Peskadór ba ema

Mai tuir haʼu, no haʼu sei halo imi sai peskadór ba ema. Marco 1:17

Na'i Jesus hatete "Mai tuir Hau" ba Pedro no Andre. Na'i Jesus Nia bolu "Mai tuir Hau"  mós uza ba Levi ka Mateus iha Mark 2:14, no ba ema lubun boot iha  Mark 8:34,  no ba ema mane joven riku ida iha  Mark 10:21.

Na'i Jesus xamada mós hetan iha  Mateus 11:28 bainhira Na'i Jesus dehan, "Mai ba haʼu, imi hotu neʼebé kole tanba serbisu makaʼas no lori naha todan. Haʼu sei fó kmaan ba imi"

Na'i Jesus mós bolu ita. La'os ita hotu-hotu sei hatán Na'i Jesus Nia xamada/bolu, maibé ba ita sira ne'ebé responde sei esperansa transformasaun iha moris hanesan ita bele haree iha Simão Pedro, Andre, Mateus Tiago no João  (Mark 1:19–20), ne'ebé hola parte ka  serbí hanesan dixípulu.

Apostolu sira hanesan "Peskadór" kompriende Ida ne'e.  Sira peska hó redi ka dai ne'ebé sira soe/tuda ba vero nia sorin.  Dai ne'e sei kapta kriatura oinoin maibé la'os hotu-hotu di'ak ba ai-haan.  Iha dalan hanesan, Na'i Jesus promete ba Simão Pedro no Andre katak sira sei "kaer" ka alkansa ema barak hó liafuan di'ak Kona-ba Na'i Jesus.                 

Na'i Jesus esplika liutan kona-ba ida ne'e bainhira nia ko'alia kona-ba ai-knanoik dai nian iha   (Mateus 13:47–50). Reiñu Lalehan hanesan dai ida ne'ebé kaer ema barak maibé balu la fiar no sei la tama ba Reiñu Lalehan tanba rejeita Lia Loos.

Na'i Jesus bolu Andre no Simão Pedro no Tiago no João atu sakrifika sira nia estilu moris,  sira nia business ikan atu muda mundu nia hahalok, nia rezultadu mak ema balu nia moris sei transforma hosi aat ba di'ak ba Maromak Nia Gloria no ba moris Rohan-laek.

Mai ita rona Na'i Jesus Nia bolu no responde no halo tuir atu manan Reiñu Lalehan.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 1:17

Read More

Tahan toʼo rohan mak sei hetan salvasaun

Maibé ema neʼebé tahan toʼo rohan mak sei hetan salvasaun. Mateus 24:13

Liafuan "Rohan" - Ida ne'e hanesan liafuan profesia Na'i Jesus nian kona-ba destruisaun Jeruzalen hanesan Rohan na nasaun Judeu sira  nomós destruisaun ne'ebé sei mai iha mundu nia rohan.  Historia Hakerek katak iha tinan 70 AD,  Soldadu Romanu lidera hosi Titus, no Tiberius Julius Alexander  konsege destroi Jeruzalen no nia  templu.

No iha funu laran, hanesan mós situasaun iha Jeruzalen iha tinan 70 AD iha presegisaun oinoin. Sira ne'ebé tahan presegisaun to'o funu remata sei hetan salvasaun.

Maromak sei proteze Nia ema sira hosi susar, atu nune'e sira nia fuk lahon ida mós sei la monu.

Nune'e mós iha mundu nia rohan  bainhira Na'i Jesus fila fali mai tuir nia promesa iha João 14 ka iha iha ita idaidak nia moris nia rohan bainhira ita mate.

Iha ita nia moris tomak, ita iha terus oinoin, tentasaun oinoin, difikuldade oinoin maibé ita tenki tahan an no mantein ita nia fé no fiél nafatin ba Lia Loos Maromak nian to'o moris nia rohan (bainhira ita mate) ka bainhira mundu Nia rohan bainhira Na'i Jesus mai fali. Se ita tahan buat sira ne'e to'o rohan ita sei hetan salvasaun. Lalika espera ema seluk atu halo misa ba ita bainhira ita mate, tanba Maromak Nia justisa, ita labele sogok. Halo di'ak nafatin, kaer metin nafatin ba Na'i Jesus Nia hanorin no Lia Loos Maromak nian to'o bainhira ita husik hela mundu ne'e.

