Feto virjen matenek no beik sira

1 “Ukun lalehan nian mak hanesan feto virjen naʼin-sanulu neʼebé foti sira-nia ahi-oan no bá atu hasoru noivu. 2 Sira naʼin-lima beik no naʼin-lima seluk matenek. 3 Feto sira neʼebé beik lori sira-nia ahi-oan maibé la lori mina, 4 no feto sira neʼebé matenek lori sira-nia ahi-oan no lori mós mina. 5 Kuandu noivu demora, sira hotu sai matan-dukur no toba.6 Iha kalan-boot, ema hakilar dehan: ‘Noivu mai ona! Sai bá hasoru nia.’ 7 Entaun, feto virjen sira-neʼe hotu hadeer no prepara sira-nia ahi-oan. 8 Feto sira neʼebé beik hatete ba sira neʼebé matenek: ‘Fó imi-nia mina balu ba ami tanba ami-nia ahi-oan besik atu mate.’9 Sira neʼebé matenek hatán: ‘Karik mina neʼe la toʼo ba ami no mós ba imi, entaun imi rasik bá hodi sosa mina husi ema neʼebé faʼan.’10 Kuandu sira bá atu sosa mina, noivu toʼo mai, no feto virjen sira neʼebé prontu ona tama hamutuk ho noivu ba festa kazamentu nian, tuirmai odamatan taka tiha. 11 Depois neʼe, feto virjen sira seluk toʼo mai no hatete: ‘Na'i na'i, loke odamatan ba ami!’+12 Maibé nia hatán: ‘Haʼu hatete loloos ba imi katak haʼu la koñese imi.’ Mateus 25:1-12

Bazeia ba Salmo 119:105, Ahi-oan signifika Maromak Nia futarlia. Salmo 119:105 hatete nune'e "Ita-nia liafuan mak ahi-oan neʼebé leno haʼu-nia ain, No naroman ba haʼu-nia dalan"

Mina reprezenta Maromak Nia prezensa liuhosi Nia espiritu santu iha ita nia moris.  Noivo mak Na'i Jesus no noiva mak igreja Kristu nian ka ema Kristaun sira ne'ebé obedese ba Na'i Jesus Nia hanorin (Ref Mateus 19:5, Apokalipse 19). Atu sai noiva ba Na'i Jesus, ita tenki moris santu. Hanesan Hakerek nanis ona "Maibé imi-nia hahalok hotu tenke santu hanesan Maromak Santu neʼebé bolu imi"1Pedro 1:15

Mina mak halo Ahi-oan bele lakan nafatin. Iha ai-knanoik ne'e hatete katak sira ne'ebé nia ahi-oan mate presiza sosa mina. Konserteza ita la sosa Maromak Nia espiritu santu hó osan. Entaun oinsá ita bele hetan Maromak Nia prezensa iha ita nia moris liuhosi niniaespiritu santu?

Atu bele iha Maromak Nia prezensa nafatin iha ita nia moris tomak, ita presiza selu liuhosi gasta tempu iha Na'i Jesus Nia futar Ain liuhosi lee no medita Na'i Maromak Nia futarlia loron no kalan.

Ahi-oan la hó mina sei la lakan, nune'e mós Maromak Nia futarlia, ita lee la hó roman espiritu santu, ita sei la kompriende buat Ida.

Só Maromak Nia espiritu santu horik hó ita mak ita nia ahi-oan sei bele lakan nafatin iha mundu ne'ebé nakukun. Bainhira Na'i Jesus fila fali mai tuir Nia promesa iha João 14:1-3, so sira ne'ebé nia ahi-oan lakan mak bele tama ba festa ne'e. Festa Saida? Festa kazamentu Maromak Nia Bibi-Oan ne'ebé kasu mundu nia Sala (Apokalipse 19:7).

Mai ita prepara an atu simu Na'i Jesus hiit an mai iha kalohan leten.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 25:10