Oan-Mane sei mai ho kalohan iha lalehan

Tuirmai Jesus dehan: “Sin, loos duni. No imi sei haree Oan-Mane husi Ema tuur iha Kbiit-Naʼin nia liman sorin loos no mai ho kalohan iha lalehan". Marco 14:62

Levitico 24:15 bandu "blasfemar/blasphemy"  ne'ebé signifika tau ema ida nia an hanesan  hó Maromak no  Levitico 24:16 indika kastigu ba ema ne'ebé tau nia an hanesan hó Maromak (Blasfemar) mak mate.  Caiaphas rona Na'i Jesus Nia liafuan ne'ebé reklama katak Nia Gloria no autoridade hanesan hó Maromak.

Oan-mane ne'ebé deskrebe iha ne'e hanesan hó oan-mane ne'ebé deskrebe iha  vizaun Daniel nian (Daniel 7:13). Iha futuru Aman Maromak sei fó ba Oan-mane: Reiñu Rohan-laek no ukun ema hotu, nasaun hotu no lingua hotu-hotu   (Daniel 7:13–14). Na'i Jesus bolu Nia an "Ema nia an oan-mane" iha nia Ministériu tomak   (Marco 2:10, 28; 8:31, 38; 9:9, 12, 31; 10:33, 45; 13:26; 14:21, 41).

Ababu/kalohan dala barak reprezenta Maromak.  Na'i Maromak lidera ema Israel sira iha rai-fuik maran hó ababu iha tempu loron  (Éxodus 13:21). Maromak mós uza ababu atu hatudu ba ema Israel sira katak Nia ko'alia hó Moisés (Éxodus 19:9; 24:15). Bainhira Tabernakél kompleta ona, Maromak falun Tabernakél hó ababu  (Númeru 9:15). Bainhira Salomão remata harii templu no bainhira saserdote sira lori Ark/arku aliansa nian tama ba fatin ne'ebé santu liu, Na'i Maromak hakonu templu hó ababu  (1 Reis 8:10). Iha tempu Na'i Jesus nian, ababu tun mai bainhira Na'i Maromak ko'alia ba Na'i Jesus iha foho leten bainhira Na'i Jesus halo transfigurasaun (Mark 9:7).

Ababu la'os de'it lori Maromak Nia mensajen maibé mós ser hanesan Maromak Nia kurtina. Ababu permiti Maromak halo interasaun direta atu taka netik Maromak Nia roman ne'ebé brillante (Exodus 33:20). Bainhira Na'i Jesus hatete katak Nia sei mai hó ababu Lalehan nian, nia hakarak hatete katak Nia sei mai hó Gloria Maromak nian: Katak Nia ne'e Maromak.

Na'i Jesus hatete Nia mak se loloos iha kondisaun ne'ebé la favoravél. Nia kolega trai Nia, ema kaptura Nia iha Jeruzalen nia li'ur. Agora nia iha konsellu ema Judeu sira nian "Sanhedrin"  hasoru julgamentu ikegál. La iha indikasaun ida katak Na'i Jesus iha autoridade, pozisaun ka kontrola situasaun.

Testamuña sira la kompriende tanba normalmente Na'i Jesus sempre kontrola iha situasaun saida de'it. Iha pasadu Nia hatete nanis ona katak "Aman hadomi haʼu  tanba haʼu mak entrega haʼu-nia moris,  atu nuneʼe haʼu bele hetan fali. La iha ema ida mak hasai haʼu-nia moris, haʼu rasik mak hakarak atu entrega ida-neʼe. Haʼu iha direitu atu entrega haʼu-nia moris, no haʼu iha direitu atu hetan fali ida-neʼe.  Haʼu simu mandamentu neʼe husi haʼu-nia Aman.” João 10:17-18

Na'i Jesus  opta atu ba Jeruzalen nafatin  (João 11:8–10).  Na'i Jesus husik Judas ne'ebé Diabu tama laran ona atu organiza Ninia kapturasaun iha kalan neebá (João 13:27). Na'i Jesus hili atu hela iha foho Olivet, besik Jeruzalen  (Mark 14:32), la'os iha sorin seluk, besik Betania, iha ne'ebé ema ne'ebé atu defende nia barak. Buat hotu la'o tuir planu  (Mateus 26:53). Katak Na'i Jesus tenke mate duni tuir dalan ne'ebé Nia hili rasik atu soi ita.

Na'i Jesus hadomi ita ona, liuhosi intrega nia moris mai ita iha foho kalvariu (João 3:16). Mai ita mós hadomi Nia liuhosi halo tuir Nia ukunfuan (João 14:15).

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Marco 14:62

Read More

Matan-moris no harohan beibeik

Matan-moris nafatin bá no harohan beibeik, atu nuneʼe imi labele monu ba tentasaun. Espiritu hakarak, maibé isin fraku. Marco 14:38

Na'i Jesus foin fanun dadauk Pedro, Tiago no João ne'ebé toba hela bainhira Na'i Jesus reza iha Jardin  Gethsemane (Marco 14:37). Na'i Jesus hatete ona ba sira atu Matan-moris nafatin atu evita monu ba sala ka pekadu (Marco 14:38).

"Espiritu" maihosi liafuan Greek "Pneuma". Iha debate barak kona-ba laran/fuan, klamar, hanoin/pensamentu no espiritu. "Espiritu" hanesan parte ida hosi ema ida ne'ebé mak halo interasaun hó mundu espirituál.

Kontrariu hó espiritu mak "isin" ne'ebé mai hosi liafuan Greek sarx. Literalmente, isin mak parte fíziku hosi ema ida; espiritualmente, Ida ne'e refere ba natureza ema ne'ebé la fiar Maromak  no hahalok sira ne'ebé la santu hosi ema ne'ebé fiar ba Maromak.  Parte hosi ita ema ne'ebé  ligadu hó Maromak iha dezeju atu obedese no tuir  Maromak  maibé  isin  la iha forsa atu halo di'ak.

Se la iha espiritu santu ne'ebé serbisu iha ita laran atu fó ba ita "natureza foun", ita nomós ezemplu dixípulu na'in tolu labele halo tuir Na'i Jesus atu matan moris no halo orasaun atu labele monu ba tentasaun.

Bainhira Judas mai hó guarda saserdote boot sira atu kaer Na'i Jesus, Pedro foti asaun.  Bainhira nia losu surik no ataka, ko'a   Malchus, servente saserdote boot  nia tilun  (João 18:10), nia hanoin nia kontra lideransa Judeu sira nian, maibé nia kontra Na'i Jesus. Tanbasá? Hanesan nia hahalok iha  Marco 8:31–33, Pedro rejeita Na'i Jesus nia dalan ba mate iha kruz, no prevene atu ida ne'e labele akontese. Na'i Jesus hasé Pedro tanba prevene hosi nia Aman nia hakarak (João 18:11). Na'i Jesus depois kura  Malchus, Nia inimigu mai ona atu kaptura no lori Nia   ba autoridade ne'ebé sei kondena Nia ba mate (Lukas 22:51).

Na'i Jesus halo profesia ona katak, Pedro sei nega katak nia hatene Na'i Jesus (Marco 14:26–31).

Pedro ataka saserdote boot nia atan hatudu katak nia la Matan-moris no reza  atu labele monu ba tentasaun liuhosi kuida nia fé ba Na'i Jesus no planu Maromak nian.

Fasil ba ita atu halo agresaun fíziku atu responde ba ta'uk maibé Na'i Jesus so hakarak ita iha fé ba Nia iha tempu susar saida de'it iha ita nia moris.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 14:38

Read More

Kristu falsu no profeta falsu sira sei mosu

Tanba Kristu falsu no profeta falsu sira sei mosu no sira sei halo sinál no milagre oioin tanba koko atu dada mós ema sira neʼebé Maromak hili ona. Marco 13:22

Versu ida ne'e aplika ba momentu ne'ebé de'it komesa hosi Na'i Jesus sa'e ba Lalehan to'o Na'i Jesus fila fali mai. Simon bar Kokhba, ne'ebé mate iha  135 AD, ema Judeu sira ne'ebé tuir Nia, hanoin Katak nia mak Mesias Judeu sira nian. Sun Myung Moon hatete katak nia mak Mesias no lohi nia membru igerja  miliaun ba miliaun. Jose Luis de Jesus Miranda ne'ebé harii  "Growing in Grace International" hatete katak nia mak Jesus no Anti Kristu.   Jim Jones hatete katak nia mak reinkarnasaun hosi  Gandhi, Buddha, Vladimir Lenin, no Jesus no ema 900 liu  fiar ba nia no hemu Veneno no oho sira nia an.

