Oinsá mak Maromak bele horik ho ita?

Ema ne'ebé fó sai katak Jesus mak Maromak Nia Oan, Maromak hela iha Nia, no nia hela iha Maromak. 1 João 4:15 BK 

1 João 4:15

Ema kristaun barak husu pergunta importante ida: Oinsá mak Maromak bele horik ho ita? Bíblia fó resposta ne'ebé klaru no simples iha 1 Joao 4:15. Maromak horik ho ema ne'ebé fiar no konfesa ho momoos katak Jesus mak Maromak Nia Oan-Mane. Ida-ne'e la'ós ko'alia de'it ho liafuan, maibé tau fiar ba Jesus ho ita-nia laran tomak iha ita-nia moris. 

Konfesa Jesus signifika ita fiar duni katak nia mak ita-nia Salvador, ne'ebé Maromak haruka mai atu salva ita husi pekadu. Kuandu ita simu Jesus no tau fiar ba Nia, Maromak hakbesik mai ita. Nia moris iha ita liuhusi Ninia Rspíritu, hodi dirije ita-nia hanoin, liafuan no hahalok. Ida-ne'e hatudu katak relasaun ne'ebé besik ho Maromak komesa ho fiar ba Jesus. 

Bainhira Maromak horik ho ita, ida-ne'e mós muda ita-nia moris. Kuandu Maromak moris iha ita-nia laran, ita aprende atu hadomi ema seluk, fó perdua, no halo tuir Ninia Liafuan sira. Ita-nia moris komesa refleta Maromak Nia karakter. Karik ita sei dalaruma halo sala, maibé Maromak ho pasiénsia ajuda ita krexe iha ita-nia fé loroloron. 

Mantein ligasaun ho Maroma signifika, kontinua iha fé ba Maromak. Ita halo ida-ne'e liuhusi halo orasaun, lee Biblia, no hili atu la'o tuir Jesus maski la fasil. Kuandu ita la'o hamutuk ho Maromak loroloron, ita-nia relasaun ho Maromak sai forte liután. 

Maromak hakarak horik ho ita, la'ós ba tempu uitoan de'it, maibé ba nafatin. Kuandu ita konfesa Jesus nu'udar Maromak nia Oan-Mane no moris tuir fé, ita hetan dame, domin, no matadalan husi Nia. Relasaun ne'ebé besik ne'e fó esperansa ba ita agora no fó esperansa ba futuru. Ne'e mak dalan loloos ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Buka esperansa?

Nai mak di'ak ba sira ne'ebé hein Nia, ba klamar ne'ebé buka Nia. Lamentasaun 3:25 BK

                          Lamentasaun 3:25

Ita barak sente kole, laran-taridu no deskorajen tanba problema iha ita-nia moris. Dala ruma ita sente hanesan esperansa ne'e dook tebes. Iha Lamentasaun 3:25, Maromak fó promesa ne'ebé simples maibé forti ba ita: "Nai mak diak ba sira ne'ebé hein Nia, ba klamar ne'ebé buka Nia". Ne'e katak ita nunka mesak, maski iha tempu susar sira. 

Hein ba Nai la dehan katak ita la halo buat ida. Ne'e katak tau fiar ba Maromak, halo orasaun ba Nia, no fiar katak Nia hatene saida mak di'ak liu ba ita. Buka Nai katak mai hasoru Nia ho haraik-an, husu ajuda, no hakarak halo tuir Ninia dalan sira. Kuandu ita halo ida-ne'e, Maromak hatudu Ninia laran-di'ak iha Ninia tempu. 

Karik Maromak Nia laran-di'ak la mai kedas, maibé Nia sei mai. Nia fó kbiit ba ema ne'ebé fraku, fó kmaan ba sira ne'ebé triste, no fó esperansa ba sira ne'ebé sente lakon. Maski moris ne'e susar, maibé Maromak sei serbisu nafatin hodi ajuda ita. 

Se ita buka esperansa ohin, haree ba Nai. Hatudu pasiénsia, kontinua halo orasaun, no tau fiar ba Nia. Maromak ne'e fiél, no Ninia laran-di'ak sei nunka falla ba ema ne'ebé buka Nia. Kontinua hein no tau esperansa ba Maromak loroloron sei ajuda ita atu la'o iha dalan ne'ebé loos ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hakarak sai livre husi kondenasaun?

Nune'e la iha kondenasaun ba sira ne'ebé iha Kristu, sira-ne'ebe la moris tuir isin nia hakarak maibé Espíritu nia hakarak. Roma 8:1 TL

                                     Roma 8:1

Ema barak moris iha sentimentu todan tanba sala, ta'uk, no kondenasaun ba sira-nia an, no sira sempre hanoin kona-ba fallansu sira iha pasadu. Roma 8: 1 fó esperansa hodi dehan katak iha Kristu Jesus mak ita bele hetan liberdade husi kastigu-mate. Liberdade hosi kondenasaun ne'e la mai husi ita-nia hakaas-an ka husi ita-nia hahalok-di'ak sira, maibé liuhusi unidade ho Kristu iha fiar. Kuandu ita simu Jesus, ita-nia hahalok iha Maromak nia oin muda kompletamente. 

Versíkulu ne'e hatudu ho klaru katak ema ne'ebé la'o tuir Espíritu, la'ós isin mak bele hetan liberdade ne'e. Ida-ne'e la'ós katak ita moris ho perfeitu, maibé moris neʼebé intrega totalmente ba Maromak- moris neʼebé permiti Maromak Nia espíritu santu gia Ita-nia hanoin, desizaun, no asaun sira. Espíritu santu halo ita arrepende an, obedese, no krexe iha fé, la'ós ta'uk no moe. Kondenasaun partensi ba moris ne'ebé tuan pekadu nian; liberdade partensi ba moris foun iha Kristu Jesus. 

Maromak Nia ukun-fuan sei fó sai buat ne'ebé loos no hatudu ita-nia sala, maibé ukun-fuan ne'e labele fó kastigu ba ema ne'ebé iha Kristu. Maibé, Maromak Nia ukun-fuan lori ita ba Jesus, ne'ebé kumpre moris loos ba ita no Nia fó kbiit mai ita atu moris ho harmonia tuir Maromak Nia hakarak. Liberdade ne'ebé loos la'ós lisensa atu halo sala, maibé kbiit atu moris ho moris ne'ebé transformadu. 

Ohin, se ita sente laran-tuun tamba sala, hanoin promesa ida ne'e: katak iha Kristu, kastigu ka kondenasaun ne'e troka ho perdua, dame, no moris foun. La'o loroloron hamutuk ho Nia, tau fiar ba Ninia laran-di'ak, no moris ho ksolok iha liberdade ne'ebé nia fó - ne'e mak dalan ne'ebé loos ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More