Terus ohin, di'ak ba aban

Iha momentu nee, ita senti dixiplina ne'e halo susar ba ita no la halo ita kontenti. Maibé tuir mai, disiplina fó rezultadu dame nian ne'ebé hahalok loos ba sira ne'ebé simu treiñu hosi dixiplina ne'e. Ebreu 12:11 BK 

Ebreu 12:11 

Hakerek-nain husi libru Ebreu ko'alia ho onestu kona-ba dixiplina. Nia la finje katak dixiplina ne'e sente di'ak. Iha momentu ita hetan dixiplina ne'e, halo ita sente laran-kanek. Karik ita hetan koresaun, hetan susar, ka konviksaun espirituál nian, sira ne'e halo ita la komfortavél.

Maibé versíkulu ne'e fó ita promesa furak ida: laran-kanek ka terus la'ós istória nia rohan. "Sei Iha loron aban" 

Maromak Nia dixiplina la'ós kastigu ba Ninia ema sira, maibé treinamentu ba sira ne'ebé Nia hadomi. Hanesan inan-aman ne'ebé halo koresaun ba sira-nia oan nia kreximentu, ita-nia Aman iha lalehan mós forma ita-nia karakter liuhosi dixiplina ba ita-nia di'ak. Nia haree buat ne'ebé ita la bele haree - karakter ne'ebé Nia forma, forsa ne'ebé Nia harii no dame ne'ebé nia prepara ba ita. 

Terus iha ojetivu, se ita tau iha Maromak Nia liman. Dixiplina halo ita haraik-an. Dixiplina halo ita fila fali ba dalan loos. Dixiplina hasa'e ita-nia dependensia ba Maromak liután. Maski ita la komfortavél, maibé ida-ne'e prodús moris loos no dame" ba ba loron aban.

Ita bele haree katak koileta maihusi sira ne'ebé " treinadu". Dixiplina bele halo ita sai aat ka di'ak liu. Se ita kontra, ita bele lakon ninia fuan. Maibé se ita tau fiar ba Maromak liuhusi terus sira ne'e, ikusmai ita sei haree ita-nia fiar krexe, estabidade iha ita-nia espíritu, no paz iha ita-nia laran. 

Dame loron aban nian dala barak sai hosi terus ohin nian. Lisaun sira ne'ebé ita aprende ho matan-been sai nu'udar forsa ba susar sira ne'ebé ita sei hasoru iha futuru. Maromak la estraga buat ida, inklui ita-nia tempu luta sira.

Se ita la'o iha tempu susar nia laran, korajen nafatin. Sentimentu la komfortavél agora sei iha folin ba loronaban. Ita-nia Aman mak kontrola buat hotu. Kaer-metin Ninia promesa sira, submete ba Maromak Nia matadalan sira, no tau fiar ba Ninia dixiplina ne'ebé nakonu ho domin. 

Liutiha tempu balu, buat ne'ebé hakanek ita sei prodús moris loos no dame ne'ebé so Maromak de'it mak bele fó, hodi hametin ita-nia hakat sira iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Destinu bei'ala sira neʼebé nunka rona Evanjellu

Tanba bainhira ema Jentiu sira, ne'ebé la iha lei, halo tuir de'it buat ne'ebé lei haruka, sira sai lei ba sira nia aan rasik, maski sira la iha lei. Sira hatudu katak hahalok hosi lei ne'e hakerek ona iha sira nia fuan laran. Sira nia konsiénsia mos fó sasin, no sira nia hanoin mós akuza sira no mós defende sira. Tuir evanjelhu ne'ebé hau haklaken, ida ne'e sei akontese iha loron ne'ebé Maromak tesi lia ba ema nia segredu liu hosi Jesus Kristu. Roma 2:14-16 BK 

Roma 2:14

Iha Roma kapítulu 2, apóstolu Paulo ko'alia kona-ba lia-loos importante ida: Maromak nia ukun-fuan ka lei morál la'ós de'it hakerek iha Eskritura, maibé mós hakerek iha ema nia laran. Maski ema ne'ebé nunka simu Maromak nia Ukun-Fuan, maibé sira mós iha konxiensia - atu hatene kona-ba buat ne'ebé loos no sala. 

Apóstolu Paulo esplika katak kuandu ema ne'ebé la hatene Maromak nia ukun-fuan, maibé sira hili nafatin atu halo buat ne'ebé loos, sira demonstra katak lei Maromak nian hakerek iha sira-nia "fuan-laran". Sira-nia konxiensia du'un sira bainhira sira halo sala ka defende sira bainhira sira halo buat ne'ebé loos. Ida-ne'e hatudu katak Maromak tau ona lei morál ba ema hotu iha sira-nia laran.

Ema kristaun barak hasoru pergunta ida ne'ebé konmún: Oinsa ho ita-nia bei'ala sira ne'ebé nunka rona Jesus nia naran? Oinsá ho ema sira ne'ebé moris antes Evanjellu to'o iha sira-nia rai, maibé ho laran-moos halo tuir sira-nia konxiensia no buka atu halo buat di'ak? 

Roma 2 fó-hanoin ita kona-ba lia-loos rua ne'ebé fó komfortu ba ita. 

