Transformasaun

Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu. Roma 12:2

Ita hakarak sai foun ka lae? 

Iha mundu tomak, ema hakarak troka sira-nia moris. Ita hakarak atu hadook an husi toman ka dalan ne'ebé aat . Iha livru rihun ba rihun, podcast, artigu, média oioin eziste tanba razaun ida-ne'e. Ita hakarak muda! Maski nune'e, ita sinti hanesan imposivél! Paulo, Jesus nia dixipulu ida, hakerek lia-loos ne'e iha Roma 12: 2 "Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu"

Troka imi-nia hahalok liuhosi imi-nia hanoin katak sá? 

Transformasaun mak mudansa boot ida. Ne'e mak buat ne'ebé di'ak tebes. Kompletu. Diferensa totál. Hanesan caterpillar ne'ebé sai barboleta. transformasaun ne'e halakon buat ne'ebé tuan no troka ho buat foun.

 Paulo hatudu ba ita katak transformasaun la'ós serbisu ne'ebé ita halo husi li'ur. Transformasaun akontese husi laran. Ne'e hahú ho ita-nia hanoin. No atu ita bele troka ita-nia hanoin, ita presiza kaer metin lia-loos. 

Maromak nia Liafuan mak lia-loos ne'e. 

 "Maromak huu sai Eskritura hotu, no Eskritura nee foo benefísiu hodi hanorin, hatudu sala, koriji no foo treinu iha moris loos, atu nunee Maromak nia ema bele sai hanesan tasak no kompletu ona atu halo buat diak hotu. 2 Timóteo 3:16-17

Tanba Maromak nia liafuan mak moris no iha podér, no kroat liu fali surik nebee kroat iha sor-sorin. Liafuan nee sei sona too fahe mos klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12

".......... Ema sei la moris liu hosi paun deit, maibee liu hosi liafuan ida-idak nebee sai hosi Maromak nia ibun" Mateus 4:4

Maromak nia Liafuan fó matadalan mai ita bainhira ita lakon, hametin ita kuandu ita sai kole, no hasoru susar oioin, no fó laran-manas mai ita kuandu ita sai kole. Maromak nia Liafuan troka buat hotu. 

Agora, ita kaer metin Maromak nia Liafuan iha ita-nia liman. Ita bele troka ita-nia hanoin. Lee didi'ak Biblia, ke'e kle'an versíkulu sira-ne'e, luta atu halo tuir ninia hanorin, no hafolin buat ne'ebé ita hatene kona-ba Maromak nia domin no laran-di'ak.

Fatin ne'ebé di'ak liu atu lori ita-nia hakarak atu sai foun mak ba Maromak no ninia Liafuan. Maromak nia Liafuan hafoun fali ita-nia neon. Transformasaun iha laran hahú iha ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