Seráke Maromak fó buat hotu ne'ebé ita husu iha orasaun?

Haʼu hatete loloos ba imi katak ema se deʼit neʼebé hatete ba foho neʼe: ‘Hiʼit ó-nia an no soe an ba tasi’, no nia la dúvida maibé fiar katak buat neʼebé nia dehan sei sai loos, ida-neʼe sei akontese duni.Tan neʼe mak haʼu hatete ba imi: Buat hotu neʼebé imi husu iha orasaun, fiar bá katak imi simu ona, no imi sei hetan duni'  Marco 11:23-24.

Bainhira ita lee versu ida ne'e ita haree hanesan Maromak sei resposta ba saida de'it mak ita husu bainhira ita fiar. Maibé iha sorin seluk, Paulo husu Maromak dala tolu atu Maromak hasai aitarak iha isin laran no Maromak la halo tuir  (2 Kor. 12:8–9)

Ba dala tolu ona haʼu husu ho laran ba Naʼi kona-ba neʼe, atu bele hasai tiha ai-tarak neʼe husi haʼu. Maibé nia dehan ba haʼu: “Haʼu-nia grasa   toʼo ona ba ó, tanba haʼu-nia kbiit sai kompletu kuandu ó fraku.”....

Iha limitasaun  ba saida mak Maromak bele fó, indika liuhosi kontestu, konfirmasaun hó versu seluk no liga ba natureza Maromak nian.

Dahuluk, Maromak labele fó ba ita buat hotu-hotu literalmente.  Buat balu imposivél ba Maromak atu fó. Ezemplu, Maromak labele fó ba ita nia orasaun ne'ebé husu atu kriatura ida sai Maromak.  Maromak mós labele aprova ita nia orasaun atu aprova ita nia pekadu. Maromak mós sei la fó fatuk ba ita se ita husu paung, nomós nia sei la fó samea se ita husu ikan  (Mateus 7:9–10).

Daruak, kontestu promesa iha Marco 11 indika katak iha kondisaun. Iha versu tuir mai hatete   “karik ó... Perdua” ónia maun-alin mak Maromak sei perdua ba ónia sala. Tanba ne'e la iha razaun atu fiar katak Na'i Jesus fó nia promesa "atu fó saida de'it"  lahó kondisaun.

Datoluk, versu sira ne'ebé difisíl tenke interpreta liuhosi kompara versu sira seluk iha bíblia no tenki iha harmonia ba malu.  Klaru katak Maromak la promete, purezemplu atu kura ema hotu ne'ebé atu halo orasaun ba hó fé.  Paulo la hetan kurativu, mesmu nia reza hó laran tomak no hó fé  (2 Kor. 12:8–9).

Na'i Jesus hanorin katak la'os ema matan delek nia fé kiik mak nia labele hetan kurativu.  Maibé nia moris mai matan delek kedas atu nune'e "obra Maromak nian bele revela iha nia ” (João 9:3). Mesmu Paulo iha abilidade divinu atu kura ema seluk  (Atos 28:9), ikus mai nia labele kura  Epaphroditus (Phil. 2:25) ka Trophimus (2 Tim. 4:20). Klaru,  Job hetan moras la'os tanba nia la iha fé  (Job 1:1).  Karik so fé de'it mak sai kondisaun ba ema ne'ebé simu milagre, entaun ema sira ne'ebé Na'i Jesus halo moris fali   hosi mate labele moris fali tanba ema mate labele iha fé.

Finalmente,  bainhira ita konsidera versu seluk-seluk iha eskritura, iha kondisaun barak mak Maromak tau ba Nia promesa sira atu resposta ba ita nia orasaun.  Ita tenke "Hela hó Nia"  no husik nia futarlia "hela hó ita"  (João 15:7). Ita labele husu iha orasaun buat ida atu satisfaz ba ita nia an de'it (Tiago 4:3).

Ita mós tenke husu "tuir Maromak Nia hakarak"   (1 João 5:14). Na'i Jesus mós halo orasaun, “Haʼu-nia Aman, se bele karik, hasai tiha kalis neʼe hosi haʼu. Maibé, halo tuir Ita-nia hakarak bá, laʼós haʼu-nia hakarak” (Mateus 26:39). Tan ne'e ita nia orasaun tenke inklui liafuan  "tuir Maromak Nia hakarak". Orasaun la'os meius ida ne'ebé Maromak serbí ita.  Maibé orasaun hanesan meius ida ne'ebé ita serbí Maromak.  Orasaun la'os sai meius ida ne'ebé ita hetan saida mak ita nia hakarak  maibé Maromak Nia hakarak  mak akontese.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 11:24

Read More

Bainhira mak ema sira ne'ebé mate iha kristu ba kadunan santu?

Bíblia hanorin katak atu ema diak ka ema aat hotu-hotu sei moris fali. Destinasaun mak la hanesan sira ne'ebé diak ba moris rohan-laek, ida aat moris fali atu hetan kondenasaun. Mai ita lee sagrada eskritura "Keta hakfodak kona-ba neʼe, tanba oras sei toʼo mai kuandu ema hotu neʼebé iha rate laran sei rona ninia lian no sai husi rate. Sira neʼebé halo buat diʼak sei moris-hiʼas atu hetan moris rohan-laek, no sira neʼebé halo hahalok aat sei moris hiʼas atu hetan julgamentu" João 5:28-29.

