Leitura: Genesis 3:1–8; Jeremias 23:24; Hebreus 4:13
Iha ema ruma nebee bele subar ninia aan iha fatin segredu hodi Hau la bele haree nia ka? hatete Nai. Jeremias 23:24
Iha Jardim Eden, Adam no Eva moris hakmatek ho Maromak. Sira la tauk Maromak. Sira bele ko'alia ho Nia no sente Maromak Nia domin.
Maibé depoisde ida ne'e, sira la halo tuir Maromak Nia liafuan. Sira han ai-fuan ne'ebé Maromak bandu. Depoisde sira halo sala, buat ida muda. Bainhira sira rona Maromak la'o iha jardim, sira subar an iha ai-laran (Genesis 3:8).
Tanbasá sira subar?
Tanba sala lori moe no ta'uk. Antes sira halo sala, sira la presiza subar. Maibé depois de sira desobedese, sira sente katak sira sala. Sira la hakarak hasoru Maromak.
Ita mós bele halo hanesan ne'e.
Bainhira ita halo sala, dala ruma ita hakarak subar. Ita bele la hakoi ka la iha dezezu atu reza. Ita lakohi lee Bíblia. Ita evita ba igreja ka evita ema ne'ebé ko'alia kona-ba Maromak. Ita bele dehan iha ita-nia laran: “Hau sei hadia uluk ha'u-nia an, depois mak hau fila ba Maromak.”
Maibé ida-ne'e la ajuda ita.
Maromak hatene ita hotu. Jeremias 23:24 hatete katak ema labele subar husi Maromak. Ebreus 4:13 mós hatete katak buat hotu nakloke iha Maromak Nia oin. Ita bele subar hosi ema seluk, maibé ita labele subar hosi Maromak.
Entaun, se Maromak hatene ita nia sala hotu, saida mak ita tenki halo?
Keta subar. Fila ba Maromak.
Adão no Eva tenta subar, maibé Maromak mak buka sira. Ida-ne'e hatudu katak Maromak la hakarak husik ema moris iha sala laran. Nia buka ema ne'ebé monu atu bele fó dalan fila fali ba Nia.
Se ita halo sala ba ita-nia kaben, oan, maun-alin, kolega ka ema seluk, keta subar sala. Admite: “Hau sala. Deskulpa.” Depois husu Maromak atu perdua no ajuda atu ita bele muda.
Se ita halo sala iha segredu ne'ebé ema seluk la hatene, Maromak hatene. Maibé ida-ne'e la signifika katak ita tenki tauk no halai hosi Nia. Pelu kontráriu, ita bele mai ba Nia ho laran nakloke. Jesus hakarak perdua no restaura ita.
Loron ohin, husu ba ita-nia an: “Serake iha buat ruma iha hau-nia moris ne'ebé halo hau subar hosi Maromak?”
Se iha, keta subar tan. Ko'alia ho Maromak iha orasaun. Konfesa ita-nia sala. Husu Nia atu perdua no husu Nia atu fó forsa ba ita atu halo mudansa iha ita-nia moris.
Dalan ba Lalehan la'ós dalan ne'ebé atu halo ita halai hosi Maromak bainhira ita sala. Dalan ba Lalehan mak dalan atu fila ba Maromak, simu Nia perdaun, no la'o ho Nia loron-loron.
🙏 MAROMAK FO BENSAUN🙏🏻
Click iha ne'e atu Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment