Maromak omnipresent, omniscient no omnipotent.

Ita hahí Na'i Maromak liuhosi adora Nia.  Fasíl los ba ita atu adora Na'i Maromak bainhira iha bensaun barak iha ita nia moris no bainhira Na'i Maromak resposta ita nia orasaun. Loos duni, ita tenke adora Nia ba buat di'ak sira ne'ebé ita hetan, maibé inportante liu mak ita adora Na'i Maromak tanba "Nia Maromak duni". Na'i Maromak hatete "I am who I am" Éxodos 3:14.

Seráke ita hatene katak Na'i Maromak ne'e iha karakteristika prinsipál 3 hanesan : 
1. omnipresent,
2. omniscient, no
3. omnipotent?

Liafuan sira ne'e signifika saida? Liafuan omni mai hosi liafuan Latin ne'ebé signifika hotu-hotu (all). Liafuan sira ne'e la temi iha Bíblia, maibé liafuan sira ne'e deskrebe karakteristika Maromak nian.

Mai ita haree definisaun idaidak.

1. Omnipresent (Jeremias 23:24; Provérbios 15:3; 1Reis 8:27, etc)

Na'i Maromak Nia prezensa iha fatin hotu-hotu.
Na'i Maromak iha fatin ne'ebé de'it, iha tempu ne'ebé de'it, besik ba ema hotu no buat hotu.
Na'i Maromak hakonu Lalehan no  mundu.
Hanesan ema Kristaun, ita harohan  "Na'i Maromak mai horik hó ha'u ohin loron", orasaun ida ne'e hatudu ita nia presiza ba Maromak Nia prezensa, maibé tuir loloos, ita la presiza halo orasaun ida hanesan ne'e. Tanbasá? Tanba Na'i Maromak iha ne'e ona no iha fatin hotu-hotu iha tempu ne'ebé de'it. Ita Nia orasaun tuir loloos ne'e hanesan ne'e " Na'i, favór halo ha'u sente ita boot Nia prezensa iha ha'u nia moris"

2. Omniscient (Salmo 147:5; Salmo 139:4; 1João 3:20; Mateus 10:30 etc).

Na'i Maromak hatene buat hotu. Relasiona ho matenek, la iha limitasaun ba Maromak.
Na'i Maromak iha matenek hotu no Nia hatene buat hotu.
La iha detik/ segundu ida mak liu mak Na'i Maromak la hatene.
La iha buat ida mak Na'i Maromak presiza atu aprende ka presiza hanoin.
La iha buat ida mak halo Na'i Maromak surpreza, tanba Nia hatene buat hotu.
Ita haksolok tanba Na'i Maromak hatene ita nia presiza antes ita husu. Konsidera versu tuir mai:

"Maibé kuandu ó halo orasaun, keta repete beibeik liafuan neʼebé hanesan, hodi tuir toman husi nasaun seluk, tanba sira hanoin katak Maromak sei rona sira tanba sira uza liafuan barabarak. Tan neʼe, keta halo hanesan sira, tanba imi-nia Aman hatene saida mak imi presiza  antes imi husu ba nia. Mateus 6:7-8

3. Omnipotent (Daniel 4:35; Isaias 43:13; Isaias 14:27; Efeso 1:19; Apokalipse 19:6 etc).

Maromak ne'e iha podér hotu (Maromak poderozu).
Podér hotu partensi ba Maromak. Na'i Maromak mak na'in ba podér hotu.
Nia bele halo buat saida de'it no buat hotu.
Na'i Maromak nunka kolen no forsa nafatin ba nafatin.
Nia la presiza toba. Ita haree buat ne'ebé imposivél maibé ba Maromak buat hotu posivél (Lukas 1:37).

Mai ita adora Na'i Maromak iha tempu ne'ebé de'it no iha fatin ne'ebé deit. Bainhira ita la kompriende buat ruma kona-ba Maromak, hahí Nia liuhosi adorasaun iha espiritu no lia loos (João 4:23-24).

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Mateus 6:7-8

Read More

Oinsá ita hatene Na'i Maromak?

Ita hatene Na'i Maromak liuhosi halo tuir Nia ukunfuan sira. Se ita dehan hatene Na'i Maromak maibé lahalo tuir Nia ukunfuan sira, ita ema bosok-teen. Konsidera versu tuir mai:

"Se ita kontinua halo tuir ninia ukun-fuan sira, neʼe katak ita hatene ona nia. Ema neʼebé dehan: “Haʼu hatene ona nia”, maibé la halo tuir ninia ukun-fuan sira, ema neʼe bosok-teen, no lia-loos la hela iha ema neʼe". 1João 2:3-4.  Na'i Maromak Ninia ukun-fuan sanulu hakerek iha Éxodos 20:3-17

Inportante, iha ita nia moris atu koñese ita nia maluk sira maibé inportante liu atu koñese Maromak. Tanba se ita lahatene Na'i Maromak, Nia mós sei lahatene ita iha loron ikus (Mat 7:23).

