Lia-loos Sei Liberta Ita

No imi sei hatene lia loos, no lia loos sei halo imi livre. João 8:32

                                    João 8:32

Serake Ita gosta livre ka liberdade? Ita hakarak bele lao ba ne’ebé ita hakarak, ko’alia ho liberdade no halo desizaun rasik. Maibé Jesus ko’alia kona-ba liberdade ida ne’ebé liu fali liberdade atu halo buat hotu ne’ebé ita hakarak.

Jesus dehan: “No imi sei hatene lia loos, no lia loos sei halo imi livre." João 8:32

Saida mak Jesus hakarak dehan?

Lia-loos ka Verdade ne’ebé Jesus ko’alia kona-ba saida?

Lia-loos mak Maromak nia liafuan no Jesus rasik. Jesus dehan iha João 14:6, “Hau mak dalan, lia-loos no moris.”

Bainhira ita hatene Jesus no tuir Nia liafuan, ita komesa haree klaru kona-ba saida mak loos no sala.

Ezemplu, ema bele dehan, “Bosok ki’ik la problema.” Maibé Bíblia hanorin ita atu ko’alia lialos.

Ema bele dehan, “Se ema halo aat ba ita, ita tenke baku.” Maibé Jesus hanorin ita atu perdua.

Ema bele dehan, “Osan no sasán mak buat importante liu.” Maibé Jesus hanorin ita atu tau Maromak uluk iha buat hotu.

Lia-loos Maromak nian ajuda ita atu hili dalan ne’ebé loos.

Lia-loos bele liberta ita hosi saida?

Ita bele sai atan ba buat barak: bosok, ódiu, inveja ka laran-morasbaema, osan, alkohol, tabaku, pornografia, liafuan aat, sai hirus, ka hahalok sala seluk.

Bainhira ita halo sala dala barak ona, ita sente katak ita la bele muda ona. Ita bele dehan, “Hau-nia natureza hanesan ne’e. Hau la bele muda.”

Maibé Jesus dehan katak lia-loos bele halo ita livre.

Ezemplu, se ema ida toman ka acostuma atu bosok, nia bele komesa hili atu ko’alia lia-loos. Se nia halo sala, nia bele husu deskulpa. Se nia iha laran hirus ba ema ida, nia bele husu Jesus ajuda nia atu perdua.

Liberdade la signifika katak ita nunka hetan tentasaun. Liberdade signifika katak tentasaun la presiza kontrola ita tan. Ho Jesus nia ajuda, ita bele dehan “lae” ba buat ne’ebé sala.

Oinsá ita bele hatene lia-loos?

Ita tenke lee Bíblia no aprende hosi Jesus.

Ezemplu simples: se ita lee Bíblia dadeer minutu 10, ita bele husu:

“Jesus, saida mak Ita hakarak hau aprende ohin?”

Depois, bainhira ita hasoru situasaun durante itania atividade loron-loronnian, lembra buat ne’ebé ita lee.

Iha uma, se ita hakarak hirus, lembra Jesus nia liafuan.

Iha servisu, se ema tenta ita atu bosok, lembra lia-loos.

Iha negósiu, se ita bele hili entre hetan osan ho maneira sala ka halo buat loos ho osan menus, hili buat loos.

Iha igreja, se ema halo sala hasoru ita, la espalha nia sala ba ema seluk. Ko’alia ho domin no buka dalan atu rezolve problema.

Bíblia la’ós de’it livru atu lee. Nia mak Maromak Nia liafuan atu ajuda ita moris.

Lia-loos ka verdade tenke sai ita-nia karakter

Ita bele hatene Bíblia barak, maibé se ita la pratika, ita sei la hetan benefísiu tomak.

Ezemplu: Ita bele hatene katak “perdua” mak buat loos. Maibé bainhira ema halo sala hasoru ita, ita tenke pratika perdáun.

Ita bele hatene katak “hadomi ita-nia maluk” mak Jesus Ninia mandamentu. Tan ne'e bainhira ema ne’ebé ita la gosta presiza ajuda, ita bele ajuda nia.

Ita bele hatene katak “la bosok” mak loos. Maibé bainhira bosok bele fó vantajen ba ita, ita tenke hili verdade.

Ne’e mak liberdade ne’ebé Jesus fó: ita la moris tanba presiza tuir ita-nia hakarak hotu; ita livre atu hili buat ne’ebé loos.

Entaun, ohin, ita bele hahú ho pergunta simples ida:

“Iha buat saida mak hau presiza husik atu Jesus bele halo hau livre?”

Karik ita presiza husik hagalok hirus-teen. Karik ita presiza para bosok. Karik ita presiza husik hábito ida ne’ebé aat. Karik ita presiza husu ema ida nia deskulpa.

La presiza muda buat hotu iha loron ida. Hahú ho pasu ida ho Jesus. Lee Nia liafuan, halo tuir Nia, no husu Nia ajuda kada loron.

