Deskansa: Prezente husi Maromak

Depois Nia hatete ba sira, “Maromak halo loron Sabdu ba ema, laos ema ba loron Sabdu.” Marcos 2:27

Versikulu ida ne'e fó-hanoin ba ita kona-ba esensi hosi loron sabadu - prezente hosi Maromak ne'ebé dezeña ba ita-nia benefisiu. Loloos , loron Sabadu labele sai todan ka rekerementu legalistik ida maibé hanesan oportunidade sakrál ida atu deskansa, dezenvolve ligasaun ho Maromak, no hakle'an ita-nia relasaun ho Maromak no ema seluk.

Biblikamente, loron Sabadu sai nu'udar símbolu ba Maromak nia domin no Ninia kuida ba Ninia ema sira. Loron sábado estabelese iha tempu Kriasaun (Jenesis 2: 1-3) nuudar loron deskansa. 

"Nunee lalehan no rai kompletu ona, ho buat hotu nebee iha laran nee. Iha loron hitu, Maromak nia servisu nebee Nia halo remata ona. Nunee Nia deskansa iha loron hitu hosi Ninia servisu hotu nebee Nia halo ona. Maromak foo bensaun ba loron hitu, Nia halo loron nee santu, tanba iha loron nee Nia deskansa hosi Ninia servisu hotu nebee Nia halo iha kriasaun nee" Jénesis 2:1-3 BK

Loron sábado la'ós de'it tempu atu renova ita-nia moris fizikamente, maibé mós hanesan tempu reflesaun espirituál no komuñaun ho kriadór. Kuandu Jesus ko'alia liafuan sira-ne'e iha Marcos 2:27, nia klarifika objetivu ne'ebé loos husi loron Sabadu, Jesus kontra ema farizeu sira-nia hahalok ne'ebé legalistik. Ema Farizau sira halo fali observasaun loron sábado sai fali lista kona-ba buat ne'ebé sira bele halo no buat ne'ebé labele halo. Nune'e ema Farizeu sira la komprende esensi loloos hosi loron sábado.

Loron Sabadu nu'udar tempu atu ita tau ses ita-nia laran-susar no serbisu semanal nian, hodi fokus liu kona-ba Maromak nia prezensa no bénsaun sira. Loron sábado hanesan tempu atu hetan ksolok, adorasaun no amizade. Loron sábado fó-hanoin ita kona-ba Maromak nia kbiit iha kriasaun, ninia knaar nu'udar ita-nia redentor, no ninia promesa atu restaura Ninia reiñu rohan-laek. 

Mai ita haree loron Sabadu nu'udar prezente no grasa, loron deskansa iha Maromak nia domin no hakle'an liután ita-nia relasaun ho Nia. Biarba loron sábado fo hanoin ba ba ita kada semana katak ita-nia valór moris la'os de'it bazeia ba saida mak ita halo, maibé atu sai Maromak Nia oan doben sira.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Kadi hahalok

Besi kadi besi, no ema ida kadi ninia belun nia hahalok. Provérbiu 27:17 BK

Iha versikulu ida Iliha Proverbios ne'ebé dala barak ema sira/temi bainhira refere ba amizade no kazamentu... 

 "Besi kadi besi, no ema ida kadi ninia belun nia hahalok" Provérbiu 27:17 BK

Loos, ita hakarak fó korajen ba malu, fó laran-manas ba malu, no kadi malu emosionalmente, fizikamente, no espirituálmente. Maibé kuandu ita hanoin kona-ba versíkulu ne'e nia implikasaun, versíkulu ne'e la'ós buat foun ida. 

Besi sai kro'at liuhusi prosesu manas, kadi, kose no tesi. Bainhira ema baku tiha besi, besi ne'e forma sai buat ne'ebé furak, ho iha funsaun no di'ak liu fali uluk. 

Prosesu kadi ne'e iha ojetivu Ilida maibé prosesu ne'e halo ita sente moras. Intensaun hosi frisaun (kose ba malu entre besi) rezulta ba ema ida atu sai pura liu, forte liu, no karakter ne'ebé kro'at liu. Ita lahetan kadi hosi ema ne'ebé ema ne'ebé hanoin ladi'ak maibé hosi ema sira ne'ebé hadomi ita, sira ajuda ita atu hasai hahalok aat hosi ita no halo ita tuir hahalok ne'ebé Maromak hakarak. 

