Oinsá bíblia Nia hanorin Kona-ba dutrina ne'e? Seráke ida ne'e loos?
Mai ita rona Saida mak Maromak Nia futarlia hatete:
Halo orasaun ba ema mate ne'e saugati de'it tanba bíblia hanorin katak ema mate lahatene buat ida.
Mai ita lee Ecclesiastes/Pengkotbah 9:5-6 tuir mai:....Tanba ema neʼebé moris hela hatene katak sira sei mate, maibé ema neʼebé mate ona la hatene buat ida, no sira la simu tan kolen, tanba ema haluha ona buat hotu kona-ba sira. No sira-nia domin, sira-nia odi no sira-nia laran-moras mós lakon mohu ona, no sira la hola parte tan iha buat hotu neʼebé ema halo iha loro-matan okos.
Bíblia mós hanorin katak ema ne'ebé mate ona sei hetan julgamentu bazeia ba saida de'it mak sira halo ona durante sira Nia moris. Mai ita lee Maromak Nia futarlia iha Apokalipse/ Wahyu 20:12-13.....Depois neʼe, haʼu haree ema sira neʼebé mate ona, kiʼik no boot, sira hamriik iha kadunan nia oin, no livru sira loke tiha. Maibé, iha mós livru ida seluk neʼebé loke tiha; neʼe mak livru moris nian. Liuhusi buat sira neʼebé hakerek iha livru sira-neʼe mak ema mate sira sei hetan JULGAMENTU TUIR SIRA-NIA HAHALOK. Tasi entrega ema mate sira neʼebé iha laran, no mate no rate entrega ema mate sira neʼebé iha laran, no ema ida-idak hetan JULGAMENTU TUIR SIRA-NIA HAHALOK.
Entaun antes ita mate, ita tenki halo buat ne'ebé loos tuir Maromak Nia hanorin. La lika tau esperansa ba ema atu halo orasaun mai ita bainhira ita mate ona, tanba ida ne'e saugati de'it tanba sira lahatene buat ida.
Maromak Nia futarlia iha Ebreu/Ibrani 9:27 hatete nune'e: Hanesan ema sei mate dala ida deʼit, depois neʼe JULGAMENTU”
Ema sira ne'ebé mate ona agora iha ne'ebé? Toba iha rate
Mai ita lee iha João 5:28-29
Keta hakfodak kona-ba neʼe, tanba oras sei toʼo mai kuandu ema hotu neʼebé iha rate laran sei rona ninia lian no sai husi rate. Sira neʼebé halo buat diʼak sei moris-hiʼas atu hetan moris rohan-laek, no sira neʼebé halo hahalok aat sei moris hiʼas atu hetan kondenasaun
Kriteria ba ema ne'ebé mak bele tama ba Lalehan mak: sira ne'ebé moris foun tuir Kristu Nia hanorin no intrega sira nia an ba Kristu (Roma 5: 8-10, João 3: 36).Tan ne'e antes mate presiza arependementu no halo buat ne'ebé tuir Maromak Nia ukunfuan.
Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.
Maromak akonpaña ita hotu nia moris ohin loron no ba oin🙏🙏🙏
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan
 |
| Ecclesiastes 9:5-6 |
Obrigada ba Maun sira nia blog nebe haklaken Maromak nia liafuan. Keep it up.
ReplyDeleteAgradece wain bele lee ona pagina ida nee hodi hanoin fali maluk matebian sira
ReplyDeleteLos mak iha Biblia Sr...doutrina husi seluk ne bosok sr...buat nbe los mak iha biblia obg
ReplyDeleteBíblia mak sai matadalan ba ema moris los sira
ReplyDeletenee mak protestante nia hanorin, kutip tun sae versaun biblia sira tuir ida ida nia hakarak no interpreta mos tuir idaida nia hakrak. biblia labele interpreta pedasuk pedasuk, ba los mai los tan nee laos livro histórico, nee livro da fé, testemunho fiar nian nebe hakerek. sira nebe interpreta tuir nia hakrak, ka interpreta pedasuk dit nee nee sei menyesatkan ema barak. versaun biblia nian nebe tau iha nee kona ba mate nee, nee contra humanidade, contra sira nebe uluk moris hamutuk ho ita, contra ka la fiar ba moris hias. protestante nia servisu mak copia deit versiculo balu ka pedasuk deit atu tuir assunto nebe koalia. hahalok nunee mak moris tuir biblia roharohan dit . hatudu fali ba ita hotu kona ba versiculo seluk nebe koalia kona ba orasaun no caridade ba matebian sira Novo Testamento
ReplyDelete1. João 11, 41- 44: Jesus rezaa ba Lázaro n halo nia moris fali
2. Atos 9,36-40: Apsotolos sira simu kbiit atu reza halo mate sira hetan moris
3. 2 Tm 1,18: Paulo reza ba Onesíforo
Antigo Testamento
4. Tobias 12,12: wainhira o harohan ho matawen iha tempo hakoi mate sira,....hau hasae ita nia oração sira ba Nai Maromak
5. 2ºMac 12,43-46, Judas Tadeu Halibur tiha osan hamutuk Dracma rihun 2 no haruka ba Jerusalém hodi oferece sacrifício ba pecado, perdaun ba sala sira. Obra ksolok ida nee hetan inspirasaun hosi fiar ba moris hias nian.