Dalan ba Lalehan mak dalan verdade nian. Bainhira ita hatene Jesus, ita hatene verdade; no bainhira ita tuir verdade, ita sai livre hosi buat ne’ebé halo ita dook hosi Maromak. Jesus la hakarak ita moris iha bandeira sala; Nia hakarak ita moris livre, ho laran dame no esperansa.

🙏 MAROMAK FO BENSAUN🙏🏻

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

hopechanneltimorleste, AWRTimoLeste

dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida Mak Signifika Atu Hadomi Maromak?

Lee: Marcos 12:30

                                Marcos 12:30

"Ó tenki hadomi Nai, ó-nia Maromak, ho ó-nia laran tomak, ó-nia klamar tomak, ó-nia neon tomak, no ó-nia forsa tomak.’ Ida nee mak ukun fuan uluk liu." Marcos 12:30

Saida mak signifika bainhira ita dehan, “Hau hadomi Maromak”? Ita hatete de’it “Hau hadomi Maromak,” ka ita-nia moris mós tenke hatudu katak ita hadomi Nia?

Jesus fó resposta klaru iha Marcos 12:30. Nia dehan "Ó tenki hadomi Nai, ó-nia Maromak, ho ó-nia laran tomak, ó-nia klamar tomak, ó-nia neon tomak, no ó-nia forsa tomak." Signifika katak Maromak la hakarak de’it parte ki’ik ida hosi ita-nia moris. Nia hakarak ita-nia an tomak.

Hadomi Maromak ho ita-nia laran tomak 

Laran mak fatin ne’ebé ita tau ita-nia sentimentu, hakarak no prioridade. Se ita hadomi Maromak, ita sei hakarak hatene Nia no besik ba Nia loroloron.

Ezemplu simples: bainhira ita hadomi ema iha família, ita hakarak ko’alia ho nia, rona nia no halo buat ne’ebé halo nia kontente. Nune'e mós bainhira ita hadomi Maromak.

Ita bele hatudu ita-nia domin ba Maromak bainhira ita reza, lee Bíblia, bá igreja, partisipa iha eskola sabatina, no ko’alia ho Maromak kona-ba ita-nia problema.

Maibé hadomi Maromak la’ós de’it kona-ba atividade igreja.

Hadomi Maromak ho ita-nia hanoin

Ita-nia hanoin mos pertense ba Maromak. Bainhira ita tenke halodesizaun, ita bele husu:

“Buat ne’e sei halo Maromak kontente ka lae?”

Ezemplu, iha servisu ka negósiu, ema bele tenta bosok ita atu hetan osan barak. Se ita hadomi Maromak, ita sei hili onestidade maski ita bele lakon osan.

Iha uma, bainhira ita hakarak responde ho liafuan aat, ita bele para no hanoin: “Jesus hakarak ha'u responde oinsá?”

Hadomi Maromak signifika husu Nia atu guia ita-nia hanoin antes ita halo desizaun.

Hadomi Maromak ho ita-nia forsa

Jesus mos dehan atu hadomi Maromak ho ita-nia forsa tomak.

Signifika uza buat ne’ebé ita iha atu serbí Nia.

Se ita iha forsa atu servisu, ajuda ema.

Se ita iha tempu, fó tempu ba Maromak no ba ema ne’ebé presiza.

Se ita iha talentu, uza talentu ne’e iha igreja.

Se ita iha osan, uza parte balu atu ajuda servisu Maromak nian no ajuda ema seluk.

Labarik bele ajuda inan-aman. Joventude bele ajuda igreja. Ema boot bele fahe sira-nia esperiénsia ho ema foin-sa’e sira. Ema ida-idak iha buat ruma ne’ebé nia bele fó.

Hadomi Maromak signifika obedese Nia

Jesus dehan iha João 14:15, “Se imi hadomi Ha’u, imi sei kumpre Ha’u-nia mandamentu sira.”

Ne’e importante. Ita bele hatete, “Hau hadomi Jesus,” maibé se ita kontinua halo buat ne’ebé ita hatene katak sala, ita presiza husu ita-an se ita-nia domin ba Nia loos duni ka lae.

Hadomi Maromak la signifika katak ita sei perfeitu no nunka halo sala. Ita sei halo sala tanba ita ema sala-na'in. Maibé bainhira ita hadomi Jesus, ita sei hakarak muda ita-niahahalok aat, husu deskulpa, husu perdua no tuir Maromak Nia dalan.

Hanoin kona-ba ita-nia moris ohin loron. Serake Maromak iha parte ida de’it iha ita-nia moris, ka Nia sai sentru hosi ita-nia moris?

Bainhira ita hadeer mai iha dadeer, ita bele hahú loron ho orasaun simples:

“Maromak, loron ohin hau fó hau-nia laran, hau-nia hanoin, hau-nia forsa no hau-nia tempu ba Ita. Guia hau atu moris tuir Ita-nia hakarak.”

Depois, durante loron, ita bele hatudu domin ne’e liuhosi buat ki’ik sira: ko’alia ho laran di’ak, ajuda ema, la bosok, perdua ema, fahe buat ne’ebé ita iha no hili buat ne’ebé loos maski ema seluk la haree.