Mesias falsu sira ne'e konvense ema sira ne'ebé tuir sira katak sira mak Mesias no bainhira ita fiar ba Mesias falsu sira ne'e ita sei lakon ita nia salvasaun.  Tanbasá? Tanba Na'i Jesus dehan "Haʼu mak dalan no lia-loos  no moris. Ema ida labele hakbesik ba Aman se la liu husi haʼu"

Ema fiar na'in sira presiza lee no medita Na'i Maromak nia futarlia loron no kalan atu bele hatene dutrina ne'ebé aliña hó Maromak Nia futarlia ka lae? Tanba Na'i Jesus hatete katak Maromak Nia futarlia mak Lia Loos (João 17:17).

Harohan ba Maromak loron no kalan. Intrega no submete ita nia an ba Na'i Jesus hó laran tomak. Bainhira ita fiar no halo tuir Na'i Jesus Nia hanorin Nia sei la husik ita  (João 6:37). Na'i Jesus sei sustenta ita iha loron ikus   (1 Korintu 1:8). Nia sei kuida ita atu moris santu  to'o bainhira Nia fila-fali mai (1 Tesalonika 5:23). Bainhira ita rona no halo tuir Kristu nia hanorin, ita sei koñese Nia lian no sei la tuir ema seluk nia lian   (João 10:5). Ema fiar na'in sira sei la tuir ema ida ne'ebé finje halo nia an sai Jesus.

Iha tempu ikus ne'e, bíblia deskrebe katak Anti Kristu tur iha templu ka uma Maromak nian no hatete katak nia mak Maromak (2 Tesalonika 2:4). Karik ita la estuda Maromak Nia futarlia, ita bele konfundi no fiar ba anti Kristu hanesan Maromak  (2 Tesalonika  2:1–12).

Tanba ne'e Maun-alin sira iha Kristu, lee ita nia Bíblia no simu ba Maromak Nia futarlia hanesan Lia Loos Maromak nian atu ita bele hatene Lia Loos no lia bosok (Marco 13:23).

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 13:22

Read More

Ema hotu sei odi imi tanba haʼu-nia naran

Ema hotu sei odi imi tanba haʼu-nia naran.  Maibé ema neʼebé tahan toʼo rohan  mak sei hetan salvasaun. Marco 13:13

João 15:18–25 ko'alia kona-ba parte dahuluk versu ida ne'e.  Ha'u nia naran (Na'i Jesus Nia naran) signifika ita reprezenta Nia reputasaun, autoridade no identidade. Se karik ita hanesan sidadaun Reiñu Lalehan nian, naturalmente sira ne'ebé lakoi tuir Maromak (lakoi halo tuir Maromak Nia futarlia) sei halo sira nia an sai ita nia inimigu.

Ema sira ne'ebé rejeita Na'i Jesus, rejeita Na'i Maromak.  Lalika ta'uk karik ema rejeita Maromak Nia futarlia, ita tenke banati tuir Apostolu sira ne'ebé kumpri Maromak mesmu ema baku sira no sira sente hanesan onra ida, terus tanba Na'i Jesus Nia naran  (Apostolu/Atos 5:17–42).

Mundu naturalmente hafahe an ba grupu fiar nian ne'ebé hanesan. Ema Kristaun balu, iha idea ida katak, bainhira sira simu Kristu iha sira nia moris, sira sei libre hosi problema hotu. Marco 13:13 hatete kontrariu hó idea ne'e. Na'i Jesus fó atensaun katak fiar na'in sira sei hasoru susar ka presegisaun barak   (Mateus 5:10–12, 44; 10:23). Na'i Jesus hatudu katak  "Atan ida la boot liu fali ninia naʼi. Se sira fó-terus haʼu, sira mós sei fó-terus imi. Se sira halo tuir haʼu-nia liafuan, sira mós sei halo tuir imi-nia liafuan (João 15:20). Paulo hatete "
Tuir loloos, ema hotu neʼebé hakarak atu moris tuir Na'i Maromak iha Kristu Jesus sei hetan presegisaun (2 Timoteo 3:12).

Parte ikus hosi Marco 13:13 halo ema balu kestiona kona-ba relasaun entre salvasaun no fé. Seráke ita tenke tahan to'o rohan atu hetan salvasaun?  Loos. Ita sei hatene se mak hetan salvasaun tanba sira tahan hasoru susar oinoin  (Roma 8:29–30; 1 João 2:19). La iha buat ida ne'ebé ita hasoru mak sei bele separa ita hosi Maromak Nia domin  (Roma 8:38–39).

Terus no susar ne'ebé ita hasoru ne'e temporariu, tanba ita moris iha mundu ne'e mós temporariu. Mai husu Na'i Maromak atu horik hó ita no suporta ita hotu, atu bele mantein ita nia fé to'o rohan.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 13:13

Read More

Lisaun hosi feto-faluk kiak nia oferta

Ho ida-neʼe, Jesus bolu ninia dixípulu hodi dehan ba sira: “Haʼu hatete loloos ba imi katak feto-faluk kiak neʼe tau barak liu fali ema sira seluk neʼebé tau osan ba osan-fatin Tanba sira hotu tau buat neʼebé resin husi sira-nia rikusoin, maibé feto-faluk neʼe, maski nia kiak, nia fó buat hotu neʼebé nia iha. Marco 12:43-44

Istoria ne'e dala barak  hanaran istoria feto-faluk nia oferta. Loron ida,  Na'i Jesus tur hó Nia dixípulu sira iha fatin oferta iha  templu no observa ema tau oferta ba kaixa ismola nian. Na'i Jesus haree bainhira ema riku kontribui osan barak maibé feto-faluk ida mós mai hó nia osan kiik oan rua (copper coin/mites) iha nia liman.

Copper coin ne'e osan besi ne'ebé kiik liu hotu (ita nia tempu karik ekivakente hó cen ida).  Bainhira feto-faluk ne'e tau nia oferta ba kaixa ismola nian, Na'i Jesus bolu Nia dixípulu sira no hatudu ba feto-faluk ne'e no hatete   “Haʼu hatete loloos ba imi katak feto-faluk kiak neʼe tau barak liu fali ema sira seluk neʼebé tau osan ba osan-fatin Tanba sira hotu tau buat neʼebé resin husi sira-nia rikusoin, maibé feto-faluk neʼe, maski nia kiak, nia fó buat hotu neʼebé nia iha. Marco 22:43-44; Lukas 21:1-4.

Lisaun saida mak ita bele aprende hosi feto-faluk ne'e?
Dahuluk, Maromak haree saida mak ema la haree. Oferta boot iha templu ema barak mak toma nota, dala ruma ida ne'e mak dixípulu sira haree.  Maibé Na'i Jesus haree buat ida ne'ebé ema hotu-hotu la haree: Nia haree oferta feto-faluk ne'e. Oferta ida ne'e mak iha valor boot no presiza konsidera.  Oferta barak ne'ebé ema riku sira soe tama ba kaixa ismola halo barullu iha templu maibé osan kiik rua ne'ebé feto-faluk ne'e tau halo barullu iha lalehan.

Daruak, avaliasaun Maromak nian la hanesan hó ema nian. Osan kiik rua tuir ema nia kalkulasaun maibé Na'i Jesus hatete feto-faluk ne'e fó oferta barak liu ema hotu iha momentu neebá (Marco 12:43).

Tanbasá mak Na'i Jesus hatete nune'e, bainhira realidade ema riku barak mak tau osan barak iha loron neebá (Mark 12:41)?  Ida tanba porsaun hosi oferta ne'ebé diferente. Ema riku tau osan barak , maibé sira sei iha osan restu atu sira bele moris, maibé feto-faluk kiak ne'e tau buat hotu ne'ebé nia iha (Mark 12:42). Feto-faluk ne'e nia oferta hanesan sakrifisiu ne'ebé boot kompara hó ema riku sira.

