Ba no halo dixípulu

Ne'e duni, imi ba, no halo dixípulu ba ema hosi nasaun hotu-hotu. Fó batizmu ba sira hodi Aman, hodi Oan, no hodi Espíritu Santu Nia naran. Mateus 28:19 BK

Mateus 28:19

Antes Jesus fila fali ba lalehan, Nia fó mandamentu klaru ba Ninia dixipulu sira: "ba, no halo dixípulu ba ema hosi nasaun hotu-hotu" Ida-ne'e dala barak bolu nu'udar Komisaun Boot. Ida-ne'e hatudu katak tuir Jesus la'ós de'it kona-ba fiar ba Nia, maibé mós kona-ba fahe Jesus ba ema seluk. 

"Halo dixipulu" katak ajuda ema atu hatene Jesus, ajuda ema atu la'o tuir Nia, no ajuda haburas sira-nia fé. Ne'e la'ós de'it ko'alia ba ema kona-ba Evanjellu, maibé mós kona-ba la'o hamutuk ho sira, hanorin sira, no fó korajen ba sira atu halo tuir Maromak nia Liafuan. 

Jesus hatete katak misaun ne'e ba nasaun hotu. Ne'e signifika katak misaun ne'e ba ema hotu. Suku hotu, língua no kultura hotu, hetan konvite atu rona lia-foun di'ak. Ohin loron, misaun ne'e sei sai ita-nia responsabilidade nu'udar fiar-na'in. Karik ema balu ba fatin ne'ebé dook, maibé sira seluk mós fahe evanjellu iha fatin ne'ebé sira hela ba: iha sira-nia família, iha sira-nia fatin servisu, no iha sira-nia komunidade. 

Versikulu ne'e mós fó-hanoin ba ita katak dixipulu sira tenke hetan batizmu hodi Aman, Oan-Mane no espíritu santu Sira-Nia naran. Batizmu nu'udar sinál katak ita partensi ba Maromak Nia família no hahú moris foun iha Kristu. 

Misaun ne'e ita sente todan, maibé Jesus mós promete ba ita: " ... tebes, Hau sei hamutuk nafatin ho imi, too mundu nia rohan" Mateus 28:20 BK. Ita sei la mesak de'it iha serbisu ne'e. Espíritu santu fó kbiit mai ita atu sai sasin. 

Ohin loron, husu ba ita-nia an: Ho se mak ha'u bele fahe Jesus? Hanoin-ba katak Komisaun Boot ne'e la'ós de'it ba pastor no misionáriu sira, maibé ba ema fiar-na'in hotu. Ba, hadomi, no halo dixipulu.

Mateus 28:19

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