Sabedoria husi Maromak

Fiar ba Nai ho o nia fuan laran tomak, no keta sadere ba o nia kompriensaun rasik. Iha o nia dalan hotu, hanoin ba Nia, no Nia sei diriji o nia dalan sira. Provérbiu 3:5-6 BK

Se ita-boot sira halo viajen ba fatin foun ruma ne'ebé ita nunka ba, ita-boot sira hatene katak importante tebes atu iha mapa. Mapa sira-ne'e ajuda ita atu halo navigasaun ba área sira ne'ebé ita la hatene. Hanesan ne'e mós, Maromak nia Liafuan ajuda ita atu la'o liuhusi tempu ne'ebé ita la hatene. Maromak Ninia lia-fuan hatudu Ninia sabedoria, ne'ebé importante tebes atu dirije ita-nia moris. 

Livru Proverbios nakonu ho sabedoria ka matenek kle'an no koñesimentu ne'ebé ajuda ema atu moris tuir Maromak nia hakarak. Ida-ne'e hahú liuhosi rekoñese katak buat hotu hahú ho Maromak. 

Tanba Maromak mak kriadór ba moris, Nia hatene dalan saida mak ita-nia moris tenke tuir. Tuir Proverbio, ita-nia knaar mak buka Nia no tau fiar ba Nia. Tau fiar ba Maromak katak ita iha relasaun di'ak ho Nia no fiar katak Nia hatene saida mak di'ak liu ba ita. 

Bainhira ita tau fiar liután ba Maromak no submete ita-nia moris ba Nia, ita sei moris tuir Ninia hakarak. Proverbio 3: 6 hatete katak kuandu ita submete ba Maromak nia sabedoria iha ita-nia dalan hotu, Nia sei dirije no gia ita. Agradese tamba, Maromak fó ona Sagrada Eskritura atu hatudu mai ita saida mak Maromak Ninia hakarak. 

Tan ne'e mak importante tebes atu lee Maromak nia Lia-fuan loroloron no hatene didi'ak buat hotu ne'ebé Nia hatete, atu nune'e ita bele tau fiar ba Maromak atu direji iha ita-nia dalan moris nian hotu. 

Foti tempu balu, atu halo orasaun kona-ba diresaun ita-nia moris. Se iha situasaun ruma ne'ebé ita la serteza, husu Maromak atu fó matenek ka sabedoria ba ita. Husik Nia dirije Ita-nia dalan sira. Halo toman an atu lee Ninia Lia-fuan, atu nune'e ita bele iha sabedoria atu hala'o ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Krese iha domin no sabedoria

No hau halo orasaun katak imi nia domin bele aumenta ba beibeik ho matenek no kompriensaun hotu, hodi imi bele hatene lo-loos saida mak diak liu. Nunee imi bele sai moos no la iha sala iha Kristu nia loron. Filipe 1:9-10 BK

Iha versíkulu sira-ne'e, apóstolu Paulo hato'o orasaun furak ba ema kristaun sira iha Filipe. Nia harohan katak sira-nia domin sei kontinua aumenta. Maibé domin ne'e la'ós de'it kona-ba sentimentu. Apóstolu Paulo hakarak sira-nia domin, koñesementu no sabedoria atu krese ka sai buras.

Nu'udar ema kristaun, importante tebes atu hadomi ema seluk. Maibé importante mós atu krese iha sabedoria ka matenek kle'an kona-ba Maromak Ninia dalan sira. Kuandu ita hatene didi'ak Maromak liuhusi ninia Liafuan, ita bele hadomi liután Maromak. Domin hanesan ne'e ajuda ita atu halo desizaun ne'ebé di'ak liu iha ita-nia moris loronloron. Ne'e ajuda ita atu hatene saida mak loos no saida mak di'ak liu iha ita-nia moris loronloron. Kuandu ita krese iha domin no sabedoria iha ita-nia moris, Ida ne'e halo Maromak kontente liután.