Datoluk, Maromak hakarak ita fó hó fé. Iha ezemplu ne'e, feto-faluk ne'e tuir loos nia presiza ajuda, maibé nia fó hó laran.  Mezmu nia montante kiik, nia fó hó fé katak Maromak bele uza ida ne'e.  Evidensia fé feto-faluk ne'e ita bele haree hosi nia fó osan ikus liu ne'ebé nia iha. Hanesan feto-faluk iha Sarepta /Zarephat? Ne'ebé fó hahaan ikus liu ne'ebé nia iha ba Elijah  (1 Reis 17:7–16), nune'e mós feto-faluk iha templu fó osan ikus liu ne'ebé suporta nia moris. Seráke ida ne'e signifika feto-faluk ne'e fila Uma no mate hamlaha? Lae, Bíblia hanorin katak Maromak fornese saida mak ita presiza.  (Mateus 6:25–34). Ita lahatene, detallu kona-ba feto-faluk ne'e nia futuru, maibé ita fiar katak Maromak fornese saida mak nia presiza. Hanesan Maromak fornese ba feto-faluk no nia oan iha tempu   Elijah’s nian (1 Reis 17:15–16), Maromak mós fornese ba feto-faluk ne'e iha tempu Na'i Jesus nian.

Maromak hadomi ema ne'ebé  fó hó laran  (2 Kor 9:7), no Maromak sei kuida nia emar sira.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.
Atu lee kona-ba topiku seluk-seluk, favor vizita dalanbalalehan.blogspot.com ka like ka vizita webpage Facebook: Dalan ba Lalehan

Marco 12:43-44

Read More

Seráke Maromak fó buat hotu ne'ebé ita husu iha orasaun?

Haʼu hatete loloos ba imi katak ema se deʼit neʼebé hatete ba foho neʼe: ‘Hiʼit ó-nia an no soe an ba tasi’, no nia la dúvida maibé fiar katak buat neʼebé nia dehan sei sai loos, ida-neʼe sei akontese duni.Tan neʼe mak haʼu hatete ba imi: Buat hotu neʼebé imi husu iha orasaun, fiar bá katak imi simu ona, no imi sei hetan duni'  Marco 11:23-24.

Bainhira ita lee versu ida ne'e ita haree hanesan Maromak sei resposta ba saida de'it mak ita husu bainhira ita fiar. Maibé iha sorin seluk, Paulo husu Maromak dala tolu atu Maromak hasai aitarak iha isin laran no Maromak la halo tuir  (2 Kor. 12:8–9)

Ba dala tolu ona haʼu husu ho laran ba Naʼi kona-ba neʼe, atu bele hasai tiha ai-tarak neʼe husi haʼu. Maibé nia dehan ba haʼu: “Haʼu-nia grasa   toʼo ona ba ó, tanba haʼu-nia kbiit sai kompletu kuandu ó fraku.”....

Iha limitasaun  ba saida mak Maromak bele fó, indika liuhosi kontestu, konfirmasaun hó versu seluk no liga ba natureza Maromak nian.

Dahuluk, Maromak labele fó ba ita buat hotu-hotu literalmente.  Buat balu imposivél ba Maromak atu fó. Ezemplu, Maromak labele fó ba ita nia orasaun ne'ebé husu atu kriatura ida sai Maromak.  Maromak mós labele aprova ita nia orasaun atu aprova ita nia pekadu. Maromak mós sei la fó fatuk ba ita se ita husu paung, nomós nia sei la fó samea se ita husu ikan  (Mateus 7:9–10).

Daruak, kontestu promesa iha Marco 11 indika katak iha kondisaun. Iha versu tuir mai hatete   “karik ó... Perdua” ónia maun-alin mak Maromak sei perdua ba ónia sala. Tanba ne'e la iha razaun atu fiar katak Na'i Jesus fó nia promesa "atu fó saida de'it"  lahó kondisaun.

Datoluk, versu sira ne'ebé difisíl tenke interpreta liuhosi kompara versu sira seluk iha bíblia no tenki iha harmonia ba malu.  Klaru katak Maromak la promete, purezemplu atu kura ema hotu ne'ebé atu halo orasaun ba hó fé.  Paulo la hetan kurativu, mesmu nia reza hó laran tomak no hó fé  (2 Kor. 12:8–9).

Na'i Jesus hanorin katak la'os ema matan delek nia fé kiik mak nia labele hetan kurativu.  Maibé nia moris mai matan delek kedas atu nune'e "obra Maromak nian bele revela iha nia ” (João 9:3). Mesmu Paulo iha abilidade divinu atu kura ema seluk  (Atos 28:9), ikus mai nia labele kura  Epaphroditus (Phil. 2:25) ka Trophimus (2 Tim. 4:20). Klaru,  Job hetan moras la'os tanba nia la iha fé  (Job 1:1).  Karik so fé de'it mak sai kondisaun ba ema ne'ebé simu milagre, entaun ema sira ne'ebé Na'i Jesus halo moris fali   hosi mate labele moris fali tanba ema mate labele iha fé.

Finalmente,  bainhira ita konsidera versu seluk-seluk iha eskritura, iha kondisaun barak mak Maromak tau ba Nia promesa sira atu resposta ba ita nia orasaun.  Ita tenke "Hela hó Nia"  no husik nia futarlia "hela hó ita"  (João 15:7). Ita labele husu iha orasaun buat ida atu satisfaz ba ita nia an de'it (Tiago 4:3).

Ita mós tenke husu "tuir Maromak Nia hakarak"   (1 João 5:14). Na'i Jesus mós halo orasaun, “Haʼu-nia Aman, se bele karik, hasai tiha kalis neʼe hosi haʼu. Maibé, halo tuir Ita-nia hakarak bá, laʼós haʼu-nia hakarak” (Mateus 26:39). Tan ne'e ita nia orasaun tenke inklui liafuan  "tuir Maromak Nia hakarak". Orasaun la'os meius ida ne'ebé Maromak serbí ita.  Maibé orasaun hanesan meius ida ne'ebé ita serbí Maromak.  Orasaun la'os sai meius ida ne'ebé ita hetan saida mak ita nia hakarak  maibé Maromak Nia hakarak  mak akontese.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 11:24

Read More

Labele halo business iha Uma Maromak nian

Nia hanorin sira, hodi dehan: “Imi la hatene buat neʼebé hakerek nanis ona ka? ‘Haʼu-nia uma sei hanaran nuʼudar uma orasaun nian ba nasaun hotu’, maibé imi halo uma neʼe sai fali naʼok-teen sira-nia knuuk.” Marco 11:17

Kotasaun dahuluk iha versu Marco 11:17 maihosi Isaias 56:7. Isaias 56:3–8 mak profesia kona-ba ema Jentiu sira sei hahí Maromak no hatudu oinsá Maromak fiél ba sira. Maromak promete sei lori ema non- Judeu sira ne'ebé hili Maromak iha sira nia familia ba Nia Foho-Lulik, fó sira haksolok no simu sira nia oferta.  Profesia ida ne'e sei hakonu iha  millennial kingdom, maibé Maromak nia objetivu ba Ema Israel sempre inklui ema Jentiu sira (Isaias 42:6).

Parte daruak hosi Na'i Jesus Nia kotasaun maihosi  Jeremias 7:11.... "Uma ida-neʼe neʼebé lori haʼu-nia naran sai ona naʼok-teen sira-nia knuuk ka?"

Templu nia oin (pátio/courtyard) ne'ebé uluk dedika ba ema Jentiu sira atu hahí Maromak, agora nakonu hó ema troka osan, ema fa'an manu, etc. Sira okupa ka na'ok spasu ne'ebé dedika ema Jentiu sira atu hahí no halo orasaun ba Maromak.

Oinsá hó ita? Uma kreda sira, kuidadu hó fa'an atributu sira iha Igreja. Motivu hosi fa'an saida de'it iha uma kreda mak atu haklaken no habelar reiñu lalehan nian la'os buka lukru no difikulta sarani sira.