Iha ita nia moris ita tenki fiar ba Na'i Maromak hó laran tomak.   Oinsá ita bele fiar Na'i Maromak hó laran tomak? Simples lahalimar: liuhosi koñese Nia.

Ita labele fiar ema ida ne'ebé ita la koñese. Dalan ida atu ita hatene Na'i Maromak mak liuhosi gasta tempu hó Nia, lee Bíblia, asosia ka sai kolega ho sira ne'ebé iha hadomi Maromak no entrega ita nia an tomak atu halo tuir Nia lia loos sira.

Bainhira atu aprende Na'i Maromak Nia karakter, Nia planu, Nia dalan, Nia planu no Nia domin ba ita ema ne'ebé hakerek iha Sagrada Bíblia halo fasíl mai ita atu fiar Na'i Maromak.

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

1João 2:3-4

Read More

Saida mak ita bele aprende hosi Apostolu Pedro?

Simão Pedro, mós koñesidu hanesan  Cefas (João 1:42) iha Bíblia mak ema peskadór bainbain ida.  Maibé, Na'i Jesus hili nia sai hanesan  ema estraordinariu iha Nia Ministériu. Lisaun mai ita mak ne'e, Na'i Maromak bele uza se de'it atu serbisu ba Nia mesmu ema ne'e la matenek tuir mundu nia sasukat.

Pedro, hafoin esperiensia milagre Na'i Jesus nian liuhosi kaer ikan ne'ebé barak, Pedro rekoñese katak nia ema  pekadór alias ema maksalak (Lukas 5:8).  Hafoin, Na'i Jesus hatete ba nia ...tuir Ha'u  no Ha'u sei halo ó peska ema” Mateus 4:19.  Pedro sai ema dahuluk ne'ebé la'o tuir Na'i Jesus.

Bainhira Na'i Jesus la'o iha bee leten, so Pedro mak ema ida ne'ebé sai hosi vero la'o ba hasoru Na'i Jesus (Mateus 14:29).  Pedro, ema ida ne'ebé iha entuasismu, forsa no hanesan Apostolu ne'ebé vokál.   Mesmu nune'e nia mós iha faillansu iha nia moris. Mesmu nune'e, Na'i Jesus sei nafatin hili Nia no kontinua forma nia  sai ema ida ne'ebé Nia hakarak. Lisaun mai ita mak, karik ita failla ka sidi iha ita nia moris, hamriik fali no kontinua la'o buka Maromak.

Pedro gaba an no hatete "Maski ema seluk hotu sidi tanba buat neʼebé akontese ba Ita, maibé haʼu sei nunka sidi!” Mateus 26:33. Bainhira ema konfronta nia iha momentu ema julga Na'i Jesus, nia nega katak nia lahatene Na'i Jesus  (Mateus 26:74). Maibé, bainhira Pedro hanoin Na'i Jesus Nia liafuan no la'o sai no tanis tristi los  (Mateus 26:75).

Hafoin Na'i Jesus moris hi'as, Simão Pedro fila fali ba nia serbisu uluk, hanesan peskadór. Maibé, Na'i Jesus mosu fali ba nia no repete milagre kaer ikan barak no fó han nia ho domin (João 21). Hafoin Na'i Jesus husu Pedro “Simão, João nia oan, ó hadomi haʼu liu fali sira-neʼe ka lae?” Nia hatán: “Loos, Naʼi, Ita hatene katak haʼu hadomi Ita.” Jesus dehan ba nia: “Fó-han ba haʼu-nia bibi-oan sira. João 21:15. Na'i Jesus husu Pedro dala tolu no halo nia kompriende konfirmasaun kona-ba obra ne'ebé nia tenke halo atu tau matan ba Na'i Maromak Nia bibi sira. Pedro sai lider ida ne'ebé boot no halo milagre boot hodi Na'i Jesus Nia naran.

Na'i Jesus perdua no restaura Pedro no haruka nia hala'o nia serbisu Na'i Maromak nian liuhosi haklaken Na'i Nia futarlia. Nune'e mós ita, bainhira ita ho onestu simu ita nia frakeza no husu Na'i Nia forsa, Na'i Maromak ne'e fiél no sei perdua ita nia sala hotu no restsura ita ho moris foun iha familia Na'i Maromak nian.

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

João 21.15

Read More