Ha'u-nia liafuan sei la fila mamuk (Isaias 55:11)

Assim também é a minha palavra: ela não volta para mim sem nada, mas faz o que me agrada fazer e realiza tudo o que eu prometo. Isaías 55:11 NTLH (Nuneʼe mós ho liafuan neʼebé sai husi haʼu-nia ibun. Haʼu-nia liafuan sei la fila fali ba haʼu mamuk de'it. Maibé, Ha'u-nia liafuan neʼe sei realiza tuir  buat neʼebé haʼu hatete ona" Isaias 55:11)

Na'i Maromak promete katak Na'i maksoin sei mai moris atu soi ema maksalak (Micah 5:2; Isaias 7:14) no ita hatene katak Na'i Jesus, Na'i maksoin mai duni moris iha mundu hanesan deskrebe iha avanjellu Mateus, Lukas no João (Mateus 1; Lukas 2, João 1).

Maromak Ninia futarlia hatete katak Na'i Jesus sei terus  (Isaias 53), sei mate, moris hi'as no sa'e ba lalehan. Buat sira ne'e ita lee iha Bíblia no sai nune'e duni.

Bainhira Na'i Jesus molok sa'e ba lalehan Nia hatete katak Nia ba prepara fatin iha lalehan no Nia sei mai fali. Hanesan evanjellu João deskrebe iha versikulu tuirmai:

Jesus disse:  — Não fiquem aflitos. Creiam em Deus e creiam também em mim.  Na casa do meu Pai há muitos quartos, e eu vou preparar um lugar para vocês. Se não fosse assim, eu já lhes teria dito.  E, depois que eu for e preparar um lugar para vocês, voltarei e os levarei comigo para que onde eu estiver vocês estejam também.  João 14:1‭-‬3 NTLH ("Keta husik imi-nia laran sente susar. fiar ba Maromak, no fiar mós ba haʼu.  Iha haʼu-nia Aman nia uma iha fatin barak atu hela. Se lae karik, haʼu sei la dehan neʼe ba imi. Maibé agora haʼu bá atu prepara fatin ba imi. No bainhira, hau prepara ona fatin ba imi, haʼu sei mai fali no lori imi ba haʼu-nia fatin, atu nuneʼe iha fatin neʼebé haʼu hela, imi mós sei hela bá" João 14:1-3)

Na'i Jesus ko'alia liafuan sira ne'e mazumenus tinan 2000 liuba katak nia sei mai fali atu lori ema loos sira ba lalehan. Infelizmente, agora ita barak mak haluha ona promesa ida ne'e no komesa moris hanesan mundu nian. Tanbasá mak sai nune'e? Ida ne'e tanba ita barak mak la lee Bíblia ka karik ita lee maibé la kompriende. Bíblia ne'ebé tuir loos sai matadalan no roman ba moris (Salmo 119:105), se ita la lee no moris tuir Bíblia nia hanorin ita moris iha nakukun laran no ita labele distingi entre buat ne'ebé loos no sala.

 Maibe, Maromak kuandu ko'alia ona, Ninia liafuan sei lafila saugsti de'it molok akansa ninia objetivu. Tanba ne'e Na'i Jesus Ninia promete katak Nia sei filafali Mai, mesmu ita fiar ka la fiar.

Bainhira Na'i Maromak ko'alia, Ninia liafuan ne'e moris no ativu "Tanba Maromak nia liafuan moris no iha kbiit boot no kroʼat liu fali surik ida ho kroʼat iha sorin-sorin, no bele penetra kle'an toʼo haketak ema nia klamar no espiritu no haketak ruin-fukun husi ruin-dolen, no bele hatudu  ema nia hanoin no hakarak iha laran" (Pois a palavra de Deus é viva e poderosa e corta mais do que qualquer espada afiada dos dois lados. Ela vai até o lugar mais fundo da alma e do espírito, vai até o íntimo das pessoas e julga os desejos e pensamentos do coração delas.
Hebreus 4:12 NTLH)

Isaias ‭55:11‬ ‭deklara  “Assim também é a minha palavra: ela não volta para mim sem nada, mas faz o que me agrada fazer e realiza tudo o que eu prometo.
Isaías 55:11 NTLH

(Nuneʼe mós ho liafuan neʼebé sai husi haʼu-nia ibun. Haʼu-nia liafuan sei la fila fali ba haʼu mamuk de'it. Maibé, Ha'u-nia liafuan neʼe sei realiza tuir  buat neʼebé haʼu hatete ona" Isaias 55:11)