Maibé Na'i Jesus la ko'alia kona-ba oferta ba pastor sira. Bíblia hó klaru hatete katak pastor sira merese hetan suporta hosi ema Israel (Deuteronomo 18:1) hanesan mestri ka Pastor Kristaun sira  moris hosi sira nia serbisu haklaken reiñu Lalehan  (1 Korintu 9:8–12). Na'i Jesus ko'alia ba ema bainbain ne'ebé hakarak buka lukru hosi ema sira ne'ebé hakarak devosaun ba Maromak. Atitude ida ne'e, infelizmente la para to'o agora.  Ita observa prátika ida ne'e sei la'o iha ita nia tempu hó forma ne'ebé la hanesan.

Maun alin sira iha Kristu mai ita enkoraje malu, atu saida de'it mak ita halo, biarbá buat hotu ba Maromak Nia Gloria. "Tan neʼe, se imi han, hemu, ka halo buat seluk, halo buat hotu-hotu ba Maromak nia glória" 1Korintu 10:31

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 11:17

Read More

Labele halo ema sidi no monu ba sala

Maibé haʼu dehan ba imi kona-ba kiʼikoan sira neʼebé tau fiar mai haʼu: Se ema ruma halo sira ida sidi no monu ba sala, diʼak liu tara fatuk dulas trigu nian ba ninia kakorok no soe nia ba tasi. Marco 9:42

Jesus continuou:  — Quanto a estes pequeninos que creem em mim  , se alguém for culpado de um deles me abandonar, seria melhor para essa pessoa que ela fosse jogada no mar, com uma pedra grande amarrada no pescoço.
Marcos 9:42 NTLH

“But whoever causes one of these little ones who believe in Me to stumble, it would be better for him if a millstone were hung around his neck, and he were thrown into the sea.
Mark 9:42 NKJV


Liafuan sidi (culpado) iha Marco 9:42 maihosi liafuan Greek  "skandalizo" ne'ebé signifika pekadu, maibé bele mós nia signifika  dada ema dook hosi ema ne'ebé sira tuir. Ba ema Kristaun karik, dada ema atu dook hosi Kristu ka Kristu Nia hanorin.

Tentasaun hotu-hotu dada ema dook hosi Maromak.  Oinsá ema ida bele dada ema seluk dook hosi Maromak? Ida ne'e bele liuhosi bandu sira atu serbí   (Mark 9:38) Maromak ka deskorajen sira atu mai besik ba Na'i Jesus   (Mark 10:13–16), bandu ema atu labele estuda bíblia, etc.

Igreja sira tenke Kuidadu bainhira halo regulamentu igreja nian ne'ebé dalaruma la aliña ho eskritura no halo ema husik hela ka hadook an hosi dalan loos no tuir fali regulamentu ka tradisaun ema nian.

Konsidera Maromak Nia futarlia tuir mai "Povu neʼe respeitu haʼu ho ibun-tutun deʼit, maibé sira-nia laran dook husi haʼu. Sira-nia adorasaun ba haʼu mak saugati deʼit, tanba sira hanorin ema nia ukun-fuan nuʼudar Maromak nia doutrina. Mateus 15:8-9

Mídia Dalan ba Lalehan.
Atu lee kona-ba topiku seluk-seluk, favor vizita dalanbalalehan.blogspot.com ka like ka vizita webpage Facebook: @hakerek.nanis.ona

Marco 9:42

Read More

Losu sai matan atu tama ba Reiñu Lalehan

Se ó-nia matan halo ó sidi, losu sai tiha. Tanba diʼak liu bá ó atu tama ba Maromak nia Reiñu ho matan sorin deʼit, duké ó tama ba infernu ho ó-nia matan rua. Marco 9:47

Bainhira Na'i Jesus ko'alia kona-ba Tara fatuk ba kakorok no soe an ba tasi (Marco 9:42) ka tesi ita nia liman no ain  (Marco 9:43, 45) atu evita sala iha ita nia moris ida ne'e hanesan símbolu de'it: tanba karik ita losu sai ita nia matan sorin, ita sei halo sala uza matan seluk.
Na'i Jesus la haruka ita atu atu tesi ita nia fiziku ka isin maibé Na'i Jesus haruka ita atu atu foti medida ka maneira extreme saida de'it atu hadook an hosi sala.

Iha Na'i Jesus nia tempu, ema fiar katak matan sai fonte ba laran moras ba ema nia sasan ne'ebé ema seluk iha. Iha ita nia moris, ita sempre haree ema ne'ebé iha osan barak liu, popular liu, iha sasan barak liu, bonita ka bonitu liu kompara hó ita nia an.  Ita presiza Maromak Nia ajuda atu resolve sala iha ita nia laran ka iha ita nia hanoin.

Iha tempu modernu agora alias "Zaman now", interpretasaun ba losu matan sai bele refere ba evita asesu internet no Televizaun. Pornografia iha internet hanesan problema ne'ebé seriu ba ema ne'ebé la'os Kristaun mós ba ema Kristaun sira. Tan ne'e ita tenke esforsu atu evita uza internet ba buat sira ne'ebé negativu. Mesmu uza ba buat ne'ebé positivu, sei iha publisidade etc ne'ebé ligadu hó pornografia ne'ebé hanesan lasu  iha internet ne'ebé sei dada ita ba infernu.

Liafuan infernu  iha Marco 9:47 mai hosi liafuan Ebreu  geenna ka Gehenna. Iha Na'i Jesus nia tempu fatin ida ne'e sai hanesan fatin ne'ebé ema soe  buat fo'er hanesan animál mate no buat fo'er seluk-seluk ne'ebé ema soe atu sunu.  Iha testamentu Tuan,  Gehenna, ka rai kuak   Hinnom, sai hanesan fatin ida ne'ebé Israel sira sakrifika sira nia oan ba sira nia Estatua Jentiu nian.

Sira halo Estatua besi boot ba sira nia maromak  Molech no sunu ahi haleu estatua ne'e. Bainhira Estatua besi ne'e sai manas los ona sira sunu sira nia oan liuhosi tau sira nia oan ba Estatua nia liman ne'ebé nakloke ka iha kuak ne'ebé sira halo iha patung nia ain  (2 Chronicles 28:3).

Maromak bolu ita atu sai ka hadook an hosi Gehena no tama ba Nia reiñu Lalehan.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 9:47

Read More

"......Tanbasá mak ami labele duni sai demonia neʼe?

"......Tanbasá mak ami labele duni sai demonia neʼe?” Nia hatán ba sira: “Ho orasaun no jejun deʼit mak bele duni sai demonia tipu ida neʼe.” Mark 9:28-29

Iha versu anteriór hosi Marco 9, ita lee katak, bainhira Na'i Jesus, Pedro, Tiago no João tun hosi foho,  sira haree ema lubun boot no Nia husu ema-lubun neʼe: “Imi haksesuk malu ho sira kona-ba saida?” Ema ida husi ema-lubun hatán: “Mestre, haʼu lori haʼu-nia oan-mane ba Ita tanba demonia halo nia monok. Marco 9:16-17

Tan ne'e, ema ne'e lori nia oan mai Na'i Jesus nia dixípulu sira atu Kura, maibé sira la konsege kura. Dixípulu sira husu ba Na'i Jesus "Tanbasá mak ami labele duni sai demonia neʼe?” Marco 9:28 no Nia hatán ba sira: “Ho orasaun deʼit mak bele duni sai demonia tipu ida neʼe.” Mark 9:29

Iha Mateus 17:20 Na'i Jesus esplika katak dixípulu sira labele kura tanba sira la iha fé ne'ebé sufisiente. Orasaun no fé hanesan buat rua ne'ebé interligadu. Fé mak bele halo ita ko'alia hó Maromak, atu hatete ba Nia kona-ba ita nia presiza no atu espresa oinsá ita depende ba Nia de'it.