Na'i Jesus promete sei fila fali mai mundu ne'e (lee iha João 14:1-3). Nune'e Apóstolu Paulo mós hakarak ita atu sai "moos no la iha sala" bainhira Jesus fila fali mai mundu ida ne'e. Ida-ne'e signifika moris iha dalan ne'ebé fó glória ba Maromak no hasees an husi sala sira. Sala mak kontra Maromak Ninia ukun-fuan sira (1 João 3:4). Ita la bele hases an hosi Sala uza ita-nia forsa mesak de'it, maibé ho Maromak nia ajuda, ita bele kontinua krese espiritualmente loroloron. 

Mai ita halo ida ne'e sai mós ita-nia orasaun hodi dehan: "Nai, ajuda hanorin mai ami ita-nia dalan loos sira. Fo mai ami kompriensaun, atu nune'e ami sempre hili buat ne'ebé loos no di'ak liu tuir ita boot Ninia hakarak. Ajuda ami atu moris ho laran-moos no fiél, atu halo Ita kontente" 

Reflesaun: 

Husu Maromak atu ajuda ita atu haburas domin no matenek. Hanoin to'ok kona-ba dalan ida-ne'ebé ita bele hatudu domin ne'ebé matenek no laran-di'ak ba ema seluk iha semana ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

TREINAMENTU BA ETERNIDADE

Tanba treinu ita nia isin foo benefísiu uitoan, maibee moris tuir Maromak sei foo benefísiu iha buat hotu, tanba treinu nee iha promesa ba moris agora no mos ba moris nebee atu mai. 1 Timóteo 4:8 BK

Iha mundu ohin loron, ema-nia atensaun barak foka ba saúde fiziku hanesan dieta, la'o, no halo fitness. Loos duni, ita-nia isin mak prezente husi Maromak, no tau matan ba ita-nia isin fó glória ba Maromak. Maibé apóstolu Paulo fó-hanoin Timoteo no ba ita katak, maski treinu fiziku fó benefísiu, maibé ida-ne'e iha limitasaun. Ninia valor remata iha rate laran. Pelu kontrariu, treinu atu moris tuir Maromak nia hakarak - moris ne'ebé refleta Kristu sei rezulta ba moris rohan-laek.

Moris tuir Maromak Ninia hakarak (godliness) mós involve moris ho dixiplina. Ita bele haburas hahalok ne'e liuhusi tempu ne'ebé ita gasta ba lee Maromak Ninia lia-fuan (Biblia), orasaun, relasaun di'ak ho ema seluk, no obedese ba Maromak Ninia ukun-fuan sira. La hanesan ho ema ne'ebé sai membru ba gym ida, moris tuir Maromak Ninia hakarak la'ós de'it forma ita-nia isin sai furak, maibé forma ita-nia hahalok, ita-nia karakter, ita-nia desizaun, ita-nia relasaun ho Maromak no ema. Ne'e la'ós de'it ajuda ita atu hasoru susar oioin iha ita-nia moris iha mundu ne'e de'it, maibé mós ba moris rohan-laek nian. 

Hanoin to'ok kona-ba ita-nia moris espirituál nu'udar ita-nia isin/muskulu. Bainhira ita treinu liután ita-nia fé sai forsa no sei metin liután. Moris tuir Maromak Nia hakarak iha impaktu ba ita-nia dame/pas, ita-nia ojetivu moris, no ita-nia ksolok - agora no ba moris rohan-laek nian. No ida-ne'e asegura ita-nia ksolok eternal nian. 

Entaun, loos, ba halo esersiziu hanesan halai, han di'ak, tau matan ba ita-nia isin. Maibé keta haluha moris espirituál nian. Tau ita-nia neon ba buat ne'ebé lori ita ba moris rohan-laek nian. Hili hahalok ne'ebé hametin ita-nia moris ho Maromak. Loron ida, ita sei kontente tamba ita halo ona ida-ne'e, Tamba treinamentu ida ne'e la'ós de'it forma its-nia moris iha mundu ne'e, maibé mós kona-ba oinsá prepara ita ba moris rohan-laek nian. 

Orasaun: Nai, ajuda ami atu treinu loroloron oinsa bele moris tuir Maromak Ninia hakarak. Hanorin ami atu hafolin buat ne'ebé sei lori ami ba moris rohan-laek. Forma ami atu sai ema ne'ebé refleta Jesus iha area hotu iha ami-nia moris. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More