14:11 BK.

Roma 14:11

Bíblia hatete ho klaru katak loron ida sei mai, bainhira ema hotu nia ain-tuur sei hakneak ba Maromak. Ida-ne'e inklui liurai, atan, fiar-na'in no ema ne'ebé la fiar, ema loos no ema aat sira. Ema hotu sei hakneak voluntarimente ho domin ka la ho hakarak rasik iha loron julgamentu. Loron ida, ema hotu sei rekoñese Maromak Nia autoridade no Maromak Nia soberanu. Apóstolu Paulo fó-hanoin ita katak lia-loos ne'e la'ós sujestaun ida, maibé Maromak rasik mak hakerek lia-loos ne'e. 

Ohin loron, ema barak moris hanesan Maromak la ezisti, ka sira moris hanesan la iha responsabilidade ba ema ida. Maibé Roma 14 hanorin katak ema ida-idak sei hatán ba Maromak kona-ba hahalok saida de'itmak sira halo iha moris ne'e (Roma 14:12). Aktu hakne'ak la'ós de'it aktu fiziku de'it, maibé ne'e reprezenta submisaun, rekoñesementu, no aseitasaun ba Maromak Nia ukun. Iha loron ne'ebá, ema sira ne'ebé hakruuk ho laran haraik-an agora, sei hakru'uk ho haksolok. 

Ba ema fiar-na'in sira, versíkulu ne'e mak konvite ida atu moris ho fiél no obedese ba MaromakNia hanorinsira, tanba ita hatene katak ita-nia desizaun saida de'it mak ita halo agora, sei afeta ba ita-nia vida eterna. Salvasaun ne'e La obriga, maibé salvasaun ne'e oferese liuhusi Jesus Kristu. Sira ne'ebé hili Kristu agora no rekoñese Nia nu'udar Nai antes loron julgamentu, sira hetan perdua, restorasaun no esperansa, la'os ta'uk. 

Mai ita la hein atu hakneak ho obriga iha tempu nia rohan. Mai ita hakru'uk agora - hodi hili fiar, obedese no entrega ita-nia an ba Kristu, tanba ho hakarak rasik hakruuk ba Maromak agora mak sei lori ita la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Selu buat-aat ho di'ak

Keta husik ema ida selu aat fali ba ema seluk nebee halo aat. Maibé sempre buka atu halo di'ak ba malu no ba ema hotu. 1 Tesalónika 5:15 BK 

Thessalonians 5:15

Iha 1 Tesalonika kapítulu 5, apóstolu Paulo fó matadalan kona-ba oinsá ema kristaun sira tenke moris bainhira hein  hela Jesus atu fila fali. Nia hanorin sira oinsá atu trata malu ho domin, pasiénsia no respeitu. Versíkulu 15 ko'alia kona-ba oinsá mak ita bele hatán bainhira ema ruma halo sala ba ita. 

Naturalmente, ita-nia reasaun hasoru hahalok-aat mak atu selu fali, sai hirus, ka halo vingansa. Maibé Maromak bolu Ninia povu atu moris diferente. Apóstolu Paulo hatete ho klaru katak ita labele selu fali buat-aat ho buat-aat. Maibé, ita  tenke hatudu hahalok-di'ak ba ema ne'ebé hatudu hahalok-aat ba ita. 

Hanorin ne'e mai husi Jesus nia dutrina rasik. Jesus rasik hanorin ita atu hadomi ita-nia inimigu sira no halo orasaun ba sira ne'ebé hakanek ita. Nia mós hatudu ida-ne'e liuhusi Ninia moris rasik. Bainhira ema hamoe Jesus, baku nia, no krúsifika Nia, Nia la selu  fali  ho buat-aat. Duke halo nune'e, nia hatudu perdua no domin. 

La fasil atu selu buat-aat ho di'ak. Ida-ne'e presiza  pasiénsia, haraik-an, no tau fiar ba Maromak. Ida-ne'e la dehan katak ita simu hahalok aat  sira. Maibé ne'e signifika katak ita hili atu la husik hirus no laran-nakali kontrola ita. Ita husik justisa iha Maromak Nia liman no hili atu hatudu laran-di'ak. 

Halo buat di'ak lori dame ba ita-nia laran no ajuda ita hakotu siklu odi nian. Ida-ne'e mós hatudu ba ema seluk katak Kristu moris iha ita-nialaran. Kuandu ema fiar-na'in sira hatudu laran-di'ak, sira sai nu'udar sasin ne'ebé forte kona-ba Maromak Nia grasa. 

Maromak haree hahalok laran-di'ak hotu, maski ita la sente. Nia promete katak Nia sei fó kolen ba ema ne'ebé fiél no halo buat di'ak iha situasaun hotu. 

Kuandu ita hili atu selu fali buat-aat ho di'ak, ita la'o tuir Jesus Nia ain fatin.  Bainhira ita moris iha dalan hanesan ne'e, ita refleta Maromak Nia  domin no halo ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

#.blogspot.com

Read More