Karta Kristu nian — Ita Nia Moris Mak Mensajen

Lee : 2 Koríntios 3:1-9

                         2 Koríntios 3:3

“Imi mak karta Kristu nian... hakerek la’ós ho tinta, maibé ho Espíritu Maromak moris nian.”2 Koríntios 3:3

Iha mundu ohin loron, ema barak la iha tempu atu lee Bíblia. Maibé iha buat ida ne’ebé sira sempre bele “lee”: ita nia moris.

Paulo dehan ba ema Korintu sira katak sira mak hanesan karta Kristu nian. Ida ne'e signifika saida? Karta ida lori mensajen hosi ema ida ba ema seluk. Hanesan mós, ita nia moris bele lori mensajen kona-ba Jesus ba ema sira ne'ebé haleu ita.

Se ita dehan ita lao tuir Jesus, ema tenke bele haree Jesus iha ita nia hahalok.

Bainhira ema ida halo sala ba ita, ita bele hili atu hirus ka atu perdua. Bainhira ema ida presiza ajuda, ita bele ignora ka ajuda. Bainhira ema ko’alia aat kona-ba ita, ita bele ko’alia hasoru ka mantein kalma. Iha situasaun ki’ik sira-ne’e, ita-nia moris sai hanesan “karta” ida ne’ebé ema lee.

Ita bele ko’alia barak kona-ba Jesus, maibé se ita nia moris la hatudu Jesus, ema sei difisil atu fiar ita-nia liafuan.

Ita nia família mak fatin dahuluk atu ema lee ita nia “karta”. Oan sira haree oinsá ita ko’alia. Kaben ka esposa haree oinsá ita trata malu. Vizinu sira haree oinsá ita foti reasaun bainhira iha problema.

Tanba ne’e, ita la presiza hein atu ba púlpitu atu serví Jesus. Ita bele servisu ba Jesus iha uma, iha merkadu, iha fatin servisu, iha eskola no iha komunidade.

Maibé ita tenke lembra buat ida: ita rasik la bele hakerek karta ida-ne’e ho ita nia forsa. 2 Koríntios 3:5 hatete katak ita nia kapasidade mai hosi Maromak. Espíritu Santu mak muda ita nia fuan no karakter.

Entaun, loron-loron, ita bele halo orasaun simples:

“Senhor Jesus, halo hau sai karta ida ne’ebé ema bele lee. Bainhira ema haree hau, ajuda sira atu haree Ita. Muda hau-nia fuan, liafuan no hahalok. Amen.”

Ita nia ministériu autêntiku la hahú hosi ita nia lia-fuan. Hahú hosi ita-nia moris.

Ita mak karta.

Espíritu Santu mak hakerek.

Jesus mak mensajen.

Ita bele husu ita nia an ohin:

“Se ema sira lee hau-nia moris ohin, serake sira sei haree Jesus iha hau?”

Ne’e mak Dalan ba Lalehan—la’ós de’it ko’alia kona-ba Jesus, maibé moris ho Jesus no hatudu Jesus ba ema seluk.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Fuan saida mak ita prodús iha ita-nia moris?

Lee Biblia: Galasia 5:22-23 

                            Galasia 5:22-23

Maibee Espíritu nia ai-fuan mak ne'e: domin, ksolok, dame, pasiénsia, laran diak, hahalok diak, fidelidade, laran maus no kontrola aan. La iha lei ida mak kontra buat sira nee. Galásia 5:22-23

Bainhira ita haree ba ai-fuan ida, dala barak ita bele hatene nia mai hosi ai-huun ida ne'ebé. Ai-sabraka ida prodús sabraka. Ai-has ida prodús has. Ai-fuan sira-ne'e fó-hanoin ita kona-ba sira-nia ai-huun. 

Nune'e mós, ema bele haree saida mak akontese iha ita-nia laran liuhusi haree ba ita-nia moris loroloron. 

Paulo hatete katak "Espíritu nia ai-fuan mak ne'e: domin, ksolok, dame, pasiénsia, laran diak, hahalok diak, fidelidade, laran maus no kontrola aan" (Galasia 5:22-23). 

Fuan sira ne'e la'os kualidade moris nian ne'ebé Ita tenta atu prodús rasik. Maibé fuan sira ne'e mak rezultadu hosi Espíritu santu Nia serbisu iha ita-nia moris. 

Ai-fuan sira-ne'e haree hanesan saida iha ita-niamoris loroloron? 

Domin katak tau matan ba ema seluk, maski sira la bele fó fali buat ida ba ita. 

Haksolok katak ita iha esperansa ba Maromak maski hasoru susar iha ita-nia moris. 

Dame katak tau fiar ba Maromak duke husik ta'uk kontrola ita-niamoris. 

Pasiénsia katak kalma nafatin bainhira ema ruma lentu, susar atu komprende, ka la justu. 

Laran-di'ak simplesmente bele hatudu liuhusi ajuda idozu sira, fó korajen ba ema ne'ebé deskorajen, ka ko'alia ho laran-di'ak ba labarik sira. 

Hahalok -di'ak katak hili buat ne'ebé loos maski la iha ema ida mak haree. 

Fidelidade mak halo tuir ita-nia promesa no fiél nafatin ba Maromak, ba ita-nia família, ita-nia serbisu, no responsabilidade sira. 

Laran-maus katak ita iha forsa ne'ebé kontroladu. Ita la presiza hakilar ka hakanek ema seluk atu hatudu katak ita forsa. 

Kontrola an katak hatete "lae" bainhira ita-nia sentimentu ka hakarak haruka ita atu halo buat ruma ne'ebé sala. 

Oinsá mak ai-fuan sira-ne'e bele krexe iha ita-nia moris? 

