Ita moris ba se?

Tanba agora hau buka atu halo ema simu hau ka atu halo Maromak simu hau? Hau koko halo kontenti ema ka? Se hau koko halo kontenti ema, hau laos Kristu nia atan. Galásia 1:10

Saul iha buat hotu. Nia hatene ema ne'ebé loos, nia iha serbisu ne'ebé di'ak, no nia mai husi fatin ne'ebé di'ak. Maibé nia mak ema ne'ebé kontra Jesus nia dixipulu sira ho violénsia. Nia buka sira atu hatama ba komarka ka oho sira. 

Iha libru Apóstolu 9, ita lee katak Loron ida, Saul la'o daudaun iha sidade Damaskus hodi kaer Jesus nia dixipulu sira no lori sira ba Jeruzalein. Derrepente de'it Saul haree naroman iha ninia oin. Nia monu ba rai no rona Jesus husu: "Tanbasa mak ó fo-terus ha'u?" Hafoin hasoru Naroman ne'e, Saul sai matan-delek durante loron tolu. Maromak haruka Ananias kura Saul nia matan. 

Saul hasoru Jesus, no nia hahú muda ninia moris. Nia lakohi tan atu halo susar ba Jesus nia dixipulu sira, maibé nia hakarak tebes atu hamutuk ho sira! Ikusmai, Saul sai apóstolu Paulo, ne'ebé la'o dook ba fatin barak hodi fahe Evanjellu. Nia mós hakerek parte barak husi Testamentu Foun. 

Paulo nia moris foun la hanesan ho moris ne'ebé nia husik hela. Duke kaer pozisaun importante iha relijiaun, nia haklaken iha dalan ninin sira. Duke ema importante sira hatudu respeitu boot ba nia, dala barak ema du'un nia no hatama nia ba komarka. 

Maromak nia kbiit atu muda ema ne'ebé kontra Jesus no halo nia sai ema ne'ebé suporta maka'as ba Evanjellu! Paulo la hanoin oinsá atu gaña aprovasaun hosi ema importante sira ka atu simu konsiderasaun hosi ema ne'ebé importante sira. Nia hatete: "Maibee buat sira nebee uluk hau hanoin iha folin, agora hau sura nudar folin laek tanba Kristu" Filipe 3:7.

Karik ita sente katak susar ba ita atu muda Ita-nia hahalok? Ohin loron, hanoin ba katak Maromak ne'ebé halo Saul sai Paulo mak Maromak ne'ebé moris no ativu! No, Nia hakarak ajuda ita. Lori buat sira ne'ebé imi luta atu muda ba Maromak nia oin liuhusi orasaun, no haree oinsá Maromak serbisu!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Transformasaun

Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu. Roma 12:2 BK

Roma 12:2

Ita hakarak transformasaun ka lae? 

Iha mundu tomak, ema hakarak troka sira-nia moris. Ita hakarak atu hadook an husi toman ka dalan ne'ebé aat . Iha livru rihun ba rihun, podcast, artigu, média oioin eziste tanba razaun ida-ne'e. Ita hakarak muda! Maski nune'e, ita sinti hanesan imposivél! Paulo, Jesus nia dixipulu ida, hakerek lia-loos ne'e iha Roma 12: 2 "Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu"

Troka ita-nia hahalok liuhosi ita-nia hanoin signifika saida? 

Transformasaun mak mudansa boot ida. Ne'e mak buat ne'ebé di'ak tebes. Kompletu. Diferensa totál. Hanesan caterpillar ne'ebé sai barboleta. transformasaun ne'e halakon buat ne'ebé tuan no troka ho buat foun.

Roma 12:2

Paulo hatudu ba ita katak transformasaun la'ós serbisu ne'ebé ita halo husi li'ur. Transformasaun akontese husi laran. Ne'e hahú ho ita-nia hanoin. No atu ita bele troka ita-nia hanoin, ita presiza kaer metin lia-loos. 

Maromak nia Liafuan mak lia-loos ne'e (João 17:17).