Orasaun sei la transforma Maromak, orasaun transforma ita. Orasaun sei la hatún Maromak mai ita, maibé orasaun lori ita sa'e ba Maromak.  iha kazu Ida ne'e, dixípulu sira espera atu halo kurativu uza forsa Maromak nian, ita presiza orasaun atu mantein no haforsa ita nia relasaun hó Maromak. Fé so bele iha, bainhira ita iha relasaun hó Maromak. Ita labele halo buat Ida atu la'o tuir Na'i Jesus se ita la mantein ligasaun hó Na'i Jesus.

Na'i Jesus hatete "Haʼu mak uvas-hun, no imi mak sanak sira. Ema neʼebé hela nafatin hamutuk ho haʼu, no haʼu hamutuk ho nia, ema neʼe fó fuan barak, tanba se imi ketak husi haʼu imi labele halo buat ida. João 15:5

Na'i Jesus afirma iha ne'e katak iha tipu Demonia oinoin hó karater ne'ebé diferente, maibé Na'i Jesus la esplika detallu.

Iha   Daniel 10 no  Marco 5:10 indikasaun katak Demonia balu ezisti iha teritoriu balu de'it.  Labarik mane ne'ebé monok no diuk hatudu katak Demonia iha efeitu balu ne'ebé diferente. Naran Anju aat ka Demonia ne'ebé ita lee iha bíblia mak hanesan:  Lucifer (Isaias 14:12–18), no Beelzebub/Beelzebul (Marco 3:22). Ita mós rona "Legion" maibé Legion ne'e hanaran hanesan ne'e tanba iha grupu Demonia  (Mark 5:9). Naran seluk ne'ebé ita lee iha Apokalipse 9:11 mak Abaddon ka Apollyon.

Mai ita halo orasaun nafatin atu mantein relasaun hó Aman Maromak.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 9:28-29

Read More

Fermentu Farizeu no Herodes nian

“Matan-moris bá, kuidadu hó ema Farizeu sira-nia fermentu no Herodes nia fermentu.”Marco 8:15

“Estejam atentos e tenham cuidado com o fermento dos fariseus e com o fermento de Herodes”.
Marcos 8:15 NVI

Fermentu uza hanesan metafora ba influensia dutrina no krese  (Galatia 5:9) ba buat aat (1 Korintu 5:8) ka buat di'ak (Mateus 13:33). Ema Judeu no Greek uza liafuan fermentu hanesan símbolu ba korupsaun.

Iha Evanjellu Mateus, Na'i Jesus fó atensaun maka'as ba "fermentu Farizeu no Ema Saduki sira"  (Mateus 16:6). Lukas 23:8 mentiona katak Herodes, mós, hakarak haree sinál, tanba ne'e ema sira ne'ebé tuir nia (Herodians), hakarak mós haree sinál ruma hosi Na'i Jesus. Molok ida ne'e, Eskriba sira hamutuk hó Farizeu sira demanda sinál hosi Na'i Jesus  (Mateus 12:38).

Farizeu no Saduki hanesan sekte ka grupu dentrode Relijiaun Judeu sira nian. Farizeu kaer metin ba Lei Moisés nian no Lei orál ne'ebé pasa tun husi sira nia beiala sira ne'ebé sira fiar katak Maromak fó ba Moisés atu fó ba sira. Na'i Jesus haksesuk malu hó ema Farizeu sira dala barak kona-ba tau tradisaun ema nian liu fali ema nia presiza   (Marco 2:15–28; 3:1–6; 7:1–23).

Ema Saduki rejeita Lei orál, ne'e di'ak, maibé sira simu influensia hosi kultura Greek no Romanu, ida ne'e la di'ak.  Sira iha tendensia buka pozisaun podér mundu nian no normalmente kontrola Sanhedrin.

Eskriba noHerodian sira la'os sekte ka grupu Relijiaun. Eskriba sira ne'e ema matenek no juís, sira estuda no interpreta Lei Moisés nian. Ema Eskriba sira mak inventa tradisaun ema nian ne'ebé ema Farizeu sira halo tuir hó kuidadu.  Ema Eskriba balu (maibé la'os hotu-hotu) mós tama grupu Farizeu. Karik Eskriba sira haboot Farizeu sira, grupu   Herodian haboot ema Saduki sira.  Ema sira ne'ebé estuda bíblia fiar katak sira ne'e hanesan partidu politiku ne'ebé suporta Herodes, autoridade Galileia no Perea no Emperor Roma emjerál.

So buat ida de'it mak grupu haat (Farizeu, Saduki, Eskriba no Herodian) ne'e hamutuk, buat ne'e mak Na'i Jesus nia hanorin ne'ebé hanesan amiesa ida ba sira nia ezistensia.  Ema Farizeu no Eskriba sira la kontenti tanba Na'i Jesus konfronta sira nia tradisaun ne'ebé la hakerek iha bíblia. Grupu Saduki no Herodian ta'uk karik Na'i Jesus hó nia influensia bele kria instabilidade no sira sei lakon podér politiku.  Grupu haat ne'e ho saserdote ka amululik sira hamutuk forma  Sanhedrin, korpu governasaun Judeu sira nian ne'ebé sei intrega Na'i Jesus ba autoridade Roma nian atu hedi ba kruz.  Iha tempu ida ne'e Na'i Jesus fó atensaun ba Nia dixípulu sira atu evita sira nia dutrina (Mateus 16:12)— kona-ba hadomi Liu tradisaun ema nian no podér mundu nian.

Oinsá hó ita? Dalaruma ita mós defende no halo tuir ita nia tradisaun liu fali sagrada eskritura, dalaruma mós ita halo tuir ita nia partidu ka grupu nia hakarak no sakrifika valór sagrada eskritura nian, dalaruma ita rona liu dutrina igreja nian ne'ebé lahakerek iha bíblia Liu fali sagrada eskritura, etc.

Buat sira ne'e hotu, ita halo atu manan buat mundu nian, atu hetan podér no hetan riku-soi. Maibé Maun-alin sira iha Kristu, buat sira ne'e hotu, bainhira mate ita sei la Lori. Eskritura hakerek "Tanba ita la lori buat ida mai mundu neʼe, no ita mós labele lori sai buat ida husi mundu neʼe" 1Timoteo 6:7.

Na'i Jesus mós dehan "Tuir loloos, buat diʼak saida mak ema ida hetan se nia manán mundu tomak maibé lakon ninia moris? Marco 8:36

"Neʼe duni, buka uluk Maromak nia Reiñu no Nia Lia loos no nia sei fó mós buat sira seluk ba imi. Mateus 6:33

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 8:15

Read More

Sira hanesan bibi neʼebé bibi-atan la iha

Bainhira Jesus tun husi ró, nia haree ema-lubun boot, no nia iha kompaixaun tebes sira, tanba sira hanesan bibi neʼebé bibi-atan la iha. No nia hahú hanorin sira buat barak. Mark 6:34

Na'i Jesus lori ona Nia dixípulu sai bá fatin remota atu deskansa, maibé ema lubun na'in 5000 la inklui feto no labarik sira  la'o tuir sira (Matthew 14:21). Mesmu Na'i Jesus hakarak deskansa, maibé Nia labele  husik hela bibi Israel sira ne'ebé lakon.

"Kompaixaun" iha Marco 6:34 mai hosi liafuan  Greek "splagchnizomai",  ne'ebé signifika hadomi hó laran tomak" tanba ne'e Na'i Jesus adia Nia tempu diskansa atu kura ema   (Mateus 14:14) no hanorin ema.

Ema Judeu sira iha Na'i Jesus Nia tempu, tuir loos la kuran lideransa.  Grupu Eskriba sira estabelese depoisde kapturasaun hosi Babilonia (Ezra 7:6) atu asegura Lei Moises kopia no interpreta hó loloos. Ema Farizeu sira asegura atu ema la'os de'it obedese ba lei Moises nian maibé mós lei tradisaun fó todan ne'ebé la'os mai hosi Maromak (Mateus 23:2–4). Lideransa Sinagoga sira hili ema lee-na'in sira atu halo spekulasaun kona-ba sentidu Maromak Nia futarlia iha antigu Testamentu.  Alende ida ne'e, sira mós tenki berurusan hó Herodes no   Pontius Pilatus, Governadór  Judea nian.

