Orasaun iha tempu laran susar

Keta hanoin barak kona ba buat ida. Maibé iha buat hotu, liu hosi orasaun no harohan, hamutuk ho agradese, hato'o imi-nia pedidu sira ba Maromak. Filipe 4:6 BK 

Filipe 4:6

Laran-susar mak buat ne'ebé ema barak luta hasoru loroloron. Se ita hanoin barak kona-ba família, saúde, osan, ka futuru, fasil atu halo ita-nia neon sai nakonu no na'ok ita-nia dame. Iha Filipe 4:6, apóstolu Paulo ko'alia ba ema kristaun sira ne'ebé mós hasoru susar no la serteza. Duke fó-hatene sira atu ignora sira-nia hanoin susar sira, nia fó instrusaun ne'ebé klaru ho domin: Lori buat hotu ba Maromak liuhusi orasaun. 

Apóstolu Paulo hahú hodi hatete: "Keta hanoin barak kona-ba buat ida." Ida-ne'e la dehan katak problema sei lakon ka moris sei sempre fasil. Maibé ida-ne'e katak ita la presiza lori ita-nia todan mesak de'it. Maromak konvida ita atu mai hasoru Nia ho problema hotu - boot ka ki'ik. La iha buat ida-ne'ebé simples liu ka todan liu atu lori ba Nai nia oin. 

Tuirmai, versíkulu ne'e hanorin ita oinsá atu hatán ba ita-nia laran-susar sira: liuhusi orasaun, pedidu ka harohan, no agradese. Orasaun mak ko'alia nakloke ho Maromak. Harohan ka pedidu mak husu Maromak Nia ajuda. Agradese, mak fó-hanoin ita kona-ba buat ne'ebé Maromak halo ona ba ita. Kuandu ita agradese ba Maromak iha tempu susar, ida-ne'e muda Ita-nia ta'uk ba fé. Ida-ne'e ajuda ita atu hanoin-hetan katak Maromak ne'ebé ajuda ita iha pasadu bele ajuda fali ita agora. 

Versíkulu ne'e mós hatudu katak ita tenke halo orasaun beibeik iha "situasaun hotu". Kuandu ita hanoin barak, ita-nia orasaun mós tenke barak. Duke husik ta'uk kontrola ita-nia hanoin, ita hetan konvite atu tau fiar ba Maromak nia kuida no sabedoria. Bainhira ita halo ida-ne'e, Maromak promete dame iha versíkulu tuirmai (Filipinas 4:7), dame ne'ebé guarda ita-nia laran no neon. 

Ohin loron, se Ita sente laran-taridu, halo Ita-nia laran-susar nakfilak ba orasaun. Ko'alia ho onestu ba Maromak no agradese ba Maromak tanba Nia fidelidade. Bainhira ita aprende atu tau fiar ba Maromak loroloron, orasaun sai nu'udar pasu ida-ne'ebé forte iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hanorin ha'u Ita-nia dalan sira

Hanorin ha'u hodi halo tuir Ó-nia hakarak tanba Ó mak ha'u-nia Maromak! Husik Ó-nia Espíritu ne'ebé di'ak bele diriji ha'u iha rai ne'ebé tetuk! Salmu 143:10 BK 

Salmu 143:10

Iha Salmo 143:10, liurai David hato'o orasaun ba Maromak ho haraik-an no laran-moos hodi dehan: "Hanorin ha'u." Nia la dehan nia hatene buat hotu. Nia hatene katak so Maromak mesak de'it mak hatene dalan di'ak liu atu moris. Liurai David hatene katak matenek husi ema limitadu, maibé Maromak Nia dalan mak perfeitu. Versíkulu ne'e fó-hanoin ita katak aprende husi Maromak mak dalan ne'ebé di'ak liu ba ita, iha ita-nia moris tomak. 

Husu Maromak atu hanorin ita Ninia dalan sira la'ós de'it atu hetan koñesimentu. Husik Maromak hanorin ita signifika ita husik Maromak dirije ita-nia hanoin, atitude no asaun sira. Maromak Nia dalan la hanesan ho ema Nia dalan. Mundu dala barak hanorin kona-ba hanoin aan de'it, foti aan, no vingansa, maibé Maromak hanorin domin, haraik-an, fó perdua, no obedese ba Ninia hanorin sira. Bainhira ita husu Maromak atu hanorin ita, ita husu nia atu muda ita-nia laran hodi nune'e ita bele moris tuir Ninia hakarak. 

