Maromak halo ita dezezu halo buat ne'ebé halo Nia kontenti

Tanba Maromak mak halo imi atu hakarak no mos atu halo duni buat nebee halo Nia kontenti. Filipe 2:13 BK

Hanoin to'ok kona-ba ne'e: Maromak mak kria ita. Maromak tau ita iha ne'e iha tempu espesifiku iha istória laran. Maromak iha planu no ojetivu ba ita-nia moris. 

La'ós ne'e de'it, maibé nia fó kakutak ida-ne'ebé bele hanoin, fuan ne'ebé baku, no pulmaun ne'ebé dada is. Nia fó ba ita talentu no abilidade, esperansa no dezezu. Nia fó tilun no matan, muskulus no ligamen ba ita. No nia tau ita iha planeta ne'e iha pozisaun ne'ebé di'ak liu iha ita-nia sistema solar atu bele moris. 

Ita mak parte ida husi Maromak nia planu. 

Buat ne'ebé furak tebes husi Maromak nia planu mak Maromak hili atu serbisu liuhusi ninia povu... 

"Tanba Maromak mak halo imi atu hakarak no mos atu halo duni buat nebee halo Nia kontenti" Filipe 2:13 BK

Buat hotu hahú ho Maromak no mai husi Maromak. Maibé ita tenke hili se ita hakarak rona ba ninia espíritu no la'o tuir Maromak nia matadalan, ka haluha/ignora nia. Ita bele deside se ita sei halo tuir Maromak nia hakarak, ka koko halo tuir de'it ita-nia hakarak. 

Buat hotu Maromak mak halo hotu, maibé Nia mós serbisu iha no liuhusi Ninia povu, tuir Nia hakarak. 

Ba ita sira ne'ebé partensi ba Kristu, ita nakonu ho Ninia espíritu, la'ós tan sai atan ba sala ka ba mundu ne'e. Ita iha ona kbiit atu la'o tuir Maromak. Maibé Nia fó mehi foun sira no dezezu, hanoin no kbiit, no laran-sadi'a duke hanoin an de'it. 

Tan ne'e, se ita hanoin kona-ba bénsaun ka korajen ba ema seluk, keta husik tiha ideia ne'e liu let de'it. Se derepente de'it ita iha dezezu tebes atu fahe Ninia mensajen, atu serbí ema seluk, atu fó ho laran-luak, ka atu hatudu Maromak Ninia domin, fó atensaun tamba Ida ne'e Maromak ko'alia hela ho ita atu halo buat sira ne'e.

Karik ida ne'e akontese, Maromak nia espíritu mak fó kbiit no hakarak atu halo buat ne'ebé halo nia kontente.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ema sai loos tamba Kristu

Maromak halo Nia nebee la hatene sala atu sai sala tanba ita, atu nunee iha Nia ita bele sai hahalok loos Maromak nian. 2 Korinto 5:21 BK

Ojetivu kle'an liu hosi umanidade ida mak buka-hatene sira-nia identidade - ita hakarak hatene se mak ita! Dala barak ema koko atu buka-hatene sira-nia identidade hosi fonte mundu ne'e. Maibé bainhira ita buka validasaun iha fonte temporáriu mundu nian no espera katak sira sei define ita-nia identidade, ita sei la hetan.

Iha 2 Korinto 5:21, apóstolu Paulo deskrebe identidade eternal ida ne'ebé Na'i Jesus Kristu fo. "Maromak halo Nia nebee la hatene sala atu sai sala tanba ita, atu nunee iha Nia ita bele sai hahalok loos Maromak nian"

Jesus foti pekadu nia todan hotu - absorbe pekadu nia konsekuensia - maibé nia la halo sala ida. Nia halo ida-ne'e atu nune'e ita bele iha rekonsiliasaun ho Maromak ho ita-nia identidade ne'ebé define hosi Kristu nia loos, la'os ita-nian, mós la'os mundu ne'e nian. Liuhosi Jesus Ninia sakrifisiu, Nia fo ona identidade no ojetivu foun ba ita.

Ita-nia dezezu atu hetan identidade so bele hetan iha Kristu. Ita simu Maromak nia hahalok loos. No iha Maromak, ita-nia identidade sei seguru ba nafatin. 

Ohin loron, hanoin to'ok oinsá mak lia-loos ne'e forma it-nia valor. Serake ita buka validasaun mundu nian, ka ita deskansa iha Jesus nia hahalok loos? Oinsá mak hatene ita-nia identidade bele troka ita-nia hanoin kona-ba oinsá ita haree ita-nia an no halo interasaun ho mundu ne'e?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hun ba buat hotu

Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida. João 15:4-5

Hateke hale'u... 

Buat hotu ne'ebé ezisti kria ona ho dezeñu ne'ebé furak: Lalehan, ai-huun, foho, tasi. animál sira, ema, buat ne'ebé haree no la haree. 

Ita bele dada-is tanba Maromak fo ona pulmaun, oksijen no ambiente ne'ebé bele sustenta moris. Ita bele la'o ba mai tanba ita hetan ona muskulus, tendon, no kakutak ne'ebé fó instrusaun ba ita-nia isin. Ita bele hanoin, mehi, planeia, kria, harii, tanba Maromak fo ona dezezu, matenek, no materiál sira. 

Tan ne'e, se ita hakarak moris ne'ebé iha valor, moris ne'ebé iha legacy ka memoria di'ak, ita tenke iha ligasaun nafatin ho fonte ba moris nian. Jesus hatete nune'e ho ai-knanoik ida-ne'ebé ninia rona-nain sira hatene: 

 "Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida" João 15:4-5 BK

Kuandu Jesus hatete: "Hau mak uvas-hun," nia halo deklarasaun ida. Nia dehan katak Nia mak hun ka fonte - ba buat hotu ne'ebé kria ona tamba Nia mak iha poder atu fo moris ne'e.

Tamba ne'e, se ita dezezu atu hetan lia-loos ne'ebé reál, ba sabedoria ne'ebé puru, ka atu halo diferensa eternal iha mundu ne'e, hakbesik an ba Maromak, tanba buat ne'ebé folin-boot ka merese atu halo hahú ho Jesus.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More