Ita bele hetan kadi hosi mentór sira, pastor sira, entre feen ka laen sira, mestre sira no kolega sira. Maibé ita mós bele hetan kadi hosi espíritu santu, parte ida husi Trindade, ida ne'ebé halo serbisu atu hadi'a ita sai loos. Espíritu santu mak hanesan serbisu-nain ne'ebé professional, ne'ebé hadi'a ita-nia karakter sai loos. 

 "Besi kadi besi, no ema ida kadi ninia belun nia hahalok"

Kuandu ita entrega ita-nia an ba Maromak nia serbisu atu hadi'a ita-nia moris, ita bele ajuda ema seluk atu haree Maromak Nia serbisu iha sira-nia moris rasik. Entaun ohin loron, permiti Maromak kadi ita. Husu ba Maromak atu hatudu buat ne'ebé ita presiza hadi'a iha ita-nia moris no intrega ba Maromak atu muda.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Sakrifísiu hahi'i nian

Keta haluha atu halo diak no atu fahe buat nebee ita iha. Tanba Maromak kontenti kona ba sakrifísiu hanesan nee. Ebreu 13:16 BK

Serake Ita hanoin ona kona-ba oinsá mak Ita-nia moris bele fo ksolok ba Maromak? Iha Eskritura laran tomak, ita aprende oinsá mak ita bele uza ita-nia moris hodi halo Maromak kontente. Tuir loloos, Maromak kria ita atu halo nia kontente. 

Tanba ita hetan ona moris foun iha Kristu, no ita hetan ona Maromak nia grasa, ita presiza halo Maromak kontente. Tanba Maromak fó ona buat hotu iha ita-nia moris, ita tenke fó buat hotu ne'ebé ita iha ba Nia. 

Autór Ebreu hatete katak iha dalan rua mak ita bele halo hodi halo Maromak kontente. Primeiru mak iha Ebreu 13:15 "Nunee liu hosi Nia, mai ita oferese nafatin sakrifísiu nebee hahii Maromak, nebee liafuan hosi ibun nebee foo sai Ninia naran"

Hakerek-nain ne'e hatete katak ita-nia sakrifísiu primeiru ba Maromak mak atu hahi'i nia. Ida ne'e mak bíblia bolu nu'udar "hahi/adorasaun". 

Adorasaun mak orientasaun ita-nia moris tomak ba Maromak tamba buat hotu ne'ebé Nia halo ona ba ita. Ita bele adora Maromak la'ós de'it liuhusi knananuk sira ne'ebé ita kanta, maibé mós liuhusi oinsá hala'o ita-nia moris loronloron.

Ebreu 13: 16 hatete ba ita dalan seluk tan atu halo Maromak kontente: liuhosi hadomi ema seluk. Kuandu ita hadomi ema seluk, ita hatudu domin ne'ebé Maromak iha ba sira. Tan ne'e mak importante atu haree oinsa ita trata ema seluk iha ita-nia moris loronloron.

Ita-nia asaun sira sai hanesan reflesaun kona-ba oinsá Maromak hadomi ona ita. No tanba Maromak hadomi ona ita, ita tenke halo buat di'ak ba ema sira ne'ebé hale'u ita. 

Dalan rua ne'e mak ita bele halo hodi fó ksolok ba Maromak: liuhusi adora Maromak no hadomi ema seluk. Ida-ne'e hanesan ho buat ne'ebé Jesus hatete iha Mateus 22:36-40.

 "Mestri, ukun fuan ida nebee mak boot liu iha Lei?” Jesus dehan ba nia, “‘O sei hadomi Nai, o nia Maromak, ho o nia laran tomak, o nia klamar tomak, no o nia neon tomak.’ Ida nee mak ukun fuan uluk liu no boot liu. No ida segundu mak hanesan ida nee, ‘O sei hadomi o nia maluk hanesan o nia aan rasik.’ Lei no Profeta sira hotu nia huun mak ukun fuan rua nee”Mateus 22:36-40 BK

Nia halo sumariu ida katak ita tenke hadomi Maromak no hadomi ema seluk. Ita hadomi Maromak liuhusi adora Nia no hahi'i Nia. Ita hadomi ema seluk liuhusi hatudu hahalok-di'ak ba sira no fahe buat ne'eba ita iha ho sira. 

Oinsá mak Ita hatudu domin ba Maromak no hadomi ema seluk? Serake ita gasta tempu loroloron iha Eskritura no orasaun hodi hahi'i Maromak? Se ita la hadomi uluk Maromak, ita la bele hadomi mós ema seluk iha ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More