Hadomi Maromak la’ós de’it liafuan ne’ebé ita dehan. Hadomi Maromak mak oinsa maneira ita moris kada loron.

Dalan ba Lalehan mak aprende atu hadomi Maromak ho ita-nia laran tomak, klamar tomak, hanoin tomak no forsa tomak. Bainhira ita tau Maromak iha ulun, iha laran no iha ita-nia asaun kada loron, ita sei lao besik liután ba Nia.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak hadomi tebes mundu

Tanba Maromak hadomi tebes mundu, to'o Nia fó Ninia Oan Mane mesak, atu ema hotu ne'ebé fiar ba Nia sei la lakon, maibé sei hetan moris rohan laek. João 3:16

                               João 3:16

Ita bele hatudu ita-nia domin ba ema seluk ho maneira saida? Ita bele hatete, “Hau hadomi ó,” maibé domin loos normalmente la para iha liafuan. Domin loos sei hatudu nia-an liuhosi buat ne’ebé ita fó no ita halo ba ema ne’ebé ita hadomi.

João 3:16 hatudu buat ne’e ho klaru. Bíblia dehan, “Maromak hadomi tebes mundu” no tanba Nia domin, Nia fó nia Oan-Mane. Maromak Nia domin no Nia fó mak lao hamutuk.

Domin loos sei fó

João 15:13 dehan katak domin boot liu mak bainhira ema ida fó nia moris ba Nia belun sira.

Jesus la dehan de’it katak Nia hadomi ita. Nia hatudu Nia domin liuhosi Nia moris no Nia mate iha foho kalváriu.

Efésu 5:2 mós dehan katak Kristu hadomi ita no fó an ba ita. Iha versu 25, laen sira mós hetan hanorin atu hadomi sira-nia feen hanesan Kristu hadomi igreja no fó an ba nia.

Gálatia 2:20 hatete kona-ba Jesus ne’ebé hadomi ita no fó an ba ita.

1 João 3:16 hatete katak ita hatene saida mak domin tanba Jesus fó Nia moris ba ita; tanba ne’e, ita mos tenke prontu atu ajuda no fó ita-nia moris ba maluk sira.

Entaun, buat hotu ne’e iha mensajen ida de’it:

Maromak nia domin mak domin ne’ebé fó.

Ita bele aprende hosi Jesus

Bainhira ita simu Jesus Nia domin, ita aprende atu fó mos domin ba ema seluk.

Maibé fó la’ós de’it kona-ba osan.

Iha uma, ita bele fó ita-nia tempu ba oan sira.

Bainhira inan-aman kole, ita bele ajuda sira.

Bainhira maluk ida moras, ita bele vizita nia no ajuda nia.

Bainhira ema ida triste, ita bele rona nia no fó liafuan ne’ebé haforsa nia.

Iha igreja, ita bele fó ita-nia tempu, talentu no forsa atu serbí.

Bainhira ita iha hahán liu, ita bele fahe ho ema ne’ebé presiza.

Bainhira ema ida halo sala hasoru ita, ita bele aprende perdua, tanba Jesus mós hatudu mizerikórdia ba ita.

Buat sira ne’e bele haree hanesan buat ki’ik. Maibé bainhira ita halo ho domin, buat ki’ik bele sai bénsaun boot ba ema seluk.

Ita-nia domin tenke sai visível

Hanoin to'ok ema ida ne’ebé dehan, “Hau hadomi hau-nia família,” maibé nunka ajuda família bainhira sira presiza. Ita sei fiar ba nia liafuan?

Hanoin mós kona-ba ita-nia relasaun ho Maromak. Ita bele dehan, “Hau hadomi Maromak,” maibé serake ita-nia moris hatudu domin ne’e ba ema seluk?

1 João 3:16 desafia ita: tanba Kristu fó Nia moris ba ita, ita mos tenke prontu atu fó ita-nia moris ba ema seluk.

Ne’e la signifika katak ita tenke mate ba ema seluk. Maibe ida ne'e signifika katak ita prontu atu halo sakrifísiu ita-nia tempu, komfortu, osan, forsa no interese rasik atu ajuda ema seluk bainhira sira presiza.

Ita bele hahú ho buat simples ida ohin.

Buka ema ida iha ita-nia família ka komunidade ne’ebé presiza ajuda. La hein ema husu. Bá ajuda deit nia.

Tanba João 3:16 hanorin ita katak linguajen Maromak ka lalehan nian mak domin ne’ebé fó. Maromak hadomi ita, no Nia domin halo Nia fó. Agora Jesus bolu ita atu aprende hosi Nia.

Dalan ba Lalehan mak aprende hosi Jesus atu hadomi la’ós de’it ho ita-nia ibun, maibé ho ita-nia hahalok. Bainhira ita hadomi, ita fó; bainhira ita haree ema presiza, ita ajuda; no bainhira ita simu Maromak nia domin, ita fahe domin ne’e ho ema seluk.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More