Bíblia deskrebe katak ema sira ne'ebé mate iha Kristu mak sei moris uluk...
“Porque o mesmo Senhor descerá do céu, com alarido, e com voz de arcanjo, e com a trombeta de Deus; e os que morreram em Cristo ressuscitarão primeiro.”‭ ‭1 Tessalonicenses‬ ‭4:16‬ ‭ARC‬‬

Ho lian Tetun karik hanesan tuir mai ne'e:  "Tanba Naʼi rasik sei tun husi lalehan no nia sei fó mandamentu ho arkanju nia lian no ho Maromak nia trombeta, no sira neʼebé mate ona iha Kristu, sei moris hiʼas uluk" 1Tesalonika 4:16

Tuir versu iha leten ema sira ne'ebé mate iha kristu sei moris fali bainhira Na'i tun mai hosi lalehan akompaña ho arkanju ne'ebé hakilar no trombeta ne'ebe lian maka'as. Buat sira ne'ebe temi ona seidauk akontese tan ne'e ema sira ne'ebé mate iha kristu agora dadauk seidauk ba kadunan santu maibé deskansa em pas DEP) ka Rest in Peace (RIP) iha rate laran.

Ida ne'e kontrariu ho fiar komún ne'ebé ema barak fiar maibé bíblia hanorin oin seluk. Agora konformi ita atu hili, dutrina bíblia ka dutrina igreja ka fiar  tradisaun nian. Espera ita sei hatete hanesan Apostolu Na'i Jesus nian sira   "Ami tenke halo tuir Maromak Nia ukun-naʼin duké halo tuir ema. Apostolu/Atos 5:29.

Joshua 24:15 hatete nune'e "Agora se imi hanoin katak la diʼak ba imi atu serbí Na'i, imi rasik mak hili sé mak imi sei serbí.  Imi hili atu serbí maromak sira neʼebé imi-nia beiʼala sira serbí iha Mota Eufrates  nia sorin seluk ka maromak sira husi ema Amoreu neʼebé ninia rai imi hela daudaun bá.  Maibé kona-ba haʼu no haʼu-nia família, ami sei serbí Na'i"

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 5:28-29

Read More

Biblikamente, loron ida ne'ebé mak Maromak santifika?

Ema ida hanoin katak loron ida folin liu fali loron seluk, maibé ema seluk hanoin katak loron hotu mak hanesan deʼit. Roma 14:5.

Ema balu, Kaer versu ida ne'e atu justifika katak sira bele hasantu loron ne'ebé de'it konformi ita nia hakarak.  La iha ema ida mak bele hasantu loron adorasaun nian, tanba ita ema pekadór (Roma 3:23). So Maromak de'it mak bele hasantu, tanba Na'i Maromak ne'e santu. Klaru ita bele halibur hamutuk loron ne'ebé de'it atu halo adorasaun ba Maromak, maibé Maromak la hasantu loron hotu-hotu. Maromak so hasantu loron dahitu, tanba ne'e mak Nia hakarak ita diskansa iha loron dahitu atu hetan bensaun.

Konsidera Versu tuir Mai " Tanba durante loron neen Na'i kria lalehan, rai, tasi no buat hotu neʼebé iha laran, no nia hahú deskansa iha loron hitu. Tan neʼe mak Na'i haraik bensaun ba loron Sábadu no halo loron neʼe sagradu" Éxodos 20:11

Hau fiar katak  Romans‬ ‭14‬:‭5‬ la ko'alia kona-ba Mandamentu dahaat (Éxodos 20:8-11). Hau la fiar katak Maromak nia ukunfuan 10 (Maromak Nia Lei morál) apaga ona iha Kruz.   Lei domin Maromak nian sei halo ita kumpri Maromak Nia Lei morál tanba grasa. Se ita hadomi ema ita sei la oho, la komete adultériu, etc. Hanoin no santifika loron sábadu (Éxodos 20:8-11) Ida ne'e ukun fuan dahaat hosi ukunfuan sanulu. Maromak nia ukunfuan 10 sei la apaga, tanba se nune'e ita sei libre atu oho, komete adultériu etc.

Tanba ne'e fiar katak  Roma 14:5 ko'alia kona-ba loron boot seremoniál sira  ne'ebé deskrebe iha Levitico 23.

Issue sentrál durante tempu Apostolu sira nian mak sunat, haan hahaan ne'ebé sakrifika ba Estatua ka lulik, festa seremoniál no observasaun loron boot sira (Inklui loron deskansa ba loron boot sira ne'e.

Ita la presiza halo tuir festa seremoniál no loron boot seremoniál sira tanba sira ne'e hanesan "lalatak ba buat ne'ebé atu mai  (Kolose 2:16-17) signifika seremonia sira ne'e hatudu oinsá serbisu salvasaun Na'i Jesus nian ne'ebé sei akontese iha foho kalvariu. Maibé  Sabbath ka Sábadu la'os lalatak, Sábadu reprezenta memoriál kriasaun, santifika  iha loron kriasaun nian hosi Na'i Maromak rasik.

La kumpri loron Sabbath/sábadu hanesan pekadu. Ema balu la kumpri loron Sábadu tanba la hatene Maromak dalaruma bele simu ida ne'e.  Maibé sira ne'ebé hatene ona Lia Loos kona-ba loron sábadu no finje lahatene ka lakoi kumpri karik, konsidera Maromak Nia futarlia ne'ebé hatete "Tanba se ita halo beibeik sala ho neon bainhira ita hetan ona koñesimentu neʼebé loos kona-ba lia-loos, sei la iha tan sakrifísiu ba sala" Ebreu 10:26

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Roma 14:5

Read More