La'o iha naroman Eskritura nian

Ó-nia liafuan mak lampu ida ba ha'u-nia ain, no naroman ida ba ha'u-nia dalan. Salmu 119:105 BK

Salmo 119:105

Iha tempu ema hakerek versíkulu ne'e, dala barak sira la'o iha kalan ho ahi-oan ki'ik ida iha sira-nia liman. Ahi-oan ne'e la fó naroman ba dalan tomak iha sira-nia oin. Ahi oan ne'e fó de'it naroman ne'ebé sufisiente ba sira-nia pasu tuirmai. Nune'e mós, Maromak Nia Liafuan fó matadalan ba ita-nia hakat sira iha ita-nia moris loroloron nian. 

Se la ho Maromak Nia Liafuan, fasíl ba ema atu la'o iha nakukun laran. Nakukun iha Bíblia dala barak refere ba pekadu, konfuzaun, no desizaun sira ne'ebé sala (João 12:35). Ohin loron ema barak koko atu moris tuir sira-nia matenek rasik, maibé ema nia matenek bele falla (Proverbios 14: 12). Bíblia fó-hanoin ita katak iha dalan ne'ebé ema haree loos, maibé dalan ne'e sei lori ba mate (Provérbiu 14:12, 16:25). Tan ne'e mak ita presiza eskritura Nia naroman atu gia ita. 

Maromak fó Biblia mai ita atu ita bele hatene dalan moris ne'ebé loos. Bíblia hanorin ita saida mak loos no korrije ita kuandu ita la'o iha dalan ne'ebé sala (2 Timoteo 3:16). Kuandu ita lee Eskritura sira, Espíritu Santu ajuda ita atu komprende Maromak Nia hakarak (João 16: 13). Liuhusi Maromak Nia Liafuan, Maromak hatudu oinsá atu moris, oinsá atu hatudu hahalok-di'ak ba ema seluk, no oinsá atu prepara an ba moris rohan-laek. 

La'o tuir Eskritura Nia naroman mós signifika halo tuir buat ne'ebé ita lee. Jesus hatete katak ema ne'ebé rona Ninia liafuan no halo tuir liafuan sira-ne'e mak hanesan ema matenek ne'ebé harii uma ida iha fatuk leten (Mateus 7:24). Bainhira anin-fuik mosu, uma ne'e sei hamriik metin. 

Loron-loron ita presiza uza tempu atu lee no hanoin kona-ba Maromak Nia Liafuan. Bíblia nia naroman sei fó matadalan ba ita-nia hakat sira, proteje ita husi sala, no lori ita ba dalan moris nian. 

Bainhira ita kontinua buka Maromak Nia lia-loos no la'o iha Ninia naroman, Maromak Nia Liafuan fo hanoin nafatin ba ita katak ida-ne'e mak dalan neʼebé lori ita ba lalehan.

Salmo 119:105

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kuandu Maromak de'it mak haree

Maibé bainhira ó fó ba ema kiak, keta husik ó-nia liman karuk hatene buat ne'ebé ó-nia liman loos halo. Mateus 6:3 BK 

Mateus 6:3

Jesus hanorin ita atu halo buat ne'ebé di'ak ho nonook, la'ós atu hstudu ba ema seluk (Mateus 6: 1). Ita labele fó hodi hetan hahi'i hosi ema (Mateus 6: 2). Duke halo nune'e, ita-nia hahalok di'ak tenke halo iha segredu iha Maromak Nia oin (Mateus 6: 3). 

Maromak haree buat ne'ebé ema seluk la bele haree, Maromak haree ema-nia laran (1 Samuel 16: 7). Maromak haree hahalok laran-di'ak hotu ne'ebé halo iha segredu (Ebreu 4: 13). Kuandu ita fó, halo orasaun, ka serbí ho nonook, tamba ita-nia Aman haree ho klaru ida-ne'e (Mateus 6: 4). 

Nai promete katak Nia sei fó kolen ba buat di'ak ne'ebé halo ho segredu (Mateus 6: 4). Ninia kolen di'ak liu fali ema nia liafuan gaba ka hahi'i sira (João 5:44). Ema nia hahi'i sei lakon, maibé Maromak nia kolen sei dura ba nafatin (2 Korinto 4: 18). 

