Saida Mak Dalan kloot ba Moris?

Leitura Bíblica: Mateus 7:13–14

                      Mateus 7:13-14

Jesus dehan:

Tama liu hosi odamatan kloot. Tanba odamatan luan no dalan boot sei lori ema ba mate, no ema barak tama liu hosi dalan ida nee. Maibee odamatan kloot no dalan kiik sei lori ema ba moris, no ema uitoan deit mak hetan dalan ida nee. Mateus 7:13-14

Saida mak Jesus hakarak hanorin ita ho liafuan dalan kloot?

Dalan kloot la'ós dalan físiku ida ne'ebé ki'ik. Jesus uza liafuan ne'e atu hanorin kona-ba dalan moris ne'ebé ita hili. Dalan luan mak dalan ne'ebé ema barak hili tanba fasil. Dalan kloot mak dalan ne'ebé presiza fiar, obedénsia no sakrifísiu atu tuir Jesus.

Dalan luan fasil, maibé nia finalidade aat

Iha moris loroloron, ita haree katak buat fasil dala barak ema barak gosta. Ezemplu, bainhira ema hotu halo buat ida, ita bele hanoin: “Se ema hotu halo, ha'u mós bele halo.”

Maibé se ema hotu ko'alia liafuan aat ka tolok, serake ita mós tenki ko'alia? Se ema hotu bosok atu hetan osan, serake ita tenki halo mós? Se ema hotu la respeita Maromak, serake ita tenki tuir sira? Se ema ruma hetan osan barak liuhusi komete adultériu ka fornikasaun, serake ita mós tenke halo?

Lae!.

Dalan luan mak bainhira ita dehan: “Ha'u sei halo buat saida de'it ne'ebé ha'u hakarak, mesmu kontra MaromakNia hanorin.” Maibé dalan ne'e bele lori ita ba problema, sala no ikusmai separasaun hosi Maromak.

Dalan kloot presiza desizaun

Dalan kloot mak bainhira ita dehan: “Ha'u desidi hakarak tuir Jesus, maski la fasil.”

Ezemplu: Bainhira ema ida halo aat mai ita, ita bele hili atu halo aat mós. Maibé Jesus hanorin katak ita tenke perdua.

Bainhira ita iha oportunidade atu simu subornu no bosok atu hetan osan, ita bele rejeita subornu no hili atu ko'alia lia-loos.

Bainhira ema ida la haree ita-nia hahalok sala, ita bele kontinua halo sala tan. Maibé ita hili atu halo buat ne'ebé loos maski ema la haree.

Bainhira ita hetan tentasaun atu halo buat ne'ebé imoral, ita bele dehan: “Ema barak halo buat ne'e.” Maibé ita hili atu dehan: “Ha'u labele halo ida ne'e tamba hahalok ne'e kontra Maromak Nia ukun-fuan”

Ida-ne'e mak dalan kloot.

Dalan kloot la signifika moris perfeitu

Ita tenki komprende buat ida: tuir dalan kloot la signifika katak ita nunka halo sala. Ita hotu bele monu ba sala. Ita hotu presiza Jesus. Ninia diferensa mak: bainhira ita monu, ita la hela nafatin iha sala ne'e. Ita fila ba Jesus, konfesa ita-nia sala, husu perdua no kontinua hala'o ita-nia moris ba oin.

Jesus la dehan, “Hili dalan kloot tanba ita forte.” Nia bolu ita atu tuir Nia tanba Nia mak bele fó ita forsa ba ita.

Oinsá ita bele hili dalan kloot ohin? Hahú ho buat ki'ik sira:

1. Lee Bíblia loroloron.

Maski versíkulu ida de'it, lee no hanoin kona-ba versikulune'e.

2. Reza molok halo desizaun.

Husu: “Jesus, serake buat ida-ne'e fo glória ba Jesus?”

3. Aprende atu dehan “lae” ba tentasaun.

La'ós buat hotu ne'ebé fasil no ema hotu halo mak di'ak.

4. Halo buat loos maski ema seluk la halo.

Maromak haree ita-nia fuan no ita-nia hahalok.

5. Bainhira ita monu ba sala, fila lalais ba Jesus. Keta halai hosi Maromak tanba sentimentu sala. Jesus hakarak ita fila ba Nia.

Dalan kloot dala ruma bele difisil. Maibé Jesus promete katak dalan kloot ne'e lori ita ba moris rohan-laek. Nia la husik ita lao mesak. Jesus hakarak la'o hamutuk ho ita iha dalan ne'e.

