Prepara dalan ba Na'i

Foho-leet hotu sei ateru tiha, foho aas no foho-oan hotu tenke halo tetuk, dalan kleʼuk hotu tenke halo loos no dalan aat hotu tenke halo kabeer. Lukas 3:5

Iha tempu uluk, bainhira  emperor ka Liurai ida atu vizita teritoriu ida,  sira haruka ema ida ba uluk atu prepara dalan. Dalaruma, sira tenke halo dalan foun, iha rai fuik ne'ebé liu ladi'ak, tesi ai, ateru. Dala ruma, ai-horis komesa moris iha dalan laran, dala ruma mota estraga dalan,  lisu nakonu iha dalan sira ne'e hotu tenke hadi'a no hamoos.

Iha kultura Timor nian, ida ne'e sei ezisti mesmu menus uitoan ona kompara hó tempu uluk nian. Hau sei lembra, uluk ami sei kiik, antes administradór distritu satán Governadór ida atu mai vizita suku ida, preparasaun hosi komunidade semana ka fulan ida antes tenke halo ona, balu lere duut, balu ateru dalan, sar fo'er etc.

Bainhira profeta Isaias ko'alia kona-ba Na'i Jesus ne'ebé sei mai, nia hatete katak Maromak sei haruka ema ida  ba uluk atu prepara dalan. Bainhira ita lee evanjellu, ita sei haree katak ema ne'ebé Maromak haruka ba uluk atu prepara dalan ba Na'i Jesus mak João Batista. Oinsá João Batista prepara dalan? Iha buat haat ne'ebé nia hanorin atu prepara ema nia laran atu simu Na'i Jesus:

Dahuluk, João Batista hanorin atu sira espera katak Na'i Jesus atu mai.

Daruak, atu sira sente sira nia presiza ba Na'i Jesus atu salva sira hosi Sala ka pekadu.

Datoluk, João Batista hanorin sira atu arepende hosi sira nia sala.

Dahaat, João Batista hanorin atu bainhira Na'i Jesus mai,  sira tenke rona,  hadomi, fiar no halo tuir Nia.

Agora se Na'i Jesus atu mai iha ita nia fatin, iha ne'ebé ita hela ba, seráke ita la kontenti karik ita hetan konvite atu prepara dalan ba Na'i Jesus?

Seráke ida ne'e, la'os hanesan onra boot ida atu hasai fatuk sira hosi nia dalan?   Ba sira ne'ebé hadomi Na'i, sira nia laran sei haksolok prepara dalan ne'ebé kabér ba Na'i Jesus.

Se mak lakoi sai pioneer ba Na'i Jesus, Liurai ba Liurai hotu. Imi hatene ka lae,  Na'i Jesus hakarak loos mai; la'os liuhosi dalan maibé Nia hakarak mai iha uma kain hotu no ita idaidak nia laran la'os atu vizita de'it maibé atu Hela ba.

Entaun, saida mak impede Na'i Jesus atu mai hela hó ita? Bainhira ita la prontu atu simu Nia. Saida mak Na'i Jesus hanaran ba laran sira ne'ebé la hamta'uk Maromak? Nia hanaran laran fatuk (Ezequiel 36:26).

Karik ita la halo tuir Na'i Jesus Nia hanorin no simu Nia hanesan ita nia Salvadór, iha fatuk balu iha iha ita laran ne'ebé presiza hasai. Oinsá?  Liuhosi hosi obedese Nia futarlia no submete ita nia an tomak ba Maromak liuhosi orasaun.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 3:5

Read More

Hau Nia Aman Nia business

Maibé nia hatete ba sira: “Tanbasá mak imi buka haʼu? Imi la hatene katak haʼu sei iha haʼu-nia Aman nia uma ka?” Lukas 2:49

Ele perguntou: “Por que vocês estavam me procurando? Não sabiam que eu devia estar na casa de meu Pai?” Lucas 2:49 NVI

Informasaun kona-ba Na'i Jesus Nia infansia limita tebes. Maibé mazumenus ita iha ideia saida mak Na'i Jesus Nia objetivu iha Lukas 2:49, “Tanbasá mak imi buka haʼu? Imi la hatene katak haʼu sei iha haʼu-nia Aman nia uma ka?” Lukas 2:49. Iha tradusaun Ingles hatete"And He said to them, “Why did you seek Me? Did you not know that I must be about My Father’s business?” Luke 2:49 NKJV
(Imi lahatene kah, Hau tenke halo hau Nia Aman Nia business?

Hafoin loron tolu buka Na'i Jesus, Nia inan no Aman hetan Nia tur hamutuk hó mestri sira iha templu husu no hatán pergunta. Ema sira ne'ebé rona Nia admira. Bainhira ita esplora Sagrada Bíblia ita bele hatene sentidu hosi saida mak Na'i Jesus hatete  “Halo Hau nia Aman nia business/being about My Father’s business.”

Favór lee versu sira tuir mai atu hatene saida mak Oan halo Aman Nia business ka serbisu.

Oan-mane Nia business mak atu:
1. João 12:28 - Fó Gloria ba Aman Maromak Nia naran.

2. Lukas 22:42-  Halo tuir Aman Maromak Nia hakarak

3. João 16:27- Atu revela ka hatudu Aman Maromak Nia domin.

4. João 10:37- Halo Aman Maromak Nia serbisu

5. João 17:8- Proklama Aman Maromak Nia futarlia.

6. João 1:14-18- Atu revela ka hatudu Aman Maromak Nia karakter

Bainhira Na'i Jesus Husik hela Nia tronu iha Lalehan no mai mundu ne'e Nia halo nia Aman Nia business sira hotu ne'ebé alista iha leten.

