Maromak nu'udar Ita-nia Kriador

Horiuluk kedas Maromak kria lalehan no rai. Jénesis 1:1 TMF

Serake ita pernah pauza atu refleta kona-ba Maromak nu'udar Ita-nia Kriador? 

Maromak la hanesan ho buat seluk ne'ebé ita hatene iha pasadu, agora ka buat sira ne'ebé sei mai. Nia mesak de'it mak bele sustenta buat ne'ebé nia kria ona. No nia mesak de'it mak bele kria, hodi ko'alia de'it no buat hotu ezisti. 

Liafuan "Jenesis" katak "hahu", no ne'e mak lifuan ne'ebé ita lee kona-ba Maromak nia kriasaun iha inisiu. Se ita ke'e kle'an liután iha Eskritura nia pájina sira, ita bele aprende kona-ba podér ida ne'ebé mak Maromak uza hodi kria. 

Purezemplu João 1: 1-3: "Hahuu fo-foun, Liafuan iha nanis ona. No Liafuan nee hamutuk ho Maromak. No Liafuan nee mak Maromak. Nia hamutuk ho Maromak hori uluk kedas. Maromak halo buat hotu-hotu liu hosi Nia. Maromak la halo buat ida ketak hosi Nia"

Ka Koloso 1:16: "Tanba Maromak kria buat hotu liu hosi Nia, buat nebee iha lalehan no iha mundu, buat nebee ita bele haree no la bele haree, inklui kadunan sira, ukun sira, nai ulun sira no podér sira. Maromak kria buat hotu liu hosi Nia no tanba Nia"

Autór libru Ebreu asegura ba ita katak "Liu hosi fiar mak ita kompriende katak Maromak nia liafuan kria buat hotu, atu nunee Nia halo buat nebee ita haree hosi buat nebee ita la haree" Ebreu 11:3 BK

"Liafuan" ne'e mak Jesus Kristu, no liuhusi Nia mak Maromak halo buat hotu mosu. Maromak nia promesa hotu kona-ba redensaun ka salvasaun sei kumpri liuhosi "lia-fuan" ne'ebé hanesan - Jesus Kristu. 

Refleta to'ok lia-loos ne'e iha momentu balu: podér ne'ebé "ko'alia" de'it no uiverso no buat hotu mosu mak podér ne'ebé hanesan atu salva buat hotu ne'ebé Maromak promete ona. 

Ohin loron, uza tempu balu atu hanoin didi'ak kona-ba Maromak nia knaar nu'udar Kriador, no permiti ida ne'e fo esperansa boot ba ita. Tanba Nia la'ós de'it kriador baibain, Nia mak ita-nia Kriador, no Nia kaer metin universu no kaer metin ita-nia moris iha Ninia liman.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Halo buat hotu ba Maromak Nia glória

Entaun, se imi haan ka hemu, ka iha buat hotu nebee imi halo, halo buat hotu-hotu ba Maromak nia glória. 1 Korinto 10:31 BK

Halo desizaun ne'e la fasíl

Bainhira ita koko atu foti desizaun ne'ebé perfeitu, to'o ikus no dala barak la akontese. Maski ita sempre halo orasaun hodi hatene ita-nia hakat tuir Maromak nia Liafuan no ninia dalan sira, maibé dala ruma mós ita la konsege.

Iha apóstolu Paulo nia karta primeiru ba ema kristaun iha Korinto, nia ko'alia kona-ba ai-han, kona-ba saida mak sira bele no labele han. Apóstolu Paulo dehan: 

 "Entaun, se imi haan ka hemu, ka iha buat hotu nebee imi halo, halo buat hotu-hotu ba Maromak nia glória" 1 Korinto 10:31 BK

Maski eskritura ne'e ko'alia kona-ba ai-han, maibé ninia prinsípiu bele aplika ba buat hotu iha ita-nia moris. Desizaun saida de'it mak ita halo, halo de'it atu fó glória ba Maromak. Nune'e, ita bele halo ita-nia konxiensia sai klaru. 