Ohin, ita iha escolla ida atu halo: tuir dalan luan tanba fasil, ka hili dalan kloot tanba ita hakarak tuir Jesus? Hili Jesus. Hili Nia dalan. Tamba dalan kloot, nia finalidade lori ba moris rohan-laek.

Ita-nia programa Dalan ba Lalehan hakarak ajuda ita hatene Jesus no la'o hamutuk ho Nia loroloron. Tanba Jesus mak dalan ne'ebé lori ita ba Lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida Mak Signifika Tau Esperansa iha Maromak?

Leitura Bíblica: Lamantasaun 3:24

                        Lamentasaun 3:24

“Nai mak ha'u-nia liman rohan,” hatete ha'u-nia klamar, “nune'e ha'u tau esperansa iha Nia.” Lamentasaun 3:24

Saida mak signifika hosi tau esperansa iha Maromak?

Tau esperansa iha Maromak la signifika ita sei la iha problema. Ita sei hasoru moras, falta osan, problema família, difikuldade iha servisu, no tempu ne’ebé ita sente triste. Maibé, iha problema hotu ne’e, ita fiar katak Maromak sei la husik ita la'o mesak.

Profeta Jeremias hakerek livru Lamantasaun iha tempu ne’ebé susar tebes. Jerusalém destruídu, povu sofre, no buat barak mak lakon. Maibé iha situasaun triste ne’e, Jeremias hatete: “Nai mak ha'u-nia liman rohan,” hatete ha'u-nia klamar, “nune'e ha'u tau esperansa iha Nia.” 

Ne’e hanorin ita buat ida importante: esperansa ne'ebé loos la depende ba ita-nia situasaun; esperansa ne'ebé loos, depende ba Maromak.

Tau esperansa iha Maromak signifika saida?

1. Ita fiar ba Maromak maski ita la hatene saida mak sei akontese.

Dala ruma ita husu: “Oinsá problema ida-ne’e bele remata?” Ita la hatene. Maibé ita bele hatene katak Maromak hatene dalan no sei fó solusaun.

Hanoin kona-ba ema ida ne’ebé la’o iha kalan. Nia la haree dalan hotu, maibé nia bele kontinua la’o tanba nia iha ema ida ho lampra ne’ebé leno no hatudu dalan.

Maromak mós bele guia ita, maski ita la haree buat hotu.

2. Ita la depende de’it ba ita-nia forsa rasik.

Ita bele halo esforsu, buka serbisu, estuda, halo planu no buka solusaun. Maibé ita tenki husu Maromak atu guia ita.

Ezemplu: bainhira ita iha problema osan, ita bele halo planu, buka oportunidade serbisu no evita desperdísiu ka soe tempu saugatide'it. Maibé ita mos halo orasaun no husu Maromak atu fó sabedoria ba ita.

Fiar Maromak la signifika la halo buat ida. Fiar Maromak signifika, it halo ita-nia parte no entrega rezultadu ba Nia.

3. Ita kontinua fiar maski resposta seidauk mai.

Dala ruma ita halo orasaun ohin, maibé resposta la mai kedas. Dalaruma ita bele sente katak Maromak la rona ita-nia orasaun. Maibé Maromak nia silénsio la signifika, Nia abandona ona ita.

Ai-horis ida ne’ebé ita kuda ohin la fó fuan aban dadeer. Nia presiza tempu, bee, loro-matan no kuidadu. Hanesan mós ita-nia relasaun ho Maromak. Ita presiza kontinua halo orasaun, lee Bíblia no fiar.

Oinsá ita bele hatudu esperansa ohin?

Bainhira ita moras, dehan: “Maromak, ha'u la komprende buat hotu, maibé ha'u tau fiar nafatin ba Ita.”

Bainhira ita iha problema família, keta deziste ka rende kedas. Halo orasaun, ko’alia ho domin no buka dalan dame nian.

Bainhira ita lakon servisu ka osan, halo esforsu atu buka solusaun, maibé keta husik Maromak.

Bainhira ita halo sala, keta subar hosi Maromak. Ba hasoru Nai liuhusiorasaun, konfesa ita-nia sala no husu perdua.

Bainhira ita sente mesak, lembra katak Maromak besik hela ho ita.

Pergunta ba ita ohin

Problema saida mak halo ita tauk ka preokupa liu agora?

Entrega problema ne’e ba Maromak. Ita bele dehan iha orasaun:

“Maromak, hau la hatene saida mak sei akontese aban. Maibé hau hatene katak Ita iha hau-nia sorin. Hau sei halo hau-nia parte no tau hau-nia esperansa iha Ita.”

Ita-nia esperansa la’ós iha osan, ema, servisu, saúde ka situasaun. Ita-nia esperansa mak iha Maromak.