Na'i Maromak Ninia liafuan ne'e iha podér. Liafuan ne'ebé mak Na'i Maromak ko'alia ne'e sai hanesan moris ne'e rasik. João 6:63‬ ‭deklara,
"O Espírito de Deus é quem dá a vida, mas o ser humano não pode fazer isso. As palavras que eu lhes disse são espírito e vida,
João 6:63 NTLH (Maromak nia espíritu mak fó moris. Isin la folin buat ida. Liafuan sira neʼebé haʼu dehan ona ba imi mai husi Maromak nia espíritu no fó moris" João 6:63)

Opta atu fiar Na'i Maromak Ninia liafuan. Na'i Maromak Ninia liafuan mak lia-loos (João 17:17). Na'i Maromak Ninia liafuan mak moris (João 6:63).  Na'i Maromak Ninia liafuan iha ojetivu (2Timoteo 3:16). Esensi moris ne'e rasik mai hosi Na'i Maromak Ninia futarlia.

Ita bele iha buat hotu iha ita-nia moris:s di'ak, edukasaun di'ak, uma di'ak,  maibé bainhira Na'i Maromak Ninia espiritu la horik ho ita, ita-nia moris sei la kompletu, la iha domin no la iha Paz.   Kumpri Na'i Maromak Ninia ukunfuan 10,  Medita Na'i Maromak Ninia futarlia no krusifika  ita-nia isin ka mundu ninia hakarak no intrega ita-nia moris ba Maromak. Biarba Na'i Maromak Ninia futarlia lidera ita-nia moris, husik Na'i Maromak Ninia futarlia sai ita-nia matadalan, biarba Na'i Maromak Ninia futarlia transforma ita. Koko Maromak ba, no Ninia liafuan sei la fila mamuk. Ativamente krusifika ita-nia isin ninia hakarak loronloron no intrega buat hotu ba Maromak liuhosi Kristu Jesus.

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Isaias 55:11

Read More

Eli, Eli, lama sabaktani?

Iha tuku 3 lokraik Jesus hakilar ho lian makaʼas, hodi dehan: “Eli, Eli, lama sabaktani?”, neʼe katak: “Haʼu-nia Maromak, haʼu-nia Maromak, tanbasá mak Ita husik hela haʼu? Mateus 27:46

Sentimentu katak Maromak husik hela ita hanesan Sentimentu ne'ebé aat liu iha mundu. Ita hotu iha ita nia moris esperiensia buat balu ne'ebé hanesan tuir mai:
*bainhira ema ne'ebé ita Hadomi moras todan no ita halo orasaun maibé ita senti Katak Maromak la responde ita nia orasaun no to'o ikus ema ne'ebé ita hadomi mate;
* trajedia susar moris nian ne'ebé ita labele esplika;
*tempu balu ne'ebé ita senti katak Maromak permiti buat aat manan buat di'ak.

Ida ne'e mak Na'i Jesus Nia sentimentu molok Nia mate iha ai-kruz.

Mesmu iha tempu susar sira ne'e, ita senti katak Maromak husik hela ita, realidade Maromak nunka husik hela ita.

Liurai David hatete "Uluk haʼu joven no agora haʼu katuas ona, Maibé haʼu seidauk haree Maromak husik hela ema loos sira, No seidauk haree ninia oan sira tane liman husu hahán. Salmo 37:25

Maibé iha kazu Na'i Jesus, ita haree hanesan Maromak husik hela ema loos. Tanbasá mak Maromak husik hela Na'i Jesus? Ida ne'e tanba konsekuensia hosi pekadu ne'ebé aat tebes.

Profeta Isaias deskrebe "Na'i nia liman la badak toʼo labele fó salvasaun, No ninia tilun la diuk toʼo labele rona. Maibé imi-nia sala rasik mak haketak imi husi imi-nia Maromak, Imi-nia sala mak halo nia subar ninia oin husi imi, No nia lakohi rona ba imi" Isaias 59:1-2

Klamar ka ema neʼebé halo sala, ema neʼe rasik mak sei mate. Oan ida sei la lori todan tanba ninia aman nia sala, no aman ida sei la lori todan tanba ninia oan nia sala. Ema laran-loos sei hetan kolen tanba ninia hahalok loos, no ema laran-aat sei hetan kastigu tanba ninia hahalok aat. Ezequiel 18:20

Mate iha ne'e refere ba mate espiritual ne'ebé separa ita hó Maromak. Sala sira ne'e nia orijin hosi ne'ebé? "Entaun, sala tama iha mundu liuhusi ema ida, no mate tanba sala. Nuneʼe ema hotu mate tanba ema hotu halo ona sala" Roma 5:12

Tanba ita ema maksalak, nia konsekuensia saida? "Tanba sala nia kolen mak mate, maibé prezente neʼebé Maromak fó mak moris rohan-laek liuhosi Kristu Jesus ita-nia Naʼi" Roma 6:23

Imajina, ita senti ladi'ak iha momentu balu ne'ebé  ita senti Maromak husik hela ita, oinsá sentimentu bainhira Maromak husik hela ita ba eternidade.