Hosi lideransa barak temi iha leten, uitoan de'it mak sai bibi-atan. Sira kontrola, manipula, lo fornese protesaun no domin ba ema. Lideransa sira ne'e supa ema kiak sira atu fó haan sira nia an  (Ezequiel 34:17–24).

Jesus mak hakonu profesia  Ezequiel 34:23: "Haʼu sei hili bibi-atan ida ba sira, katak haʼu-nia atan David, no nia sei fó-han sira. Nia rasik sei fó-han sira no sai sira-nia bibi-atan". Hanesan bibi-atan Izrael nian, Na'i Jesus labele rejeita bibi sira ne'ebé mai ba nia.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 6:34

Read More

Buat saida deʼit neʼebé ó husu, haʼu sei fó ba ó.

,......... Iha kalan neʼebá Herodes halo festa ba ninia ema-boot sira, komandante tropa sira no ema sira neʼebé naran boot liu iha Galileia.22 No Herodias nia oan-feto tama hodi dansa, no ida-neʼe halo kontente Herodes no mós sira hotu neʼebé han  hamutuk ho nia. Entaun liurai hatete ba feto joven neʼe: “Husu buat saida deʼit neʼebé ó hakarak, no haʼu sei fó ba ó.” 23 Herodes mós jura ba feto neʼe, hodi dehan: “Buat saida deʼit neʼebé ó husu, haʼu sei fó ba ó. Maski ó husu haʼu-nia rai sorin, haʼu mós sei fó ba ó.” 24 Entaun feto neʼe sai hodi husu ba ninia inan: “Saida mak haʼu sei husu?” Ninia inan hatán: “João Batista nia ulun.” 25 Tuirmai, feto neʼe tama lalais hodi hasoru liurai no dehan: “Haʼu hakarak Ita fó kedas mai haʼu João Batista nia ulun iha bandeja ida.” 26 Maski ida-neʼe halo liurai laran-susar, maibé nia halo tuir deʼit buat neʼebé feto neʼe husu, tanba juramentu sira neʼebé nia halo tiha ona no mós tanba ninia bainaka sira. 27 Tan neʼe liurai haruka kedas guarda ida bá atu lori João nia ulun mai. Nuneʼe guarda neʼe bá iha komarka hodi tesi João nia ulun. Marco 6:21-27

Iha istoria Esther, Haman manipula Liurai Ahasuerus atu halo dekretu ne'ebé permiti sira destroi ema Judeu sira.  Ahasuerus foin hatene katak nia Liurai-feto  ema Judeu ida hafoin Dekretu Sai liu ona.  Bainhira Esther hatudu nia orijin,  Ahasuerus imediatamente tara Haman, maibé Liurai labele dada fila fali Dekretu ne'e "......tanba ukun-fuan neʼebé hakerek hodi liurai nia naran no tau ona selus ho liurai nia kadeli selus labele kansela" Esther 8:8.

Herodes Antipas mazumenus iha situasaun ida ne'ebé hanesan. Dalaruma tanba nia lanu, dalaruma tanba nafsu, nia promete ba nia fen nia oan saida de'it mak nia husu iha ema boot  Galileia no komandante militar sira Nia oin  (Mark 6:21).

 Antipas ema Samaria, jerasaun hosi Israel nia maun (Esau). Nia sai Liurai tanba emperor Romanu mak hili nia atu ukun ema Judeu sira.  Nia harii nia Kapital iha rate leten, buat ne'ebé konsidera fo'er tuir ema Judeu sira, no nia viola lei ema Judeu nian tanba kaben hó nia irmaun nia  fen. Nia presiza suporta karik ema Judeu sira revolta (Mateus 14:5). Bainhira  nia fen nia oan publikamente husu João Batista nia ulun, responde ba Liurai nia promesa rasik, Nia tenki halo tuir.

La hanesan hó Ahasuerus, Herodes Antipas la halo buat ne'e tanba obrigasaun morál atu kaer nia promesa — Nia la kumpri promesa kazamentu no soe-malu hó nia fen dahuluk. Maibé nia prekupa kona-ba nia reputasaun tanba nia jura ona publikamente atu manan konfiansa hosi ema boot sira atu labele revolta atu asegura nia pozisaun.    Situasaun ne'ebé hanesan bainhira Pilatus desidi atu krusifika Na'i Jesus atu mantein Paz  (Mark 15:15).

Herodes laran susar tanba nia tenki kumpri nia juramentu rasik. Haree hanesan nia sinseru ka tristi hó laran tomak. Nia gosta João Batista maibé tanba de'it Nia tenki kaer nia juramentu Nia tenki halo buat ne'ebé la loos.

Lisaun saida mak ita aprende? Dalaruma ita sakrifika ema ne'ebé loos atu ita hetan pozisaun ruma. Dalaruma ita halo buat ne'ebé kontra Maromak Nia ukunfuan atu fó satisfasaun ba ema balu atu nune'e ita bele hetan pozisaun ne'ebé ita hakarak. Dala ruma ita oferese ita nia virjen tanba de'it atu hetan pozisaun ruma.

Problema iha leten akontese tanba buat rua: sex no tua. Se Herodes la lanu karik, nia sei la halo Promesa ne'ebé rezulta ba João Batista Nia mate. Se Liurai la komete adultériu liuhosi kaben hó nia irmaun nia kaben no fiél ba nia fen dahuluk, sei la prejudika João Batista.  Se Herodias nia oan la dansa hó estilu ne'ebé provoka Herodes nia imajinasaun kona-ba sex nia sei la halo juramentu ne'ebé prejudika João Batista.

Ita hatene Uma kain barak baralla tanba problema relasaun sexuál ne'ebé la tuir nia dalan no problema hemu tua lanu.  Problema Hira mak la mosu iha komunidade tanba hemu tua, problema hira mak la mosu tanba adultériu no fornikasaun.

Mai ita enkoraje malu atu hadook an hosi Hahalok lanu teen no Hahalok sala fo'er atu nune'e Na'i Jesus Nia sakrifisiu iha foho kalvariu labele sai saugati de'it.
"Tanba se ita halo beibeik sala ho neon bainhira ita hetan ona koñesimentu neʼebé loos kona-ba lia-loos, sei la iha tan sakrifísiu ba sala" Ebreu 10:26.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 6:25-26

Read More

Oinsá ita bele sai Maromak Nia familia?

Ema se deʼit neʼebé halo tuir Maromak nia hakarak, nia mak haʼu-nia alin, feton no inan.” Marco 3:35

Jesus hatudu mai ita tensaun ne'ebé bele akontese bainhira inan-aman halo buat ne'ebé la tuir Maromak Nia hakarak. Na'i Jesus sei la fila ba Nazare, maibé Na'i Jesus respeitu inan-aman. Maibé Na'i Jesus fó atensaun mai ita katak dalaruma nesesariu atu husik hela familia atu haklaken liafuan di'ak (Mark 10:28–30). Na'i Jesus mós hanorin katak kuida inan-aman hanesan buat esensiál ida hosi adorasaun ba Maromak (Mark 7:9–13). Na'i Jesus hatudu ezemplu kona-ba responsabilidade ne'e mai ita.  Bainhira Nia tara an iha Kruz, Nia asegura katak Nia inan Maria iha ema mak kuida  (João: 19:26–27).

Ikus mai, Nia inan Maria, no Nia Maun rua  mak hamutuk iha familia espirituál. Tiago sai lider igreja iha Jeruzalein no Hakerek libru Tiago iha Testamentu foun. Judas  hakerek hakerek libru Jude iha Testamentu foun.  Mesmu Jesus tenki husik hela Nia familia iha tempu balu jeografikamente, maibé espiritualmente Nia benvindu sira mai korpu fiar na'in sira nian.

Versu iha Marku 3:35 hatete katak Na'i Jesus Nia familia kompostu hosi sira ne'ebé halo tuir Aman Maromak Nia hakarak.

Pontu importante hosi obedese  mak fiar ba Kristu. Iha fé katak Na'i Jesus mak Maromak oan ne'ebé mate iha kruz ba ita Nia sala no moris hi'as atu halibur ita fila fali ba Maromak Nia familia.

Obedese ba Maromak iha area seluk hatudu evidensia katak ita iha familia Maromak nian (Tiago1:22; 2:18)  no halo familia moris hó paz  (Efeso 4:1–6).