Ba dahuluk liu, Maromak perfeitamente justu. Versíkulu 16 hatete katak Maromak sei julga ba segredu hotu-hotu iha ema-nia laran liuhusi Kristu. Ninia julgamentu sei halo ho kuidadu. Nia haree buat ne'ebé ema ida la haree - ne'e mak motivu ka razaun ba asaun hotu, oportunidade no naroman ne'ebé ema ida simu. 

Segundu, Maromak hatudu laran-sadi'a no hakarak ba ema atu hatán ba naroman ne'ebé sira simu. Eskritura sempre hanorin katak kuandu ema ida responde ho laran-moos ba lia-loos, Maromak fó naroman liután iha Ninia tempu no dalan. Maromak ne'e justu, nia la fó kastigu ba ema ne'ebé nunka iha oportunidade rona ka simu lia-loos iha sira-nia moris.

Hahalok di'ak de'it sei la bele salva ema ida, salvasaun sempre bazeia ba Maromak nia grasa. Maski nune'e, Roma 2 afirma katak Maromak haree ho serius ema idaidak nia responde ba lia-loos ne'ebé sira simu iha sira-nia laran. Ema-nia konxiensia atu buka moris loos, ho haraik-an responde ba naroman ne'ebé simu, ida ne'e refleta laran ne'ebé buka Maromak. 

Ikusmai, ita tau fiar ita-nia bei'ala sira ba Maromak Nia karakter. Nia domin boot liu fali ita-nian. Nia justu liu fali ita. No liuhusi Kristu, Binia julgamentu sira mak loos no laran-sadi'a. 

Maromak Nia liafuan sira-ne'e la'ós de'it fó komfortu ba ita kona-ba tempu uluk, maibé ida-ne'e mós bele dezafia ita ohin loron. Ita ne'ebé hatene evanjellu hetan naroman boot liután. Ita-nia responsabilidade boot liután. Mai ita moris ho fiél tuir lia-loos ne'ebé hakerek iha Eskritura no fahe lia-fuan di'ak ho kompaixaun. 

Ukun-fuan ne'ebé hakerek iha laran hatudu katak Maromak nunka dook husi ema. Nia sempre besik, ko'alia liuhusi konxiensia, kriasaun, no ikusmai liuhusi Kristu, ne'ebé dirije ema hotu nia laran hodi la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Nakonu ho koñesimentu kona-ba Ninia glória

Tanba mundu ne'e sei sai nakonu ho matenek kona ba Nai Nia glória, hanesan tasi nakonu ho bee. Habakuk 2:14

Habakkuk 2:14

Profeta Habakkuk moris iha tempu susar. Violénsia, injustisa no korrupsaun hale'u nia. Nia pergunta: Too bainhira mak hahalok-aat sira sei hotu? Maibé iha tempu susar ne'e nia aran, Maromak fó promesa boot ida: "Mundu nee sei sai nakonu ho matenek kona ba Nai Nia glória"

Versikulu ne'e fó-hanoin ita katak buat-aat sei la permanese. Maski nakukun domina ba tempu ida, maibé ikusmai Maromak Nia glória sei nabilan iha fatin hotu. Hanesan bee taka tasi hotu, nune'e mós loron ida Nia glória sei taka rai tomak, la iha rohan, no ba nafatin. 

"Konesimentu" ne'ebé ko'alia iha versíkulu ne'e la'ós de'it informasaun. Ne'e mak rekoñesimentu, kompriensaun, no respeitu. Ida-ne'e katak ema sei haree no rekoñese didi'ak Maromak ne'ebé mak santu, ukun-na'in ka soberanu, laran-loos no nakonu ho majestade. 

Agora mós, ita bele haree parte balu hosi Ninia glória. Ita bele haree ida-ne'e iha Ninia kriasaun, iha orasaun neʼebé hetan resposta, iha moris ne'ebé transformadu, no Maromak Nia glória klaru liu bele haree iha Jesus Kristu. Maibé loron ida, Maromak sei la subar Ninia glória no ema sei la husu tan pergunta. Ema sei hatene ida-ne'e iha mundu tomak. 

Promesa ne'e fó esperansa iha tempu la serteza sira. Kuandu ita hasoru situasaun ne'ebé justu iha mundu ne'e, ita bele hanoin-hetan katak Maromak serbisu no kontrola buat hotu. Maromak Nia hakarak sei alkansa no la'o ba oin. Ninia glória avansa daudaun ona. 

Nu'udar ema fiar-na'in, Maromak bolu ita atu refleta glória ne'e agora. Liuhusi ita-nia adorasaun, obedese ba Ninia hanorin sira, no fó sasin, ita bele ajuda habelar koñesimentu kona-ba Maromak. Ita-nia moris sai ki'ik maibé refleta Maromak nia kmanek ne'ebé boot. 

Ohin, korajen nafatin. Maski ita haree saida de'it mak akontese hale'u ita, maibé kapítulu ikus partensi ba Maromak. Ninia glória sei hakonu mundu kompletamente. Molok to'o loron ne'ebá, espera katak ita-nia moris sei nabilan ho koñesimentu kona-ba Ninia kmanek ne'ebé boot bainhira ita la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More