Bainhira Na'i Jesus terus iha kruz, ita haree Kristu lori sala no kastigu ba ita nia sala hotu, Sala MUNDU tomak. Hanesan Maromak Nia futarlia tuir mai ne'e:
1. Ita hotu laʼo-lakon hanesan bibi-malae, Ema ida-idak laʼo iha ninia dalan rasik, No Na'i mak tau ita hotu nia sala ba nia leten. Isaias 53:6

2. Tuir loloos nia rasik lori ita-nia moras, No nia lori ita-nia terus no moras oioin. Maibé ita haree nia hanesan ema neʼebé hetan moras, hetan kastigu husi Maromak no hetan terus. Isaias 53:4

Maromak husik hela Nia tanba ita Nia pekadu.
*Maromak Husik hela Na'i Jesus tanba ita nia sala
* Na'i Jesus esperiensia mate ba ita
*Na'i Jesus esperiensia julgamentu divinu ba ita

Maromak husik hela iha tempu ida atu nune'e Maromak labele husik ita ba moris Rohan-laek

Na'i Jesus hakilar, "Hau Nia Maromak...." Iha Nia hakilar ita kompriende oinsá Nia Senti moras momentu iha to'os Getsemani. To'o Nia hatete “Haʼu  sente triste tebetebes hanesan atu mate. Hela iha neʼe no hadeer nafatin ho haʼu; Laʼo uitoan ba oin, nia hakneʼak no hakruʼuk ho oin ba rai, no harohan:“Haʼu-nia Aman, se bele karik, hasai tiha kalis neʼe husi haʼu. Maibé, halo tuir Ita-nia hakarak bá, laʼós haʼu-nia hakarak. Mateus 26:38-39

Iha tempu Na'i Jesus hatete Eli, Eli, lama sabaktani? Ida ne'e primeira ves Nia Senti separa hosi Aman Maromak desde eternidade.

Bainhira ema halo akuzasaun falsu ba Nia, Nia nonók de'it, maibé bainhira ita sala hotu tau ba iha Nia leten  Nia hakilar "Eli, Eli, lama sabaktani?”, neʼe katak: “Haʼu-nia Maromak, haʼu-nia Maromak, tanbasá mak Ita husik hela haʼu? Mateus 27:46

Mai ita agradese ba Na'i Jesus Nia sakrifisiu liuhosi obedese ba Nia ukunfuan sira "Se imi hadomi haʼu, imi sei halo tuir haʼu-nia ukun-fuan sira" João 14:15. Ukunfuan Ida ne'ebé? Ukunfuan ne'ebé Hakerek iha Éxodos 20:13-17.

Saida mak akontese, se ita hatene Nia ukunfuan, maibé la halo tuir?
"Se ita kontinua halo tuir ninia ukun-fuan sira, neʼe katak ita hatene ona nia. Ema neʼebé dehan: “Haʼu hatene ona nia”, maibé la halo tuir ninia ukun-fuan sira, ema neʼe bosok-teen, no lia-loos la hela iha ema neʼe" 1João 2:3-4

Saida mak Lia loos?
Halo sira santu  ho lia-loos. Ita-nia liafuan mak lia-loos" João 17:17

Lia Loos mak Maromak Nia futarlia. Se ita hatene ona Nia Lia Loos maibé lahalo tuir, saida mak akontese? "Tanba se ita halo beibeik sala ho neon bainhira ita hetan ona koñesimentu neʼebé loos kona-ba lia-loos,  sei la iha tan sakrifísiu ba sala" Ebreu 10:26

Mai ita kumpri Maromak Nia futarlia, atu nune'e Na'i Jesus Nia sakrifisiu iha foho kalvariu bele kasu ita Nia sala.

Maromak akonpaña ita hotu 🙏🙏🙏

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 27:46

Read More

Biblikamente kultu ne'ebé loos iha loron dahuluk ka Dahitu?

No mai ita badinas halibur hamutuk ho maluk sarani sira seluk. Labele halo tuir ema sira nebee mak lakohi halibur hamutuk ona. Maibé ita tenki fó hanoin ba malu para ita nia fiar sai metin liu tan, liu-liu tanba ita hatene katak loron besik ona atu Nai Jesus fila fali mai hosi lalehan. Ebreu 10:25

Versu ida ne'e besik liu hó mandamentu ida ne'ebé?  Bainhira mak Maromak nia ema sira halibur hamutuk? Iha loron dahitu! Ka loron Sábadu.