 "Maromak huu sai Eskritura hotu, no Eskritura nee foo benefísiu hodi hanorin, hatudu sala, koriji no foo treinu iha moris loos, atu nunee Maromak nia ema bele sai hanesan tasak no kompletu ona atu halo buat diak hotu. 2 Timóteo 3:16-17

Tanba Maromak nia liafuan mak moris no iha podér, no kroat liu fali surik nebee kroat iha sor-sorin. Liafuan nee sei sona too fahe mos klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12

".......... Ema sei la moris liu hosi paun deit, maibee liu hosi liafuan ida-idak nebee sai hosi Maromak nia ibun" Mateus 4:4

Maromak nia Liafuan fó matadalan mai ita bainhira ita lakon, fo kman ita kuandu ita kole, no hasoru susar oioin, no enkoraje  ita kuandu ita lakon esperansa. Maromak nia Liafuanbele  muda buat hotu. 

Agora, ita kaer metin Maromak nia Liafuan iha ita-nia liman. Ita bele troka ita-nia hanoin. Lee didi'ak Biblia, ke'e kle'an versíkulu sira-ne'e, luta atu halo tuir ninia hanorin, no hafolin buat ne'ebé ita hatene kona-ba Maromak nia domin no laran-di'ak.

Fatin ne'ebé di'ak liu atu lori ita-nia hakarak atu sai foun mak ba Maromak no ninia Liafuan. Maromak nia Liafuan hafoun fali ita-nia neon. Transformasaun iha laran hahú iha ne'e.

Roma 12:2

Click  atu rona no haree aprezentasaun video kona-ba devosaun ne'e.

Aprezentasaun: Transformasaun 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Mensajen Tinan Foun 2025

Família no belun doben sira, 

Ita hakat tama ba tinan 2025, ami-nia laran nakonu ho agradese ba imi hotu. Tinan foun ne'e lori oportunidade, dezafiu no bénsaun foun, no ami hakarak fó korajen ba ita atu la'o ba oin ho fiar no esperansa. 

Bíblia fó-hanoin ita iha Isaias (Yesaya) 40:31 hanesan tuir mai "maibee sira nebee hein Nai sei hetan forsa foun, sira sei sae ho liras hanesan makikit nian; sira sei halai no la sai kole, sira sei lao no la sai fraku". La prekupa dezafiu saida mak Hein ita iha futuru , maibé Maromak sempre iha kbiit atu ajuda ita. 

Saida mak akontese iha moris dala barak ita la bele halo predisaun, maibé Maromak nia promesa sira kontinua metin nafatin. Bainhira ita hasoru tinan foun Ida ne'e hamutuk, mai ita hanoin Maromak Ninia Liafuan iha Filipe 4:13 ne'ebé dehan: "Hau bele halo buat hotu iha Nia nebee foo kbiit mai hau" Maski iha situasaun ne'ebé susar ka difisil, Maromak nia laran-di'ak sufisiente ba ema hotu ne'ebé presiza. 

Ami mós fó korajen ba imi atu hala'o ita-nia atividade loron-loron ho domin no laran-di'ak. Hanesan 1 Korinto 16: 14 hatete: "Matan moris ba, hamriik metin iha fiar, lao nudar mane, sai forti ba" Mai ita valoriza ita-nia relasaun ho ema seluk, fó perdua ho laran, no tane malu hanesan Maromak bolu ita atu halo.

Tinan ida-ne'e, mai ita hotu hakbesik liután ba Maromak no ba malu. Mai ita tau fiar ba ninia planu ne'ebé perfeitu, tanba ita hatene katak Maromak hamutuk ho ita iha dalan hotu. Liafuan iha Proverbios 3: 5-6 hatete: "Fiar ba Nai ho o nia fuan laran tomak, no keta sadere ba o nia kompriensaun rasik.Iha o nia dalan hotu, hanoin ba Nia, no Nia sei diriji o nia dalan sira.

Ho domin no orasaun ba bénsaun iha tinan 2025

 Familia Amaral.

Read More