2Tanba ema sei hadomi deʼit sira-nia an, hadomi osan, gaba an, loko an, koʼalia aat Maromak no ema, la halo tuir inan-aman, la hatene fó agradese, la hatudu laran-metin,3 la hadomi malu, la rona malu, koʼalia aat hodi hafoʼer ema seluk nia naran, la kontrola an, siʼak, la hadomi buat neʼebé diʼak,4 traidór, ulun-toos, foti an, hadomi deʼit ksolok duké hadomi Maromak, 5 iha ema nia oin sira hatudu hahalok katak sira adora Maromak, maibé sira la moris tuir sira-nia adorasaun (2Timoteo 3:2-5)
Maun alin sira iha Kristu, hahalok sira ne'ebé temi iha leten, ita hare, ita rona hanesan hahalok ne'ebé komún ona. Ida nee hanesan "sinais dos tempos" ne'ebé hatudu katak mundu ne'e atu to'o ona nia rohan no to'o loron ikus mundu ne'e sei destroi ho ahi.
Bainhira mak tempu ne'e sei to'o mai? Maromak Nia liafuan hatete nune'e "Na'i nia loron sei mai hanesan naʼok-teen ida iha kalan, iha loron neʼe lalehan sei lakon derrepente deʼit ho tarutu makaʼas, maibé buat sira neʼebé iha lalehan no rai sei nabeen tanba manas makaʼas, no rai ho buat neʼebé iha rai sei sunu hotu" 2Pedro 3:10.
Versu tuir mai fó konsellu ba ita, oinsá ita tenki moris tuir Maromak nia hakarak "Tanba buat sira-neʼe hotu sei lakon iha dalan hanesan neʼe, imi hanoin didiʼak bá imi tenke sai ema hanesan saida. Imi tenke hatudu hahalok santu no laran-metin ba Maromak" 2 Pedro 3:11.
Mundu ne'e nakonu hó pekadu, mundu ne'e nakonu hó violensia no mundu ne'e tuan ona, tan ne'e presiza purifika hó ahi no depois mak Maromak sei halo foun fila fali Hanesan hakerek nanis ona iha Apokalipse 21:1 "Tuirmai haʼu haree lalehan foun no rai foun. Lalehan uluk nian no rai uluk nian lakon tiha ona, no tasi la iha tan"
Prepara an hosi tempu ba tempu atu prontu hasoru Na'i iha kalohan leten (1Tesalonika 4:16-17).
Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.
Maromak akonpaña ita hotu nia moris ohin loron no ba oin🙏🙏🙏
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan
 |
| 2Pedro 3:10 |
0 comments:
Post a Comment