Mesmu maioria hosi ema Kristaun halibur hamutuk iha loron dahuluk (Domingo), Maromak Nia ukunfuan lahatete ida ne'e. Maromak Nia ukunfuan dahaat, hanesan Hakerek iha Éxodos 20:8-11 hatete nune'e:

8Hanoin loron Sábadu hodi halo loron neʼe sagradu. 9 Imi tenke halo imi-nia serbisu hotu durante loron neen, 10 maibé loron dahitu mak loron Sábadu ba Na'i, imi-nia Maromak. Imi labele halo serbisu ida, katak imi no imi-nia oan-mane no oan-feto, imi-nia atan-mane no atan-feto, imi-nia animál-hakiak, no mós ema estranjeiru neʼebé hela iha imi-nia sidade laran. 11 Tanba durante loron neen Na'i kria lalehan, rai, tasi no buat hotu neʼebé iha laran, no nia deskansa iha loron dahitu. Tan neʼe mak Na'i haraik bensaun ba loron Sábadu no halo loron neʼe sagradu. Êxodo 20:8-11

Tanbasá mak ema Kristaun barak halibur iha loron dahuluk?
Ba Maun-alin sira hosi Igreja Katolik, ida ne'e tanba Papa Konstantin mak muda loron kultu nian hosi loron dahitu (Sábadu) ba iha loron dahuluk (Domingo) iha 21 de Março de 321 AD.

Ba Igreja protestante sira, sira kultu iha Domingo tanba sira dehan Na'i Jesus Moris hi'as iha loron Domingo, maibé la iha versu ida iha bíblia mak sujere katak Na'i Jesus ka Nia dixípulu sira muda loron kultu nian. 

Ida ne'e hanesan violasaun ba Maromak Nia ukunfuan ne'ebé Hakerek ona iha Éxodos 20:8-11.

Maromak nia liafuan iha Deuteronomo 4:2 hatete "Imi labele aumenta tan liafuan ida ba buat neʼebé haʼu fó sai ba imi, no imi mós labele hasai liafuan ida husi ida-neʼe, atu nuneʼe imi bele halo tuir mandamentu sira husi Nai, imi-nia Maromak.

Kultu iha loron dahitu mai kedas hosi Jardin Eden. Ita lee iha Genesis 2:3 hanesan tuir mai "
Tuirmai Maromak fó bensaun ba loron dahitu no fó sai katak loron neʼe mak sagradu, tanba iha loron neʼe Maromak hahú deskansa husi ninia serbisu atu kria buat hotu tuir ninia hakarak.

Na'i Jesus rasik ba sinagoga iha loron dahitu. Ezemplu "Tuirmai, sira bá Kafarnaum. Iha loron Sábadu, Jesus tama ba sinagoga no hahú hanorin. Marku 1:21

Depoisde Na'i Jesus sa'e ba Lalehan, Nia dixípulu sira mós kultu iha loron dahitu (sábadu).
Ezemplu
Sábadu-Sábadu nia (Paulo) hatoʼo diskursu iha sinagoga  hodi halo ema Judeu no Gregu sira sai fiar-naʼin. Apostolu 18:4

Iha Lalehan no mundu foun ne'ebé sei mai, kultu sei halo iha loron dahitu nafatin.

Husi fulan-foun ida toʼo fulan-foun tuirmai no husi Sábadu ida toʼo Sábadu seluk, Ema hotu sei  mai adora haʼu”, Na'i hatete. Isaias 66:23

Entaun kultu iha loron dahuluk iha maioria Kristaun, loron dalima iha Kristaun balu, loron  daneen (Iha Muslimanu sira),  la'os bíblia Nia hanorin maibé ema nia hanorin.

Maromak dehan ita ema labele muda Nia ukunfuan (Deuteronomo 4:2), maibé igreja muda ona Maromak Nia ukunfuan desde tinan 321.

Infelizmente, ita barak mak lahatene Kona-ba ida ne'e. Ita balu hatene maibé la prekupa.  Ita balu hatene maibé lakoi ba halibur hamutuk hó sarani sira seluk iha  Igreja tuir Maromak Nia hanorin.

Maromak Nia liafuan iha Tiago 4:17 hatete nune'e:
Tan neʼe, se ema ida hatene oinsá atu halo buat neʼebé loos maibé la halo tuir, nia komete pekadu. Sei ita finje halo sala depoisde hatene Lia Loos, Maromak Nia futarlia dehan '
Tanba se ita halo beibeik sala ho neon bainhira ita hetan ona koñesimentu neʼebé loos kona-ba lia-loos, sei la iha tan sakrifísiu ba sala. Ebreu 10:26

Maromak perdua ita Nia sala no hanorin ita hosi loron ba loron atu halo tuir dutrina Sagrada Bíblia la'os ema nia dutrina.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Isaias 66:23

Read More