Bainhira riku-soin sai bareira

Depois Jesus dehan ba Ninia eskolante sira, “Tebes Ha'u dehan ba imi, katak susar duni ba ema riku atu tama ba reinu lalehan. Dala ida tan, Hau dehan ba imi, fasil liu ba kuda kamelu ida atu tama liu hosi daun kuak duké ema riku ida atu tama ba Maromak nia reinu.” Mateus 19:23-24 BK 

Mateus 19:23-24 

Jesus ko'alia liafuan sira-ne'e bainhira mane joven ida ne'ebé riku husik hela Jesus ho triste. Mane ne'e hakarak moris rohan-laek, maibé kuandu Jesus husu atu husik ninia rikusoin no la'o tuir Kristu, nia lakoi. Ninia rikusoin nonook sai ona ninia na'i. 

Jesus rasik la kondena rikusoin. Eskritura nunka hanorin katak osan ne'e aat. Maibé eskritura fó avizu katak domin ba osan bele kaer metin ita-nia laran. Rikusoin bele hamosu iluzaun moris seguru, indeendensia no kontrola moris - buat ne'ebé so Maromak de'it mak bele fó. 

Kuandu ita iha buat barak, fasil atu tau fiar ba buat ne'ebé ita iha duke tau fiar ba Maromak ne'ebé sustenta ita. Rikusoin bele halo ita sente katak ita la presiza Maromak. Riku-soin konvense ita katak ita auto-sufisiente. Maibé tama ba reiñu lalehan la'ós liuhusi riku-soin ne'ebé ita hetan, maibé liuhusi haraik-an no sadere de'it ba Maromak. 

Imajen Kuda-kamelu ida-ne'ebé la'o liu hosi daun kuak ne'e intensionalmente dramatik. Ida-ne'e hatudu katak imposivél ba ema atu hetan salvasaun bainhira sira kaer metin ba riku-soin, la'os Kristu. Buat ne'ebé ita kaer-metin no lakohi husik bele sai hanesan bareira ida entre ita ho Maromak.  

Maibé istória ne'e la remata ho buat ne'ebé imposivél. Liutiha versíkulu balu, Jesus fó-hanoin ba Ninia dixipulu sira katak “Ba ema, la bele; maibee ba Maromak, buat hotu bele.” Mateus 19:26. Maski ita-nia laran kaer metin ba rikusoin, ita bele sai livre ho Maromak Nia grasa. 

Versíkulu ne'e konvida ita atu halo reflesaun ho onestu. Saida mak ita sadere ba? Saida mak ita ta'uk liu atu lakon? Serake ita sei halo tuir Kristu, se obedese ba Maromak halo ita la komfortavél, halo ita lakon dignidade, no kauza ita-nia estabilidade finanseiru nakdoko? 

Rikusoin sai hanesan bareira bainhira sira troka ita-nia fiar ba Maromak. Maski nune'e, kuandu riku-soin sira tau iha Maromak nia liman, riku-soin bele sai nu'udar instrumentu atu hatudu laran-luak, hatudu laran-sadi'a no apoiu serbisu reinu lalehan nian. 

Ohin, husu ba Nai atu buka-hatene Ita-nia laran. Espera katak la iha buat ida mak bele sai bareira entre ita ho ita-nia devosaun ba Maromak, maski bareira ne'e rikusoin, ambisaun, ka seguransa moris nian. Rikusoin ne'ebé loos la hetan iha buat ne'ebé ita iha, maibé iha Ida ne'ebé ita la'o tuir iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