Demora maibé la haluha

Nai la demora atu kumpri Ninia promesa, hanesan ema balu hanoin Nia demora ne'e. Maibé Nia hatudu pasiénsia ba ita. Nia lakohi atu ema ida lakon, maibé Nia hakarak atu ema hotu arepende. 2 Pedro 3:9 BK

2 Pedro 3:9

Karik Ita perna hein buat ruma no husu: "Tanbasa mak kleur los seidauk to'o mai?" Karik Ita-Boot halo orasaun atu husu buat ruma no Maromak seidauk hatán. Karik ita hein hela Jesus atu fila fali mai, maibé Nia la mosu mai to'o agora. 

Versíkulu ohin loron esplika tanbasá Jesus demora atu mai. Maromak la lentu ka neineik hanesan ita hanoin. Nia la haluha Ninia promesa sira. Nia la tarde. Nia hein ho razaun ida, razaun furak ida. Razaun ne'e mak:

Maromak hatudu pasiénsia. Nia seidauk mai tanba Nia hadomi ema. Nia lakohi ema ida lakon ba nafatin. Nia lakohi ema ida atu mate rohan-laek. Nia la hakarak ema ida lakon. Nia hakarak fó tempu barak liután atu ema ses hosi hahalok sala nian no fila fali ba Ninia dalan. Nia fo tempu barak liután ba ema atu hatete "sin/loos" ba Ninia domin

Hanoin to'ok kona-ba ema ne'ebé Ita hadomi no seidauk hatene Jesus. Karik membru família ida. Belun ida. Viziñu ida. Maromak hatudu pasiénsia tanba Nia hakarak sira mós hetan salvasaun. Nia hadomi sira hanesan Nia hadomi ita.

Ida-ne'e muda oinsa ita hanoin kona-ba Nai Nia demora. Duke ita hirus, Ita bele agradese ba Maromak tanba Nia hatudu pasiénsia ba ita. No ita bele uza tempu ne'e atu fó-hatene ema seluk kona-ba Ninia domin. Maromak demora atu ema bele hetan dalan ba lalehan. 

Loron ida, Jesus sei fila fali mai. Ita bele serteza ba promesa ne'e. Maibé molok to'o iha tempu ne'ebá, Maromak hatudu pasiénsia. Nia fó tempu ba ema atu fila fali ba Nia. Nia lakohi atu ema ida mate. Ne'e inklui ema ne'ebé Ita hadomi. No ida-ne'e inklui mós ita.

Orasaun: obrigadu tanba hatudu pasiénsia mai ami. Obrigadu tanba ita demora atu fó tempu mai ami atu hatene Ita. Ajuda ami atu uza ami-nia tempu ho didi'ak hodi fó-hatene ema seluk kona-ba Ita-nia domin. Ami halo orasaun ba ema ne'ebé ami hadomi no seidauk hatene Ita. Favór ajuda sira atu hetan dalan ba lalehan antes tarde liu. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