Liurai David mós hatete: "Husik O nia Espíritu nebee diak bele diriji hau" Ida-ne'e hatudu katak ita la bele halo tuir Maromak nia dalan sira ho ita-nia kbiit rasik. Ita presiza Espíritu Santu Nia matadalan loroloron. Espíritu Santu lori ita ba lia-loos, ajuda ita atu halo desizaun ne'ebé loos, no fó kbiit mai ita atu halo tuir Maromak Nia hanorin sira maski susar. 

Moris ne'ebé loos mak moris ne'ebé halo Maromak kontente - ne'e mak moris ho onestu, fiél, no fiar ba Maromak. Ne'e la'ós katak moris ne'ebé la iha problema, maibé moris ne'ebé dirije hosi Maromak. Kuandu ita husik Maromak lidera ita, Nia hadook ita husi dalan sira ne'ebé hakanek ita no dirije ita atu hetan dame no justisa. 

Ohin, mai ita halo liurai David nia orasaun sai ita-nia orasaun rasik. Mai ita husu loroloron ba Maromak atu hanorin ita Ninia dalan sira, atu ajuda ita liuhusi Ninia Espíritu, no atu ajuda ita la'o tuir Ninia matadalan sira. Kuandu ita entrega ita-nia moris ba Ninia hanorin sira, ita la'o daudaun iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bainhira hau haree O nia lalehan ...

Bainhira ha'u haree Ó-nia lalehan ne'ebé Ó halo ho Ó-nia liman fuan, fulan no fitun sira nebee Ó tau iha fatin ne'ebá: Saida mak ema, atu Ó hanoin nia? No saida mak ema nia oan, atu Ó tau matan ba nia? Salmu 8:3-4 BK 

Salmu 8:3-4

Bainhira liurai David hateke ba lalehan kalan, nia admira. Lalehan ne'ebé luan, fulan, fitun, no kriasaun tomak nia furak, halo nia hanoin kle'an kona-ba Maromak nia kbiit boot. Iha Salmo 8: 3-4, liurai David kompara universu nia kmanek no boot ho ita ema ne'ebé ki'ik tebes. Tan ne'e, nia ho haraik-an husu: "saida mak ema nia oan, atu Ó tau matan ba nia?"

Pergunta ne'e fó-hanoin ita katak Maromak mak boot tebes kompara ho ita ne'ebé ki'ik tebes. Lalehan la'os kria tamba asidente ida, maibé Maromak nia liman-fuan mak kria sira. Fitun hotu, planeta hotu, no saida de'it iha lalehan hatudu Maromak Nia kbiit, sabedoria no orden. Maski Maromak boot tebes, Nia hafolin no hanoin tebes ita. Nia hatene ita-nia naran, tau matan ba ita, no Nia envolve iha ita-nia moris. 

Versíkulu sira-ne'e hanorin ita atu haraik-an. Ita la'ós universu nia sentru, maibé Maromak mak sentru. Maski nune'e, Maromak hili atu hadomi ita, fó matadalan mai ita, no fó signifikasaun ba ita-nia moris. Ida-ne'e tenke lori ita atu iha sentimentu gratidaun, agradese no adora Maromak. Iha tempu ruma, se kuandu ita sente katak ita la iha folin, Salmo 8 fó-hanoin ita katak Maromak valoriza no hanoin ita. Ita mós importante ba Maromak. 

Haree no konsidera lalehan sira, mós hametin ita-nia fiar. Maromak ne'ebé kaer metin fitun sira mak Maromak ne'ebé kaer ita-nia moris. Se Maromak bele ukun universu, nia bele rezolve mós ita-nia problema, ta'uk, no futuru. 

Kuandu ita refleta kona-ba Maromak Nia kriasaun, mai ita responde ho fiar, haraik-an no hahi'i. Biarba ita hakbesik liután ba Kriador, ne'ebé ho domin, konvida ita atu iha relasaun ho Nia. La'o ho haraik-an ho Maromak boot ne'e mak dalan ne'ebé loos ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More