Saida mak ó haree no hanoin la subar iha Maromak Nia futar oin.

Maibé haʼu hatete ba imi katak ema neʼebé hateke  ba feto ida no hakarak feto ne'e iha nia laran, ema neʼe komete ona adultériu ho feto neʼe iha ninia laran. Mateus 5:28.

Na'i Jesus esplika mandamentu dahitu ("Imi labele komete adultériu hó ema neʼebé laʼós imi-nia kaben- Éxodos 20:14). Dala ruma, ema Farizeu sira esplika mandamentu Ida ne'e no mandamentu daneen (Imi labele oho ema- Éxodos 20:13) katak refere de'it ba Hahalok esternál. No sira konsidera hanoin aat ba ema no imajinasaun kona-ba feto la'os Hahalok kontra Maromak Nia ukunfuan.

Na'i Jesus hatete mai sira no ita katak transgresaun Maromak Nia ukunfuan la'os de'it buat ne'ebé ema haree iha li'ur maibé inklui bust segredu hotu ne'ebé atu planu no hanoin iha ita laran no ita nia matan ne'ebé fekit ba mai haree feto ka mane no dezezu buat ruma.

Na'i Jesus deklara katak sira ne'ebé iha hakarak sexuál no haree ba feto atu hasa'e sira Nia dezezu sexuál komete ona adultériu iha sira Nia laran iha Maromak Nia futar-oin.

Ita lee historia kona-ba Liurai David, ne'ebé haree Bat-seba iha 2 Samuel 11 no ikus mai halo ona komete adultériu no depois bosok feto ne'e nia kaben depois ikus mai bnd oho tan feto ne'e Nia kaben, Urias

"Iha kalan ida David hadeer husi ninia kama no laʼo bá-mai iha liurai nia palásiu leten. No husi neʼebá nia haree feto ida hariis hela, feto neʼe bonita tebes. David haruka ema atu husu kona-ba feto neʼe, no ema neʼe fó-hatene dehan: “Nia mak Eliam nia oan-feto Bat-Seba, Urias ema Hetes nia feen.” Tuirmai David haruka ema atu lori feto neʼe mai.Entaun feto neʼe mai hasoru David no David halo relasaun ho nia". 2 Samuel 2-4

To'o ikus mai Liurai David arepende (Salmo 51) maibé buat hotu akontese ona.

Maun alin sira iha Kristu, ema nia morál hosi tempu ba tempu aat tan de'it. Ida ne'e tanba ema Barak komesa la'o dook ona hosi Maromak Nia hanorin. Karik ita iha situasaun ida ne'e, mai ita arepende no fila fali ba dalan Maromak nian no Maromak prontu atu fó perdua ba ita "Se ita konfesa  ita-nia sala, Maromak neʼebé fiél  no  loos, sei perdua ita-nia sala no hamoos ita hosi hahalok aat hotu" 1João 1:9

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 5:28

Read More

Perdua ema Nia sala, se mak bele?

João 20:23, Jesus hatete ba Nia dixípulu sira  “Se imi perdua ema ida nia sala, Maromak sei perdua  sira-nia sala. Se imi la perdua ema ida nia sala, nia sala iha nafatin"

Nukleu hosi Evanjellu mak ema hetan perdaun hosi sira nia sala liuhosi tau fiar ba Jesus Kristu hanesan Nia Na'i no Salvadór.

Iha Apostolu  10:43, bainhira Pedro Haklaken Evanjellu nia hatete "
Profeta hotu fó sasin kona-ba Nia,atu nuneʼe ema hotu neʼebé  fiar ba nlNia hetan perdua ba sira-nia sala liuhusi Ninia naran.

1João 5:1-5 hatete mai ita katak " so sira ne'ebé fiar ba Jesus mak bele manan mundu.

Luke 5:20 hatete, “  Bainhira Jesus haree sira-nia fiar, nia hatete: “Haʼu-nia maluk, ó-nia sala perdua tiha ona"

Kolose 2:13-14 hatete Jesus fo perdua ba sala.

Versu sira iha leten konfirma katak so  Na'i Jesus mak bele fó perdua ba sala no Nia perdua ba ita nia sala hotu.  Ita lee Bíblia hosi Genesis to'o Apokalipse, la iha prátika hosi profeta sira ka dixípulu sira fó perdua ba ema Nia sala.

Bíblia ko'alia katak ema HOTU Sala na'in. Roma 3:23 dehan nune'e "
Ema hotu halo ona sala no lakon ona Maromak nia glória" Tan ne'e, sala ka pekadu tenki konfesa atu hetan perdaun. Tanba kolen hosi pekadu mak mate Rohan-laek (Roma 6:23).

Iha antigu Testamentu, bainhira ema halo sala sira konfesa sira nia sala ba bibi ne'ebé sei sakrifika atu mate ba sira nia fatin (Ezemplu lee Levitico 16:8-34; 23:27-32).

Se mak bibi ne'e? João 1:29 hatete
"Loron tuirmai, João haree Jesus mai besik nia, no nia dehan: “Haree, nia mak Maromak nia Bibi-Oan neʼebé kasu mundu nia sala"

Ita lee didi'ak bíblia hosi Testamentu tuan no foun, sempre refere Na'i Jesus mak bele perdua sala.

Oinsá se ema ida reprezenta ka sai mediadór ba Maromak ka Jesus atu perdua sala? Ida ne'e bele ka lae? Mai ita rona saida mak bíblia ko'alia kona-ba asuntu ne'e. 1Timoteo 2:5 hatete "Tanba iha Maromak ida deʼit no iha mediadór ida de'it entre Maromak no ema, neʼe mak, Kristu Jesus"

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 20:23

Read More