Bíblia fó esperansa mai ita katak, fiar na'in balu rejeita Na'i Jesus iha inisiu hanesan Apostolu Paulo  (Atos 8:1–3). Balu fiar maibé sei ta'uk hela, hanesan membru konsellu, Jose hosi Arimatea  (John 19:38). Maibé Maromak bele troka ka muda ema nia hanoin. Ema hotu, benvindu mai  Maromak Nia familia no Anju sira responde hó haksolok bainhira sira mai  (Lukas 15:10).

Finalmente, Na'i Jesus inklui mós feton. Na'i Jesus mós iha feto barak entre Nia dixípulu sira (Lukas 8:1–3), no balu harii igreja  (Atos 16:14–15; 1 Korinto 16:19; Kolose 4:15).

Galatia 3:28  hatete, "
La iha tan ema Judeu ka Gregu, atan ka ema livre, mane ka feto, tanba imi hotu sai ida deʼit ho Kristu Jesus"

Feto sira ser hanesan parte esensiál hosi familia, inklui Maromak Nia familia. Na'i Jesus inklui feto sira iha Nia Ministériu momentu neebá Hanesan buat ne'ebé la komún.

Mai ita sai familia Na'i Jesus Kristu liuhosi halo tuir Na'i Maromak Nia ukunfuan sira. Maromak Hela ho familia hotu🙏🙏🙏

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 3:35

Read More

Sala kontra Maromak, se mak bele perdua?

Tanbasá mak mane neʼe koʼalia hanesan neʼe? Nia koʼalia aat Maromak (blasfemando). La iha ema ida mak bele perdua sala, só Maromak deʼit mak bele. Marco 2:7

“Por que esse homem fala assim? Está blasfemando! Quem pode perdoar pecados, a não ser somente Deus?”
Marcos 2:7 NVI

Tanbasá mak mane neʼe koʼalia hanesan neʼe? Nia koʼalia aat Maromak (blasfemando/blasphemy). Sira hanoin Kristu hanesan ema bainbain, tan ne'e sira hanoin Jesus ema ne'ebé tau Nia an hanesan Maromak (Blasphemer), sira hanoin Jesus arogan no sira hirus loos.

Ema sira ne'e loos, bainhira sira dehan la iha ema ida mak bele perdua sala, so Maromak mesak de'it; maibé sala bainhira sira hatete ida ne'e ba Kristu ho liafuan "Blasfemando" iha kazu ida ne'e tanba Nia ne'e Maromak ne'ebé loloos no mós ema ne'ebé loloos.

La iha ema bainbain ida mak bele perdua sala, ne'e serteza, loos!. Ema di'ak ida  bele ka tenki perdua ema ne'ebé halo sala kontra nia inklui perdua ba nia inimigu sira; maibé perdua ne'ebé ema halo ne'e resolve sala ne'ebé halo entre ema, la'os sala ne'ebé halo kontra Maromak.

Pastor sira Haklaken liafuan di'ak Kona-ba redensaun ka deklara dutrina oinsá ema bele hetan perdaun liuhosi fiar ba Kristu; maibé kuandu sira hatete katak sira iha podér atu perdua sala no induljensia, ida ne'e hanesan aktu ne'ebé kontra Maromak Nia hanorin. Ida ne'e hanesan aktu anti Kristu, ne'ebé deskrebe iha 2 Tesalonika 2:1-4....1Maibé maun-alin sira, kona-ba tempu neʼebé ita-nia Naʼi Jesus Kristu  mai no tempu neʼebé ita sei halibur hamutuk ho nia, ami husu imi 2 atu la husik ema seluk troka lalais imi-nia hanoin neʼebé loos no atu la sai laran-taridu kona-ba lia-menon neʼebé dehan katak Na'i nia loron toʼo mai ona, maski lia-menon neʼe haree hanesan husi Maromak, ka husi ema ka husi karta neʼebé haree hanesan husi ami. 3 Keta husik ema ida lohi imi, tanba loron neʼe sei la mai antes sira neʼebé kontra Maromak mosu uluk no mane neʼebé laran-aat hatudu sai ninia an;   4 Nia kontra no nia foti an aas liu buat hotu neʼebé bolu nuʼudar “maromak” no aas liu fali sasán sira neʼebé ema adora, nuneʼe nia tuur iha Maromak nia templu, no hatudu sai ninia an nuʼudar Maromak ida iha ema nia oin"

So Maromak de'it mak perdua sala tanba Sala ka pekadu ne'ebé ita halo, ita halo kontra Maromak Nia ukunfuan. Maromak Nia futarlia dehan "Ema neʼebé  halo sala, nia kontra ukun-fuan, no sala katak kontra ukun-fuan". 1João 3:4. Maromak mak fó ukunfuan, Nia mak bele perdua, salva ka destroi.

Karik iha ema ruma, alende Maromak ne'ebé bele perdua sala ne'ebé halo kontra Maromak, Nia tau nia an hanesan hó Maromak no Ida ne'e kategoria Blasfemando. Maibé Maromak Nia futarlia iha Miqueias 7:18 hatete "Maromak ida-neʼebé mak hanesan Ita-Boot? Ita fó perdua ba sala ....."Perdaun hanesan direitu prerogativu Maromak nian. Maromak Nia liafuan hatete nune'e "Maromak ida-neʼebé mak hanesan Ita-Boot?Ita fó perdua ba sala no la hanoin tan hahalok kontra husi ema restu sira husi Ita-nia povu. Isaias 43:25.

So Maromak de'it mak bele perdua sala liuhosi Na'i Jesus Kristu, tanba atu perdua sala tenki iha fakar raan, no so Jesus de'it mak fakar raan. Maromak Nia futarlia hatete:Tuir Ukun-Fuan, kuaze buat hotu hamoos ho raan, no se raan la fakar sai, la iha perdua ba sala. Ebreu 9:22

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 2:7

Read More

Peskadór ba ema

Mai tuir haʼu, no haʼu sei halo imi sai peskadór ba ema. Marco 1:17

Na'i Jesus hatete "Mai tuir Hau" ba Pedro no Andre. Na'i Jesus Nia bolu "Mai tuir Hau"  mós uza ba Levi ka Mateus iha Mark 2:14, no ba ema lubun boot iha  Mark 8:34,  no ba ema mane joven riku ida iha  Mark 10:21.

Na'i Jesus xamada mós hetan iha  Mateus 11:28 bainhira Na'i Jesus dehan, "Mai ba haʼu, imi hotu neʼebé kole tanba serbisu makaʼas no lori naha todan. Haʼu sei fó kmaan ba imi"

Na'i Jesus mós bolu ita. La'os ita hotu-hotu sei hatán Na'i Jesus Nia xamada/bolu, maibé ba ita sira ne'ebé responde sei esperansa transformasaun iha moris hanesan ita bele haree iha Simão Pedro, Andre, Mateus Tiago no João  (Mark 1:19–20), ne'ebé hola parte ka  serbí hanesan dixípulu.

Apostolu sira hanesan "Peskadór" kompriende Ida ne'e.  Sira peska hó redi ka dai ne'ebé sira soe/tuda ba vero nia sorin.  Dai ne'e sei kapta kriatura oinoin maibé la'os hotu-hotu di'ak ba ai-haan.  Iha dalan hanesan, Na'i Jesus promete ba Simão Pedro no Andre katak sira sei "kaer" ka alkansa ema barak hó liafuan di'ak Kona-ba Na'i Jesus.                 

Na'i Jesus esplika liutan kona-ba ida ne'e bainhira nia ko'alia kona-ba ai-knanoik dai nian iha   (Mateus 13:47–50). Reiñu Lalehan hanesan dai ida ne'ebé kaer ema barak maibé balu la fiar no sei la tama ba Reiñu Lalehan tanba rejeita Lia Loos.

Na'i Jesus bolu Andre no Simão Pedro no Tiago no João atu sakrifika sira nia estilu moris,  sira nia business ikan atu muda mundu nia hahalok, nia rezultadu mak ema balu nia moris sei transforma hosi aat ba di'ak ba Maromak Nia Gloria no ba moris Rohan-laek.