Ai-huun ida labele fó fuan liuhosi esforsu maka'as. Nia presiza rai di'ak, bee, loro-matan, no tempu atu krexe. 

Ita-nia moris espirituál mós hanesan. Ita presiza mantein ligasaun ho Jesus liuhusi orasaun, Maromak nia Liafuan, no halo tuir Ninia hanorin sira loroloron. 

Kuandu ema ruma halo Ita hirus, para no halo orasaun antes Ita hatán. Kuandu ita hetan tentasaun atu bosok, hili lia-loos. Kuandu ema ruma presiza ajuda, aproveita oportunidade atu hatudu laran-di'ak. 

Kada desizaun ne'ebé ita halo, fo biban ba Espíritu Santu atu serbisu iha ita-nia moris.

Entaun husu ba ita-nia an ohin: Fuan saida mak ema haree iha ha'u-nia moris?"

Se iha ita-nia moris ita haree hirus, la iha pasiénsia, hanoin an de'it, ka la kontrola an, keta rende. Lori hahalok aat sira-ne'e ba Jesus no husu Espíritu Santu atu muda ita-nia laran. 

Ita la bele prodús fuan husi Espíritu liuhusi ita-nia forsa rasik. Maibé kuandu ita nafatin besik ba Jesus, Ninia karakter komesa krexe iha ita-nia laran. 

Dalan ba lalehan mak viajen ida ne'ebé permiti Jesus transforma ita-nia hahalok loroloron, to'o Ninia karakter ema bele haree iha ita-nia moris loroloron.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Laran-susar ne'ebé halo ita fila fali ba Maromak

Lee Biblia: 2 Korinto 7: 9-11 

                        2 Korinto 7: 10

Karik Ita halo ona buat ruma ne'ebé sala no depois Ita sente triste tebes kona-ba hahalok-ne'e? Karik Ita hakanek ema ruma, ko'alia lia-bosok, lakon kontrola aan no hasai liafuan aat, ka halo desizaun ne'ebé la loos. Triste ne'e bele halo ita sente laran-kanek. Maibé Biblia hatete katak triste balu bele lori bénsaun ba ita. 

Paulo kontente tebes tanba ema Korinto esperiensia ona buat ne'ebé Biblia bolu nu'udar "tristi tuir Maromak" (Godly sorrow). Paulo nia karta uluk neebe envia ba sira halo sira triste, maibé sira-nia triste halo sira muda sira-nia hahalok. Sira la sente laran-tun no kontinua moris ho hahalok aat. Sira nia triste lori sira ba arrependementu.

Paulo hatete: "Tanba laran tristi tuir Maromak halo ita arepende no hetan salvasaun no ita la hanoin fali sala ne'e. Maibee laran tristi tuir mundu halo ita mate. 2 Korinto 7:10

Saida mak laran triste tuir Maromak ka godly sorrow ? 

Laran triste tuir Maromak mak triste ne'ebé ita sinte tamba hakanek ona Maromak Nia laran. 

Porezemplu, labarik ida halo rahun buat ruma no sai ta'uk tanba inan-aman bele fó kastigu ba nia. Ida-ne'e la'os triste tuir Maromak.

Maibé hanoin to'ok, labarik ne'e hatete: "Hau halo sala. Ha'u hakanek ona ha'u-nia inan-aman. Ha'u presiza ko'alia lia-loos no husu perdua." Ida-ne'e mak mazumenus deskrisaun ne'ebé besik liu ho triste tuir Maromak.

Triste tuir Maromak halo ita hateke ba Maromak, la'ós halai husi Nia. 

Ita hatene katak ita-nia triste ne'e triste tuir Maromak bainhira ida-ne'e hamosu mudansa iha ita-nia moris. 

Duke hatete: "Deskulpa," no halo fali sala ne'ebé hanesan, ita komesa dehan: 

 "Nai, muda ha'u-nia laran. Ajuda ha'u atu la halo sala tan." 

Ema Korinto sira hatudu sira-nia arependementu liuhusi muda sira-nia hahalok. Sira-nia triste hamosu seriadade, hakarak atu halo buat loos, no hakarak atu hadi'a sira-nia hahalok-aat (2 Korinto 7: 11). 

Serake Ita esperiensia ona triste tuir Maromak? Karik Ita esperiensia ona.

Karik espíritu santu fó-hanoin ita kona-ba buat ne'ebé ita halo sala ona. Ita sente triste tebes, la'ós de'it tanba ema hatene Ita halo sala, maibé tanba Ita hatene katak Ita-nia sala hakanek Maromak no karik hakanek ema seluk mós. 

Ita halo orasaun. Ita konfesa Ita-nia sala. Ita husu perdua. Depois ne'e, Ita foti asaun hodi muda ita-nia hahalok.

Ne'e mak Maromak Nia serbisu furak ida iha ita-nia laran. 

Triste tuir Maromak la husik ita la iha esperansa. Ida-ne'e lori ita fila fali ba Jesus. 

Tan ne'e, se Ita sente triste tanba halo buat ruma ne'ebé sala, keta ignora ida ne'e. Keta subar an husi Maromak. Mai hasoru Nia liuhusi orasaun.

Konfesa Ita-nia sala. Husu perdua. Halo buat ne'ebé loos bainhira posivél. Tuirmai tau fiar ba Maromak atu ajuda ita atu bele moris diferente, moris tuir Maromak Nia hakarak.

Ba Jesus Nia dixipulu ne'ebé loos, iha ksolok boot kuandu sala na'in ida fila fali ba Maromak. 

Dalan ba lalehan la'ós moris ne'ebé la iha sala. Ne'e mak moris ne'ebé kontinua fila fali ba Jesus hodi husik Nia fó perdua, transforma no lidera ita ba moris rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More