Bainhira ita kaer metin ba Nia Lia Loos, Nia sei Salva ita. Bainhira ita tahan to'o rohan, ita bele reklama Na'i Jesus Nia liafuan iha Sn Lukas 21:18-19 "Maibé, imi-nia fuuk-lahon ida mós sei la lakon husi imi-nia ulun. No hodi tahan nafatin mak imi sei hetan imi-nia moris"

Mai ita kaer metin nafatin ba Lia Loos Maromak nian to'o rohan atu hetan salvasaun

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 24:13

Read More

Dehan bá maibé la bá

Imi hanoin oinsá? Mane ida iha oan naʼin-rua. Nia hakbesik ba ida dahuluk no dehan: ‘Oan, ohin ó bá hodi halo serbisu iha toʼos-uvas.’ Oan neʼe hatán: ‘Haʼu lakohi bá’, maibé depois neʼe, nia arrepende an no nia bá. Nia hakbesik ba oan ida seluk no hatete buat neʼebé hanesan. Oan neʼe hatán: ‘Haʼu sei bá, apá.’ Maibé nia la bá.  Husi oan naʼin-rua neʼe, ida-neʼebé mak halo ninia aman nia hakarak?” Sira hatete: “Ida dahuluk.” Jesus dehan ba sira: “Haʼu hatete loloos ba imi katak, kobradór impostu no feto-aat  sira sei tama uluk liu imi iha Maromak nia Reiñu. Mateus 21:28-31

Oan na'in rua- reprezenta Hahalok ema Judeu nian no ema Kobradór impostu sira, ema maksalak sira hanesan ita.

Iha Hau Nia to'os uvas - Atu serbisu iha to'os uvas reprezenta obra ka serbisu ne'ebé Maromak rekere ka husu ita atu halo.

Oan dahuluk hatete "Hau sei la bá" - Ida ne'e linguajen ema aat sira ka ema maksalak sira . Sira rejeita no la gosta atu halo tuir Na'i Maromak Nia hakarak. Maibé depois sira Arepende - Muda sira nia hanoin. Hafoin rona João Batista hanorin, ema Kobradór impostu sira, ema aat sira, sira arepende hosi sira Nia Hahalok Sala no obedese ba Maromak.

Oan daruak hatete "Ha'u bá, maibé la bá" - Ida ne'e reprezenta Hahalok ema Farizeu no Eskriba sira - sira hatete katak sira obedese ba Maromak so iha ibun de'it maibé realidade sira hatudu sira nia fiar iha li'ur de'it no sira hakarak Na'i Jesus mate.

Entre oan rua ne'e, Ida ne'ebé mak halo tuir sira nia aman nia hakarak? Sira hatán, ida oan dahuluk, no Na'i Jesus hatán loos duni.

Lisaun mai ita: Ita bele hatene Lia Loos hotu, maibé la halo tuir saida mak Maromak nia futarlia haruka, ita sei sai hanesan oan daruak ne'ebé hatete atu ba maibé la bá. Ita nia fiar tipu ida ne'e hanesan fiar iha ibun tutun de'it. Fiar ida hanesan ne'e fiar bosok-teen.

Maromak Nia futarlia iha 1João 2:3-4 dehan "Se ita kontinua halo tuir ninia ukun-fuan sira, neʼe katak ita hatene ona nia. Ema neʼebé dehan: “Haʼu hatene ona nia”, maibé la halo tuir ninia ukun-fuan sira, ema neʼe bosok-teen, no lia-loos la hela iha ema neʼe"

Karik ita la halo tuir ita sei la hola parte iha reiñu Lalehan "Laʼós ema hotu neʼebé dehan mai haʼu: ‘Naʼi, Naʼi’, sei tama ba Reiñu lalehan nian, maibé ema neʼebé halo tuir haʼu-nia Aman iha lalehan nia hakarak mak sei tama ba Reiñu neʼe. Iha loron neʼebá ema barak sei dehan mai haʼu: ‘Naʼi, Naʼi, ami fó sai profesia no duni sai anju aat sira, no ami mós halo milagre barak hodi Ita-Boot nia naran, loos ka lae?’ Maibé haʼu sei hatete ba sira: ‘Haʼu la hatene imi! Hadook an tiha husi haʼu, imi neʼebé la halo tuir ukunfuan sira. Mateus 7:21-23

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mateus 7:21

Read More