Jesus mak ita-nia ezemplu di'ak kona-ba haraik-an (Filipe 2: 5-8). Nia la buka glória husi ema (João 8: 50). Nia serbí ho obedese kompletamente ba Ninia Aman (João 6:38). 

Maromak bolu ita atu serbí Nia ho laran ne'ebé moos (Koloso 3:23). Buat saida de'it ne'ebé ita halo, ita tenke halo ida-ne'e ba Nai, la'ós ba ema (Koloso 3:23). Ita-nia moris tenke nabilan ba Maromak Nia glória, la'ós ba ita-nia an rasik (Mateus 5:16). 

Maski la iha ema ida mak agradese ba ita, maibé Maromak hanoin-hetan ita (Ebreu 6: 10). Maski ema la nota ita-nia serbisu, maibé ita-nia serbisu hotu sei la saugati de'it (1 Korinto 15:58). 

Kuandu Maromak de'it mak haree, ida-ne'e to'o ona (Salmo 139: 1-3). Maromak nia matan sempre hateke ba ema laran-loos sira (2 Cronicas 16:9). No loron ida, buat ne'ebé ita halo iha segredu sei revela hotu no sai naroman (Luc 8:17). 

Tan ne'e, mai ita serbí Maromak ho laran-metin, tanba ita hatene katak ita-nia Aman iha lalehan mak fó kolen ne'ebé loos ba ita. No lembra ida ne'e, bainhira ita ajuda ema ho laran moos ba Maromak Nia glória, ita la'o hela iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatudu mai ha'u dalan ne'ebé ha'u tenke ba

Fó sai Ó-nia domin metin ba ha'u iha dadeer, tanba ha'u fiar ba Ó deit! Fó hatene ba ha'u dalan ne'ebé ha'u tenki la'o tuir, tanba ha'u hasa'e ha'u-nia klamar ba Ó. Salmu 143:8 BK 

Salmo 143:8

Moris nakonu ho desizaun. Desizaun balu ki'ik, maibé balu forma ita-nia futuru. Dala ruma ita sente konfuzaun no la hatene dalan ne'ebé mak loos. Hanesan liurai David ne'ebé hakerek salmu ne'e, ita mós bele halerik atu husu matadalan ba Maromak. 

David la fiar ba ninia matenek rasik. Ta ne'e nia harohan: "Hatudu mai ha'u dalan ne'ebé ha'u tenke ba." Nia hatene katak Maromak haree dalan hotu iha futuru, maibé ita haree de'it parte ki'ik balu. Buat ne'ebé ita haree hanesan di'ak, bele lori ita ba problema, maibé Maromak Nia dalan sempre lori ita ba moris. 

Nota katak liurai David ko'alia kona-ba Maromak Nia domin ne'ebé nunka falla. Antes nia husu matadalan, nia fó-hanoin nia an kona-ba Maromak Nia fidelidade. Ida ne'e importante. Ita bele tau fiar ba Maromak Nia matadalan tanba ita hatene katak Ninia laran nakonu ho domin. Nia la fó matadalan mai ita atu hakanek ita, maibé atu haraik bénsaun ba ita no forma ita-niamoris. 

Kuandu ita tau fiar ba Maromak, ita dehan: "Nai, ha'u-nia planu sira iha Ita-nia liman." Kuandu ita entrega aan hanesan ne'e, loke dalan ba diresaun ne'ebé klaru hosiMaromak. Maromak bele lidera ita liuhusi Ninia Liafuan, liuhusi konsellu ne'ebé matenek, liuhusi Espíritu Santu Nia dame iha ita-nia laran, ka liuhusi odamatan ne'ebé taka atu fo diresaun foun tuir dalan ne'ebé loos. 

Dadeer-dadeer mak oportunidade foun ida atu buka matadalan husi Maromak. Duke la'o lalais ba oin ho ita-nia hanoin rasik, ita bele pauza no harohan: "Nai, hatudu mai ha'u dalan ne'ebé ha'u tenke ba." 

Kuandu ita tau fiar ba Nia loroloron, Nia promete sei dirije ita-nia hakat sira no lori ita ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More