Fo gloria ba Maromak iha situasaun hotu. Bainhira ita prepara hela hahán ka halo negósiu ruma. Bainhira ita halimar desportu ka harii uma. Bainhira ita lidera ekipa ida ka kuida labarik sira. Bainhira ita lao, tur ka bainhira ita tau matan ba ema vulneravel sira, etc.

Saida de'it mak ita halo - ita-nia dezezu prinsipál mak tenke hadomi Maromak no hadomi ema seluk, no iha desizaun hotu-hotu tenke demonstra domin ne'e. Tan ne'e, ohin loron, husu ba ita-nia an: Desizaun ne'e fó glória ba Maromak ka lae? Desizaun ne'e nakonu ho integridade ka lae? Serake ema seluk bele haree Maromak Ninia karakter liuhusi ha'u-nia moris ka lae? Serake ha'u-nia desizaun sei halo ema hakbesik liután ba Maromak ka halo sira dook husi Nia? 

Maski ita iha situasaun saida de'it, Maromak fó ona Ninia Liafuan, Ninia Espiritu Santu no ninia povu atu ajuda ita hatene buat ne'ebé loos. Tan ne'e, kuandu ita foti desizaun, mai ita buka atu fó gloria ka hahi'i ba Maromak, no tau fiar ba Nia iha ita-nia desizaun hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Fó buat ne'ebé Ita hetan ho gratuita

Maluk doben sira, se Maromak hadomi ita iha dalan hanesan neʼe, entaun ita mós iha obrigasaun atu hadomi malu. 1 João 4:11 TMF

Ema kristaun tenke sai ema ne'ebé hadomi na'in iha planets ida ne'e. Ita simu ona prezente furak husi Maromak. Ita la'ós de'it hetan salvasaun no moris rohan-laek, maibé ita simu ona prezente husi Maromak - mak Nia domin. 

Maibé ida-ne'e la dehan katak ema hotu fasil atu ita hadomi! Ita barak involve iha relasaun moris nian ne'ebé difisíl no komplikadu. Maibé, eskritura enkoraje ita atu hadomi ema sira ne'ebé haleu ita iha oportunidade hotu.

Aman Maromak, fó ba ita ar livre ne'ebé uza hodi dada is. Na'i Jesus lori ita ba Nia an atu nune'e Ninia kbiit bele salva ita. Maromak Nia Espiritu moris iha ita-nia laran no fó kbiit mai ita atu halo buat di'ak hotu. Buat sira-ne'e hotu Maromak fó ona ba ita gratuita.

Tanba ita simu ona Maromak Ninia domin no laran sadi'a, ita mós tenke hadomi ema seluk ho maneira ne'ebé hanesan. Kuandu ita hadomi ema seluk ho maneira ne'ebé hanesan Maromak hadomi ita, ita hatudu evidénsia boot liután katak ita mak Maromak nia oan. 

Se ita Falla ka la hadomi ema sira ne'ebé hale'u ita, ita mós falla hatudu Maromak Ninia domin ba ema. Ita labele rai ba ita-nia an de'it buat ne'ebé Maromak fó mai ita ho gratuita, maibé tenke fahe mós ho ema seluk. Hadomi ema seluk la signifika katak ita voluntarimente permiti ema seluk atu halo at ba ita, ka konkorda ho ema seluk nia estilu moris ka moris tuir mundu nian. Maibé Ida ne'e signifika, katak ita presiza uza oportunidade hotu atu hadomi sira hanesan Maromak hadomi sira. 

Ohin loron, hanoin kona-ba Maromak nia domin ne'ebé ita simu ona liuhusi Kristu, no hakerek pasu simples balu ne'ebé ita bele halo hodi hatudu domin ba ema ne'ebé Maromak tau iha ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More