Maromak mak fó, Maromak mak foti fali

Bíblia deskrebe katak buat di'ak hotu-hotu Mai hosi Maromak "Prezente diʼak ida-idak no prezente hotu neʼebé perfeitu mai husi leten, no tun mai husi Aman naroman lalehan nian. Nia la muda ka la troka hanesan lalatak neʼebé muda bá-mai'(Tiago 1:17).

Buat  hotu ne'ebé ita iha (oan, fen, la'en, osan mean, uma, kareta etc) mai hosi Maromak. Maromak Nia liafuan iha Salmo 24:1 dehan nune'e: Mundu no buat hotu neʼebé iha mundu mak Maromak nian, Rai no sira hotu neʼebé hela iha rai mak ninian.

Dala ruma ita lakon buat ne'ebé ita iha no Hadomi (hanesan lakon riku soi, lakon oan, lakon fen etc), ita tristi no la fó Gloria ba Maromak. Iha tempu susar sira hanesan ne'e ita presiza aprende hosi Job. Ema ida ne'ebé lakon rikusoin hotu no nia oan hotu maibé sei for Gloria nafatin ba Maromak.

Maromak Nia liafuan dehan nune'e
"Haʼu moris mai husi haʼu-nia inan nia knotak la ho buat ida, Nuneʼe mós haʼu sei mate la lori buat ida. Na'i mak fó, no Na'i mak foti fali. Haʼu hein katak Na'i nia naran sei hetan hahiʼi nafatin.” Job 1:21

 “Saí nu do ventre da minha mãe, e nu partirei . O Senhor o deu, o Senhor o levou; louvado seja o nome do Senhor ”.
Jób 1:21 NVI

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Job 1:21