Oinsá hó ita? Saida mak ita nia business?
Na'i Jesus molok sa'e ba Lalehan Nia hatete nune'e "Kbiit tomak iha lalehan no rai entrega ona mai haʼu. Neʼe duni, laʼo bá no hanorin ema husi nasaun hotu atu sai haʼu-nia dixípulu, fó batizmu ba sira hodi Aman, Oan no espíritu santu nia naran.  Hanorin sira atu halo tuir mandamentu hotu neʼebé haʼu fó ona ba imi. No  haʼu sei hamutuk nafatin ho imi toʼo mundu neʼe nia rohan.” Mateus 28:18-20

Ida ne'e mak ita nia business, ida ne'e mak Na'i Jesus Nia hakarak ba ita sira ne'ebé la'o tuir nia.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Lukas 2:49

Read More

Oan-Mane sei mai ho kalohan iha lalehan

Tuirmai Jesus dehan: “Sin, loos duni. No imi sei haree Oan-Mane husi Ema tuur iha Kbiit-Naʼin nia liman sorin loos no mai ho kalohan iha lalehan". Marco 14:62

Levitico 24:15 bandu "blasfemar/blasphemy"  ne'ebé signifika tau ema ida nia an hanesan  hó Maromak no  Levitico 24:16 indika kastigu ba ema ne'ebé tau nia an hanesan hó Maromak (Blasfemar) mak mate.  Caiaphas rona Na'i Jesus Nia liafuan ne'ebé reklama katak Nia Gloria no autoridade hanesan hó Maromak.

Oan-mane ne'ebé deskrebe iha ne'e hanesan hó oan-mane ne'ebé deskrebe iha  vizaun Daniel nian (Daniel 7:13). Iha futuru Aman Maromak sei fó ba Oan-mane: Reiñu Rohan-laek no ukun ema hotu, nasaun hotu no lingua hotu-hotu   (Daniel 7:13–14). Na'i Jesus bolu Nia an "Ema nia an oan-mane" iha nia Ministériu tomak   (Marco 2:10, 28; 8:31, 38; 9:9, 12, 31; 10:33, 45; 13:26; 14:21, 41).

Ababu/kalohan dala barak reprezenta Maromak.  Na'i Maromak lidera ema Israel sira iha rai-fuik maran hó ababu iha tempu loron  (Éxodus 13:21). Maromak mós uza ababu atu hatudu ba ema Israel sira katak Nia ko'alia hó Moisés (Éxodus 19:9; 24:15). Bainhira Tabernakél kompleta ona, Maromak falun Tabernakél hó ababu  (Númeru 9:15). Bainhira Salomão remata harii templu no bainhira saserdote sira lori Ark/arku aliansa nian tama ba fatin ne'ebé santu liu, Na'i Maromak hakonu templu hó ababu  (1 Reis 8:10). Iha tempu Na'i Jesus nian, ababu tun mai bainhira Na'i Maromak ko'alia ba Na'i Jesus iha foho leten bainhira Na'i Jesus halo transfigurasaun (Mark 9:7).

Ababu la'os de'it lori Maromak Nia mensajen maibé mós ser hanesan Maromak Nia kurtina. Ababu permiti Maromak halo interasaun direta atu taka netik Maromak Nia roman ne'ebé brillante (Exodus 33:20). Bainhira Na'i Jesus hatete katak Nia sei mai hó ababu Lalehan nian, nia hakarak hatete katak Nia sei mai hó Gloria Maromak nian: Katak Nia ne'e Maromak.

Na'i Jesus hatete Nia mak se loloos iha kondisaun ne'ebé la favoravél. Nia kolega trai Nia, ema kaptura Nia iha Jeruzalen nia li'ur. Agora nia iha konsellu ema Judeu sira nian "Sanhedrin"  hasoru julgamentu ikegál. La iha indikasaun ida katak Na'i Jesus iha autoridade, pozisaun ka kontrola situasaun.

Testamuña sira la kompriende tanba normalmente Na'i Jesus sempre kontrola iha situasaun saida de'it. Iha pasadu Nia hatete nanis ona katak "Aman hadomi haʼu  tanba haʼu mak entrega haʼu-nia moris,  atu nuneʼe haʼu bele hetan fali. La iha ema ida mak hasai haʼu-nia moris, haʼu rasik mak hakarak atu entrega ida-neʼe. Haʼu iha direitu atu entrega haʼu-nia moris, no haʼu iha direitu atu hetan fali ida-neʼe.  Haʼu simu mandamentu neʼe husi haʼu-nia Aman.” João 10:17-18

Na'i Jesus  opta atu ba Jeruzalen nafatin  (João 11:8–10).  Na'i Jesus husik Judas ne'ebé Diabu tama laran ona atu organiza Ninia kapturasaun iha kalan neebá (João 13:27). Na'i Jesus hili atu hela iha foho Olivet, besik Jeruzalen  (Mark 14:32), la'os iha sorin seluk, besik Betania, iha ne'ebé ema ne'ebé atu defende nia barak. Buat hotu la'o tuir planu  (Mateus 26:53). Katak Na'i Jesus tenke mate duni tuir dalan ne'ebé Nia hili rasik atu soi ita.

Na'i Jesus hadomi ita ona, liuhosi intrega nia moris mai ita iha foho kalvariu (João 3:16). Mai ita mós hadomi Nia liuhosi halo tuir Nia ukunfuan (João 14:15).

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Marco 14:62

Read More