Mai ita rona Na'i Jesus Nia bolu no responde no halo tuir atu manan Reiñu Lalehan.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 1:17

Read More

Kronolojia Na'i Jesus Nia mate tuir Saun Markus haktuir (Markus 15)

Hafoin serbisu tinan 3 no semana Ida tomak susesu halo debate  hó ema civil no lideransa Judeu sira nian   (Mark 11:27—12:37),  Na'iJesus permiti ema kaptura Nia. Konsellu ema Judeu sira nian manan no lakleur tan sira sei haree Na'i Jesus mate.  Dixípulu sira subar, sira hatene ona katak sira nia hakarak ukun hó Na'i Jesus lakon ona esperansa (Mateus 19:28) no agora sira nia moris iha perigu nia laran   (João 11:16). Na'i Jesus sei mate. Ida ne'e mak Na'i Jesus Nia misaun iha mundu ne'e  (Mateus 20:17–19).

Konsellu ema Judeu nian  "Sanhedrin" mak kaer lei no halo julgamentu ba sala hotu iha komunidade.   Sira julga ona Na'i Jesus kalan tomak   (Mark 14:53–65) no duun nia ko'alia aat hasoru Maromak tuir Lei Moises nian, maibé sira la iha autorizasaun atu oho ema ida   (João18:31; 19:6–7). Sira presiza ko'alia ho Pilatus atu konvense nia  katak Nia komete ona krimi grave kontra lei Romanu nian (Mark 15:1). Sira bobar Na'i Jesus Nia liafuan katak Nia mak Mesias, no hatete katak Na'i Jesus mak Liurai ba ema Judeu sira la'os Cesar. Konsidera katak ema Judeu sira iha tempu naruk sempre halo asaun kontra ema Romano sira, sira hanoin Ida ne'e ideia diak. Problema mak Pilatus la fiar sira Nia akuzasaun   (Lukas 23:22; Mark 15:10).

Pilatus la fiar katak Mestri ida iha Nazare bele  konfronta forsa Romanu nian.  Pilatus manda Na'i Jesus bá Herodes Antipas iha Galileia ne'ebé iha sidade momentu neebá  atu selebra Pascoa (Lukas 23:6–12). Bainhira Na'i Jesus hahú servisu, Herodes oho João Batista no nia interese tebes hakarak ko'alia hó Na'i Jesus ne'ebé nia ema Barak ko'alia.  Bainhira Na'i Jesus la hatán buat ida  Herodes konkorda katak Na'i Jesus la fó amiesa ba ema ida  (Lukas 23:14–15).

Pilatus hatene di'ak kona-ba lideransa Judeu sira katak sira laran moras ba Na'i Jesus (Mark 15:10). Maibé Sanhedrin bele influensia ema Judeu rihun ba rihun ne'ebé mai Jerusalem ba selebrasaun Pascoa atu rebolta karik Pilatus lakon kontrola. No bainhira Nia falla Cesar bele hasai nia hanesan Governadór iha  Roman Empire. Pilatus nia feen mós fó atensaun maka'as kona-ba oho ema inosente   (Mateus 27:19).

Tanba ne'e Pilatus Koko atu mitiga situasaun ne'e (Mark 15:2–15). Dahuluk, nia haruka soldadu sira baku nia maka'as loos, hó esperansa   Sanhedrin  sira sei satisfaz  (João 19:1–4). Depois Pilatus haruka  Sanhedrin  hili se mak nia sei husik libre: Jesus ka Barabbas, kriminozu. Sanhedrin  reklama saida mak Jesus sei halo: sira provoka uma lubun boot atu halo tuir sira nia hakarak  no ema lubun boot hili Barabbas atu hetan liberdade. Pilatus ta'uk mosu problema Nia evita responsabilidade legal nian,, Nia fasi liman no intrega Na'i Jesus atu hedi ba Kruz (Mateus 27:24). Ema Judeu sira foti responsabilidade ba  Na'i Jesus Nia mate  (Mateus 27:25) no deklara sira Nia  fidelidade so ba Cesar de'it (John 19:15).

Tuir mai  (Mark 15:16–32). Soldadu  Romanu Lori Na'i Jesus la'o iha Jerusalem,  mesmu Nia isin fraku los, Nia labele leba ai kruz nian . Bainhira sira to'o iha Golgotha soldadu sira hedi Na'i Jesus entre ema aat rua Nia leet. Soldadu sira no sasordote sira, Eskriba sira no ema lubun boot koalia aat Na'i Jesus. Na'i Jesus lakoi hemu Tua sin atu hamenus moras no soldadu sira fahe Nia ropa.

Mark 15:33–41...hosi meudia to'o tuku 3 lorokraik, rai nakukun.  Nia hakilar hó lian maka'as temi Salmo  22  lamenta bainhira Na'i Maromak husik Hela Nia. Bainhira Nia mate, kurtina altar nian nakles fahe 2 hosi leten to'o kraik simbolikamente hatudu katak  Na'i Jesus  destroi  ona bareira entre ita ema maksalak no Maromak. Feto sira ne'ebé serbí Nia bainhira Na'i Jesus hala'o  Nia misaun fiel nafatin  Haree Nia hosi dook no soldadu Romanu finalmente hatene katak Nia la'os ema baibain.

Na'i Jesus Nia dixípulu di'ak sira subar maibé Na'i Jesus Nia kolega seluk ba hakoi Na'i Jesus  antes Sábadu komesa  (Mark 15:42–47). Maria Magdalene  no Maria seluk haree bainhira Joseph  Arimathea, membru ida hosi  Sanhedrin, no Nicodemus (João 19:39) falun Na'i Jesus Nia isin ho hena no herbál no tau iha rate fatuk kuak laran  (João 19:40–41). Loron tuir mai, sasordote boot no Farizeu sira hanoin katak Na'i Jesus hatete ona katak Nia  sei Moris hi'as. Sira husu Pilatus atu taka Metin  no haruka soldadu sira  atu guarda atu nune'e Nia dixípulu sira  na'ok Nia mate isin no hatete katak Nia moris hi'as ona.  (Mateus 27:62–66).

Iha tempu hanesan feto sira prepara temperu ba prosesu hakoi nian   (Luke 23:56), dixípulu sira subar   (João 20:19), no Na'i Jesus promete ba ema na'ok teen ne'ebé arepende katak nia sei hamutuk ho  Na'i Jesus iha  paraízu (Lukas 23:42–43).

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Mark 15:34

Read More

Haraik'an no Domin Kristaun

Ema sira ne'ebé fiar bá Kristu mak ema bolu Kristaun/Kristen/Christian. Idealmente ema sira ne'e nia hahalok, sira nia koalia, etc mazumenus hanesan ka atu hanesan ho Kristu. Kualidade Kristu nian ida mak Domin no haraik'an

Kona-ba Domin Na'i Jesus dehan "Hadomi ema seluk hanesan ó nia an rasik (Marco 12:31)

Kona-ba haraik'an  bíblia hatete katak " Na'i Jesus ne'e Maromak maibé mai moris hanesan ema ka atan Ida (Ref João 1:14; Filipinses 2:5-7).

Karik ita hatama ita nia an bá grupu Kristaun maibé  la iha Domin no sempre foti-an leten  aas bá iha ita Nia moris loron-loron, ita nia
Kristaun ne'e kulit li'ur de'it no sei la bale.

Saun Paulo iha nia epistola 1Korintu 13:1-3 dehan nune'e:
 Se haʼu koʼalia ema nia lian oioin no anju nia lian, maibé haʼu la iha domin, haʼu sai hanesan sinu nia lian ka tambór nia tarutu. 2 No se haʼu simu kbiit atu koʼalia nuʼudar profeta no se haʼu hatene didiʼak Maromak nia segredu santu hotu no matenek hotu, no se haʼu iha fiar boot hodi muda foho, maibé la iha domin, haʼu la vale buat ida. 3 No se haʼu fó haʼu-nia rikusoin tomak atu fó han ba ema seluk, no se haʼu fó haʼu-nia moris, atu nuneʼe haʼu bele gaba an, maibé se haʼu la iha domin, haʼu la manán buat ida.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 12:31

Read More