No bainhira ita tau esperansa ba Nia, maski dalan naruk no susar, ita bele kontinua la’o tanba ita hatene katak Maromak sei la husik ita la'o mesak.

Dalan ba Lalehan hanorin ita atu la tau esperansa de’it ba buat mundu nian, maibé atu tau ita-nia fiar no esperansa ba Maromak, ne’ebé sei la'o hamutuk ho ita to’o ikus.

🙏 MAROMAK FO BENSAUN🙏🏻

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sé mak Nai Sei Haruka?

Leitura Bíblica: Isaías 6:8

                                 Isaías 6:8

No ha'u rona Nai Nia lian, dehan, “Ha'u bele haruka sé? No sé mak bele bá?” Depois ha'u hatete, “Ha'u mak ne'e, haruka hau ba!” Isaias 6:8.

Iha Isaías 6, profeta Isaías hetan esperiénsia boot ho Maromak. Nia haree Maromak iha templu, no nia rona anju sira hahi Maromak. Bainhira Isaías komprende katak nia mak ema pekadór no la merese atu hamriik iha Maromak Nia oin, nia tauk.

Maibé Maromak la rejeita Isaías. Maromak purifika nia no depois husu: “Sé mak Ha’u sei haruka?”

Isaías bele hein ema seluk atu bá. Nia bele dehan, “Hau la hatene ko’alia di’ak,” ka “Hau la iha kapasidade.” Maibé Isaías hatán:

“Hau mak ne'e! Haruka Ha’u ba.”

Maromak uza ema ne’ebé prontu

Ita dala barak hanoin katak atu serbisu ba Maromak, ita tenki iha kapasidade boot, matenek boot, osan barak, ka pozisaun importante. Maibé Isaías 6:8 hatudu buat ida diferente.

Maromak buka ema ne’ebé prontu atu bá.

Ita bele la iha edukasaun aas. Ita bele la hatene ko’alia ho liafuan furak. Ita bele la iha pozisaun iha igreja. Maibé ita bele uza buat ki’ik ne’ebé ita iha atu ajuda ema seluk.

Ita bele ko’alia kona-ba Jesus ho ita-nia família.

Ita bele fó korajen ba ema ne’ebé triste.

Ita bele vizita ema moras.

Ita bele ajuda ema kiak.

Ita bele perdua ema ne’ebé halo sala ba ita

Ita bele fó estudu Bíblia ba ema ida.

Buat sira-ne’e hotu bele sai parte hosi serbisu ba Maromak.

La hein ema seluk atu hahú

Dala ruma ita haree problema iha família, igreja, komunidade ka viziñu, no ita dehan: “Ema seluk mak tenki rezolve.”

Maibé Maromak bele husu ita hanesan Nia husu Isaías:

“Sé mak Ha’u sei haruka ba?”

Karik resposta ba pergunta ne’e mak ita.

Se ita haree ema ida presiza ajuda, ajuda nia.

Se ita hatene ema ida presiza rona liafuan di’ak, ko’alia ho nia.

Se ita haree ema ida dook hosi Maromak, reza ba nia no buka oportunidade atu ko’alia kona-ba Jesus ho domin.

“Maibé Hau la perfeitu!”

Isaías mós la perfeitu. Antes nia responde ba Maromak, nia rekoñese nia sala. Ne’e importante tebes.

Maromak la husu ita atu perfeitu molok Nia uza ita. Maromak hakarak ita entrega ita-nia an ba Nia, no Nia sei kontinua transforma ita.

Ita bele dehan:

“Maromak, hau la iha kbiit atu halo serbisu ne'e. Hau la hatene buat hotu. Maibé se Ita bele uza hau, hau prontu.”

Pergunta importante ba ita ohin mak:

Se Maromak husu ita, “Sé mak Ha’u sei haruka?” saida mak ita sei hatán?

Keta hein ita-nia situasaun sai perfeitu. Keta hein ema seluk hahú uluk. Keta hanoin katak ita ki’ik demais atu Maromak bele uza.

Husu ba Maromak atu hatudu ema ida ne’ebé ita bele ajuda ohin.

Ita-nia resposta bele simples: “Hau mak ne'e, Maromak. Haruka Ha’u ba.”

Dalan ba Lalehan la’ós de’it dalan ne’ebé ita la’o ba Maromak; ita mós bele ajuda ema seluk atu hetan dalan ne’e. Bainhira ita prontu atu hatán hanesan Isaías, Maromak bele uza ita-nia moris atu lori ema seluk ba Jesus.

🙏 MAROMAK FO BENSAUN🙏🏻

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More