Ha’u la estuda kona-ba Livru Tobias no Macabee. Nune’e hau hakarak klarifika Libru 2 ne’ebe hau lee no kompriende, ne’e mak Evanjellu João 11:41-44 no Apostolu 9:36-40.
ReplyDelete“Entaun sira hasai fatuk nee. No Jesus foti matan no dehan, “Aman, Hau foo agradese ba O, tanba O rona ona Hau. Hau hatene katak O sempre rona Hau. Maibee Hau koalia nunee tanba povu nebee hamriik iha nee, hodi sira bele fiar katak O haruka Hau mai.” No bainhira Nia koalia liafuan nee, Nia hakilar ho lian makaas, “Lázaro, sai mai!” No nia nebee mate sai mai. Ninia ain no liman bobar hela ho hena. No ninia oin mos taka hela ho hena ida. Jesus dehan ba sira, “Kore tiha nia, no husik nia ba.” João 11:41-44 BK
“Iha Jope iha eskolante ida naran Tabita, nebee bele tradus ba Dorcas. Feto nee nakonu ho hahalok diak no karidade. Iha tempu nebaa, nia moras, no nia mate. Bainhira sira foo hariis tiha ninia mate isin, sira tau nia iha kuartu iha andar leten. Lida besik Jope no eskolante sira rona katak Pedro mak iha nebaa. Nunee sira haruka ema nain rua ba nia, atu husu nia, “Favór ida, mai lai, no keta demora.” Entaun Pedro hamriik no baa kedas ho sira. Bainhira nia too, sira lori nia ba kuartu iha andar leten. Feto faluk hotu hamriik hela no tanis. Sira hatudu ropa no tais ba Pedro nebee Dorcas halo bainhira nia hamutuk ho sira. Maibee Pedro haruka sira sai ba liur. Depois nia hakneak no halo orasaun. Nia fila oin ba mate isin nee no dehan, “Tabita, hadeer ba.” No Dorcas loke ninia matan. Bainhira Dorcas haree Pedro, nia tuur” Apostolu 9:36-40 BK
Haree liu deit karik, versikulu ne’ebe ita boot temi ne’e hanesan fo permisaun atu reza ka komunika ho ema mate. Maibe haree no lee ho kuidadu versikulu sira neebe ita boot temi ne’e la justifika katak ema bele halo orasaun ka komunika ho ema mate. Versikulu sira ne’e tenke lee ho kuidadu no interpreta tuir ninai kontekstu, ita tenke lee ho loloos iha Biblia tomak.
Iha Evanjellu João 11:41-44 no Apostolu 9:36-40 Jesus Kristu no Apostolu Pedro sira nain rua halo orasaun ba Maromak, no Maromak fó moris fali ho Ninia poder divinu. Versikulu sira nee’e atu hatudu ba ita katak poder divinu boot liu fali mate (to show divine authority over death), la'ós permisaun atu halo orasaun ba ema mate.
Biblia nunka hanorin ema fiar-na'in atu halo orasaun ka ko'alia ho ema mate. Jesus dehan katak orasaun hotu-hotu tenke direzi deit ba Maromak mesak de'it.
Maibe karik veriskulu sira ne’ebe hau temi iha letten, ita hanoin uza sala karik, temi took mai, nia sala iha neebe?
La bele iha ema ida iha imi nia leet nebee sunu ninia oan mane ka oan feto nudar sakrifísiu, ka buka liafuan hosi matan dook, ka siik futuru, ka ema nebee fekit, ka buan, ka halo lulik, ka ema nebee husu ba ema mate, mate klamar ka matebian. Tanba ema hotu nebee halo buat sira nee mak foer loos ba Nai. Tanba buat foer sira nee, Nai, imi nia Maromak, duni sira sai hosi imi nia oin. Deuteronómiu 18:10-12
ReplyDelete