Perdua 70x7

Tuirmai, Pedro mai no hatete ba Jesus: “Naʼi, toʼo dala hira mak haʼu tenke perdua haʼu-nia maun ka alin neʼebé halo sala hasoru haʼu? Toʼo dala hitu?” Jesus dehan ba nia: “Haʼu hatete ba ó, laʼós toʼo dala hitu, maibé toʼo dala 70x7.” Mateus 18:21-22

Pedro husu "bele perdua to'o dala hitu? - Pedro hanoin ida ne'e barak demais ona, tanba ema Judeu sira hanorin katak, ema ida bele perdua ema ne'ebé halo sala to'o dala tolu, maibé liu hosi ida ne'e labele perdua.  Pedro atu konfirma ida ne'e nia halo dobru nia númeru ne'e no husu karik ita tenki perdua to'o dala barak hanesan ne'e. Saida mak Na'i Jesus hatán?

Jesus dehan ba nia: “Haʼu hatete ba ó, laʼós toʼo dala hitu, maibé toʼo dala 70x7.” Mateus 18:22 - Ida ne'e signifika katak ita labele limita ita nia perdaun ba númeru ne'ebé fiksu.

Biblikamente, dala hira de'it ita nia Maun-alin halo Sala mai ita no husu deskulpa ita tenke perdua sira.

Loos duni katak nia tenke husu perdaun. Hanesan hakerek nanis ona iha Lukas 17:4
"Maski nia halo sala hasoru imi dala hitu iha loron ida no nia mai hasoru imi dala hitu, hodi dehan: ‘Haʼu arrepende haʼu-nia sala’, imi tenke fó perdua ba nia.

Tuir Na'i Jesus Nia hanorin, karik ema ne'ebé halo sala no nia halo asaun hanesan iha Lukas 17:4, ita iha obrigasaun atu fó perdua ba ema ne'ebé halo sala. Karik Nia la husu deskulpa ka husu perdaun, ita mós livremente la presiza rai odiu.

Problema barak mosu iha fatin barak, tanba de'it odiu ba malu. Dala barak, ita bá igreja, bá rona Na'i Jesus Nia hanorin, maibé fila mai uma ita odiu ita Nia maluk sira nafatin, hanoin aat ba ema nafatin, planu aat ba ema nafatin, gossip ema nafatin. Asaun sira ne'e hatudu katak ita hanaran an ema ne'ebé fiar ba Kristu maibé ita nia prátika la iha.

Maun-alin sira iha Kristu mai ita banati tuir Na'i Jesus Nia hanorin.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 18:22

Read More

Maromak la kontenti Haree ema aat mate

Normalmente, hanesan ema ne'ebé fiar ba Maromak, bainhira ita halo sala ruma, ita hakarak Maromak Nia grasa no laran luak atu perdua ita. Maibé bainhira ema ne'ebé ita la gosta halo sala ita hakarak Maromak  kastigu ema nee, loos ka Lae?  Ida ne'e mak dala Barak ita hakarak bainhira ema halo aat ba kristaun sira, ita espera Maromak hó Nia poder tomak hatun ahi 🔥hosi lalehan no Sunu tiha sira🔥.

Ita lee  iha Jonas 3, ida ne'e mak profeta Jonah hakarak, ema aat sira iha Niniveh hetan destroi hosi Maromak. Maibé Ida  ne'e la'os saida mak Maromak hakarak. Maromak hakarak husik odamatan grasa nian nakloke ba ema hotu tanba "se mak hatene"  ema Sala nai'n arepende no iha biban atu hetan perdaun hanesan ema sira iha Niniveh.

Tanba Maromak Nia hakarak mak ema hotu la mate maibé hetan salvasaun. Konsidera versu tuir mai ne'e:

Hatete ba sira:  “Haʼu jura hodi haʼu-nia moris rasik katak haʼu la kontente bainhira ema aat ida mate, maibé haʼu kontente bainhira ema aat ida troka ninia hahalok no kontinua moris. Oh umakain Izraél, tanbasá mak imi tenke mate? Fila fali, fila fali mai, husik tiha imi-nia hahalok aat. Ezequiel 33:11.

Mai ita halo di'ak hodi kontra hahalok aat sira (Keta husik buat aat manán imi, maibé kontinua halo buat diʼak hodi bele manán buat neʼebé aat, Roma 12:21).

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Ezequiel 33:11

Read More

Na'i Jesus sei fó kolen ba ema ida-idak tuir sira-nia hahalok.

Tanba Oan-Mane sei mai iha ninia Aman nia glória hamutuk ho ninia anju sira, no nia sei fó kolen ba ema ida-idak tuir sira-nia hahalok. Mateus 16:27

Iha versu iha leten, Na'i Jesus dehan bainhira Nia fila-fali mai Nia sei fó kolen ba ema ida-idak tuir sira-nia hahalok. Hahalok saida de'it mak ema Kristaun tenki halo?

Statement ida ne'e, Sn. Paulo halo klaru liutan iha 2 Korinto 5:10 ne'ebé hatete "Tanba ita hotu tenke hamriik iha Kristu nia kadeira julgamentu oin, atu nuneʼe ema ida-idak simu kolen tuir buat neʼebé nia halo ona, maski nia halo buat neʼebé diʼak ka aat"

Bíblia ko'alia mai ita hahalok ka serbisu ida ne'ebé Maromak simu. Serbisu ne'ebé hanesan rezultadu hosi podér Espiritusantu.  Na'i Jesus esplika mai ita katak ita tenki fó fuan (Lee João 15:1-16).

Fuan saida mak ita tenki prodús? Fuan espiritu no fuan hosi isin/mundu nian deskrebe iha   Galatia 5:19-23.

HAHALOK ISIN/MUNDU NIAN:
Ema bele haree ho momoos hahalok sira neʼebé hosi isin, neʼe mak sala seksuál/adultériu, hahalok la moos, halo hahalok aat toʼo la sente moe,  adora estátua (idolatry), halo espiritizmu, odi malu, istori malu, laran-moras malu, hirus toʼo la kontrola an, buka atu manán deʼit, haketak malu, laran-moras ba buat neʼebé ema seluk nian, lanu-teen,  festa arbiru, no buat sira seluk neʼebé hanesan neʼe. Haʼu fó hanoin ba imi kona-ba buat sira-neʼe, hanesan haʼu fó hatene nanis ona ba imi, katak sira neʼebé halo buat sira-neʼe sei la simu Maromak nia Reiñu nuʼudar liman-rohan. Galatia 5:19-21

Hahalok ka serbisu ne'ebé hanesan FUAN HOSI ESPIRITUSANTU:
Maibé, hahalok sira neʼebé mai husi Maromak nia espíritu mak domin, ksolok, dame, pasiénsia, laran-diʼak, hahalok diʼak, fiar,  laran-maus no kontrola an. La iha ukun-fuan ida mak kontra buat sira-neʼe. Galatia 5:22-23

Serbisu ka fuan hosi isin nian mak serbisu ka Hahalok sira ne'ebé kontra Maromak Nia Lei maibé fuan hosi espiritu mak obedese ba Maromak Nia lei. Paulo ko'alia ba ita atu hadook an hosi  hahalok  isin ka mundu nian. Efeso 5:7.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 16:27

Read More